- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
شينجياڭعا بەرىلگەن كومەك ارقىلى العا ۇمتىلايىق
2015.06.04 14:53 كەلۋ قاينارى : شينجياڭ حالىق راديو ستانسياسى تورابى
تاڭەرتە ەرتە، فۋجيان ولكەسىنىڭ شينجياڭعا كومەككە كەلگەن شيپاگەرى، شونجى اۋداندىق حالىق شيپاحاناسىنىڭ ورىنباسار باستىعى، ناركوز ءبولىمىنىڭ تەتە اعا شيپاگەرى چىڭ گاۋشىڭ اۋرۋلار جاتاعىنا بارىپ، جاڭ شۋفاڭنىڭ وپەراتسيادان كەيىنگى ساۋىعۋ جاعدايىن ۇعىستى. 27-مامىردا شونجى اۋدانىنىڭ شيدي قالاشىعى دۇڭدي قىستاعىنداعى جاڭ شۋفاڭ اۆتوموبيل شىرعالاڭىنان سول اياعىنىڭ ءسىڭىرى ءۇزىلىپ، قان تامىرى جارىلىپ، شونجى اۋداندىق حالىق شيپاحاناسىنا شۇعىل قۇتقارۋعا جەتكىزىلگەن ەدى. فۋجيان ولكەسىنىڭ شينجياڭعا كومەككە كەلگەن ەمدەۋ ماماندارى مەن اۋداندىق شيپاحانا سىرتقى اۋرۋلار ءبولىمىنىڭ شيپاگەرلەرى جاڭ شۋفاڭنىڭ ساۋ اياعىنداعى تەرىسى مەن قان تامىرىن جارالانعان اياققا ءساتتى كوشىردى، بۇل شينجياڭداعى اۋدان دارەجەلى شيپاحانانىڭ قول اياق ءسىڭىرى ءۇزىلۋ، ۇزىلگەن ساۋساقتى كوشىرۋ، قان تامىردى بىتەپ تىگۋ وپەراتسياسىن تۇڭعىش رەت جاساۋى. بۇرىن اۋدان دارەجەلى شيپاحانالار وسى تەكتەس ناۋقاستاردى لاجسىز اۆتونوميالى رايوندىق 1-دارەجەلى شيپاحانالارعا اۋىستىراتىن، مۇنداعى اۋەشىلىكتەردەن تىس، ەمدەۋدىڭ ەڭ ۇتىمدى ۋاقىتى ءوتىپ كەتەتىن ەدى. شونجى اۋداندىق حالىق شيپاحاناسى سىرتقى اۋرۋلار 1-ءبولىمىنىڭ شيپاگەرى قايسار قاھار: «شينجياڭعا كومەككە كەلگەن ماماندار سىرتقى اۋرۋلار بولىمىنە، ميكروحيرورگيا بولىمىنە كوپ جاردەم بەردى. وپەراتسيا بارىسىن مۇقيات ۇيرەتىپ، انىق تانىستىردى، بۇرىن بىلمەيتىن وپەراتسيا تەحنيكالارىن دا كورسەتتى، ۇزاق جىلدىق تاجىريبە بىلىمدەرىن قالتقىسىز ۇيرەتىپ، اسا مول بىلىمگە يە بولدىق»،-دەدى.
شينجياڭعا باعىتتامالى كومەكتەسۋدىڭ جاڭا كەزەكتى قىزمەتى ورىستەتىلگەننەن بەرى، شينجياڭعا كومەكتەسەتىن 19 ولكە-قالا حالىق تۇرمىسىن قامتاماسىزداندىرۋ مەن جاقسارتۋدى كومەكتىڭ ءتۇيىنى ەتىپ، كومەك قارجىسى، دارىندى، تەحنيكا، اقىل-پاراسات سياقتىلاردى بەيقۇت ءۇي سالىپ حالىقتى اۋقاتتاندىرۋ، مالشىلاردى وتىرىقتاندىرىپ مال شارۋاشىلىعىن كوركەيتۋ، «قوس ءتىل وقىتۋى»، دەنساۋلىق ساقتاۋ، كاسىپتەندىرۋ سياقتى نەداۋىر ىقپالدى ءبىر توپ حالىق تۇرمىسى ينجەنەريالارىنا شوعىرلى پايدالانىپ، شينجياڭنىڭ ءار ۇلت حالقىن شينجياڭعا كومەكتەسۋدىڭ ناقتى تيىمدىلىكتەرىنەن يگىلىكتەندىردى.
