- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
اۆتونوميالى وبلىس وسى زامان مال شارۋاشىلىعىن دامىتۋ جونىندە اقپارات جاريالاۋ ءماجىلىسىن اشتى
مال شارۋاشىلىعىنىڭ ونىمدىلىگى، شارۋالاردىڭ كىرىسى ارتتىرىلادى
2015.04.21 14:18
ءساۋىردىڭ 15 - كۇنى اۆتونوميالى وبلىس وسىزامان مال شارۋاشىلىعىن دامىتۋ جٶنىندە اقپارات جاريالاۋ ءماجىلىسىن اشىپ، قوعامعا جانە بۇقاراعا مال شارۋاشىلىعىنىڭ دامۋ تابىستارى مەن الداعى ءتۇيىندى قىزمەتتەر جانە ول جونىندەگى شارالاردى ەگجەي - تەگجەيلى ءتۇسىندىردى.
ۇعىسۋعا قاراعاندا، وتكەن جىلى وبلىسقا توتە قاراستى ورىنداردا قورادا ساقتالعان ءار تۇلىك مال 6 ميلليون 641 مىڭ 200 باس (تۇياق)، قورادان شىعارىلعان ءار تۇلىك مال 6 ميلليون 33 مىڭ 400 باس (تۇياق) بولعان؛ مال شارۋاشىلىعىنىڭ جالپى ءونىم قۇنى 12 ميلليارد 732 ميلليون يۋانعا جەتىپ، اۋىل شارۋاشىلىعىندا جالپى ءونىم قۇنىنىڭ %89 .50 ىن يەلەگەن.
بيىل وبلىسقا توتە قاراستى ورىندار مال شارۋاشىلىعىنىڭ باعىمشىلىق قۇرىلىمىن رەتتەۋدى ىشكەرىلەي جەبەپ، باعىمشىلىق كاسىپتىك سەلبەستىگىن، وتباسى فەرماسى قۇرىلىسىن جەدەلدەتىپ، كىلەڭ تابيعي جايىلىمدا مال باعۋدان ەكپە جايىلىمدا مال باعۋعا، مالشى وتباسىلارىن بىتىراندى شارۋاشىلىق جۇرگىزۋدەن ۇيلەسىمدى كولەمدەنۋگە، سانىن ارتتىرۋدان ساپا ونىمدىلىگىن جوعارىلاتۋعا ويىستىرۋدى جەبەيدى؛ سويىس سيىر، ەتتى قوي باعۋ كاسىبىن الۋەتتەندىرىپ، جىلقى شارۋاشىلىعىن جەدەلدەتىپ ءارى دامىتىپ، سۇتشىلىك، ومارتاشىلىق كاسىپتەرىنىڭ ورەسىن جوعارىلاتىپ، شوشقا، ءۇي قۇستارى باعىمشىلىعىن ۇيلەسىمدى دامىتادى؛ اسىل تۇقىمدى مال جەتىلدىرۋ فەرماسىن، كولەمدەنگەن باعىمشىلىق رايونىن جانە جەم - ءشوپ بازاسى قۇرىلىسىن كۇشەيتەدى؛ مال تۇقىمىن اسىلداندىرۋ، مالدا بولاتىن اۋىر ىندەتتەن ساقتانۋ جانە ونى تەجەۋ، مال ونىمدەرىنىڭ ساپا حاۋىپسىزدىگىن باقىلاۋ - باسقارۋ، جايىلىم ەكولوگياسىن قورعاۋ، شارۋالاردىڭ ساپا تاربيەسى، مال شارۋاشىلىق عىلىم - تەحنيكاسىن سۇيەنىش ەتۋ – قىزمەت وتەۋ سياقتى قىزمەتتەردى كورنەكتى تۇردە مىقتى يگەرىپ، مال شارۋاشىلىعىنىڭ ونىمدىلىگىن جوعارىلاتىپ، مالشىلاردىڭ كىرىسىن ارتتىرادى. جىل سوڭىندا ساقتالعان ءار تۇلىك مالدى 6 ميلليون 700 مىڭ باسقا (تۇياققا) جەتكىزىپ، 6 ميلليون 450 باس (تۇياق) مالدى قورادان شىعارۋعا؛ ەت، ءسۇت، جۇمىرتقا ونىمدەرىن جەكە – جەكە 335 مىڭ 700 تونناعا، 890 مىڭ تونناعا جانە 117 مىڭ 100 تونناعا؛ مال شارۋاشىلىعىنىڭ ءوندىرىس قۇنىن 13 ميلليارد 500 ميلليون يۋانعا جەتكىزىپ، ۇقساس مەزگىلدەگىدەن %6.3 ارتتىرۋعا؛
شارۋالاردىڭ كىسى باسىندىق ورتاشا جاڭادان ارتقان كىرىسىندەگى مال شارۋاشىلىعىنا كىرگەن كىرىسىن 500 يۋانعا، مال شارۋاشىلىق ءوندىرىس قۇنىنىڭ ءىرى اۋىل شارۋاشىلىعىنداعى سالىستىرماسىن %54 كە جەتكىزۋگە قۇلشىنادى.
