- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
وتانشىل ءدىني قايراتكەرلەردىڭ رولىن ونان ارى ساۋلەلەندىرىپ، ءدىندى سوتسياليستىك قوعامعا ۇيلەستىرۋگە بەلسەنە جەتەكشىلىك ەتەيىك
اۆتونوميالى رايون وتانشىل ءدىني قايراتكەرلەردىڭ اڭگىمە ءماجىلىسىن اشتى، جاڭ چۇنشيان ماڭىزدى ءسوز سويلەدى
2015.06.15 10:42 كەلۋ قاينارى : ءتاڭىرتاۋ تورابى
اۆتونوميالى رايونىمىزداعى وتانشىل ءدىني قايراتكەرلەردىڭ اڭگىمە ءماجىلىسى 14 - ماۋسىم تۇستەن بۇرىن ۇرىمجىدە اشىلدى. ءماجىلىس شينجياڭنىڭ ءىس جۇزىندىك جاعدايىنا نەگىزدەلىپ، ورتالىقتىڭ شينجياڭ قىزمەتى جونىندەگى 1 - رەتكى اڭگىمە ءماجىلىسى اشىلعان 5 جىلدان بەرگى امالياتپەن ۇشتاستىرىپ، باس شۋجي شي جينپيڭنىڭ ماڭىزدى سوزدەرىنىڭ رۋحى مەن ورتالىقتىڭ شينجياڭ قىزمەتى جونىندەگى 2 - رەتكى اڭگىمە ءماجىلىسىنىڭ، ورتالىقتىڭ ۇلت قىزمەتى ءماجىلىسىنىڭ، ورتالىقتىڭ بىرلىكساپ قىزمەتى ءماجىلىسىنىڭ، سونداي - اق اۆتونوميالى رايوندىق پارتكومنىڭ 11 - ءنومىرلى، 28- ءنومىرلى حۇجاتتارىنىڭ، «اۆتونوميالى رايوننىڭ ءدىن ىستەرى ەرەجەسىنىڭ» رۋحىن اناعۇرلىم دايەكتىلەندىرىپ، ءدىن سالاسىنداعى قايراتكەرلەردىڭ رولىن اناعۇرلىم ساۋلەلەندىرىپ، شينجياڭنىڭ ءدىن قىزمەتىن اناعۇرلىم نىعايتىپ جانە كەمەلدەندىرىپ، دىنگە سەنەتىن قاۋىمدى شينجياڭنىڭ قوعام ورنىقتىلىعى مەن باياندى تىنىشتىعىن جۇزەگە اسىرۋعا ۇلەس قوسۋعا جۇمىلدىردى.
ج ك پ ورتالىق كوميتەتى ساياسي بيۋروسىنىڭ مۇشەسى، اۆتونوميالى رايوندىق پارتكومنىڭ شۋجيى، بيڭتۋان پارتكومىنىڭ ءبىرىنشى شۋجيى، ءبىرىنشى ساياسي كوميسسارى جاڭ چۇنشيان اڭگىمە ماجىلىسكە قاتىناستى جانە ماڭىزدى ءسوز سويلەدى.
اڭگىمە ءماجىلىس باستالعاندا، ءىسلام ءدىنى، بۇددا ءدىنى، حريستيان ءدىنى سياقتى 6 ءدىننىڭ ۋاكىلدەرىنەن، ءارقايسى ءدىني ۇيىمداردىڭ ۋاكىلدەرىنەن 700دەن استام ادام مەملەكەت گيمىنىن ورىندادى.
ماجىلىستە، سوڭعى جىلداردان بەرى رايونىمىزدان شىققان «بەستە جاقسى» 70 ءدىني قايراتكەر سيلاندى. قاشقار ايتكار مەشىتىنىڭ حاتيبى ابدىقادىر ساۋىت، ءۇرىمجى شۇيموگوۋ رايونى چيڭچۋان بۇتحاناسىنىڭ كەمپوسى جيرىن، ماناس اۋدانى لياڭجوۋحۋ قالاشىعى جۋاڭلياڭحۋ قىستاعى مەشىتىنىڭ احۇنى ما دىجۇن سيلانعان ءدىني قايراتكەرلەر اتىنان ماجىلىستە ءسوز سويلەدى.
ءدىن سالاسىنداعى قايراتكەرلەر ەكونوميكالىق، قوعامدىق دامۋدى جەبەۋ مەن قوعام ورنىقتىلىعىن قورعاۋدا بەلسەندى رول اتقاردى
جاڭ چۇنشيان ماجىلىستە ماڭىزدى ءسوز سويلەپ مىنانى اتاپ كورسەتتى: اۆتونوميالى رايوندىق پارتكوم مەن حالىق ۇكىمەتى ءدىن قىزمەتىنە ەجەلدەن بەرى باسا ءمان بەرىپ كەلدى، دىنگە سەنۋ ەركىندىگى ساياساتىنان باستان - اياق جازباي، ءدىني ىستەردى زاڭ بويىنشا باسقارىپ، دەربەس ءوزىن بيلەۋ، ءوزىن باسقارۋ پرينسيبىنە تاباندى بولىپ، ءدىندى سوتسياليستىك قوعامعا ۇيلەستىرۋگە بەلسەنە جەتەكشىلىك ەتتى. اسىرەسە، ورتالىقتىڭ شينجياڭ قىزمەتى جونىندەگى اڭگىمە ماجىلىسىنەن بەرى، اۆتونوميالى رايوندىق پارتكوم مەن حالىق ۇكىمەتى ورتالىقتىڭ شەشىمدەرى مەن ورنالاستىرۋلارىن باتىل دايەكتىلەندىرىپ، ورتالىقتىڭ ءدىن قىزمەتى جونىندەگى باعىت - ساياساتتارىن شينجياڭنىڭ امالياتىمەن تىعىز ۇشتاستىرىپ، تىڭ وي جەلى، جاڭا ءادىس، سونى شارالار جونىندە تىنباي ىزدەنىپ، ءدىن قىزمەتىندە تىڭ دا ماڭىزدى قادام تاستادى. كەزەكتە شينجياڭنىڭ ءدىن قىزمەتى تۇلعالىق جاقتان اقاۋسىز، باسقارۋى ءتارتىپتى، ەكونوميكالىق، قوعامدىق دامۋدى جەبەۋ مەن قوعام ورنىقتىلىعىن قورعاۋدا ماڭىزدى رول اتقارىپ كەلەدى، مۇندا قالىڭ ءدىن سالاسىنداعى قايراتكەرلەر وتاندى، حالىقتى ءسۇيۋ تاڭداۋلى ءداستۇرىن ساۋلەلەندىرىپ، پارتيا مەن ۇكىمەت قىزمەتىن قولداۋدا ماڭىزدى رول اتقاردى؛ ورتالىقتىڭ شينجياڭ قىزمەتى جونىندەگى ەكى رەتكى اڭگىمە ءماجىلىسىنىڭ رۋحىن تياناقتاندىرىپ، «حالىقتى اۋقاتتاندىرۋ»، دۇرىس سەنىم ورناتىپ، ءدىني ۇشقارى يدەيامەن كۇرەسۋ بارىسىندا ءوز رولدارىن ساۋلەلەندىردى.