تاياۋدا، شاندۇڭ ولكەسىنىڭ شينجياڭعا كومەكتەسۋ نىساندارىنىڭ قولداۋىندا، قاشقار جاڭا ءشار اۋدانى تازعۇن اۋىلى جيدەارىق قىستاعىندا قالاداعىمەن ۇقساس كوشە باقشاسى سالىندى. باقشا اشىلىسىمەن قىستاق تۇرعىندارىنىڭ دەمالىپ، كوڭىل اشاتىن ورتالىعىنا اينالدى، باقشانىڭ وسىزاماندانعان جوباسى، ءتۇرلى دەنە-تاربيە قۇرىلعىلارى، سونداي-اق سايكەستى كىتاپ وقۋ كەڭسەسى ءتۇرلى جاستاعى قىستاق تۇرعىندارىنىڭ قاجەتىن قاناعاتتاندىردى. قىستاق تۇرعىنى نۇربيا ءانۋار: «ءبىزدىڭ قىستاقتا دا وسىنداي تاماشا الاڭنىڭ سالىناتىندىعىن ويلاماپپىن. گۇلدەر جايقالا ءوسىپ، اعاشپەن كومكەرىلگەن ورتادا شىنىعۋ اسپاپتارى دا سايكەستى ورناتىلدى، ارەدىكتە وسى اراعا كەلىپ وتىرىپ، كىتاپ وقىپ، سەيىلدەپ كەتۋدى ۇناتامىن»،-دەدى.
كاسىپتەنۋ حالىق تۇرمىسىنىڭ نەگىزى، شينجياڭعا كومەكتەسەتىن ولكە-قالالار كاسىپتەنۋدى جەبەۋ، كاسىپ اشۋ قىزمەتىن شينجياڭعا كومەكتەسۋ قىزمەتىنىڭ ماڭداي الدى مىندەتى ەتىپ، كاسىپ جاعىندا شينجياڭعا كومەكتەسۋ ارقىلى كاسىپتەنۋدى جەبەپ، ەڭبەككۇشتەردى سىرتقا شىعارىپ كاسىپتەندىرىپ، تەحنيكالىق تاربيەلەۋ ارقىلى كاسىپتەنۋ مولشەرىن ارتتىرىپ، نىسان قۇرىلىسىن قابىلداپ كاسىپتەندىرىپ، بازار ارقىلى شينجياڭعا كومەكتەسۋمەن كاسىپتەنۋدى جەبەدى. شينجياڭعا كومەكتەسەتىن نىسان قۇرىلىستارىمەن ۇشتاستىرىپ، ءىشىنارا شينجياڭعا كومەكتەسەتىن ولكە-قالالار كومەككە يە بولاتىن ورىنداردىڭ كاسىپتەنۋ جاعىنداعى كومەسكى كۇشىن تولىق اشىپ، ەڭبەككۇش شوعىرلى نىسانداردىڭ ىرگە تەبۋىن ىلگەرلەتۋمەن بىرگە، تۇلعالانعان قىزمەت وتەۋ قۇرىلعىلارىن سالۋ ارقىلى جەرگىلىكتى بۇقارانىڭ كاسىپتەنۋىنە وراي جاراتتى.
