- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
PPP ۇلگىسىن بەلسەنە جالپىلاستىرىپ، تىڭ تابىسقا تەز جەتۋگە كۇش سالۋ كەرەك
اۆتونوميالى رايونىمىز الەۋمەتتىك قىزمەت كورسەتۋ سالاسىنداعى ۇكىمەت پەن قوعامدىق كاپيتال سەلبەستىگى ۇلگىسىن جەدەل جالپىلاستىرۋ قىزمەتى جيىنىن اشتى
2015.09.08 13:48 كەلۋ قاينارى : ءتاڭىرتاۋ تورابى
7 - قىركۇيەكتە اۆتونوميالى رايونىمىز الەۋمەتتىك قىزمەت كورسەتۋ سالاسىنداعى ۇكىمەت پەن قوعامدىق كاپيتال سەلبەستىگى ۇلگىسىن جەدەل جالپىلاستىرۋ قىزمەتى جيىنىن اشىپ، الەۋمەتتىك قىزمەت كورسەتۋ سالاسىنداعى ۇكىمەت پەن قوعامدىق كاپيتال سەلبەستىگى ۇلگىسىن جەدەل جالپىلاستىرۋ قىزمەتى جونىندە ورنالاستىرۋ جاسادى. اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى شوكرات زاكىر بىلاي دەپ باسا دارىپتەدى: ءار دارەجەلى ۇكىمەتتەر جانە قاتىستى تاراۋلار PPP قىزمەتىن جەدەل ىلگەرىلەتۋدى كەزەكتەگى جانە بۇدان كەيىنگى ءبىر مەزگىلدەگى ماڭىزدى مىندەت ەتىپ، فۋنكتسيالىق رولدارىن تولىق كورنەكتىلەندىرىپ، PPP ۇلگىسىن بەلسەنە جالپىلاستىرىپ، كەلەلى ناتيجەگە تەز قول جەتكىزۋگە كۇش سالۋى كەرەك.
الەۋمەتتىك قىزمەت كورسەتۋ سالاسىنداعى ۇكىمەت پەن قوعامدىق كاپيتال سەلبەستىگى ۇلگىسى (قىسقاشا PPP ۇلگىسى دەلىنەدى) ۇكىمەتتىڭ باسەكەلىك ءتاسىل ارقىلى قارجى قوسۋ، شارۋاشىلىق جۇرگىزۋ، باسقارۋ قابىلەتى بار قوعامدىق كاپيتالداردى ىرىكتەپ، ەكى جاق تەڭ تۇرعىدا اقىلداسۋ پرينسيبى بويىنشا كەلىسىم شارت جاساسىپ، جاۋاپكەرشىلىك، ۇقىق، مۇددە قاتىناستارىن ايقىندايتىن، قوعامدىق كاپيتال الەۋمەتتىك قىزمەت كورسەتۋمەن قامدايتىن، ۇكىمەت الەۋمەتتىك قىزمەت كورسەتۋدىڭ ونىمدىلىگىن باعالاۋدىڭ ناتيجەسىنە قاراي قوعامدىق كاپيتالعا سايكەستى اقى تولەيتىن، سول ارقىلى قوعامدىق كاپيتالدىڭ لايىقتى پايدا تابۋىنا كەپىلدىك ەتەتىن سەلبەستىك ۇلگىسى.