جاڭ چۇنشيان مىنانى اتاپ كورسەتتى: اماليات وتانشىل ءدىني قايراتكەرلەردىڭ ساياسيدا سەنىمدى، ءدىني بىلىكتىلىگى جوعارى، بۇقارانى مورالىمەن يلاندىراتىن، شەشۋشى ساتتە رولىن ساۋلەلەندىرەتىن تاماشا قوسىن، شينجياڭنىڭ قوعام ورنىقتىلىعى مەن باياندى تىنىشتىعىن قورعاۋداعى ماڭىزدى كۇش، شينجياڭنىڭ ەكونوميكالىق، قوعامدىق دامۋىن جەبەۋدەگى بەلسەندى كۇش، سەنىم ارتۋعا بولاتىن تايانىش كۇش ەكەندىگىن دالەلدەدى. سونىمەن قاتار، مىنانى دا كورە ءبىلۋ قاجەت: ءدىن سالاسىندا پارتيانىڭ ءدىن قىزمەتى جونىندەگى باعىت - ساياساتتارىن دەرلىكتەي ۇيرەنبەۋ، يگەرمەۋ، تياناقتاندىرماۋ، ءدىن زاڭدىلىعىن جەتە تانىماۋ، «تۇسىندىرە الماۋ، يلاندىرا الماۋ، مويىنداتا الماۋ» ماسەلەسى ورىن تەۋىپ وتىر؛ شەكارا سىرتىنداعى جاۋ كۇشتەردىڭ دىننەن پايدالانىپ شينجياڭعا سىنالاپ كىرىپ بۇلگىنشىلىك تۋدىرۋ ارەكەتى بارعان سايىن اسقىنىپ، قوعامدىق جالپى جاعدايدىڭ ورنىقتىلىعىنا اۋىر نۇقسان جەتكىزدى. وسى ماسەلەلەر شەشىلمەيتىن بولسا، ءدىني ىستەردى باسقارۋ مەن ءدىن جاراسىمدىلىعىنا ىقپال جەتكىزەتىندىگى داۋسىز.
پارتيانىڭ ءدىن قىزمەتى جونىندەگى باعىتتارى مەن پرينسيپتەرىن ءدىن زاڭدىلىعى بويىنشا باتىل دايەكتىلەندىرۋ قاجەت
جاڭ چۇنشيان مىنانى باسا دارىپتەدى: پارتيانىڭ ءدىن قىزمەتى جونىندەگى باعىتتارى مەن پرينسيپتەرىن ءدىن زاڭدىلىعى بويىنشا باتىل دايەكتىلەندىرۋ كەرەك.
ءدىننىڭ «5 ءتۇرلى» ەرەكشەلىگىن جەتە تانۋ قاجەت. شينجياڭنىڭ ءدىن ماسەلەسى ۇزاق ۋاقىتتىق، كۇردەلى، بۇقارالىق، ۇلتتىق، حالىقارالىق سيپاتتى ەرەكشەلىكتەرگە يە. دىندەگى كۇردەلى ماسەلەلەردى شەشۋ ءۇشىن، ءدىننىڭ ءومىر ءسۇرۋىنىڭ ۇزاق ۋاقىتتىلىعىن جەتە تانۋمەن بىرگە، كۇردەلى حالىقارالىق استارىن دا كورە ءبىلۋ، سونىمەن قاتار شينجياڭنىڭ ءىس جۇزىندىك جاعدايىن تياناق ەتىپ، شينجياڭنىڭ ءدىن ماسەلەسى ەرەكشەلىگىمەن ۇشتاستىرىپ، ءدىن زاڭدىلىعى بويىنشا ءدىن قىزمەتىن قايتكەندە جاقسى ىستەۋگە بولادى دەگەن ماسەلەنى ىشكەرىلەي اقىلداسۋ كەرەك. 5 جىلدىق اماليات بارىسىندا، اۆتونوميالى رايوندىق پارتكوم مىنانى العا قويدى: ءدىن قىزمەتى، ماندىك جاقتان العاندا، بۇقارالىق قىزمەت، دىنگە سەنۋ جاعىنداعى پارىققا كەڭ پەيىلدىلىكپەن، پاراساتتىلىقپەن دۇرىس مامىلە جاساپ، «5 كىلتتەن» شىن مانىندە ويداعىداي پايدالانۋ كەرەك. اتاپ ايتقاندا، يدەياداعى ماسەلەنى يدەيالىق تاسىلدەرمەن شەشۋ، مادەنيەت ماسەلەسىن مادەنيەت ءتاسىلى ارقىلى شەشۋ، عۇرىپ - ادەت ماسەلەسىنە قۇرمەت ەتۋ پوزيتسياسىمەن مامىلە جاساۋ، ءدىن ماسەلەسىن ءدىن زاڭدىلىعى بويىنشا ءبىر جايلى ەتۋ، زورلىقتى كۇش، لاڭكەستىك ماسەلەسىن زاڭمەن جونگە سالۋ جانە قاتاڭ سوققى بەرۋ ءتاسىلى ارقىلى شەشۋ. مۇنداعى ماقسات − ءبىر كىلتپەن ءبىر قۇلىپتى اشىپ، ءدىن قىزمەتىن دەن قويا تىڭعىلىقتى ىستەۋ. «5 ورتاق تانىمنان» جازباۋ، ۇلى وتان، جۇڭحۋا ۇلتى، جۇڭحۋا مادەنيەتى، جۇڭگو كوممۋنيستىك پارتياسى، جۇڭگوشا سوتسياليزم جونىندەگى ورتاق تانىمدى ۇزدىكسىز كۇشەيتۋ كەرەك. «5 ورتاق تانىم» − مەملەكەتكە، ۇلتقا، دىنگە، تاريحقا، مادەنيەتكە دەگەن دۇرىس كوزقاراستىڭ ناقتى بەينەلەنۋى ءارى ۇلتتار ىنتىماعى تاربيەسى مەن ۇلتتاردىڭ ۇيىسۋ قۋاتىن ارتتىرۋدا جەتەتىن ءتۇبىرلى ماقسات. كەزەكتە اۆتونوميالى رايون قۇرىلعاندىعىنىڭ 60 جىلدىعىن قۇتتىقتاۋ تاقىرىبىمەن تىعىز ۇشتاستىرىپ، «5 ورتاق تانىم» تاربيەسىن ىشكەرىلەي ورىستەتۋ، وتانشىلدىق تاربيەسىن، جۇڭحۋا ۇلتى بولىنبەس ءبىر تۇلعا تانىمى تاربيەسىن، جۇڭگوشا سوتسياليزم جانە جۇڭگو ارمانى تاربيەسىن ورىستەتىپ، ءار ۇلت بۇقاراسىنىڭ وتانىمىزدىڭ ۇزاق تاريحىنان، شۇعىلالى مادەنيەتىنەن، جۇڭحۋا ۇلتىنىڭ ۇلى كوركەيۋى سىندى كۇرەس بارىسىنان كۇش الۋىنا جەتەكشىلىك ەتىپ، وتانىمىز ۇلى وتباسىندا ىنتىماقتاسا كۇرەسۋ داڭق سەزىمىن، ماقتانىش سەزىمىن، جاۋاپكەرلىك سەزىمىن كۇشەيتۋ كەرەك.
