- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
كوكتوعاي اۋدانىنداعى حالىقتىق اۋەجايدىڭ اتاۋى كوكتوعاي اۋەجايى بولىپ وزگەرتىلدى
2015.04.22 14:26 كەلۋ قاينارى : حالىق تورابى
ەرىكتى ءتىلشى مۇقامادي ءشارىپ ۇلى، نۇرداۋلەت بەكەن ۇلى حابارلايدى. جۋىردا جۇڭگو حالىقتىق اۋەجايى مەكەمەسى «حالىقتىق اۋەجاي ۋنيۆەرسال مەڭگەرمەسىنىڭ كوكتوعاي حالىقتىق اۋەجايىنىڭ اتاۋىن تۇراقتاندىرۋ جاۋاپناماسىن» قاراپ - بەكىتىپ، كوكتوعاي حالىقتىق اۋەجايىنىڭ اتاۋىن «كوكتوعاي اۋەجايى» ەتىپ تۇراقتاندىرىپ، ەستەلىككە الىپ، تىزىمگە ءتۇسىردى. بۇدان بىلاي قاتىستى حۇجات - ماتەريال، سۋرەت نەمەسە باسىلىمداردا تۇگەلدەي وسى اتاۋ قولدانىلادى.
كوكتوعاي حالىقتىق اۋەجايى التاي ايماعىنداعى التاي اۋەجايى مەن قاناس اۋەجايىنان كەيىنگى ءۇشىنشى حالىقتىق اۋەجاي. شاعىن تۇرپاتتى ۇشاقتار قاتىنايتىن اۋداننىڭ كونە اۋەجايى 1965 - جىلى اۋدان قالاشىعىنان 38 كيلومەتر شالعايداعى تۇرعىن ويپاتىنا سالىنعان. 1994 - جىلى كوكتوعاي ءتۇستى مەتال كەنى مەن ءۇشىنشى نومەرلى كەن قۇدىعىنىڭ ءوندىرىس توقتاتۋى جانە كەن جۇمىسشىلارىنىڭ سىرتقا قونىس اۋدارۋى سەبەبىنەن اۋە قاتىناسىن توقتاتقان. جۋىقتاعى جىلداردان بەرى كوكتوعاي A5 دارەجەلى كورىنىس رايونىنىڭ داڭقى ەل - ءىشى سىرتىنا تارالىپ، ساياحاتتاۋشىلار سانى ءۇرتىس ارتقاندىقتان، اۋە قاتىناسىن قالپىنا كەلتىرىپ، ءۇرىمجى قالاسىمەن اۋدان اراسىندا اۋە لەنياسىن قايتالاي اشۋ كەزەك كۇتتىرمەس كەلەلى مىندەتكە اينالدى. كوكتوعاي حالىقتىق اۋەجايىن قايتالاي ىسكە قوسۋ التاي ايماعىنىڭ وسىزامانعى قاتىناس - تاسىمال جۇيەسىن كەمەلدەندىرۋ، قارجى قوسۋ ورتاسىن جاقسارتۋ، ساياحات كاسىبىن دامىتۋ جانە رايونىمىزدىڭ ءىشى - سىرتى مەن بايلانىس جاساپ، ىستەستىك ورناتۋىندا ايىرىقشا كەلەلى ءمان الادى. كوكتوعاي حالىقتىق اۋەجاي ينجەنەرياسى اۆتونوميالى رايوننىڭ حالىقتىق اۋە قاتىناسى «12 - بەسجىلدىق» جوباسىنداعى ءتۇيىندى قۇرىلىس نىساندارىنىڭ ءبىرى. 4C دارەجەلى قوسالقى جەلىدەگى بۇل اۋەجاي 226 - ولكە جولىمەن 216 - مەملەكەت جولى تۇيىلىسىنىڭ باتىس وڭتۇستىك باعىتىنداعى 3.5 كيلومەترلىك ورىنعا ورنالاسقان. اۋدان قالاشىعىنان 28 كيلومەتر قاشىقتىقتا. اۋەجايعا 504 ميلليون يۋان قارجى قوسىلعان، جالپى جەر اۋماعى 160 گەكتاردى يەلەيدى. 2020 - جىلدارى اۋەجايدىڭ جولاۋشى اتتاندىرۋ مولشەرى 160 مىڭ ادام - رەتكە، ۇشاقتىڭ قاتىناۋى 2540 رەتكە، جىلدىق جۇك تاسىمال مولشەرى 350 تونناعا، 2030 - جىلدارى جولاۋشى اتتاندىرۋ مولشەرى 350 مىڭ ادام - رەتكە، ۇشاقتىڭ قاتىناۋى 5000 رەتكە، جىلدىق جۇك تاسىمال مولشەرى 800 تونناعا جەتەدى. سۋرەتتە: اۋەجايدىڭ نوباي سۋرەتى
(اۆتور كوكتوعاي اۋداندىق راديو - تەلەۆيزيا مەكەمەسىنەن)
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