شوكرات زاكىر بىلاي دەپ اتاپ كورسەتتى: PPP ۇلگىسىن جالپىلاستىرۋ ۇكىمەت فۋنكتسياسىنا بۇرىلىس جاساۋدى تەزدەتۋگە، ۇكىمەت پەن كاسىپورىندى، ۇكىمەت پەن ءىسورنىن ايىرۋعا ءتيىمدى؛ كاسىپ سالاسىنا كىرۋگە رۇقسات بەرۋ شەكتەمەسىن بۇزىپ، ەكونوميكالىق ومىرشەڭدىك پەن جاسامپازدىقتى جانداندىرۋعا ءتيىمدى؛ قازىنالىق ۇسىنىلىم مەن باسقارۋ ءتاسىلىن كەمەلدەندىرىپ، قازىنا قارجىسىنىڭ يگەرىلۋ ونىمدىلىگىن جوعارىلاتۋعا ءتيىمدى. سونىمەن بىرگە، PPP ۇلگىسىن جالپىلاستىرۋ اۆتونوميالى رايونىمىز دامۋىنىڭ ءىس جۇزىندىك قاجەتى، ول قارجى تارتۋدى ءونىمدى تۇردە كوبەيتىپ، الەۋمەتتىك قىزمەت كورسەتۋدىڭ قارجى قۇراۋ قيىنشىلىعىن شەشىپ، ۇكىمەتتىڭ قارىز قىسىمىن جەڭىلدەتەدى. اۆتونوميالى رايونىمىزدىڭ PPP قىزمەتىن جەدەلدەتۋدە، ءسوز جوق، زاڭعا، ەرەجەگە ساي بولۋ، كەلىسىم - ۋادەنى ورىنداۋ، اشىق - جاريا بولۋ، الەۋمەت يگىلىگىن كورۋ، بەلسەندى ءارى بايىپتى بولۋ سىندى 5 نەگىزگى پرينسيپتى مىقتى يگەرۋ كەرەك. جالعان PPP جاساۋ، باعا ستاندارتىنىڭ بىلىعۋى، الەۋمەت مۇددەسىنىڭ زياندالۋى، كولەڭكەلى ايىرباس، ماسەلە شىقسا تۇرا قاشۋ سىندى 5 قاتەردەن ساقتانۋ؛ پايدا تابۋ ۇلگىسىن ايقىنداۋ، يكەمدى ىنتالاندىرۋ شارالارىن بەلگىلەۋ، بەلگىلى كوممەرتسيالىق ەركىن ءورىس بەلگىلەۋ، ساقتانۋعا كەلمەيتىن تابيعي اپاتتار كەزىندەگى ۇكىمەتتىڭ قۇتقارۋ - كومەكتەسۋ جاۋاپكەرشىلىگىن ايقىنداۋ، قوعامدىق قارجى قوسۋشىلاردىڭ شارۋاشىلىق جۇرگىزۋ قاتەرگە جولىققان كەزدەگى قۇتقارۋ - كومەكتەسۋ جاۋاپكەرشىلىگىن ايقىنداۋ سىندى 5 ءتۇرلى ءتۇيىندى قىزمەتتى ايقىنداۋ كەرەك.
شوكرات زاكىر مىنالاردى تالاپ ەتتى: سايكەستىرۋ، باسقارۋ قۇرىلىمدارىن كەمەلدى ەتىپ قۇرىپ، جوبانى تاپتەشتەپ، جاۋاپكەرشىلىكتى تياناقتاندىرۋ؛ PPP ۇلگىسىنىڭ دامۋىنا ۇيلەسەتىن تۇزىمدىك ورتانى كۇش سالا قالىپتاستىرۋ؛ PPP نىساندارىنىڭ سىناق ءتۇيىنى قىزمەتىن جەدەل ورىستەتۋ كەرەك. بيىل جىل باسىنان بەرى، اۆتونوميالى رايوندىق پارتكوم 2 كەزەككە ءبولىپ، PPP 125 نىسانىن جاريالادى، قازىنا مەڭگەرمەسىندە دە 83 نىسان نىسان قورىنا ەندى. جەر - جەر جەدەل قيمىلعا كوشىپ، الدىمەن وڭايىن، سوڭىنان قيىنىن قولعا الۋ پرينسيبى بويىنشا، شارت - جاعدايى جەتىلگەن، باۋراۋ قۋاتى بار، وڭاي ىسكە قوسىلاتىن نىسانداردى الدىمەن اتقارىپ، ءبىر توپPPP نىساندارىن جەدەل ىلگەرىلەتىپ، جەرگىلىكتى ۇكىمەتتىڭ قارىزىنا جازىلعان ىركىندى نىسانداردان ءبىر توبىن PPP ۇلگىسىنە اۋىستىرۋ كەرەك.
اۆتونوميالى رايوننىڭ باسشىلارىنان حۋاڭ ۋي، ءمۇتالىپ قاسىم، ليۋ جيانشين، ۋان حايچۋاندار جيىنعا قاتىستى. «شينجياڭ گازەتى»
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
