- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تيانشاننىڭ تۇستىگى مەن تەرىستىگىندە ۇلتتار ىنتىماعىنىڭ گۇلى شەشەك اتتى
2015.06.04 14:36 كەلۋ قاينارى : شينجياڭ حالىق راديو ستانسياسى تورابى
تاڭەرتەڭ اسقاربەك پەن ونىڭ جۇبايى قىستاقتاعى بەستە قامتاماسىزداندىرىلاتىن كاريا رىن جىڭجاڭنىڭ ۇيىنە باردى، ولار جايشىلىقتاعى ادەتتەرى بويىنشا ءار دۇيسەنبى كۇنى كاريانىڭ ءۇيىن تازالادى، تاعى شاشتارازحاناعا ەرتىپ بارىپ شاشىن الدىرىپ بەردى. شاعانتوعاي اۋدانى شيندي اۋىلى ىنتىماق قىستاعى پارتيا ياچەيكاسىنىڭ شۋجيى، بيىل 30 جاستاعى اسقاربەك 2008-جىلدان باستاپ ۇنەمى ءار ۇلت قىستاق ديقاندارىنىڭ وتباستارىن ارالاپ، ولاردىڭ ءوندىرىس-تۇرمىس جاعدايىن ۇعىسىپ، كىمنىڭ وتباسىندا قينشىلىق بولسا سوعان كۇش سالا كومەكتەستى، اۋەلى ءار جىلى قىستا قينشىلىعى بار وتباستارىنا ءوز جانىنان اقشا شىعارىپ كومىر ساتىپ الىپ بەردى. رىن جىڭجاڭ كاريا وسى جاس قىستاق پارتيا ياچەيكا شۋجيىن اۋىز جاپپاي القادى. ول: اسقاربەك شۋجي ۇنەمى ماعان قارايلاسىپ تۇرادى، قانداي جۇمىسىم، قينشىلىعىم بولسادا سوعان ايتامىن. از ۇلت بولعانىمەن، بىزبەن وتە ەتەنە،-دەدى.
اسقاربەك جونىنەن العاندا، بۇقارانىڭ مۇددەسى بارىنەن ماڭىزدى، ول ءار ۇلت حالىق بۇقاراسىنىڭ جۇمىسىن ءوز جۇمىسىنداي ىستەيدى. ول بىلاي دەدى: ىنتىماق قىستاعىنداعى ديقاندار مەنى وسى قىزمەت ورنىنا قويدى، ءارقانداي قىزمەتتى ويداعىداي ىستەۋ مەنىڭ مىندەتىم، ولاردىڭ ماعان دەگەن سەنىمىن اقتاپ، ءاربىر قىزمەتتى ويداعىداي ىستەۋىم قاجەت. ىنتىماق قىستاعىندا ۇلتقا ايىرۋ بولمايدى، بارلىعىمىز ءبىر وتباسىنىڭ ادامىندايمىز.
شينجياڭ ـــ ۇلى وتانىمىزدىڭ ايىرىلماس ءبىر بولەگى، ەجەلدەن تارتىپ، ءار ۇلت حالىق بۇقاراسى بىرلىكتە تۇرمىس كەشىرگەن ۇلى شاڭىراق، ءار ۇلت حالىق بۇقاراسى بىرلىكتە تۇرمىس كەشىرىپ، ءوزارا ۇيرەنىپ، قىزمەت ىستەيدى. تاماشا ورتا مەن باستان وتكىزگەن ورتاق ىستەر ادامدار ارا تەرەڭ سۇيسپەنشىلىك قالىپتاستىردى.
