- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
شينجياڭ وسىزامان اۋىل شارۋاشىلىعىنىڭ دامۋ جولىنا قاراي بەت الدى
2015.09.14 13:32 كەلۋ قاينارى : شينجياڭ حالىق راديو ستانسياسى تورابى
قىركۇيەك ايى مول ءونىم الىناتىن مەزگىل. قۇتىبي اۋدانىنىڭ دافىڭ قالاشىعىنداعى 7 مىڭ 850 مۋ جەردەگى ماشينامەن جينالاتىن ماقتا جينالۋ كەزەڭىندە تۇر. اپپاق قارداي ماقتا زاۆوتتان وندىرىلگەن ونىمدەي رەتتى دە تازا بولىپ، كوزگە ەرەكشە تۇسەدى. حۇڭليۋتاڭ قىستاعى پارتيا ياچەيكاسىنىڭ شۋجيى سۇن شۋۋىن قول تەلەفون تەرمينالى ارقىلى الىناتىن سوڭعى ءونىم مولشەرىن وڭاي عانا ەسەپتەدى. ول: «قول تەلەفون ارقىلى سۋ جانە تىڭايتقىش جاعدايىن، قاي وڭىرگە قۇرت تۇسكەنىن بىلە الامىن. ەگىستىكتەگى جاعدايدى قول تەلەفونعا ءتۇسىرىپ قىزمەت پۋنكتىنە جىبەرسەم، پروفەسسور سۋرەت ارقىلى تالداۋ جاساۋ، ساندى مالىمەتتى سالىستىرۋ ارقىلى تامشىلاتىپ سۋارۋ، ءدارى بەرۋ بارىسىنداعى ماسەلەنى شەشىپ بەرەدى»،-دەدى.
كوكونىس ەگەتىن ديحان ليۋ شياۋجۇڭ دا مول ءونىم الىپ، قۋانىشقا بولەنگەن ەدى. قىپ-قىزىل پىسقان پاميدور، اشتى بۇرىش، سونداي-اق چيەزى، قاربىز سياقتى 100 دەن استام جاڭاشا ەرەكشە ءونىم تۇرلەرى ءۇرىمجى-سانجى رايونىنداعى ساياحاتشىلاردى باۋراپ، مۋ باسىندىق پايدا 20 مىڭ يۋاننان استى. وسىدان ليۋ شياۋجۇڭ وسىزامان اۋىل شارۋاشىلىعىنىڭ دامۋىنا زور سەنىم ارتتى. ول: «وتكەن جىلدىڭ نەگىزىندە سارا، ساپالى، ەرەكشە ونىمدەر ەكتىك. ءبىز وسىرگەن بال اراسىنىڭ بالى زالالسىز، ءبىر مۋ باقشا، ون مۋ اتىزىمىز بار، ونىمدىلىك ەگىن ەككەننەن جوعارى»،-دەدى.
