- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
شوكىرات زاكىر قىزىلسۋ قىرعىز اۆتونوميالى وبلىسىندا، قاشقار ايماعىندا تەكسەرۋ - زەرتتەۋ جۇرگىزدى
ۇلت، ءدىن ىستەرى قىزمەتىن تىڭعىلىقتى ىستەپ، قوعامنىڭ، ساياسيدىڭ ورنىقتىلىعىن بار كۇشپەن قورعايىق
2015.06.04 11:21 كەلۋ قاينارى : ءتاڭىرتاۋ تورابى
28 - مامىردان 30 - مامىرعا دەيىن، اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى شوكىرات زاكىر قىزىلسۋ قىرعىز اۆتونوميالى وبلىسىندا جانە قاشقار ايماعىندا تەكسەرۋ - زەرتتەۋ جۇرگىزدى. ول بىلاي دەپ باسا دارىپتەدى: ورتالىقتىڭ شينجياڭدى جونگە سالۋ جالپى جوباسى مەن اۆتونوميالى رايوندىق پارتكومنىڭ ستراتەگيالىق ورنالاستىرۋلارىن دەن قويا ۇيرەنىپ، تەرەڭ ءتۇسىنىپ، ۇلت، ءدىن ىستەرى قىزمەتىن تەرەڭدەي، ەگجەي - تەگجەيلى ىستەپ، «ۇشقارىلىقتى الاستاۋ» قىزمەتىن ورنىقتى تۇردە ىلگەرىلەتىپ، ءار ۇلت بۇقاراسىن پارتيا مەن ۇكىمەتتىڭ توڭىرەگىنە كۇش سالا تىعىز توپتاستىرىپ، قوعامدىق، ساياسي ورنىقتىلىقتى باتىل قورعاۋ كەرەك.
اقتاۋ اۋدانى بارىن اۋىلى قاۋىنشى قىستاعىنىڭ ەمحاناسىندا بىرنەشە تۇرعىن ناۋقاس كورسەتۋدى كۇتىپ تۇردى، ونىڭ ىشىندە 70 جاستاعى ءيمىن توحتى كاريا ءدارى الۋعا كەلگەن ەدى. شوكىرات زاكىر كاريانىڭ دەنساۋلىق جاعدايى، ءدارى - دارمەك اقىسى سياقتى جاعدايلاردى سۇراستىردى، ءيمىن توحتى كاريا قولىنداعى ەمدەۋدى قامسىزداندىرۋ كارتچكاسىن كورسەتىپ: كارتچكامەن ناۋقاس كورسەتۋ وتە قولايلى بولدى، جاي دارىلەر قازىر تۇگەلدەي ەسەپتەن كوتەرىلەدى، - دەدى. قىستاقتا تۇراتىن قارۋلى قىزمەت اترەتىندە، شوكىرات زاكىر قىزمەت ورنىنان تاپجىلماعان قارۋلى ساقشى جاۋىنگەرلەرىنەن حال سۇراپ، ولاردان بورىشقا ادال بولىپ، مىندەتتەرىن مۇقيات اتقارىپ، زورلىقتى كۇش لاڭكەستىك قىلمىستارىنا باتىل سوققى بەرىپ، حالىقتى سۇيەتىن ۇلگىلەردەن بولۋعا تالپىنىپ، ۇلتتار ىنتىماعىن جەبەۋدى تالاپ ەتتى.