قۇتىبي اۋداندىق «ۋ-يە-ساۋ» ۇلتتىق ءءانسامبىلى مامەت امەت، ياسىن مۋسا، ياڭ جان-ىن، يالقۇنجان، ءپان لەي سىندى بەس جاستان ۇيىمداسقان، ءانسامبىل قۇرىلعان 14 جىلدان بەرى، باستان-اقىر «كورىكتى شينجياڭ» اتتى ۇلتتىق اندەردى شىرقاۋعا تاباندى بولدى. يالقۇن ءانسامبىلنىڭ مۇشەلەرى ۇيعۇر ۇلتى مەن حانزۋ ۇلتىنان قۇرالعانىن، وسى ءانسامبىلدىڭ ەكى ۇلتتىڭ مۋزيكالارىن ءوزارا ۇشتاستىرعانىن ايتا كەلىپ: مۇندا ءار ۇلت مۋزيكانتارى بىرلەسىپ، مۋزيكا اسپاپتارىن شەرتىپ، مۋزيكا جاعىنداعى ەرەكشەلىكتەردى ۇشتاستىرۋدان سىرت، ءتىل مادەنيەتىن توعىستىرىپ، ءوزارا قۇرمەت ەتىپ، تاماشا تۋىندىلار جاراتتىق،-دەدى.
مادەنيەت جاعىندا اۋىس-كۇيىس جاساۋدان سىرت، ىنتىماقتاسىپ جاراسىمدى وتكەندە، گۇلدەنىپ-كوركەيۋگە بولادى دەيتىن يدەيانى تۇرمىسمىزدىڭ ءارقايسى جاعىنا تەرەڭ سىڭىرۋگە بولادى. ءۇرىمجى جوعارى، جاڭا قالا رايونىنداعى شەتەلدىك وقۋشىلاردىڭ يگىلىك جاراتۋ باقشاسىندا، از ۇلت دارىندىلار قوسىنى جالپى ادام سانىنىڭ %30 تىن ۇستاپ، عىلىمي زەرتتەۋ، جاڭالىق جاراتۋ تىرەكتىلەرىنە اينالدى، جوعارى قارقىندى تەمىر جول قۇرىلىسىنىڭ قۇرىلىس ورنىندا بولسىن، الدە جوعارى، جاڭا عىلىم-تەحنيكا ونىمدەرىن زەرتتەپ اشۋ بازاسى بولسىن، ءار ۇلت دارىندىلارىنىڭ قاربالاس جۇمىس ىستەپ جۇرگەنىن بايقايسىز. اۆتونوميالى رايوندىق ۇلتتار ىنتىماعىنىڭ ۇلگىسى ابدىراحمان ايىپ: مەيلى قايسى ۇلت بولسىن، عىلىم-تەحنيكانى، ءبىلىمدى ۇيرەنگەندە عانا، ءسوزجوق، دامىپ، بۇرىنعىدان دا جاڭا، شۇعىلالى ناتيجە جاراتا الادى. ءار ۇلت حالىق بۇقاراسى ىنتىماقتاسا وتىرىپ شايقاس جاساعاندا، ايتارلىقتاي تابىسقا قول جەتكىزۋگە بولادى،-دەدى.
اۆتونوميالى رايونىمىز قۇرىلعان 60 جىلدان بەرى، اسىرەسە، ورتالىقتىڭ شينجياڭ قىزمەتى جونىندەگى ەكى رەتكى اڭگىمە ءماجىلىسى اشىلعاننان بەرى، اۆتونوميالى رايوندىق پارتكوم مەن حالىق ۇكىمەتى «ءار ۇلت حالىق بۇقاراسى ىنتىماقتاسا وتىرىپ شايقاس جاساۋ، بىرلىكتە گۇلدەنىپ-كوركەيۋ، دامۋ» نەگىزگى تاقىرىبىن ارقاۋ ەتىپ، ءار ۇلت حالىق بۇقاراسى اراسىنداعى كوپ ساتىلى، ءتۇرلى فورماداعى قارىم-قاتىناستى بارىنشا ىلگەرىلەتتى. رايونىمىزدىڭ جەر-جەرى قوس ءتىل اعارتۋىن جاپپاي اتقارىپ، پارىققا قۇرمەت ەتۋدى، سان-سالالى بولۋدى، توعىسۋدى، شينجياڭدىق ەرەكشەلىككە يە وسىزامانعى مادەنيەتتى كۇش سالا دامىتۋدى دارىپتەپ، ءار ۇلت حالىق