ءدىن ۇمبەتتەرى پەن ازاماتتار اراسىنداعى بايلانىستى دۇرىس تانۋ. ءدىن سالاسىنداعى قايراتكەرلەر مەن دىنگە سەنەتىن قاۋىم، ەڭ اۋەلى، مەملەكەتتىڭ ازاماتى، ەلىمىزدىڭ «نەگىزگى زاڭىنداعى» بەلگىلەمە بويىنشا، ازاماتتىق نەگىزگى ۇقىقتان يگىلىكتەنۋمەن بىرگە، نەگىزگى زاڭدار مەن زاڭ - ەرەجەلەرگە بويسۇنۋ بورىشىن، ءسوز جوق، وتەۋى قاجەت. اۋەلى، جاقسى ازامات بولعاندا عانا، جاقسى ءدىن ۇمبەتى بولۋعا بولادى. ءدىن سالاسىنداعى قايراتكەرلەر مەن دىنگە سەنەتىن قاۋىم وتاندى، ءدىندى ءسۇيۋ تاڭداۋلى ءداستۇرىن ونان ارى ساۋلەلەندىرىپ، مەملەكەتتىڭ گۇلدەنۋى مەن دامۋىن، ۇلتتاردىڭ العا باسۋىن جەبەۋدى تيەسىلى مىندەتتەرى ساناپ، قوعامدىق جاۋاپكەرلىكتى سانالىلىقپەن ارقالاۋلارى، ەڭ اۋەلى، زاڭ - تارتىپكە بويسۇناتىن سانالى ازامات، سونىمەن بىرگە سەنىمى، ءىس - ارەكەتى دۇرىس جاقسى ءدىن ۇمبەتى بولۋ كەرەك.
پارتيانىڭ ءدىن قىزمەتى جونىندەگى «ءتورت ءسوزدى» نەگىزگى باعىتىن جاپپاي دايەكتىلەندىرۋ قاجەت. پارتيانىڭ ءدىن قىزمەتى جونىندەگى نەگىزگى باعىتى: دىنگە سەنۋ ەركىندىگى ساياساتىن جاپپاي دايەكتىلەندىرۋ، ءدىني ىستەردى زاڭمەن باسقارۋ، دەربەس، ءوزىن بيلەۋ، ءوزىن باسقارۋ پرينسيبىنەن جازباۋ، ءدىندى سوتسياليستىك قوعامعا ۇيلەستىرۋگە بەلسەنە جەتەكشىلىك ەتۋ.
ءدىن ماسەلەسىن ءبىر جايلى ەتۋ جونىندەگى «بەس ءسوزدى» نەگىزگى پرينسيپتەن جازباۋ، اتاپ ايتقاندا، «زاڭدىلارىن قورعاۋ، زاڭسىزدارىن تيۋ، ۇشقارىلىقتى تەجەۋ، سىنالاپ كىرۋدەن ساقتانۋ، قىلمىستىق ارەكەتتەرگە سوققى بەرۋ». بۇل بەسەۋى ءبىر - بىرىنە سايكەسىپ جاتقان تۇتاس تۇلعا، «زاڭسىزدارىن تيعاندا»، «ۇشقارىلىقتى تەجەگەندە»، «سىنالاپ كىرۋدى توسقاندا»، «قىلمىستىق ارەكەتتەرگە سوققى بەرگەندە» عانا «زاڭدىلارىن» اناعۇرلىم ويداعىداي قورعاۋعا بولادى. وسى پرينسيپتى ءدىن ماسەلەلەرىن دۇرىس ءبىر جايلى ەتۋدە نەگىزدەلەتىن ساياسي ولشەم ەتىپ، ءدىني قيمىلداردىڭ جۇيەلى دە ءتارتىپتى جۇرىلۋىنە جەتەكشىلىك ەتۋ جانە ونى قامتاماسىزداندىرۋ كەرەك.
«بەستە جاقسى» بولۋ قيمىلىن بەلسەنە ورىستەتۋ كەرەك
جاڭ چۇنشيان مىنانى باسا دارىپتەدى: «بەستە جاقسى ءدىني قيمىل ورنى» مەن «بەستە جاقسى ءدىني قايراتكەر» بولۋعا قۇلشىنۋ قيمىلىن بەلسەنە ورىستەتۋ كەرەك. اماليات وسى قيمىلدىڭ ءدىن قىزمەتىن جاقسى ىستەپ، ءدىن قىزمەتىنىڭ دەڭگەيىن ۇزدىكسىز جوعارىلاتۋداعى ماڭىزدى ءتۇيىن، دىنگە سەنۋ ەركىندىگى ساياساتىن جاپپاي تياناقتاندىرىپ، ءدىن جاراسىمدىلىعىن جەبەۋدەگى ماڭىزدى جول، ءدىني ىستەردى باسقارۋدى زاڭ بويىنشا كۇشەيتىپ، قالىپتى ءدىني قيمىل ءتارتىبىن قورعاۋداعى ماڭىزدى شارا، ءدىن سالاسىنىڭ ءوز قۇرىلىسىن كۇشەيتىپ، ءدىني قايراتكەرلەر مەن دىنگە سەنەتىن قاۋىمنىڭ ءوزىن - ءوزى تاربيەلەۋدى، ءوزىن - ءوزى باسقارۋدى كۇشەيتۋىنە جەتەكشىلىك ەتەتىن ماڭىزدى فورما، ءدىن سالاسىنداعى قايراتكەرلەر مەن دىنگە سەنەتىن قاۋىمنىڭ ەكونوميكالىق، قوعامدىق دامۋدى جەبەۋدەگى بەلسەندى رولىن ساۋلەلەندىرىپ، ءدىندى سوتسياليستىك قوعامعا ۇيلەستىرۋگە بەلسەنە جەتەكشىلىك ەتەتىن ماڭىزدى دانەكەر ەكەندىگىن دالەلدەدى.