ءۇشتۇرپان اۋدانى شەكاراداعى مەملەكەت دارەجەلى كەدەي اۋدان، ساۋداگەر شاقىرىپ ءىرى كاسىپورىنداردى ەنگىزۋدىڭ قيىندىق دارەجەسى جوعارى بولعاندىقتان، جەرگىلىكتى ورىنداعى ورتا-شاعىن كاسىپورىنداردىڭ دامۋى مەن ديحانداردىڭ باسقا سالادا كاسىپتەنۋ ماسەلەسىن شەشۋ جىجياڭ ولكەسى چۇيجوۋ قالاسىنىڭ شينجياڭعا كومەكتەسەتىن قولباسشىلىق شتابىنىڭ باستى ءمان بەرەتىن ماسەلەسىنە اينالدى. وتكەن جىلى چۇيجوۋ قولباسشىلىق شتابى 20 ميلليون يۋانداي قارجى قوسىپ، ءۇشتۇرپان كاسىپ باقشا رايونىندا 76 مۋ جەر يەلەيتىن ورتا-شاعىن كاسىپورىنداردىڭ كاسىپ اشۋ باقشاسىن قۇردى. قازىر ءبىرىنشى مەرزىمدىك 3 مىڭ 549 شارشى مەترلىك زاۆود ءۇيى پايدالانۋعا تاپسىرىلدى. جىجياڭ ولكەسى چۇيجوۋ قالاسىنىڭ شينجياڭعا كومەكتەسۋ قولباسشىلىق شتابىنىڭ ورىنباسار قولباسشىسى ساي شياۋلۇڭ: «كەيبىر شاعىن كاسىپورىنداردى وسى اراعا شوعىرلاندىرىپ، تاماشا شارت-جاعداي ازىرلەپ، ولاردى دەمەپ، دامىتامىز. بيىل جىل باسىندا اۋداننان ءبىر لايىقتى كاسىپورىن ــــ ۇلتتىق كيىم-كەشەك مانەرلەۋ كاسىپورنى وسى اراعا كەلىپ، كيىم-كەشەك مانەرلەۋ مەن ادام تاربيەلەۋدى ءبىر تۇلعالاندىرىپ، قازىر 100 ادامنىڭ كاسپتەنۋ ماسەلەسىن شەشتى»،-دەدى.
«كاسىپ جاعىندا شينجياڭعا كومەكتەسۋ» شينجياڭعا كومەكتەسۋ قىزمەتىنىڭ سىرتتىڭ كومەگىن قابىلداۋدان ءوزىن الۋەتتەندىرۋگە قاراي بۇرىلىس جاساۋدى ىسكە اسىرۋىنىڭ تەتىگى، ورتالىقتىڭ شينجياڭ قىزمەتى جونىندەگى ەكىنشى رەتكى اڭگىمە ماجىلىسىنەن بەرى، شينجياڭعا باعىتتامالى كومەكتەسۋدەگى ءتۇرلى كاسىپتىك دەمەۋلەر شينجياڭنىڭ وڭىرلىك ابزالدىلىعىنان، بايلىق ابزالدىلىعىنان پايدالانىپ، شينجياڭنىڭ ءتۇرلى كاسىپتەرىنىڭ دامۋىن پارمەندى ىلگەرلەتتى. 2014-جىلى جىجياڭنىڭ ىلەگە كومەكتەسۋ الدىڭعى جاق قولباسشىلىق شتابى ىلگەرىندى-كەيىندى جياڭسۋ ولكەسىندەگى 130 كاسىپورىندى ىلە وبلىسىنا بارىپ قارجى قوسۋ تەكسەرۋىن جۇرگىزۋگە ۇيىمداستىردى، جالپى 19 ميلليارد 600 ميلليون يۋان قارجى قوسىلاتىن 36 ساۋداگەر شاقىرۋ نىسانى ىلگەرىندى-كەيىندى ىرگە تەۋىپ، قۇرىلىسىن باستادى. جياڭسۋ جۇڭجيڭ ەلەكتر شەكتى سەرىكتەستىگى سۋتەگى ەنەرگياسىمەن توك تاراتاتىن جوعارى عىلىم-تەحنيكالى كاسىپورىن، وتكەن جىلى ولار قورعاس ەكونوميكالىق اشۋ رايونى بيڭتۋان تارماق رايونىنا بارىپ، 300 ميلليون يۋان قارجى قوسىپ شينجياڭ جۇڭ-ي جاڭا ەنەرگيا عىلىم-تەحنيكا شەكتى سەرىكتەستىگىن قۇردى. قازىر نىسان قۇرىلىستارى شۇعىل جۇرىلۋدە، باس مەڭگەرۋشى جۋ شاۋفاڭ تىلشىگە، سەرىكتەستىكتىڭ سۋتەگى ەنەرگيا نىسان