نىسانا - مىندەتتەردى ورىنداۋعا كەپىلدىك ەتۋ ءۇشىن وبلىسقا توتە قاراستى ورىندار مال تۇقىمىن اسىلداندىرۋ ارقىلى مال شارۋاشىلىعىنىڭ ساپاسىن جوعارىلاتىپ، ونىمدىلىگىن ارتتىرادى. قازاق قويى تابىنىن جەتىلدىرۋ جانە سارالاۋ ورەسىن جوعارىلاتىپ، قازاق قويىن كورنەكتىلەندىرۋ – ىلەنىڭ قوي باعىمشىلىعىنداعى نەگىزگى ءتاسىلدىڭ ورنىن بەلگىلەيدى، قويدىڭ قوزىلاۋ سالىستىرماسى مەن جەكەلەردىڭ ءوندىرىس قۋاتىن جوعارىلاتۋ ءۇشىن، ءار كەزەڭدەگى قازاق قويى جاڭادان 500 تابىن كوبەيتىلىپ، 600 مىڭ تۇياق اسىل تۇقىمدى قوشقار ساراپتالىپ، اسىل تۇقىمدى قوشقارمەن قامداۋ كولەمى كەڭەيتىلىپ، قۋاتى جوعارىلاتىلادى، 2 ميلليون (باس) تۇياق بيازى ءجۇندى قوي اسىلداندىرىلادى. اسىل تۇقىمدى جىلقىنى ەلەكتروندىق ارحيۆكە الۋ قىزمەتى اقاۋسىزداندىرىلىپ، 78 مىڭ باس اسىل تۇقىمدى جىلقى ساراپتالىپ، 4 مىڭ باس بيە جاساندى جٶلمەن ۇرىقتاندىرىلادى، سونىمەن بىرگە، حايۋاناتتاردى ىندەتتەن ساقتاۋ جانە ونى تىزگىندەۋ جۇيەسى قۇرىلىسى كۇشەيتىلىپ، حايۋاناتتارعا ۆاكسينا سالۋ قىزمەتى تىڭعىلىقتى ورىستەتىلەدى. جايىلىم ەكولوگياسىن قورعاۋ كۇشەيتىلىپ، مال شارۋاشىلىعىنىڭ باياندى دامۋى جەبەلەدى. جەم - ءشوپ بازاسى قۇرىلىسىنىڭ اياق - الىسى جەدەلدەتىلىپ، ەگىس داقىلدارىنىڭ ساباعىن مانەرلەۋ سالىستىرماسى جوعارىلاتىلىپ، جەم - شوپپەن قامتاماسىزداندىرىلۋ قۋاتى جوعارىلاتىلادى. باعىمشىلىق كاسىپتىك سەلبەستىگى، وتباسى مال فەرماسىن دامىتۋ بارىنشا سۇيەمەلدەنىپ، كولەمدى باعىمشىلىق ىلگەرىلەتىلەدى. باستاماشى كاسىپورىندار جەتىلدىرىلىپ ءارى كۇشەيتىلىپ، مال شارۋاشىلىعىن كاسىپ سالالاندىرۋ قارقىنى جەدەلدەتىلەدى.
بيىل وبلىستىق مال شارۋاشىلىق – مال دارىگەرلىك مەكەمەسى ءتۇيىندى حالىق تۇرمىسى ينجەنەريا قۇرىلىسىن جەدەلدەتىپ، مال شارۋاشىلىعىن دامىتۋ - قامتاماسىزداندىرۋ قۋاتىن جوعارىلاتادى. ورتالىقتىڭ وسى زامان اۋىل شارۋاشىلىعى مەن اۆتونوميالى رايوننىڭ سويىس سيىر، ەتتى قوي باعىمشىلىعىن دامىتۋ نىسان قارجىسىنان 80 ميلليون يۋانعا بەلسەنە قول جەتكىزىپ، ءار تۇردەگى مال فەرماسى مەن كولەمدەنگەن باعىمشىلىق رايوندارىنىڭ ورەسىن جوعارىلاتادى جانە كەڭەيتىپ سالادى. مەملەكەت مەنشىگىندەگى مال فەرمالارىنداعى 3 مىڭ 934 قاتەرلى ءۇيدى وزگەرتىپ سالۋ جوسپارىن ورىنداۋعا قۇلشىنادى.
كەلۋ قاينارى: «ىلە گازەتى» - ىلە اقپارات تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
