- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
جاڭ چۇنشيان اۆتونوميالى رايوننىڭ پارتيا، ۇكىمەت ۋاكىلدەر ۇيىرمەسىن باستاپ تاجىكستاندا ساپاردا بولدى
راحمون زۇڭتۇڭمەن كەڭەس وتكىزىپ، ءتوراعا شي جينپيڭنىڭ ىقىلاستى سالەمىن جەتكىزدى
2015.04.22 13:56 كەلۋ قاينارى : ءتاڭىرتاۋ تورابى
ج ك پ ورتالىق كوميتەتى ساياسي بيۋروسىنىڭ مۇشەسى، اۆتونوميالى رايوندىق پارتكومنىڭ شۋجيى، بيڭتۋان پارتكومىنىڭ ءبىرىنشى شۋجيى، بيڭتۋاننىڭ ءبىرىنشى ساياسي كوميسسارى جاڭ چۇنشيان باستاعان شينجياڭ ۇيعۇر اۆتونوميالى رايونىنىڭ پارتيا، ۇكىمەت ۋاكىلدەر ۇيىرمەسى 18 - ساۋىردەن 20 - ساۋىرگە دەيىن تاجىكستاندا ساپاردا بولدى.
20 - ءساۋىر تۇستەن بۇرىن، جاڭ چۇنشيان تاجىكستاننىڭ استاناسى دۋشانبە قالاسىندا تاجىكستان زۇڭتۇڭى ەمومالي راحمونمەن كەڭەس وتكىزدى. جاڭ چۇنشيان الدىمەن مەملەكەت ءتوراعاسى شي جينپيڭنىڭ راحمون زۇڭتۇڭعا جولداعان سالەمىن جەتكىزدى.
جاڭ چۇنشيان بىلاي دەدى: جۇڭگو - تاجىكستان دوستىعىنىڭ تامىرى تەرەڭدە، اسىرەسە، وتكەن جىلى ءتوراعا شي جينپيڭنىڭ تاجىكستانعا جاساعان ءساتتى ساپارى كەزىندە، ەكى مەملەكەت باسشىسى ءبىرسىپىرا ماڭىزدى پىكىر بىرلىگىنە كەلدى ءارى «جۇڭگو مەن تاجىكستاننىڭ ستراتەگيالىق سەرىكتەستىك قاتىناستى ونان ارى دامىتۋ جانە تەرەڭدەتۋ جونىندەگى بىرلەسكەن مالىمدەمەسىنە» قول قويىپ، جۇڭگو مەن تاجىكستان قارىم - قاتىناستارىنىڭ دامۋىنا باعدار سىلتەپ، جاڭا كۇش ۇستەدى. ۇيىرمەمىز وسى رەتكى ساپار كەزىندە ءتوراعا شي جينپيڭ مەن راحمون زۇڭتۇڭنىڭ ءبىرسىپىرا ماڭىزدى پىكىر بىرلىگىن جەرگىلىكتى ورىن تۇرعىسىنان تياناقتاندىرىپ، جىبەك جولى ەكونوميكالىق بەلدەۋىن بىرگە قۇرۋدىڭ جالپى اۋقىمىنا سايكەس، جۇڭگونىڭ شينجياڭى مەن تاجىكستاننىڭ ءتۇرلى سالاداعى اۋىس - كۇيىسى مەن سەلبەستىگىن نىعايتا ءتۇسۋدى كوزدەيدى.
جاڭ چۇنشيان بىلاي دەدى: جىبەك جولى ەكونوميكالىق بەلدەۋى قۇرىلىسىن بىرگە ىلگەرىلەتۋدە، جۇڭگونىڭ شينجياڭى تاجىكستانمەن بايلانىستى الدىمەن باعدار ەتەدى، ءبىز تاجىكستاندى جۇڭگونىڭ شينجياڭى مەن ورتا ازيا سەلبەستىگىنىڭ ءتۇيىنى ەتۋدى قالايمىز. ەكى جاقتىڭ جول - قاتىناس قۇرىلعىلارىن ءوزارا تۇتاستىرۋعا كۇش سالۋىن، اسىرەسە، جۇڭگو مەن تاجىكستاننىڭ شەكارا وتكەلىنەن شىعاتىن تاس جولدى جەدەل جوندەۋدەن وتكىزۋدى؛ اۋىل شارۋاشىلىعى سالاسىنداعى سەلبەستىكتى نىعايتىپ، جوعارى ءتۇسىمدى استىق وندىرىسىنەن ۇلگى كورسەتۋ بازاسىن قۇرۋ، ەگىس داقىلدارىنىڭ سورتىن جاقسارتۋ جانە سۇرىپتاۋ، سۋ ۇنەمدەپ سۋارۋ، جىلىجايدا كوكونىس ەگۋ سياقتى جاقتارداعى سەلبەستىكتى ونان ارى كۇشەيتۋدى؛ ەلەكتر ەنەرگياسى، كەن بايلىعى سياقتى سالالارداعى سەلبەستىكتى تەرەڭدەتۋدى؛ ەكى جاقتىڭ گۋمانيتارلىق سالاداعى بارىس - كەلىسى مەن سەلبەستىگىن ۇزبەي قولداپ جانە جەبەپ، ەكى ەل حالىقتارىنىڭ دوستىعىن نىعايتۋدى؛ حاۋىپسىزدىك سالاسىنداعى سەلبەستىكتى تەرەڭدەتىپ، «ءۇش ءتۇرلى كۇشكە» ۇزدىكسىز تۇردە بىرگە سوققى بەرىپ، ءوڭىردىڭ حاۋىپسىزدىگى مەن ورنىقتىلىعىن قورعاپ، جىبەك جولى ەكونوميكالىق بەلدەۋى قۇرىلىسىنا باعدار سىلتەۋدى ءۇمىت ەتەمىز.
