- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
وبلىس توتە قاراستى ورىنداردىڭ ءدارى – دارمەك باعاسىنا رەفورما جاساۋ ساياساتى جونىندە كەڭەس بەرۋ ءماجىلىسىن وتكىزدى
ەركىنە قويا بەرۋ مەن باسقارۋدى ۇشتاستىرىپ، ءدارى – دارمەك باعاسىنىڭ تۇراقتىلىعىن ساقتاۋ كەرەك
2015.06.05 11:06
ءدارى – دارمەك باعاسى ەركىنە قويا بەرىلگەننەن كەيىن ءدارى باعاسىندا قالىپسىز تولقۋدان ساقتانىپ، ءدارى – دارمەك باعاسىنىڭ تۇراقتىلىعىن ساقتاۋ ءۇشىن ماۋسىمنىڭ 1 – كۇنى وبلىستىق دامۋ جانە رەفورما كوميتەتى وبلىستىق دەنساۋلىق ساقتاۋ مەكەمەسى، ازىق – تۇلىك، ءدارى – دارمەكتى باقىلاۋ – باسقارۋ مەكەمەسى، ادام كۇشى بايلىعى جانە قوعامدىق قامتاماسىزداندىرۋ مەكەمەسى سياقتى ورىندارمەن بىرلەسىپ، ءدارى – دارمەك باعاسىنا رەفورما جاساۋ ساياساتى جونىندە كەڭەس بەرۋ ءماجىلىسىن اشتى ءارى ماجىلىسكە قاتىناسقان وبلىسقا توتە قاراستى ورىندارداعى نەگىزگى ەمدەۋ، دەنساۋلىق ساقتاۋ قۇرىلىمدارى مەن ءدارى – دارمەك ساتۋشى كاسىپورىنداردىڭ جاۋاپتىلارىنا ءدارى – دارمەك باعاسىنا رەفورما جاساۋ ساياساتىنان كەڭەس بەرۋ كىتابىن تاراتىپ، ءدارى – دارمەك باعاسىنا رەفورما جاساۋ ساياساتىن ءتۇسىندىرىپ، ەمدەۋ قۇرىلىمدارى مەن ءدارى – دارمەك ساتۋشى كاسىپورىندارعا ءتارتىپتى كۇشەيتىپ، باعا زاڭى مەن قاتىستى باعا ساياساتىنا ىرىقتىلىقپەن بويسۇنىپ، ءدارى – دارمەك بازارى باعاسىنىڭ ءتارتىبىن بىرلىكتە قورعاۋدى ايقىن ۇعىندىردى.
مەملەكەتتىك دامۋ جانە رەفورما كوميتەتى، دەنساۋلىق ساقتاۋ - جوسپارلى تۋىت كوميتەتى، ادام كۇشى بايلىعى جانە قوعامدىق قامتاماسىزداندىرۋ مينيسترلىگى سياقتى 7 تاراۋ بىرلەسىپ باسىپ تاراتقان، ماۋسىمنىڭ 1 – كۇنىنەن باستاپ رەسمي اتقارىلعان «ءدارى – دارمەك باعاسى رەفورماسىن ىلگەرىلەتۋ جونىندەگى پىكىردە» مەملەكەت بەلگىلەگەن جانسىزداندىرۋ دارىلەرى مەن 1 – تۇردەگى رۋحاني اۋرۋلار دارىسىنەن سىرت، ۇكىمەت بەلگىلەگەن ءدارى باعاسىن كۇشىنەن قالدىرۋ بەلگىلەنگەن. بۇل باسىم كوپ سانداعى ادەتتەگى دارىلەردىڭ باعاسىن كاسىپورىندار مەن بازار تۇراقتاندىرىپ، ءىس جۇزىندىك ساۋدا باعاسى بازار باسەكەسى ارقىلى قالىپتاساتىندىعىن بىلدىرەدى.
ءدارى – دارمەك، ەمدەۋ - دەنساۋلىق ساقتاۋ تۇزىلىسىنە ۋنيۆەرسالدى رەفورما جاساۋ سىناق ءتۇيىنى ەتىلگەن رايونداردىڭ قالالارىنداعى ۇكىمەت باسقارۋىنداعى شيپاحانالاردا، اۋدان دارەجەلى ۇكىمەت باسقارۋىنداعى شيپاحانالاردا جانە ۇكىمەت باسقاراتىن نەگىزگى ساتى ەمدەۋ – دەنساۋلىق ساقتاۋ قۇرىلىمدارىندا ءدارى – دارمەككە باعا قوسۋ ساياساتى كۇشىنەن قالدىرىلادى. ۇنەمى ىستەتىلەتىن ارزان باعالى ءدارى - دارمەكتەن «مەملەكەتتىك دامۋ جانە رەفورما كوميتەتى باعاسىن بەلگىلەگەن كولەم ىشىندەگى ارزان باعالى ءدارى – دارمەك تىزىمدىگىنە» ەنگىزىلگەن 533 ى، «اۆتونوميالى وبلىستىق دامۋ جانە رەفورما كوميتەتى باعاسىن بەلگىلەگەن ءدارى – دارمەك تىزىمدىگىنىڭ ىشىندەگى ۇنەمى ىستەتىلەتىن ارزان باعالى ءدارى – دارمەك تىزىمدىگىنە» 346 ى ەنگىزىلدى. بۇل مەملەكەت پەن اۆتونوميالى رايون قازىر اتقارىپ وتىرعان ارزان باعالى ءدارى – دارمەك تىزىمدىگى مەن قاتىستى باعا ساياساتىنا ۇيلەسەدى. مەنشىكتى تابىس ۇقىعىنا يە ءدارى - دارمەك، جەكەلەر وزدەرى وندىرگەن ءدارى – دارمەك، وتە تاپشى قاننان جاسالعان ونىمدەر جونىندە وندىرۋشىلەر مەن تيجاراتشىلار باعا بەلگىلەۋ ارەكەتىن سانالىلىقپەن ارناعا ءتۇسىرىپ، تەكسەرىلىپ تۇراقتاندىرىلعان ءدارى - دارمەك ءوندىرۋ تيجاراتىنىڭ وزىندىك قۇنىن دۇرىس تىزىمگە الدىرۋ ءارى تەكسەرىپ تۇراقتاندىرۋ كەرەك، جالعاننان باعا جاساۋعا، استە، بولمايدى.