بەستە جاقسى ءدىني قايراتكەر بولۋدىڭ ولشەمى: ءبىرىنشى، وتاندى، ءدىندى سۇيۋدە جاقسى بولۋ. جۇڭگو كوممۋنيستىك پارتياسىنىڭ باسشىلىعىن، سوتسياليستىك ءتۇزىمدى، وتاننىڭ تۇتاستىعىن، ۇلتتار ىنتىماعىن، قوعام ورنىقتىلىعىن قورعاۋ؛ ءاربىر ءدىننىڭ بەيبىتشىلىكتى، ىنتىماقتى، ورتا جولدى دارىپتەۋدەي تاڭداۋلى داستۇرىنە مۇراگەرلىك ەتۋ جانە ونى ساۋلەلەندىرۋ؛ ۇلتتىق بولشەكتەۋشىلىك پەن ءدىني ۇشقارى يدەيانىڭ سىنالاپ كىرۋىن باتىل توسىپ، زاڭسىز ءدىني ارەكەتتەردى باتىل تيۋ. ەكىنشى، ۋاعىز ايتۋى، تاپسىرلەۋى جاقسى بولۋ. ءدىني توپتاردىڭ تالابى بويىنشا ۋاعىز ايتۋدى، تاپسىرلەۋدى جۇيەلەندىرىپ، ءدىني اقيدالار مەن ءدىن قاعيدالارىن زاڭ - ەرەجەگە، ءداۋىردىڭ العا باسۋ تالابىنا ساي ءتۇسىندىرىپ، دىنگە سەنەتىن قاۋىمنىڭ سەنىمدە، ءىس - ارەكەتتە دۇرىس بولۋىنا جەتەكشىلىك ەتۋ؛ تاپسىرلەۋ ورىندارىن مىقتى يگەرىپ، دىنگە سەنەتىن قاۋىمعا جاراسىمدىلىق، ىنتىماقتىلىق كوزقاراسىن ۇنەمى ۇگىتتەپ، ءدىن جاراسىمدىلىعىن دارىپتەۋ؛ زاڭ - ساياساتتاردان، ءدىني اقيدالاردان ىرىقتى تۇردە پايدالانىپ، تەرىس ۋاعىزدارعا تويتارىس بەرۋ. ءۇشىنشى، ۇلتتار ىنتىماعىندا جاقسى بولۋ. ۇلتتار ىنتىماعىن باستاماشىلدىقپەن قورعاپ، ۇلتتار ىنتىماعىنا ءتيىمسىز سوزدەردى ايتپاۋ، ۇلتتار ىنتىماعىنا ءتيىمسىز ىستەردى ىستەمەۋ، ۇلتتار ىنتىماعىنا ىقپال جەتكىزەتىن ءسوز - ارەكەتتەردى باستاماشىلدىقپەن تەجەپ، ۇلتتار ىنتىماعىنىڭ ۇلگىلەرىن باستاماشىلدىقپەن ۇگىتتەۋ؛ دىنگە سەنبەيتىن قاۋىم مەن دىنگە سەنەتىن قاۋىمنىڭ زاڭدى ۇقىق - مۇددەسىنە قۇرمەت ەتۋ؛ ۇلتتاردىڭ بەرەكەلىلىگىن، جاراسىمدىلىعىن جەبەپ، ۇلتتار ىنتىماعىنىڭ ۇلگىسى بولۋعا قۇلشىنۋ. ءتورتىنشى، وركەنيەتتى ءدىني ستيلدە جاقسى بولۋ. وتاندى، شينجياڭدى ءسۇيۋ، ىنتىماقتاسۋ، ۇلەس قوسۋ، ەڭبەكشىل، قايىرىمدى بولۋ، اشىق ويلى، العاباسار بولۋداي شينجياڭ رۋحىن ساۋلەلەندىرىپ، وسى زامانعى عىلىمعا، وسى زامانعى مادەنيەتكە، وركەنيەتتى سالتقا ۇمتىلىپ، اقاۋسىز، وركەنيەتتى تۇرمىستى باستاماشىلدىقپەن دارىپتەپ، عىلىم - تەحنيكاعا سۇيەنىپ، قاجىرلى ەڭبەگىمەن اۋقاتتانۋ؛ ءدىني ستيلدە دۇرىس، ءمورالدى، ايتقان ءسوزى مەن ىستەگەن ءىسى ساي كەلۋ، ءجۇرىس - تۇرىستا وركەنيەتتى بولۋ؛ قوعامداعى الەۋمەتتىك يگىلىكتى قيمىلدارعا بەلسەنە ات سالىسىپ، قوعامعا قىزمەت وتەۋ. بەسىنشى، رولىن ساۋلەلەندىرۋدە جاقسى بولۋ. پارتيا مەن مەملەكەتتىڭ باعىت - ساياساتتارىن ىرىقتىلىقپەن ۇگىتتەپ، مەملەكەتتىڭ زاڭ، زاڭ - ەرەجەلەرىنە، ساياساتتارىنا ونەگەلىلىكپەن بويسۇنىپ، دىنگە سەنەتىن قاۋىمنىڭ زاڭ - تارتىپكە بويسۇنۋىنا جەتەكشىلىك ەتۋ؛ دۇرىس سەنىممەن ىعىستىرىپ، نەگىزگى ساتى ۇيىمدارىنىڭ دىنگە سەنەتىن قاۋىم جونىندەگى قىزمەتتەردى جاقسى ىستەۋىنە ىرىقتىلىقپەن سايكەسىپ، دىنگە سەنەتىن قاۋىمدى زاڭسىز ءدىني قيمىلدار مەن ءدىني ۇشقارى يدەيالاردىڭ سىنالاپ كىرۋىن تەجەۋگە باستاۋ؛ زورلىقتى كۇشكە قارسى تۇرۋدان، زاڭدى، ءتارتىپتى دارىپتەۋدەن جازباي، شەشۋشى ساتتە باتىل پوزيتسيا ءبىلدىرىپ، «ءۇشءتۇرلى كۇشكە» سوققى بەرۋگە ىرىقتىلىقپەن سەلبەسۋ جانە قولداۋ كورسەتۋ؛ دىنگە سەنەتىن قاۋىمعا جەتەكشىلىك ەتۋ، ءدىننىڭ سوتسياليستىك قوعامعا ۇيلەسۋىن ىلگەرىلەتۋ بارىسىنداعى بەلسەندى رولىن ساۋلەلەندىرۋ.
