- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
ۇلتتار ىنتىماعىنىڭ، قايىرىمدىلىقتىڭ گۇل - بايشەشەگىن قۇلپىرتايىق
− بيڭتۋان 1 - ديۆيزياسى 13 - پولكىنىڭ قىزمەتشىسى يۋ لياڭيىڭ مەن گۇما اۋدانىنىڭ ديقانى مامەتتۇرىپ مىرساق وتباسىنىڭ اڭگىمەسى (3)
2015.09.08 13:50 كەلۋ قاينارى : ءتاڭىرتاۋ تورابى
ىلعي دا كۇلىمسىرەپ جۇرەتىن يۋ لياڭيىڭنىڭ ىستىق ىقىلاسى مەن قاجىر - قايراتى توڭىرەگىندەگى ادامدارعا اسەر ەتپەي قويسىن با. مامەتتۇرىپ مىرساق ەكەۋىنىڭ اراسىندا اپەكە مەن ءىنى اراسىندا بولاتىن دوستىق جاقىندىق ورناعاننان تارتىپ، بايتاق دالادا ۇلتتار ىنتىماعىنىڭ، قايىرىمدىلىقتىڭ كوكتەم سامالى ەسىپ، 13 - پولك پەن گۇما اۋدانى دوستىق، قايىرىمدىلىق شارتىنا قول قويىسىپ، ۇلتتار ىنتىماعىنىڭ، قايىرىمدىلىقتىڭ گۇل - بايشەشەگى قۇلپىرا اشىلدى.
«جاقسىلىق جەردە قالمايدى»
يۋ لياڭيىڭ وتباسى 1991 - جىلى بيڭتۋان 1 - ديۆيزياسى 13 - پولكىنىڭ 11 - روتاسىنا كەلىپ ىرگە تەپتى. العاشقى جىلدارى تۇرمىسى جاپالى بولدى، جولداسى يۋان حۋاميڭ تۇرمىستا ۇنەمشىلدىك ىستەۋ ءۇشىن ۆەلوسيپەدپەن ارلى - بەرلى 80 كيلومەترگە جۋىق جول باسىپ، 310 كيلوگرام اس تۇزىن تاسۋ ءۇشىن ابدەن قالجىراۋشى ەدى. 2001 - جىلى يۋ لياڭيىڭ وتباسى 600 نەشە مۋلىق ماقتا اتىزىن كوتەرەگە الدى. ماقتا تەرەتىن كەزدە ەرلى - زايىپتى ەكەۋى ازاننان تۇنگە دەيىن دامىل الماي ەڭبەك ىستەۋشى ەدى. ارينە، توككەن تەر تەككە كەتپەي، تولەۋى بولدى. 2012 - جىلدان 2014 - جىلعا دەيىن، يۋ لياڭيىڭ وتباسى كوتەرەگە العان 200 مۋعا جۋىق ماقتا اتىزى مەن 30.8 مۋلىق شىلان باعىنىڭ جىلدىق ورتاشا كىرىسى شامامەن 300 مىڭ يۋانداي بولىپ، يۋ لياڭيىڭ پولكتىڭ، روتانىڭ اۋقاتتانۋ شەبەرىنە اينالىپ، تالاي جىل «وزات قىزمەتشى»، «8 - مارت قىزىل تۋشىسى»، «جەلەكتىلەردەن شىققان اۋقاتتانۋ شەبەرى» سياقتى داڭقتى اتاقتارعا يە بولدى.
يۋ لياڭيىڭ الدەكىمنىڭ ۇيىندە بىرەر ءىس بولسا، ءوزى قاربالاستىقتان مۇرنىنا سۋ جەتپەي جۇرسە دە ۋاقىتىن شىعارىپ قولىنان كەلگەنىنشە كومەك جاساۋعا تىرىساتىن. تۋجيا ۇلتىنان شىققان قىزمەتكەر جاڭ شىرۇڭ 1993 - جىلى روتاعا العاش كەلگەن كەزدە جەر ەگۋدەن حابارى جوق جان ەكەن. ول روتاعا كەلگەننەن كەيىن، يۋ لياڭيىڭ وعان جەر ەگۋدىڭ قىر - سىرىن ەگجەي - تەگجەيلى ۇيرەتەدى. 2000 - جىلى قاڭتاردا جاڭ شىرۇڭنىڭ ءبىر جاسقا كەلگەن قىزى قايناپ تۇرعان ىستىق سۋعا كۇيىپ قالادى. بۇل كەزدە جولداسى جانىندا جوق ەدى. يۋ لياڭيىڭ جاعدايدان حابار تاپقاننان كەيىن دەرەۋ جەتىپ، بالانى ارال شيپاحاناسىنا جەتكىزەدى ءارى كۇيەۋىنەن 1000 يۋان كەپىل اقشا الدىرادى. وسى ىستەن كەيىن يۋ لياڭيىڭ مەن جاڭ شىرۇڭ ءبىر - بىرىنەن سىر جاسىرمايتىن اپەكەلى - سىڭلىلەرگە اينالادى.
«جاقسىلىق جەردە قالمايدى»، يۋ لياڭيىڭ باسىنان وتكەن مىنا ءبىر ءىستى بايانداپ بەردى: 2003 - جىلدىڭ كۇزى، ءبىر كۇنى تۇستە جۇبايىم ەكەۋىمىز ۇيدەن 50 مەتر الىستاعى ماقتا اتىزىندا ەڭبەك ىستەپ جاتقانبىز، كەنەت بىرەۋلەردىڭ ۇيگە ءورت كەتتى دەگەن ايعاي - شۋىن ەستىپ قالدىق دا، ۇيگە قاراي جان ۇشىرا جۇگىردىك. بارساق، 50 - 60 ادام ءۇيدى قورشاپ الىپ ءورت ءسوندىرىپ جاتىر ەكەن. بىرەۋلەرى ءۇيدىڭ توبەسىن اشىپ سۇراپىل وتتان ساقتانسا، بىرەۋلەرى ۇيدەگى نارسەلەردى سىرتقا جان دارمەن تاسىپ جاتىر، ال ەندى بىرەۋلەرى سۋ شاشىپ لاۋلاعان ءورتتى سوندىرۋمەن قاربالاس ەكەن، لاۋلاعان ءورتتىڭ قولقانى اتقان قارا قوشقىل تۇتىنىنەن تايساعان بىردە - ءبىر ادام جوق. «شينجياڭ گازەتى»
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