راحمون زۇڭتۇڭ ءتوراعا شي جينپيڭنىڭ ىقىلاستى سالەم جولداعانىنا راقىمەت ايتىپ، جاڭ چۇنشياننىڭ شينجياڭ ۇيعۇر اۆتونوميالى رايونىنىڭ پارتيا، ۇكىمەت ۋاكىلدەر ۇيىرمەسىن باستاپ تاجىكستاندا ساپاردا بولعانىن قارسى الدى.
راحمون بىلاي دەدى: تاجىكستان جۇڭگونىڭ شينجياڭىمەن سەلبەستىك ورناتۋعا ايرىقشا ءمان بەرەدى. ەكى جاقتىڭ بىردەي قۇلشىنۋى ارقاسىندا، جۇڭگو - تاجىكستان شەكارا وتكەلىنىڭ رولىن ونان ارى ساۋلەلەندىرۋدى؛ اۋىل شارۋاشىلىعىن سەلبەستىكتىڭ باسىم باعىتى ەتىپ، شينجياڭنىڭ ارتىقشىلىعىنان پايدالانىپ، شينجياڭنىڭ ماقتا جانە قىزاناق ەگۋ - باپتاۋ، سۋ ۇنەمدەپ سۋارۋ، دەرت - دەربەز بەن زياندى جاندىكتەن ساقتانۋ، ت. ب جاعىنداعى تاجىريبەلەرىنەن ۇلگى الىپ، تاجىكستان اۋىل شارۋاشىلىعىنىڭ ءوندىرىس دەڭگەيىن كوتەرۋدى ءۇمىت ەتەمىز. سوڭعى جىلدارى تاجىكستان حالقى اراسىندا حانزۋ ءتىلىن ۇيرەنۋدىڭ ورلەۋى كوتەرىلدى، ەكى جاقتىڭ مادەنيەت، وقۋ - اعارتۋ سياقتى جاقتارداعى سەلبەستىگىن نىعايتۋدى ءۇمىت ەتەمىز. شاڭحاي ىنتىماقتاستىق ۇيىمىنا مۇشە مەملەكەت رەتىندە، تاجىكستان لاڭكەستىكپەن كۇرەس جاساۋ جاعىندا جۇڭگونىڭ شينجياڭىمەن سەلبەستىكتى نىعايتىپ، «ءۇش ءتۇرلى كۇشكە» بىرگە سوققى بەرەدى.
كەڭەستەن كەيىن، جاڭ چۇنشيان تاجىكستان اقپارات قۇرالدارىنىڭ تىلشىلەرىن قابىلداپ، ساپاردىڭ ماقساتىن جانە قول جەتكەن تابىستاردى تانىستىردى.
20 - ءساۋىر تۇستەن كەيىن، جاڭ چۇنشيان مەن راحمون ەرەكشە ترانسفورماتور سەرىكتەستىگى مىندەتىنە العان تاجىكستان ۇكىمەتىنە توتە قاراستى رايونداعى 500 كيلوۆولتتىق ەلەكتر جەلىسى قۇرىلىسىنىڭ جانە ەرەكشە ترانسفورماتور سەرىكتەستىگىنىڭ كومەگىمەن سالىناتىن جۇڭگو - تاجىكستان دوستىق مەكتەبى قۇرىلىسىنىڭ باستالۋ سالتىنا قاتىناستى.