جاڭ چۇنشيان مىنانى اتاپ كورسەتتى: «بەستە جاقسى ءدىني قايراتكەر» −− « قوس بەستە جاقسى» بولۋ قيمىلىنىڭ تەتىگى، كەلەسى قادامدا اۆتونوميالى رايون «بەستە جاقسى ءدىني قايراتكەر» مەن «بەستە جاقسى ءدىني قيمىل ورنى» ولشەمىنە وزگەرىس ەنگىزىپ جانە كەمەلدەندىرىپ، «قوس بەستە جاقسى» بولۋ قيمىلىن ىشكەرىلەي ورىستەتۋ قاجەت. ءار دارەجەلى پارتكوم مەن حالىق ۇكىمەتتەرى جانە ءدىن سالاسىنداعى قايراتكەرلەر قوس بەستە جاقسى بولۋ قيمىلىن ورىستەتۋدىڭ كەلەلى ءمانىن ىشكەرىلەي ءتۇسىنىپ، تابىستى تاجىريبەلەردى مۇقيات قورىتىندىلاپ، قوس بەستە جاقسى بولۋ قيمىلىن تىڭعىلىقتى ورىستەتىپ، قوس بەستە جاقسى بولۋ قيمىلىنا بەلسەنە ات سالىسۋى كەرەك. اسىرەسە، ءدىني قايراتكەرلەر وسى 5 ءتۇرلى ولشەم بويىنشا وزدەرىنە قاتاڭ تالاپ قويىپ، «بەستە جاقسى ءدىني قايراتكەر» بولۋعا قۇلشىنىپ، ءىس جۇزىندىك ارەكەتتەرى ارقىلى پارتيا مەن ۇكىمەتتىڭ سەنىمىنە، دىنگە سەنەتىن قاۋىمنىڭ قۇرمەتىنە يە بولۋى كەرەك.
ءدىني قايراتكەرلەر ءدىندى سوتسياليستىك قوعامعا ۇيلەستىرۋگە بەلسەنە جەتەكشىلىك ەتۋ رولىن ساۋلەلەندىرۋ كەرەك
جاڭ چۇنشيان بىلاي دەپ باسا دارىپتەدى: ءدىني قايراتكەرلەر ءدىندى سوتسياليستىك قوعامعا ۇيلەستىرۋگە بەلسەنە جەتەكشىلىك ەتۋ رولدارىن ساۋلەلەندىرۋ كەرەك. ەلىمىز سوتسياليستىك مەملەكەت، ەلىمىزدەگى دىندەر سوتسياليستىك شارت - جاعدايدا ساقتالادى جانە جۇرگىزىلەدى، ول، ءسوز جوق، سوتسياليستىك قوعامعا ۇيلەسۋى كەرەك، ءدىندى ەكونوميكانىڭ دامۋىن، قوعامنىڭ جاراسىمدىلىعىن، مادەنيەتتىڭ گۇلدەنۋىن، ۇلتتاردىڭ ىنتىماعىن، وتاننىڭ تۇتاستىعىن جەبەۋ ءۇشىن قىزمەت ەتۋگە جەتەلەۋ كەرەك.
− جۇڭگوعا ۇيلەستىرۋ باعىتىندا، ءسوز جوق، تاباندى بولۋ كەرەك. تەك جۇڭگوعا ۇيلەستىرۋ باعىتىندا تاباندى بولىپ، وسى زامانعى جۇڭگو قوعامىنىڭ دامۋىنا ۇيلەستىرىپ، حالىق بۇقاراسىنىڭ تىلەگىمەن ۇيلەستىرىپ، وعان ۇزدىكسىز ءداۋىر ءمانىن ۇستەپ، ءداۋىر رۋحىمەن بىرلەستىرگەندە عانا، ءدىننىڭ رولىن ونان ارى كورنەكتىلەندىرۋگە بولادى. قالىڭ وتانشىل ءدىني قايراتكەرلەر مىنانى ءبىلۋى ءتيىس: ءدىننىڭ قوعام دامۋىمەن ۇيلەسۋى وبيەكتيۆ زاڭدىلىق، تەك اشىق، باۋىرمال نيەتپەن، داۋىرمەن بىرگە العا باساتىن رۋحپەن ءدىن اقيدالارى مەن قاعيدالارىنا ءداۋىردىڭ العا باسۋ تالابىنا سايكەسەتىن تۇسىنىكتەر جاساپ، ءدىندى سوتسياليستىك وزەكتى قۇن كوزقاراسىمەن جەتەكتەپ، جۇڭحۋا مادەنيەتىمەن سۋارىپ، ءدىندى داۋىرلىك مانگە يە ەتكەندە عانا، ءدىننىڭ قالىپتى، اقاۋسىز دامۋىنا مۇمكىندىك جاساۋعا بولادى.
− ءدىن ىستەرى قىزمەتىن زاڭمەن جونگە سالۋ دەڭگەيىن، ءسوز جوق، جوعارىلاتۋ كەرەك. ءدىن ىستەرىن زاڭ بويىنشا باسقارۋ − دۇنيە ءجۇزىنىڭ كوپشىلىك مەملەكەتتەرىندە جاپپاي قولدانىلاتىن ءۇردىس، سونداي - اق ءدىندى سوتسياليستىك قوعامعا ۇيلەسۋگە جەتەكتەۋدە، ءسوز جوق، باسىپ وتۋگە ءتيىستى جول. ءدىني سەنىم ادامنىڭ جەكە ءىسى، ءبىراق دىنگە سەنۋشى − مەملەكەتتىڭ ازاماتى، نەگىزگى زاڭ مەن زاڭدارعا بويسۇنۋ − ازاماتتاردىڭ نەگىزگى بورىشى، ءدىني توپتار، ءدىني ورىندار، ءدىني قيمىلدار الەۋمەتتىك مۇددەگە سايادى، ولار زاڭدار مەن ەرەجەلەردىڭ شەكتەۋىندە بولۋى كەرەك؛ وكىمەت پەن مەن ءدىندى ايىرۋ ەلىمىزدىڭ مەملەكەتتىك جۇيەسىنىڭ، ۇكىمەتتىك جۇيەسىنىڭ تابيعي تالابى؛ زاڭدى بارىنەن جوعارى قويۋ وسى زامانعى دۇنيە جۇزىندەگى ءارقانداي ەل تۇگەلدەي بويسۇناتىن پرينسيپ. ەلىمىز وكىمەت پەن ءدىندى ايىرۋ پرينسيبىنە تاباندى بولىپ، مەملەكەتتى زاڭمەن جونگە سالادى، ال، زاڭ − بۇكىل ازاماتتارعا ارنالعان شەكتەۋ، نەگىزگى زاڭ مەن زاڭدارعا بويسۇنۋ − ازاماتتاردىڭ نەگىزگى بورىشى، قاي ۇلت بولسىن، قاي دىنگە سەنسىن، زاڭ الدىندا بارلىق ازاماتتىڭ تەرەزەسى تەڭ، بارلىعى بىردەي ۇقىقتان يگىلىكتەنىپ، بىردەي بورىش ارقالايدى، زاڭنان تىس قالاتىن جەر، زاڭنان تىس قالاتىن ادام، زاڭنان تىس قالاتىن ءدىن بولمايدى. نەگىزگى زاڭدا «ءارقانداي ادامنىڭ دىننەن پايدالانىپ قوعام ءتارتىبىن بۇلدىرەتىن، ازاماتتاردىڭ دەنساۋلىعىنا زيان سالاتىن، مەملەكەتتىڭ ءبىلىم بەرۋ تۇزىمىنە كەدەرگى جاسايتىن قيمىلدارمەن شۇعىلدانۋىنا بولمايدى» دەپ بەلگىلەنگەن.
