- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
شي جينپيڭ جۇڭگو پيونەرلەر وتريادى مەملەكەتتىك 7 - قۇرىلتايىنىڭ ۋاكىلدەرىمەن كەزدەسكەندە، ءار ۇلت ورەندەرى مەن بالالارىنا سالەم جولداپ بىلاي دەپ باسا دارىپتەدى: تاماشا تۇرمىس سەندەرگە ءتان، كوركەم جۇڭگو ارمانى سەندەرمەن جۇزەگە اسادى
2015.06.03 13:35 كەلۋ قاينارى : ءتاڭىرتاۋ تورابى
شينحۋا اگەنتتىگىنىڭ 1 - ماۋسىمدا بەيجيڭنەن بەرگەن حابارى. «1 - ماۋسىم» حالىقارالىق بالالار مەرەكەسى بايلانىسىمەن، جۇڭگو پيونەرلەر وتريادىنىڭ مەملەكەتتىك 7 - قۇرىلتايى بەيجيڭدە اشىلدى. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ قۇرىلتايعا كەلگەن بارلىق ۋاكىلدەرمەن ىستىق ىقىلاستى كەزدەستى. ول بۇكىل مەملەكەتتەگى ءار ۇلت ورەندەرى مەن بالالارىنا سالەم جولداپ: ادام بولۋدى، الدىعا ماقسات قويۋدى، جاسامپازدىقتى كىشكەنتايلارىڭنان ۇيرەنىڭدەر، بالالىق شاق ادام ءومىرىنىڭ ەڭ قىمبات شاعى، وسى كەزدە دۇرىس ءومىر نىساناسىن ورناتۋعا كوڭىل ءبولىپ، تالعامدى وي، تاماشا مىنەز، جاقسى ادەت قالىپتاستىرىپ، وتاننىڭ بۇگىنگى ونەگەلى ۇرپاعى، ەرتەڭگىنىڭ بىلىكتى قۇرىلىسشىسى بولىڭدار، ءومىر سەندەردىكى، كوركەم جۇڭگو ارمانى سەندەرمەن جۇزەگە اسادى، - دەپ باسا دارىپتەدى.
ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق كوميتەت شۋجيچۋىنىڭ شۋجيى ليۋ يۇنشان كەزدەسۋدە بىرگە بولدى.
تۇستەن بۇرىن ساعات 9دان 30 مينۋت وتكەندە، پيونەرلەردىڭ دۋ قول شاپالاعى مەن الاقايلاعان ءۇنى ىشىندە، شي جينپيڭ باستاعان باسشىلار حالىق سارايىنىڭ سولتۇستىك زالىنا كىردى، پيونەرلەر الدىلارىنان شىعىپ، باسشىلاردىڭ موينىنا نارت قىزىل گالستۋك بايلاپ، پيونەرلىك سالەم بەردى. شي جينپيڭ ءار ۇلت پيونەرلەرىمەن، پيونەرلەر وتريادىنىڭ ساقا قىزمەتكەرلەرىمەن قۋانا قول الىسىپ، بىرگە سۋرەتكە ءتۇستى.
كەزدەسۋ كەزىندە جانە قيمىل بارىسىندا، شي جينپيڭ بۇگىنگى كۇننىڭ بۇكىل ەلدەگى ءار ۇلت ورەندەرى مەن بالالارى ءۇشىن قۋانىشتى كۇن «1 - ماۋسىم» حالىقارالىق بالالار مەرەكەسى، سونداي - اق پيونەرلەر وتريادىنىڭ مەملەكەتتىك 7 - قۇرىلتايى اشىلعان كۇن ەكەندىگىن ايتا كەلىپ، پارتيا ورتالىق كوميتەتى اتىنان بۇكىل ەلدەگى ءار ۇلت ورەندەرى مەن بالالارىنىڭ مەرەكەلەرىنە قۇتتى بولسىن ايتىپ، قۇرىلتايدىڭ اشىلعانىن ىستىق ىقىلاسپەن قۇتتىقتاپ، بۇكىل ەلدەگى ءار ۇلت پيونەرلەرىنە، پيونەرلەر وتريادىنىڭ جەتەكشىلەرىنە، پيونەرلەر وتريادى قىزمەتكەرلەرىنە شىنايى سالەم جولدادى.
شي جينپيڭ بىلاي دەپ باسا دارىپتەدى: بالالىق شاق ادامنىڭ اسا ىستىق، ۇمتىلماس شاعى، ادامدار بالالىق شاعىن ۇنەمى اڭساۋمەن وتەدى. سەندەردىڭ بويلارىڭنان مەن ۇلتىمىزدىڭ بولاشاعىن كوردىم. ەلىمىزدى سوتسياليستىك وسىزامانداندىرۋ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانى بولاشاقتا سەندەردىڭ قولدارىڭمەن ىسكە اسادى، سەندەر كەلەشەكتە نەگىزگى كۇش، تىڭ كۇش بولاسىڭدار. بۇكىل ەلدەگى ءار ۇلت ورەندەرى مەن بالالارىنىڭ جاپپاي «جاقسى ۇيرەنىپ، كۇن سايىن العا باسۋىن» ءۇمىت ەتەمىن.
شي جينپيڭ بىلاي دەپ باسا دارىپتەدى: ادام بولۋدى كىشكەنتايدان باستاپ ۇيرەنۋ كەرەك. الەمدەگى ەڭ قيىن ءىس __ قالاي ادام بولۋ، قالاي جاقسى ادام بولۋ. جاقسى ادام بولۋ ءۇشىن، تاماشا مىنەز - قۇلىق، كەنىشتى ءبىلىم، كۇشتى جاۋاپكەرشىلىك بولۋ قاجەت، تاماشا مىنەزدى ءبىرىنشى ورىنعا قويۋ كەرەك. سەندەر قازىر بالاۋسا تالسىڭدار، تاماشا مىنەزدىڭ قالىپتاسۋىنا ءنارلى قورەكتىك، قۇنارلى توپىراق قاجەت، سوندا بالاۋسا تال بايتەرەككە اينالادى. قازىر ءوز مىنەز - قۇلىقتارىڭدى قانشالىق كوركەم ەتىپ باۋلىساڭدار، بولاشاقتا سونشالىق جاقسى ادام بولاسىڭدار.