سولتۇستىك شينجياڭ رايونىنىڭ وسىزاماندانعان اۋىل شارۋاشىلىعى قارىشتاي دامىسا، وڭتۇستىك شينجياڭنىڭ اۋىل شارۋاشىلىق جاڭا عىلىم-تەحنيكاسى اۋىل شارۋاشىلىعىن وسىازماندانعان دامۋ جولىنا ءتۇسىردى. بۇرىنعى جىلدارى كوزگە كوپ تۇسپەيتىن ۇشقىشسىز ايروپلان بۇگىنگى كۇندە جاي بۇقارانىڭ ۇيىنەن تابىلىپ، تۇقىم ءسىڭىرۋ، ارام ءشوپ وتاۋ سياقتى كىرىستى ارتتىرۋدىڭ ءتۇرلى مىندەتتەرىن ۇستىنە الدى. اۋات اۋداندىق اۋىل شارۋاشىلىق مەكەمەسىنىڭ باستىعى ماۋ چاۋشىڭ: «ۇشقىشسىز ايروپلانمەن تۇتاس اۋدانداعى 100 مىڭ مۋ جەرگە ءدارى شاشامىز. ۇشقىشسىز ايروپلاننىڭ اۋىل شارۋاشىلىعىندا پايدالانىلۋ سالىستىرماسىن بىرتىندەپ ارتتىرعان ءجون، ويتكەنى ۇشقىشسىز ايروپلان جەر بەدەرىنىڭ ىقپالىنا ۇشىرامايدى. ادام كۇشى وزىندىك قۇنى جوق. اۋىل شارۋاشىلىعى دامۋىنداعى اۋقىمعا اينالاتىندىعى داۋسىز»،-دەدى.اۆتونوميالى رايون قۇرىلعان 60 جىلدا شينجياڭنىڭ اۋىل شارۋاشىلىعىندا بايىرعى 2 وگىز سوقا سۇيرەۋدەن وتكەن عاسىردىڭ 80-، 90-جىلدارىنداعى ءتورت دوڭگەلەكتى تراكتور جالپىلاسىپ، ونان وتكەن عاسىردىڭ باسىنداعى اۋىل شارۋاشىلىعىنىڭ ماشينالاسۋىنىڭ كەڭ كولەمدى جالپىلاسۋىنا دەيىن بىرتىندەپ العا باسۋ ىسكە استى. وتە-موتە ورتالىقتىڭ شينجياڭ قىزمەتى جونىندەگى اڭگىمە ءماجىلىسى اشىلعاننان بەرى، ەگىن ەگۋ، تۇقىم ءسىڭىرۋ، سۋارۋدان، جيناۋ، قوراپتاۋ، تاسۋعا دەيىن، اۋىل شارۋاشىلىعىنا پايدالانىلاتىن ۇشقىشسىز ايروپلاننىڭ جۇمىس ىستەۋى، جاساندى سەرىك باعىتتاۋىشىمەن اۆتوماتتى جۇرگىزۋ، مايسانى ءدال، دۇرىس ەگۋ ماشيناسى، ينتەللەكتى اينەكتى جىلى شاتىر سياقتى وزىق اۋىل شارۋاشىلىق ماشينالارى جانە قۇرىلعى جابدىقتارى تيانشاننىڭ وڭتۇستىگى مەن سولتۇستىگىندە جاپپاي قولدانىلىپ، شينجياڭنىڭ اۋىل شارۋاشىلىعى ويداعىداي وزگەرىپ، وسىزامانداۋ دەڭگەيى بارعان سايىن جوعارىلاپ، شينجياڭنىڭ ءىس جۇزىندىگىنە ۇيلەسەتىن اۋىل شارۋاشىلىعىنىڭ باياندى دامۋ جولىن اشتى.