− « ۇشقارىلىقتى الاستاۋ» قىزمەتىن تىڭعىلىقتى ىستەۋگە، ءسوز جوق، تاباندى بولۋ كەرەك. ءدىني ۇشقارىلىق پەن ءدىني ۇشقارى كۇشتەر جاستار مەن وسپىرىمدەردى ازعىرىپ، وتانشىل ءدىني قايراتكەرلەردى ءولتىرىپ، ۇلتتى، ءدىندى بارىمتاعا ۇستاپ، زايىرلى ومىرگە كەرى اسەرىن تيگىزدى. ءدىني ۇشقارىلىق دىنگە جاتپايدى، ول − ءدىندى بۇرمالاۋ، قورلاۋ، اياق استى ەتۋ جانە دىنگە وپاسىزدىق جاساۋ، ءدىني ۇشقارى يدەيانىڭ سىنالاپ كىرۋى جانە ءورشۋى − ءدىننىڭ جاراسىمدىلىعىنا تونگەن ەڭ ۇلكەن قاتەر، سونداي - اق شينجياڭنىڭ قوعام ورنىقتىلىعى مەن باياندى تىنىشتىعىنا تونگەن ناقتى حاۋىپ، ول شينجياڭداعى ءار ۇلت حالقىنا وراسان زور زالال كەلتىردى. شينجياڭداعى ءدىن ىستەرى قىزمەتىن جاقسى ىستەۋدە قازىرگى ەڭ كوكەي تەستى مىندەت − «ۇشقارىلىقتى الاستاۋ» قىزمەتىن تەرەڭدەي ىلگەرىلەتۋ. ءدىني ۇشقارى يدەيانىڭ سىنالاپ كىرۋىنە مەڭزەس، قالىڭ وتانشىل ءدىني قايراتكەرلەر پوزيتسيا بىلدىرۋگە باتىل بولىپ، ءىسلام ءدىنىن جەلەۋ ەتكەن زورلىقتى كۇش ارەكەتتەرىن قاتال ايىپتاپ، زورلىقتى كۇش لاڭكەس ەلەمەنتتەردىڭ، ءدىني ۇشقارىلاردىڭ ءبىزدىڭ زورلىقتى كۇش لاڭكەستىك ارەكەتىمىز «دىنگە ادالدىق» دەيتىن ساندىراقتارىن اشكەرەلەپ، دىنگە سەنەتىن قالىڭ بۇقارانى ءدىني ۇشقارى يدەيامەن جانە ءدىني ۇشقارى كۇشتەرمەن باتىل كۇرەسۋگە بەلسەنە جەتەكتەۋى كەرەك. ءدىني ۇشقارى كۇشتەر «جيحاد جاساۋشىلار جانناتقا كىرەدى» دەيتىن شاتپاقتارىن ءناسيحاتتاي باستاعان كەزدە، ولاردىڭ وتىرىكتەرىن پاش ەتۋگە باتىل بولۋ؛ زورلىقتى كۇش لاڭكەستىك دەلولار تۋىلعان كەزدە پوزيتسيا بىلدىرۋگە باتىل بولىپ، ءىستىڭ شىن سىرىن اشىپ، زورلىقتى كۇش لاڭكەس ەلەمەنتتەردىڭ قىلمىستارىن ايىپتاۋ؛ ءدىني ۇشقارى كۇشتەر بۇقارانىڭ زايىرلى ومىرىنە كيلىككەن كەزدە، كەۋدە كەرە ورتاعا شىعىپ، بۇقارانى دۇرىس باعىتقا باستاۋ؛ ءدىني ۇشقارى كۇشتەر بۇقارانىڭ وسى زامانعى وركەنيەتتى ومىرگە دەگەن قۇلشىنىسىن توسپاققا ۇرىنعان كەزدە، باتىلدىقپەن ورتاعا شىعىپ، وعان تويتارىس بەرىپ، باستان - اياق سەرگەك وي - سانانى ساقتاپ، ولارمەن بەتپە - بەت قارسى كۇرەس جۇرگىزۋ كەرەك. مىنانى ايقىن ءتۇسىنۋىمىز كەرەك: ءبىز بەن ءدىني ۇشقارى كۇشتەر اراسىنداعى كۇرەس − قاتاڭ ساياسي كۇرەس، ولارعا ەشقانداي ىمىراعا كەلەتىن مۇمكىندىك بەرمەۋىمىز كەرەك، ولاردى ىرقىنا جىبەرۋ − دىنگە سەنەتىن بۇقارانى تەرىس باعىتقا باستاۋ، قوعام مەن حالىق الدىندا قىلمىس وتكىزۋ، ونىڭ اششى زاردابى اقىرى اينالىپ ءوز باسىمىزعا كەلەتىنى ەسىمىزدە بولعانى راۋا.