دارى – دارمەك باعاسىن ۇكىمەت بەلگىلەۋ كۇشىنەن قالدىرىلىپ، تيجاراتشى ءوزى باعا بەلگىلەۋ ۇقىعىنا يە بولسا ءدارى باعاسى مەيلىنشە وسە مە؟ بۇل ماسەلە جونىندە وبلىستىق زات باعاسىن باقىلاۋ – تەكسەرۋ مەكەمەسىنىڭ باستىعى ما جۇن بىلاي دەدى: ءدارى – دارمەك باعاسىن ۇكىمەت بەلگىلەۋدى كۇشىنەن قالدىرۋ - بارلىعىن ءوز ەركىنە قويا بەرۋ دەگەندىك ەمەس، قايتا وندا ەركىنە قويا بەرۋ مەن باسقارۋدى ۇشتاستىرۋدا تاباندى بولىنادى. بۇدان كەيىن ۇكىمەتتىڭ قاتىستى فۋنكتسيالارى قىزمەت ءتۇيىنىن الدىمەن باعا بەلگىلەپ باسقارۋ تاسىلىنەن باعا بارىسىندا باقىلاۋ – باسقارۋعا ويىستىرادى. اسىرەسە، ءدارى – دارمەك باعاسىن ۇكىمەت بەلگىلەۋ كۇشىنەن قالعاننان كەيىن باعادا قالىپسىز تولقۋ تۋىلۋدان ساقتانۋ ءۇشىن ماۋسىمنىڭ 3 – كۇنىنەن باستاپ، وبلىستاعى ءار دارەجەلى باعانى باقىلاۋ – تەكسەرۋ تاراۋلارى ءدارى – دارمەك باعاسى جونىندە شارلاۋ – تەكسەرۋ تەبىنىن ارتتىرىپ، جارىم جىل ۋاقىتپەن ءدارى – دارمەك باعاسىنا ارناۋلى تەكسەرۋ جۇرگىزىپ، ءدارى – دارمەك باعاسىنا رەفورما جۇرگىزۋ ارقىلى بازار باعاسى تارتىبىنە قايشى ارەكەتتەرگە زاڭ بويىنشا قاتاڭ سوققى بەرەدى؛ ءوزارا ىمىرالاسۋ ارقىلى باعا بەلگىلەۋ، ەرەكشە ناۋقاستارعا ەرەكشە باعا بەلگىلەۋ سياقتى ناشار ىقپال تۋدىراتىن، زاردابى اۋىر تيپتىك دەلولار «باعا زاڭىندا» جانە «مونوپوليالاۋعا قارسى تۇرۋ زاڭىندا» بەلگىلەنگەن بەلگىلەمەلەر بويىنشا قاتاڭ ءبىر جاقتى ەتىلەدى ءارى اقپارات دانەكەرلەرى ارقىلى قوعامعا اشىق جاريالانىپ، بازاردان شەكتەلەدى.
كەڭەس بەرۋ ماجىلىسىندە وبلىسقا توتە قاراستى ورىنداردىڭ نەگىزگى ەمدەۋ قۇرىلىمدارى مەن ءدارى – دارمەك ءوندىرۋشى، تيجارات ەتۋشى كاسىپورىنداردىڭ جاۋاپتىلارى مىنانى ءبىلدىردى: باعا زاڭىنىڭ ەرەجەسى مەن قاتىستى باعا ساياساتىنا ىرىقتىلىقپەن بويسۇنىپ، باعانى باقىلاۋ – باسقارۋعا سايكەسىپ، ادىلدىككە قۇرمەت ەتەتىن، زاڭدى، شىنايى، سەنىمدىلىك پرينسيبى بويىنشا ۇيلەسىمدى باعا بەلگىلەپ، ءادىل، باسەكەلى بازار باعاسى ءتارتىبىن ىرىقتىلىقپەن قورعايمىز.
كەلۋ قاينارى: «ىلە گازەتى» - ىلە اقپارات تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