شي جينپيڭ بىلاي دەپ اتاپ كورسەتتى: الدىعا ماقسات قويۋدى كىشكەنتايدان ۇيرەنۋ كەرەك. ماقسات _ مۇرات __ ءومىردىڭ باعدار بەلگىسى. اۋىز تولتىرىپ ايتارلىق تابىسقا جەتەمىن دەيدى ەكەنسىڭ، الدىعا قويعان ماقسات - مۇراتىڭ بولۋ كەرەك. ءبىر ادامنىڭ كوپ ماقساتى بولۋىنا بولادى، ءبىراق ءومىردىڭ ەڭ ماڭىزدى ماقساتى وتانمەن، حالىقپەن بىتە قايناسىپ جاتۋى ءتيىس، وتان مەن حالىق ادامداردىڭ ءار ءتۇرلى، ناقتى ماقساتتارىنىڭ بەسىگى، ءومىرىنىڭ ارقاۋى. سەندەر الدارىڭا اقيقاتتى ىزدەيتىن، وتاننىڭ ءۇمىتىن اقتايتىن ماقسات قويۋعا كوڭىل ءبولىپ، وتاندى، حالىقتى، ەڭبەكتى، عىلىمدى، سوتسياليزمدى ءسۇيىپ، وتان مەن حالىقتى قاي - قاشان دا ەستە ساقتاپ، كىشكەنتايلارىڭنان پارتيانىڭ سوزىنە قۇلاق اسىپ، پارتياعا ىلەسىپ، وتان مەن حالىق قالاۋىنا ساي جاقسى بالا بولۋعا قۇلشىنىپ، وتان ىستەرى مەن حالىق ىستەرىنىڭ دامۋىنا ءىزباسار بولۋلارىڭ كەرەك.
شي جينپيڭ بىلاي دەپ باسا دارىپتەدى: جاسامپازدىقتى كىشكەنتايدان باستاپ ۇيرەنۋ كەرەك. باقىت سەبەزگى جاڭبىر، تەگىن اس، اسپاننان جاۋاتىن ماي شەلپەك ەمەس. دۇنيەدەگى بارلىق تابىس، بارلىق باقىت ەڭبەك پەن جاسامپازدىقتان باستاۋ الادى. ءداۋىر ۇزدىكسىز دامىپ وتىرادى، سەندەر ەسەيگەندە ومىردە وراسان زور وزگەرىس تۋىلىپ، عىلىم - تەحنيكا ۇلكەن جەتىستىكتەرگە جەتەدى، ول سەندەردەن جاڭا ۇستانىم، جاڭا ءبىلىم، جاڭا ونەر ارقىلى جاڭا ومىرگە ۇيلەسۋدى جانە ونى جاساۋدى كۇتەدى، وسىلاي بولعاندا عانا، ءبىر ۇلت، جالپى ادامزات توقتاۋسىز العا باسا الادى. قازىردەن باستاپ سەندەر قۇلشىنا ۇيرەنىپ، سانالى ەڭبەك ەتەتىن، باتىلدىقپەن جاسامپازدىق جاسايتىن ونەگەلى جاس بولۋلارىڭ كەرەك.
شي جينپيڭ بىلاي دەپ اتاپ كورسەتتى: ورەندەر مەن بالالاردى دۇرىس تاربيەلەۋ __ ستراتەگيالىق مىندەت، ول ۇزاق بولاشاققا ساياتىن ءىس. ءار دارەجەلى پارتكوم مەن ۇكىمەت، قوعامنىڭ ءار سالاسى كەلەشەك يەلەرىن باۋلۋ، كەلەشەككە جول اشۋ قىزمەتىنە ءمان بەرىپ، ورەندەر مەن بالالارعا قامقورلىق جاساۋ جانە ولاردى ايالاۋ، پيونەرلەر وتريادى قىزمەتىنە ءمان بەرىپ جانە ونى قولداپ، ورەندەر مەن بالالارعا ناقتى ءىس ىستەپ، بالالاردىڭ اناعۇرلىم جاقسى ەسەيۋىنە مۇمكىندىك جاساۋ كەرەك. بارلىق اتا - انا، بارلىق ەرەسەك ادام بالالار ءۇشىن ونەگە بولۋ قاجەت.
لي يۋانچاۋ كەزدەسۋدە بىرگە بولدى ءارى قۇرىلتايدىڭ اشىلۋ سالتىندا پارتيا ورتالىق كوميتەتى اتىنان قۇتتىقتاۋ ءسوزىن سويلەدى.
بۇكىل ەلدىڭ جەر - جەرىنەن كەلگەن پيونەرلەردىڭ، پيونەرلەر وتريادى جەتەكشىلەرىنىڭ، ورەندەر مەن بالالار ءىسى قىزمەتكەرلەرىنىڭ ۋاكىلدەرىنەن جانە استاناداعى پيونەرلەر ۋاكىلدەرىنەن 3 مىڭ ادام اشىلۋ سالتىنا قاتىناستى. ورتالىقتاعى جانە مەملەكەت ورگاندارىنداعى قاتىستى تاراۋلاردىڭ جاۋاپتىلارى دا اتالعان قيمىلعا قاتىناستى. «شينجياڭ گازەتى»
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