− ءدىننىڭ دۇرىس جاقتاعى رولىن، ءسوز جوق، بەلسەنە كورنەكتىلەندىرۋ كەرەك. «ۇشقارىلىقتى الاستاۋ» قىزمەتىن ىلگەرىلەتۋدە اۆتونوميالى رايوندىق پارتكوم «بەس كىلتتەن» ۇتىمدى پايدالانىپ، دۇرىس سەنىممەن ىعىستىرىپ، مادەنيەتپەن ىقتىرىپ، زاڭمەن جونگە سالۋ ارقىلى شەكتەۋ سىندى «ءۇش جاعىنان بىردەي كۇش سالۋدى» تالاپ ەتتى. مۇنىڭ ىشىندە، زاڭمەن جونگە سالۋ ارقىلى شەكتەۋدە ارناعا ءتۇسىرۋ مەن سوققى بەرۋ، مادەنيەتپەن ىقتىرۋدا يدەيالىق جاقتا جەتەكشىلىك ەتۋ مەن شارت - جاعداي جاساۋ، حاق سەنىممەن ىعىستىرۋدا تۇبىرىنەن وڭاپ، نەگىزىن تازارتۋ كورنەكتىلەندىرىلەدى، دۇرىس ءدىن اقيدالارى ارقىلى دىنگە سەنەتىن جاماعاتتىڭ ىشكى سانالىلىعىن وياتۋ كەرەك، بۇل قازىرگى كەزەڭدەگى ءبىرشاما تىكە جانە ءونىمدى ءتاسىل. حاق سەنىممەن جەتەكتەۋدى كۇشەيتىپ، ولاردىڭ تانىمدارىن ايقىنداۋلارىنا كومەكتەسۋ كەرەك. وتانشىل ءدىني قايراتكەرلەر سەنىممەن ىعىستىرۋداعى ماڭىزدى كۇش. قالىڭ وتانشىل ءدىني قايراتكەرلەر ءوز ەرەكشەلىكتەرىنەن تولىق پايدالانىپ، كوپىرلىك، دانەكەرلىك رولدارىن سانالى تۇردە ساۋلەلەندىرىپ، دىنگە سەنەتىن بۇقارانىڭ قىزمەتىن تىڭعىلىقتى ىستەۋدە، دۇرىس سەنىممەن ىعىستىرۋدا ءوز كۇشتەرىن ايگىلەۋلەرى كەرەك. ءدىننىڭ قوعامدىق رولىندا ءارى جاعىمدى جاق، ءارى جاعىمسىز جاق بولادى. ءدىندى سوتسياليستىك قوعامعا ۇيلەستىرۋ بارىسى بەلسەندى فاكتورلاردى ىسكە قوسىپ، جاعىمسىز فاكتورلاردى تەجەۋ بارىسى بولۋى ءتيىس، تەك جاعىمسىز فاكتورلاردى تەجەۋگە عانا كوڭىل ءبولىپ، بەلسەندى فاكتورلاردى ىسكە قوسۋعا نەمقۇرايدى قاراۋعا، تەك بەلسەندى فاكتورلاردى ىسكە قوسىپ، جاعىمسىز فاكتورلاردى ىسكە قوسۋعا نەمقۇرايدى قاراۋعا دا بولمايدى. دىندەگى بەيبىتشىلىككە تالپىنۋ، الاۋىزدىقتى جويۋ، ىزگى، باۋىرمال بولۋ سياقتى جاقسى يدەيالار مەن بەلسەندى فاكتورلاردى بار كۇشپەن ىسكە قوسىپ جانە ءناسيحاتتاپ، داۋىرگە ۇيلەسپەيتىن مازمۇندارعا تاريحي ارتقى كورىنىس جانە بۇگىنگى ءداۋىر تالابى سياقتى جاقتاردان دۇرىس تۇسىنىك جاساۋ، سونداي - اق وسى زامانعى ءومىردىڭ تالابى بويىنشا تۇسىنىك بەرۋ كەرەك.
− ءدىني قايراتكەرلەردىڭ رولىن، ءسوز جوق، ساۋلەلەندىرۋ كەرەك. وتانشىل ءدىني قايراتكەرلەر دىنگە سەنەتىن بۇقاراعا جەتەكشىلىك ەتۋ رولدارىن تولىق كورنەكتىلەندىرىپ، قوعام ورنىقتىلىعىن قورعاۋ جانە ەكونوميكالىق، قوعامدىق دامۋدى جەبەۋدە بەلسەندى رول كورسەتۋلەرى كەرەك. «ساياسيدا سەنىمدى، ءدىني بىلىكتىلىگى جوعارى بولۋدى، مورالمەن جۇرتتى يلاندىرۋدى، شەشۋشى ساتتە رول اتقارۋدى» وزىنە تالاپ ەتىپ قويىپ جانە ونى تالپىناتىن باعىت ەتۋگە تاباندى بولىپ، تولىمدى وتانشىل ءدىني قايراتكەر بولۋعا قۇلشىنۋلارى كەرەك.
جاڭ چۇنشيان بىلاي دەپ باسا دارىپتەدى: قالىڭ ءدىني قايراتكەرلەر قاتەر تانىمىن، جاۋاپكەرشىلىك تانىمىن شىنايى كۇشەيتىپ، ءوز ساپالارىن جوعارىلاتۋدى حاق سەنىمدى، تۋرا جولدى اسقاقتاتىپ، ۇشقارىلىققا قارسى تۇرىپ، ءدىندى سوتسياليستىك قوعامعا ۇيلەسۋگە جەتەكتەۋدىڭ شەشۋشى امالى ەتۋى؛ نەگىزگى زاڭدى، زاڭداردى جانە پارتيا مەن مەملەكەتتىڭ ساياساتتارىن ۇيرەنۋگە ءمان بەرىپ، دۇرىس پەن بۇرىس تانىمىن جانە ونى اجىراتۋ قابىلەتىن كۇشەيتىپ، نەنىڭ جاقسى، نەنىڭ جامان ەكەنىن، نەنى ىستەۋ، نە ىستەمەۋ كەرەك ەكەنىن ءبىلۋى؛ ءدىني ءبىلىم دەڭگەيىن جانە ۋاعىز ايتۋ، تاپسىرلەۋ قابىلەتىن ونان ارى جوعارىلاتىپ، دىنگە سەنەتىن بۇقارانىڭ ءدىن تۋرالى زاڭدى سۇرانىسىن قاناعاتتاندىرىپ، ءدىني ۇشقارى كۇشتەردىڭ ساندىراق - شاتپاقتارىن پاش ەتىپ، دۇرىس سەنىم، تۋرا جولدىڭ بەلسەندى تاراتۋشىلارىنان بولۋى؛ ۇيرەنۋگە ءمان بەرۋى، اسىرەسە، مەملەكەتتىك ءتىلدى جاقسى ۇيرەنىپ، كوز ايالارىن كەڭەيتۋى؛ عىلىم، مادەنيەت بىلىمدەرىن ۇيرەنۋدى كۇشەيتىپ، عىلىم - تەحنيكا ۇيرەنىپ، عىلىم - تەحنيكا ءبىلىپ، عىلىم - تەحنيكادان پايدالانىپ، ەڭبەكشىلدىكپەن بايۋدىڭ، عىلىم - تەحنيكامەن بايۋدىڭ ونەگەسى بولۋلارى؛ دىنگە سەنەتىن بۇقارا مەن دىنگە سەنبەيتىن بۇقارانى، سونداي - اق تۇرلىشە دىندەردى تەپە - تەڭ مامىلە جاساۋعا، ءوزارا قۇرمەتتەۋگە، تاتۋلىققا باستاپ، ءدىندى سوتسياليستىك قوعاممەن ۇيلەستىرۋدىڭ بەلسەندى ىلگەرىلەتۋشىلەرى بولۋلارى كەرەك.