بۇقاراسىنىڭ رۋحاني ۇلى شاڭىرىن قۇردى. وسىنىڭ بارلىعى جۇرتقا كۇش سالا قورعاپ، نىسانانى بىرلىككە كەلتىرگەندە، ۇلتتار ىنتىماعى گۇلى شەشەك اتىپ، شينجياڭنىڭ بولاشاعى ءتىپتى دە كوركەم بولاتىنىن شىنايى سەزىندىردى. اۆتونوميالى رايوندىق ۇلتتار ىنتىماعىنداعى جاستاردىڭ ۇلگىسى ۋاڭ ياننا: مەنىڭشە ۇلتتار ىنتىماعى ۇران ەمەس، مەيلى ۇيرەنۋ، قىزمەت بارىسىندا بولسىن، ۇلتتار ىنتىماعىنا قاتىستى ىستەر تۋىلىپ تۇرادى، كوپشىلىك الدىمەن ءوزارا قۇرمەت ەتىپ، ءوزارا كومەكتەسىپ، بىرلىكتە العا باسقاندا، ۇلتتار ىنتىماعى ۇلى شاڭىراعىن جاراسىمدى ەتىپ قۇرىپ شىعۋعا بولادى،-دەدى. شينجياڭ ەجەلدەن تارتىپ كوپ ۇلت قونىستانعان رايون، ءبىر ميلليون 660 مىڭ شارشى كيلومەترلىك بايتاق دالادا ۇيعۇر، حانزۋ، قازاق، حۇيزۋ، موڭعۇل، قىرعىز سياقتى 47 ۇلت تۇرمىس كەشىرەدى. 1949-جىلى شينجياڭ بەيبىت جولمەن ازات بولىپ، ءار ۇلت حالىق بۇقاراسى ساياسي، شارۋاشىلىق جاعىندا ءوز-ءوزىنە قوجا بولىپ، تەپە-تەڭ، ىنتىماقتى، قايىرىمدى جاڭاشا ۇلتتىق قارىم-قاتىناستىڭ ساياسي نەگىزى بەكەمدەلدى. وتە-موتە ورتالىقتىڭ شينجياڭ قىزمەتى جونىندەگى 2-رەتكى ءماجىلىسى اشىلعاننان بەرى، اۆتونوميالى رايوندىق پارتكوم، ۇكىمەت «ءار ۇلت بىرگە ىنتىماقتاسىپ كۇرەس جاساپ، ورتاق كوركەيىپ-گۇلدەنىپ دامۋ» باستى تاقىرىبىن ارقاۋ ەتىپ، ۇلى وتاندى قىزۋ ءسۇيىپ تاماشا مەكەندى قۇرۋ باستى تاقىرىبىنداعى تاربيە قيمىلىن ىشكەرىلەي ورىستەتىپ، ءار ۇلت كادىرىن «3 تەن ايرىلا الماۋ» يدەياسىن ورناتۋعا باستاپ، ءار ۇلت اراسىنداعى كوپ ساتىلى، الۋان فورمالى، كوپ ءتاسىلدى بارىس-كەلىستى كۇش سالا ىلگەرىلەتتى. شينجياڭنىڭ جەر-جەرى قوس ءتىل تاربيەسىن جاپپاي اتقارىپ، ءار ۇلت كادىر بۇقاراسىن ءوزارا ءتىل ۇيرەنۋگە شابىتتاندىرىپ، پارىققا قۇرمەت ەتۋدى، سان-سالالىلىققا كەشىرىمشىل، ءوزارا ءتانتى بولۋدى دارىپتەپ، ءبىر تۇلعالانعان، الۋان-ءتۇرلى، توعىسقان، ەسىك اشقان، شينجياڭ ەرەكشەلىگىنە يە وسىزامانعى مادەنيەتتى كۇش سالا دامىتىپ، ءار ۇلتتىڭ ورتاق رۋحاني مەكەنىن قۇردى؛ بيىل مامىردا رايونىمىزدى 33-رەتكى ۇلتتار ىنتىماعى تاربيە ايىنىڭ باستى تاقىرىبىن «ىرىس الدى ىنتىماق» دەپ تۇراقتاندىرۋى ءار ۇلتتىڭ اۋىس-كۇيىسىن اناعۇرلىم ىلگەرىلەتىپ، ۇلتتار ىنتىماعى ءۇشىن ءتىپتى بەرىك نەگىز قالاۋ ءۇشىن بولىپ تابىلادى.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