رايونىمىز اۆتونوميالى رايوننىڭ «استىق، ماقتا، مال شارۋاشىلىعى، جەمىس-جيدەك» سىندى ءتورت ءىرى قۇرىلىسىن ارقاۋ ەتىپ، بايلىق ابزالدىلىعىن ەكونوميكالىق ابزالدىلىققا اينالدىرۋ ستراتەگياسىن اتقارىپ، قازىر كولەمى 2 ميلليون مۋدان اساتىن استىق ءوندىرىسى نەگىزگى رايونىنان بەسەۋ، ءبىر ميلليون مۋدان اساتىن ماقتا ەگۋ نەگىزگى رايونىنان بەسەۋ، 150 مۋدان جوعارى ماي شيكىزاتىن ءوندىرۋ رايونىنان تورتەۋ قالىپتاستى. مەملەكەت دارەجەلى استىق بازاسى اۋدانىنان 12 اۋدان، اۆتونوميالى رايون دارەجەلى استىق بازاسى اۋدانىنان 24 اۋدان قۇرىلىپ، مەملەكەتتىڭ ساپالى ماقتا ءوندىرىس بازاسى اۋدانى 38، مەملەكەت دارەجەلى قانىت قىزىلشا بازاسى بەسەۋ بولدى، تۇتاس رايونىمىزدىڭ اۋىل شارۋاشىلىق ماشينالارىنىڭ جالپى قۋاتى 23 ميلليون 383 مىڭ 700 كيلوۋات بولىپ، 1956-جىلعىدان 657 ەسە ارتتى، نەگىزگى ەگسى داقىلدارىن ەگۋ، جيناپ الۋدىڭ ماشينالاسۋ دەڭگەيى %83.5 بولىپ، ەلىمىز بويىنشا الدىڭعى قاتاردا بولدى، وتكەن جىلى رايونىمىزداعى اۋىل-قىستاق تۇرعىندارىنىڭ كىسى باسىندىق تازا كىرىسى 8 مىڭ 742 يۋانعا جەتىپ، 2009-جىلداعىدان 1.14 ەسە ارتتى.ءتىلشى ەستەلىگى: اۋىل شارۋاشىلىعى وسىزاماندانباسا، ديحانداردىڭ كىرىسى ورنىقتى ارتپايدى، قوعامنىڭ ورنىقتىلىعى مەن باياندى تىنىشتىعى سىندى ەكى ماڭىزدى تاريحي نىسانا ورىندالمايدى. اۋىل شارۋاشىلىعىنىڭ ونىمدىلىگىن جەدەل ارتتىرۋ، ديحانداردىڭ كىرىسىن مولايتۋ، اۋىل-قىستاقتىڭ اياق الىسىن ورنىقتىرۋ ءۇشىن، ورتالىق پەن اۆتونوميالى رايون بەلسەندى ءونىمدى شارالار قولداندى، بەس جىلدان بەرى، اۋىل شارۋاشىلىق ءوندىرىس قۇرال-جابدىقتارى قوسىمشا قاراجاتى، اۋىل شارۋاشىلىق ماشينالارى قوسىمشا قاراجاتى، استىققا تىكەلەي بەرىلەتىن قوسىمشا قاراجات سياقتى ديحاندارعا ءتيىمدى ساياساتتاردا بولسىن، نەمەسە ءبىر قىدىرۋ پارمەندى عىلىم-تەحنيكا تىرەگى جاعىندا بولسىن اۋىل شارۋاشىلىعىنىڭ وسىزامانۋ جولىندا العا ىلگەرلەۋىن بارىنشا قامتاماسىزداندىرىپ، ديحانداردىڭ تۇرمىس دەڭگەيىندە زور ىلگەرلەۋشىلىك بولدى. بۇگىنگى كۇندە جاڭا اۋقىمعا سانالىلىقپەن ۇيلەسىپ، اۋىل شارۋاشىلىعىنىڭ دامۋ تاسىلىنە بۇرىلىس جاساۋدى تەزدەتىپ، اۋىل-قىستاق رەفورماسىن ونان ارى تەرەڭدەتىپ، ديحانداردىڭ كاسىپتەنىپ، كىرىستى ارتتىرۋىن بارلىق ءادىس-امالدى قولدانىپ جەبەپ، اۋىل-قىستاق حالىق تۇرمىسىن ءۇرتىس جاقسارتىپ، اۋىل-قىستاق زاڭمەن باسقارۋ قۇرىلىسىن شىنايى كۇشەيتۋ سياقتى «تاسىلگە بۇرىلىس جاساۋ، قۇرىلىمدى رەتتەۋ، رەفورمانى مىقتى يگەرۋ، كىرىستى ارتتىرۋدى جەبەۋدىڭ» ديحاندارعا ءتيىمدى جاڭا ساياساتتارى اتقارىلىپ، شىت-جاڭا شينجياڭنىڭ جاڭا اۋىل-قىستاعى كۇللى جۇرت الدىندا بوي كورسەتۋدە.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