پارتيانىڭ ءدىن قىزمەتىنە باسشىلىعىن كۇشەيتەۋ كەرەك
جاڭ چۇنشيان مىنالاردى باسا دارىپتەدى: پارتيانىڭ ءدىن قىزمەتىنە باسشىلىعىن كۇشەيتىپ، ءدىن قىزمەتىن جاقسارتۋ، كەمەلدەندىرۋ كەرەك. ورتالىقتىڭ جانە اۆتونوميالى رايوننىڭ ءدىن قىزمەتى جونىندەگى نەگىزگى ساياساتتارى مەن زاڭ - ەرەجەلەرىن مۇقيات دايەكتى تياناقتاندىرۋ، اۆتونوميالى رايوندىق پارتكومنىڭ 11 - ءنومىرلى حۇجاتىن، 28 - ءنومىرلى حۇجاتىن، سونداي - اق جاڭادان وزگەرىس ەنگىزىلگەن «اۆتونوميالى رايوننىڭ ءدىن ىستەرى ەرەجەسىن» دايەكتى تياناقتاندىرۋ، وتە - موتە، «بەس كىلتتەن» ۇتىمدى پايدالانىپ، ءدىن ماسەلەسىندە ءدىن زاڭدىلىعىنا ساي قىزمەتتى تىڭعىلىقتى ىستەۋ؛ دىنگە سەنەتىن بۇقارانىڭ زاڭدى ءدىني قاجەتىن قامتاماسىزداندىرىپ، ءتارتىپتى، لايىقتى، مەڭگەرە الۋ پرينسيبىنە ساي، دىنگە سەنەتىن بۇقارانىڭ ءدىن بىلىمدەرىن دۇرىس يگەرۋىنىڭ زاڭدى جولىن ورنىقتى كەڭەيتۋ؛ ءدىني قيمىل جانە ءدىني قيمىل ورىندارىنا قىزمەت ەتۋ مەن باسقارۋدى كۇشەيتىپ، قالىپتى ءدىني قيمىلداردى زاڭ بويىنشا قورعاۋ، ءار ۇلت حالقىن عىلىم مەن وركەنيەتتى قاستەرلەيتىن وسى زامانعى تۇرمىس تاسىلىنە ويىسۋعا شابىتتاندىرىپ جانە جەتەكتەپ، زاڭسىز ءدىني قيمىلدىڭ اياسىن تارىلتىپ، ءدىني قيمىل مەن ۇلتتىق سالت - سانانىڭ، قالىپتى دىنگە سەنۋشىلىكپەن مەن ءدىني ۇشقارىلىقتىڭ شەك - شەكاراسىن دۇرىس پارىقتاپ، ءدىني قيمىلداردىڭ زاڭ بويىنشا جۇيەلى دە ءتارتىپتى جۇرىلۋىنە كەپىلدىك ەتۋ؛ وتانشىل ءدىني قايراتكەرلەردى باۋلۋ تەبىنىن كۇشەيتىپ، ءدىن تاربيەشىلەرىن ورتا، ۇزاق مەرزىمدى تاربيەلەۋ جوسپارىن جاساپ، اۆتونوميالى رايون مەن ايماق، وبلىس، قالا ەكى دارەجەلى شوعىرلى تاربيەلەۋ، اۋدان، اۋىل، قىستاقتا مەرزىمدى ۇيرەنۋ، تاربيەلەۋ جانە جاعدايدىڭ مىندەتىنە قاراي تاربيەلەۋدەي ءۇش ساتى بويىنشا وتانشىل ءدىني قايراتكەرلەردى تاربيەلەۋ مەحانيزمىن بەكەمدەۋ جانە كەمەلدەندىرۋ؛ ءدىني قايراتكەرلەردىڭ تۇرمىس شارت - جاعدايىن جاقسارتۋعا كوڭىل ءبولۋ كەرەك. تۇتاس رايونىمىزداعى قالىڭ ءدىني قايراتكەرلەر پارتيا مەن ۇكىمەتتىڭ قامقورلىعىن بارىنشا قاستەرلەۋى، پارتيا مەن ۇكىمەتتىڭ قىزمەتتەردى جاقسى ىستەۋىنە اناعۇرلىم سەلبەسىپ، سايكەسىپ، كاسىپتىك ار - نامىستان اۋىتقىماي، دۇرىس سەنىم - ارەكەتتەن جازباي، ءدىني ۇشقارى يدەيالاردى باتىل شەكتەۋى، شينجياڭداعى دىندەردىڭ جاراسىمدىلىعى مەن اقاۋسىزدىعىن ويداعىداي قورعاپ، وزدەرىنىڭ ناقتى قيمىلدارى ارقىلى كورىكتى شينجياڭ قۇرۋعا قۇلشىنۋى كەرەك.
اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى شوكىرات زاكىر ءماجىلىستى باسقارعان كەزدە بىلاي دەپ اتاپ كورسەتتى: جاڭ چۇنشيان شۋجيدىڭ ماڭىزدى ءسوزىنىڭ رۋحىن تەرەڭ ۇعىنىپ، دايەكتى تياناقتاندىرىپ، ءماجىلىس رۋحىن نەگىزگى ساتىلارعا دەيىن دەر كەزىندە جەتكىزۋ كەرەك. ورتالىقتىڭ جانە اۆتونوميالى رايوندىق پارتكومنىڭ ءدىن قىزمەتى جونىندەگى نەگىزگى تانىمى مەن جالپى تالابىن تەرەڭ ۇعىنىپ، دۇرىس يگەرىپ، ءدىني ىستەردى زاڭ بويىنشا ويداعىداي باسقارىپ، دىنگە سەنەتىن جۇرتشىلىقتى تاربيەلەۋ، جەتەلەۋ قىزمەتىن كۇشەيتۋ كەرەك. وتانشىل ءدىني قايراتكەرلەردىڭ ورنىقتىلىقتى قورعاۋ، بولشەكتەۋشىلىككە قارسى تۇرۋ، ۇشقارى يدەيانى تەجەۋ، زاڭدى قۇرمەتتەۋ، زاڭعا بويسۇنۋ، ۇلتتار ىنتىماعىن قورعاۋ جاقتارىنداعى بەلسەندى رولىن تولىق ساۋلەلەندىرۋ ءتيىس. ءار دارەجەلى كادرلاردىڭ ءدىني ىستەردى باسقارۋداعى قىزمەت ورەسىن قۇلشىنا جوعارىلاتىپ، جاڭا جاعدايداعى ءدىن قىزمەتىن جاقسى ىستەۋ قاجەت.
نايىم ياسىن، چى جۇن، حان يۇڭ، شاۋكەت يمين، باي جىجيە، شيۇڭ شۋانگو، عانيبات سابىكەي ۇلى، لي شۋەجۇن، ما شۋەجۇن قاتارلى باسشىلار ماجىلىسكە قاتىناستى. «شينجياڭ گازەتى»
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