جاڭ چۇنشيان ارناۋ سوزىندە بىلاي دەدى: توتە قاراستى رايون ەلەكتر جەلىسى تاجىكستان ۇكىمەتىنە توتە قاراستى رايوننىڭ ەلەكتر قۋاتىن پارمەندى قامتاماسىزداندىرىپ، تاجىكستاننىڭ «سۋ ەلەكتر ارقىلى ەلدى كوركەيتۋ» ستراتەگياسىن جاپپاي اتقارۋىنا سەرپىن بەرەدى. جۇڭگو - تاجىكستان دوستىق مەكتەبى تاجىكستاندىق 1200 جاس وسپىرىمگە وسىزاماندانعان تاماشا ۇيرەنۋ ورتاسىن جاسايدى. وسى 2 نىسان جۇڭگونىڭ شينجياڭى مەن تاجىكستاننىڭ ەرەكشە دوستىق سەلبەستىك قاتىناسىنىڭ وبرازدى ايعاعى ءارى جۇڭگونىڭ شينجياڭى مەن تاجىكستاننىڭ جىبەك جولى ەكونوميكالىق بەلدەۋىن بىرگە قۇرۋداعى ناقتى شاراسى. شينجياڭداعى كاسىپورىنداردىڭ شينجياڭ رۋحىن ونان ارى ساۋلەلەندىرىپ، شينجياڭ ونىمدىلىگىن امالياتتا ايگىلەپ، جوعارى ساپالى، جوعارى ونىمدىلىكتى، جوعارى دەڭگەيلى سارا قۇرىلىستار سالىپ، تاجىكستاننىڭ ەكونوميكاسىنىڭ دامۋىن، حالىق تۇرمىسىنىڭ جاقسارۋىن جەبەپ، جۇڭگونىڭ شينجياڭى مەن تاجىكستاننىڭ ەرەكشە دوستىق سەلبەستىك قاتىناسىن تەرەڭدەتۋگە اناعۇرلىم زور ۇلەس قوسۋىن ءۇمىت ەتەمىن.
راحمون ارناۋ سوزىندە بىلاي دەدى: جۇڭگونىڭ، اسىرەسە، جۇڭگونىڭ شينجياڭىنىڭ قالتقىسىز كومەگىندە، تاجىكستان ءبىرسىپىرا قۇرىلىس نىساندارىن جۇرگىزدى. توتە قاراستى رايونداعى 005500 كيلوۆولتتىق ەلەكتر جەلىسى قۇرىلىسى تاجىكستاننىڭ جەر - جەرىندەگى حالىقتىڭ تۇرمىسىن جاقسارتۋ، جاڭاشا ونەركاسىپ كاسىپورىندارىنىڭ ەلەكتر قاجەتسىنۋ ماسەلەسىن شەشۋ، سونداي - اق ەكونوميكالىق سالالاردىڭ دامۋى جونىنەن توتەنشە ماڭىزدى رول اتقاردى. جۇڭگو - تاجىكستان دوستىق مەكتەبى تاجىكستاننىڭ وقۋ - اعارتۋ ىستەرىنىڭ دامۋىندا ماڭىزدى رول اتقاردى، وسى 2 نىسان جۇڭگو - تاجىكستاننىڭ تابىستى سەلبەستىك جاساۋىنىڭ تاعى ءبىر تيپتىك ۇلگىسىنە اينالاتىندىعى ءشۇباسىز.
جاڭ چۇنشيان مەن راحمون 2 قۇرىلىستىڭ ىرگە تاسىن قالاۋ كەلىسىم حاتىنا بىرگە قول قويدى، سونداي - اق جەرگىلىكتى سالت بويىنشا ىرگە تاس قالاۋ كەلىسىم حاتىن التىن ءتۇستى قالام ساۋىتىنا سالىپ، ونان سوڭ وسى ساۋىتتى قۇرىلىس جۇمىسىنىڭ باستالعاندىعىنىڭ سيمۆولى رەتىندە قۇرىلىسقا پايدالاناتىن بەتونعا تاستادى.
19 - ءساۋىر تۇستەن كەيىن، جاڭ چۇنشيان مەن ونىڭ ساپارلاستارى تاجىكستان ۇكىمەتىنىڭ زۇڭليى قوحيىر راسۇلزودانىڭ سەرىك بولۋىندا داڭعارا قالاسىن ەكسكۋرسيالادى. 20 - ءساۋىر تۇستەن بۇرىن، جاڭ چۇنشيان قوحيىر راسۇلزودامەن كەڭەس وتكىزدى. ەكى جاق سەلبەستىك مەحانيزمىن ونان ارى كەمەلدەندىرىپ، جىبەك جولى ەكونوميكالىق بەلدەۋىن بىرگە قۇرۋ جاڭا جاعدايىنداعى جۇڭگونىڭ شينجياڭى مەن تاجىكستاننىڭ ءارقايسى سالاداعى سەلبەستىگىن جان - جاقتى جوبالايتىندىقتارىن ءبىلدىردى.