قۇرىلىسى تولىق سالىنعاننان جانە وندىرىسكە قوسىلعاننان كەيىن، مەجەمەن جىلدىق ءونىم قۇنىنىڭ ءبىر ميلليارد يۋانعا جەتەتىندىگىن، ولاردىڭ قورعاستىڭ وڭىرلىك ابزالدىعىن جانە حالىقارالىق بازاردىڭ سۋتەگى ەنەرگياسىمەن توك تاراتۋ جوعارى عىلىم-تەحنيكا ونىمدەرىنە دەگەن قاجەتىن بايقاپ، ونىمدەرىن باتىس ازيا، شىعىس ەۆروپا ەلدەرىنە ەكسپورت ەتىپ، حالىقارالىق بازاردى اشپاقشى ەكەنىن ايتتى. ول: «بۇل اراعا كەلىپ قارجى قوسۋىمىزداعى ماقسات، بىرىنشىدەن، شينجياڭ بازارىنىڭ ويداعىداي ەكەنىن بايقادىق، ەكىنشىدەن، وسى جەر ارقىلى قازاقستانعا، ونان ارى شىعىس ەۆروپاعا ىرگەمىزدى كەڭەيتپەكشىمىز، ويتكەنى سۋتەگى ەنەرگياسى ماڭىزدى جاڭا ەنەرگيا كاسىبى. قارجى قوسۋىمىزدى باستىسى ۇكىمەت بارىنشا قولداپ، «تابىس باجىسىن 5 جىل كەشىرىم ەتۋ، 5 جىل جارتىلاي الۋ» سىندى ساياساتتى اتقاردى، ياعني الدىڭعى 5 جىلدا تابىس باجىسىن كەشىرىم ەتسە، سوڭعى 5 جىلدا تابىس باجىسىنىڭ %50 تى عانا الىناتىن بولدى، بۇل ەلىمىزدە وسى ساياسات اتقارىلعان بىردەن-ءبىر جەر، وسى ارادان 100 گە جۋىق جۇمىسكەر قابىلدايمىز دەپ مەجەلەپ وتىرمىز»،-دەدى. ورتالىقتىڭ شينجياڭ قىزمەتى جونىندەگى اڭگىمە ءماجىلىسى اشىلعاننان كەيىن، ورتالىق شينجياڭنىڭ دامۋىنداعى نەگىزگى ماسەلەلەردى شەشۋگە كۇش سالدى.
مەملەكەت بويىنشا 19 ولكە-قالا شينجياڭداعى 12 ايماق-وبلىس پەن بيڭتۋاننىڭ 12 شىسىنا باعىتتامالى كومەكتەسسە، ورتالىق ۇكىمەتتىڭ مينىستىرلىك-كوميتەتتەرى شينجياڭعا كومەكتەسۋ ستراتەگياسىن بەلسەنە اتقاردى. تەك 2010-جىلدىڭ وزىندە، 19 ولكە-قالا شينجياڭعا كومەكتەسۋ قارجىسىنان 11 ميلليارد يۋان قارجى ورنالاستىردى، مۇنداعى نىسانداردىڭ باسىم كوبى حالىق تۇرمىسىنا قاتىستى نىساندار.بيىل 19 ولكە-قالانىڭ شينجياڭعا كومەكتەسۋگە ارناۋلى بوساتقان قارجىسى تۇرعىن ءۇي، وقۋ-اعارتۋ، كاسىپتەندىرۋ، ەمدەۋ-دەنساۋلىق ساقتاۋ، دارىندى، نەگىزگى ساتىنىڭ ۇيىمدىق قۇرىلىسى سياقتى نىساندارعا جۇمسالادى. مۇندا شينجياڭعا كومەكتەسۋ نىسانىنان ءبىر مىڭ 65 نىساندى اتقارۋ جوسپارلانىپ، 11 ميلليارد 375 ميلليون يۋان قارجى قوساتىن بولدى. جاڭا كەزەكتى شينجياڭعا باعىتتامالى كومەكتەسۋ قىزمەتىندە شينجياڭعا اقىل-پاراسات جاعىنان، دارىندى جاعىنان، تەحنيكا جاعىنان كومەكتەسۋ نىساندارى قوسىلدى. شينجياڭنىڭ ءار دارەجەلى پارتكومدارى مەن ۇكىمەتى بەلسەندىلىكپەن ورايدى مىقتى يگەرىپ، ءوزىنىڭ دامۋ قۋاتىن ۇزدىكسىز كۇشەيتىپ، سەكىرمەلى دامۋدى جۇزەگە اسىرۋعا كۇش سالدى.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