قاشقار ەكونوميكالىق اشۋ رايونى جەدەل دامىپ كەلەدى، بىلتىر جىل سوڭىنا دەيىن اشۋ رايونى 10 ميلليارد يۋاندىق نەگىزدىك قۇرىلعى قۇرىلىسىن ورىنداعان، اشۋ رايوننىڭ نەگىزدىك قۇرىلعى قۇرىلىسى بيىل نەگىزىنەن اياقتاماق. بىلتىر ماۋسىم ايىندا اشۋ رايونى شىنجىن كاسىپ باقشاسىندا قاشقار جانبو ەلەكتروندىق عىلىم - تەحنيكا سەرىكتەستىگىن قۇرعان بولاتىن، قازىر ول جەرگىلىكتى ورىننان 400 ادامدى جۇمىسقا ورنالاستىرىپ، جىلدىق ءونىم قۇنىن 40 ميلليون يۋانعا جەتكىزگەن. سەحتاعى ينتەگرالدى تىزبەك قۇراستىرۋ جەلىسىندە، شوكىرات زاكىر جۇمىسشى رايحانگۇل كەرىمنىڭ جاعدايىن تاپتىشتەي سۇراستىردى: سەنىڭ قىزمەت ىستەۋىڭدى ۇيىڭدەگىلەر قولداي ما، ايلىق كىرىسىنىڭ قانشا؟ «قىزمەتىمدى وتباسىمداعىلار قولدايدى، ايىنا 2500 يۋان كىرىس كىرگىزەمىن» دەگەن جاۋاپتى ەستىگەن شوكىرات زاكىر رايحانگۇل كەرىمدى كوبىرەك ۇيرەنۋگە، كاسىپورىننىڭ دامۋىنا كوبىرەك كوڭىل بولۋگە، تەحنيكالىق شەبەرلىگىن ۇزدىكسىز وسىرۋگە ىنتالاندىردى.
قاشقار جاڭاشار اۋدانى ارال اۋىلى 3 - قىستاعىندا شوكىرات زاكىر اۆتونوميالى رايوندىق حالىق ۇكىمەتى كەڭسەسىنىڭ قىستاقتا تۇراتىن قىزمەت گرۋپپاسىنىڭ كادرلارىنان حال سۇراپ، اڭگىمە ءماجىلىس وتكىزدى، «ۇشقارىلىقتى الاستاۋ» قىزمەتىن قايتكەندە ءتىپتى دە ءونىمدى جۇرگىزۋگە بولادى، نەگىزگى ساتى ۇيىمدىق قۇرىلىسىن قالاي كۇشەيتۋ كەرەك دەگەن تاقىرىپتار بويىنشا كادرلار ماسەلەلەردى، ونىڭ شەشۋ امالدارىن ورتاعا قويدى، اڭگىمە ءماجىلىس قىزۋ بەينەدە ءوتتى.
شىنكا 2 - ورتا مەكتەبىندە شوكىرات زاكىر جەرگىلىكتى ورىنداعى «قوس تىلدە» وقىتۋ جۇرگىزەتىن، از ۇلت تىلىندە وقىتۋ جۇرگىزەتىن، ەرەكشە قىزمەت ورنىنداعى وقىتۋشىلارمەن اڭگىمەلەستى. قاشقار قالالىق 91 - ورتا مەكتەپتىڭ مۇعالىمى راۋشانگۇل امەت: سوڭعى جىلدارى قاشقارداعى مەكتەپتەردىڭ قاتتى قۇرىلعىلارى كورنەكتى تۇردە جاقساردى، ءبىراق «قوس تىلدە» وقىتۋ مەن انا تىلدە وقىتۋ ساپاسى ءالى جەتكىلىكتى ەمەس، - دەدى. شوكىرات زاكىر جۇرتتىڭ پىكىرىن قۇپتاپ بىلاي دەدى: اۆتونوميالى رايوندىق پارتكوم، ۇكىمەت وقۋ - اعارتۋ قىزمەتىنە بارىنشا ءمان بەرەدى، وقۋ - اعارتۋ ءىسىنىڭ ويداعىداي ىلگەرىلەتىلۋىنىڭ وزەگى − وقىتۋشىلار، سىزدەردىڭ مۇمكىندىكتەرىڭىزدى ساۋلەلەندىرىپ، وسى زامانعى وركەنيەتتى تاراتۋشىلاردان بولۋلارىڭىزدى ءۇمىت ەتەمىن.