وسى رەت جاڭ چۇنشيان سۋعد وبلىسىنىڭ ورتالىعى حۋدجاندى قالاسىندا سۋعد وبلىسىنىڭ باستىعى ابدۇراحمون قوديريمەن كەڭەس وتكىزدى.
تاجىكستانداعى كەزىندە جاڭ چۇنشيان جانە ونىڭ ساپارلاستارى جەكە - جەكە دۋشانبە، حۋدجاندى، داڭعارا قالالارىندا شينجياڭ كاسىپورىندارىنىڭ تاجىكستانداعى قۇرىلىس نىساندارىنىڭ جاعدايىن تەكسەردى.
ەرەكشە تانسفورماتور سەرىكتەستىگىنىڭ دۋشانبەدەگى 2 - ءنومىرلى جىلۋ ەلەكتر ستانسياسىندا، جاڭ چۇنشيان مەن ونىڭ ساپارلاستارى 1 - كەزەڭدىك قۇرىلىستاعى نەگىزگى ستانسيا ۇيلەرى مەن 2 - كەزەڭدىك قۇرىلىس جۇرگىزىلىپ جاتقان جۇمىس ورنىنا كەلىپ، ەرەكشە ترانسفورماتور سەرىكتەستىگىنىڭ تاجىكستانداعى جەلىلەس ەنەرگيا نىساندارىنىڭ ىلگەرىلەۋ جاعدايىن ۇعىسىپ، جۇڭگو مەن تاجىكستان قۇرىلىسشىلارىنان جانە ەلەكتر ستانسياسى قىزمەتكەرلەرىنەن حال سۇرادى.
شينجياڭ جۇڭتاي توبى ءبىر ميلليارد 390 ميلليون يۋان قارجى شىعارىپ، داڭعارا قالاسىنان جۇڭتاي جاڭا جىبەك جولى تاجىكستان اۋىل شارۋاشىلىق، توقىماشىلىق كاسىبى باقشاسىن قۇردى.
شينجياڭ شاۋەشەك حالىقارالىق ەنەرگيا شەكتى سەرىكتەستىگى تاجىكستاننان تاجكستان - جۇڭگو كەن ىستەرى شەكتى سەرىكتەستىگىن قۇرعان، قازىرگە دەيىن تاجىكستاندا قوسقان قارجىسى 100 ميلليون دوللاردان استى.
وسى كاسىپورىنداردا قىزمەت تەكسەرگەندە جاڭ چۇنشيان بىلاي دەدى: شينجياڭداعى كاسىپورىندار ەل اتتاپ، تاجىكستاننىڭ ەكونوميكالىق قۇرىلىسىنا اتسالىسىپ، شينجياڭ ونىمدىلىگىن، شينجياڭ رۋحىن جانە شينجياڭ وبىرازىن ايگىلەدى. قۇرىلىسشىلار جات ەل، جات جەردە، قات - قابات قيىنشىلىقتاردى جەڭىپ، ورىندالۋى مۇمكىن ەمەس دەگەن تالاي مىندەتتەردى ورىنداپ، تاباندىلىقتاتارى، قايىسپاس قايسارلىلىقتارى، جاپاعا توزىمدىلىكتەرى ارقىلى ەلىمىزگە، شينجياڭعا داڭق اپەرىپ، جەرگىلىكتى حالىقتىڭ القاۋىنا بولەندى. جاپا شەكتىڭدەر! كوپشىلىكتىڭ شينجياڭ رۋحىن ۇزدىكسىز ساۋلەلەندىرىپ، جوعارى ساپالى، جوعارى دەڭگەيلى، جوعارى ونىمدىلىكتى سارا قۇرىلىستار سالىپ، تاجىكستان حالقىنا يگى ىستەر ىستەپ، جىبەك جولى ەكونوميكالىق بەلدەۋىن قۇرىلىسىنا تيەسەلى ۇلەس قوسۋلارىڭىزدىءۇمىت ەتەمىن.
دۋشانبەدەگى كەزىندە، جاڭ چۇنشيان مەن ونىڭ ساپارلاستارى ديقان ابدۇرەيىمنىڭ وتباسىنا بارىپ، جەرگىلىكتى ديقانداردىڭ ءوندىرىس، تۇرمىس جاعدايىن ۇعىستى.
جۇڭگونىڭ تاجىكستانداعى باس ەلشىسى فان شيانرۇڭ قىزمەت تەكسەرۋدە بىرگە بولدى جانە اڭگىمە ماجىلىسكە قاتىناستى. اۆتونوميالى رايون مەن بيڭتۋاننىڭ باسشىلارىنان ەركىن تۇنياز، كۇڭ شيڭلۇڭ ساپارلاس بولدى، سونداي - اق جوعارىداعى قيمىلدارعا قاتىناستى. «شينجياڭ گازەتى»
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