قاشقار ايماعىنىڭ قىزمەت مالىمەتىن تىڭداعان سوڭ، شوكىرات زاكىر بىلاي دەدى: ورتالىق پەن اۆتونوميالى رايون وڭتۇستىك شينجياڭ قىزمەتىنە بارىنشا ءمان بەرىپ، وڭتۇستىك شينجياڭداعى كادرلار مەن بۇقاراعا ەرەكشە قامقورلىق جاسادى. ءار ۇلت كادرلارى جاقسىلىقتى ەستەن شىعارماي، قىزمەتتى جاقسى ىستەۋ سەنىمى مەن قوزعاۋشى كۇشىن ونان ارى ارتتىرۋى كەرەك.
شوكىرات زاكىر مىنالاردى تالاپ ەتتى: جەر - جەر ۇلت قىزمەتىن تىڭعىلىقتى ىستەپ، ۇلتتار ىنتىماعىن كۇشەيتىپ جانە بەكەمدەپ، ءار ۇلت بۇقاراسىن پارتيا مەن ۇكىمەتتىڭ توڭىرەگىنە تىعىز ىنتىماقتاستىرۋى كەرەك. ءدىن قىزمەتىن مۇقيات ىستەپ، دىنگە سەنەتىن قاۋىمدى مۇمكىندىكتىڭ بارىنشا ىنتىماقتاستىرۋ، اسىرەسە، وتانشىل قايراتكەرلەر قوسىنى قۇرىلىسىن كۇشەيتىپ، ولاردىڭ دۇرىس سەنىمگە جەتەكتەۋدەگى، كەۋلەپ كىرۋگە قارسى تۇرۋداعى، جاراسىمدىلىقتى جەبەۋدەگى، ىنتىماقتى قورعاۋداعى رولىن ساۋلەلەندىرۋ كەرەك.
شوكىرات زاكىر بىلاي دەپ باسا دارىپتەدى: «ۇشقارىلىقتى الاستاۋ» قىزمەتىن ىلگەرىلەتۋدە ءار دارەجەلى كادرلار «بەس كىلتتىڭ» ءنارىن شىن مانىندە جەتە تانىپ، دۇرىس يگەرىپ، نەگىزگى ساتى بۇقارالىق قىزمەتىن تىڭعىلىقتى دا ءونىمدى تۇردە ىستەۋى كەرەك. قاتاڭ سوققى بەرۋ ارناۋلى ارەكەتىن تاباندىلىقپەن ىلگەرىلەتىپ، كومەسكى قاتەردى قۇلشىنا الاستاپ، اۆتونوميالى رايوندىق پارتكوم العا قويعان لاڭكەستىككە قارسى تۇرۋ، ورنىقتىلىقتى قورعاۋ وي جەلىسىن، تانىمى مەن شاراسىن باتىل تياناقتاندىرۋى كەرەك. نەگىزگى ساتىنىڭ نەگىزدىك قىزمەتىن كۇشەيتىپ، نەگىزگى ساتى ۇيىمىن، نەگىزگى ساتى بيلىگىن باتىل دا پارمەندى جاۋىنگەر قامال ەتىپ قۇرىپ شىعۋعا قۇلشىنۋى كەرەك. «ساياسيدا تاباندى، ستيلى جاقسى، قابىلەتى كۇشتى، كوڭىل كۇيى ورنىقتى بولۋ» تالابىنا ساي، كادرلار قوسىنى قۇرىلىسىن ونان ارى كۇشەيتىپ، ءار دارەجەلى كادرلاردىڭ ساياسيدا سەنىمدى، قىزمەتتە قابىلەتتى بولۋىن قامتاماسىز ەتۋ كەرەك.
اۆتونوميالى رايوندىق پارتكومنىڭ تۇراقتى مۇشەسى، اۆتونوميالى رايوننىڭ ورىنباسار ءتوراعاسى ەركىن تۇنياز قاشقار ايماعىنداعى تەكسەرۋ - زەرتتەۋدە بىرگە بولدى. «شينجياڭ گازەتى»
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
