- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
− «ۇلتتار ىنتىماعى، العاباسارلىعى جىلى» قيمىلىن ورىستەتۋگە اتتانىسقا كەلتىرۋ جيىنىنىڭ رۋحى جونىندەگى تۇسىنىك
ياۋ تۇڭ
2016.04.06 13:58 كەلۋ قاينارى : شينجياڭ گازەتى
«شينجياڭ ۇيعۇر اۆتونوميالى رايونىنىڭ ۇلتتار ىنتىماعى، العاباسارلىعى قىزمەتى ەرەجەسى» (تومەندە ەرەجە دەپ قىسقارتىلىپ الىنادى) شينجياڭ ۇيعۇر اۆتونوميالى رايوندىق 12 - كەزەكتى حالىق قۇرىلتايى تۇراقتى كوميتەتىنىڭ 20 - ماجىلسىندە 2015 - جىلى 29 - جەلتوقساندا ماقۇلداندى. بۇل ەرەجە جالپى ەرەجە، قىزمەت مىندەتى، قوعامدىق جاۋاپكەرلىك، قامتاماسىزداندىرۋ جانە باقىلاۋ، زاڭدىق جاۋاپكەرلىك، قوسىمشا ەرەجە قاتارلى 6 تاراۋ، 60 تارماقتان قۇرالعان. «ەرەجە» ۇلتتار ىنتىماعى، العاباسارلىعى ىستەرىن جاپپاي ىلگەرىلەتۋ، تەڭ، ىنتىماقتى، قارايلاسىمدى، جاراسىمدى سوتسياليستىك ۇلت قاتىناسىن بەكەمدەپ جانە دامىتىپ، ۇلتتاردىڭ ىنتىماقتاسا كۇرەس جۇرگىزۋىن، گۇلدەنىپ - كوركەيۋىن جەبەۋ، قوعامىنىڭ ورنىقتىلىعى مەن باياندى تىنىشتىعىن جۇزەگە اسىرۋدىڭ ماڭىزدى كەپىلى. تومەندە «ەرەجەنى» ۇيرەنۋ بارىسىنداعى العان اسەرىمە مەڭزەس ءىشىنارا ماسەلە توڭىرەگىندە توقتالامىن.
1. «ەرەجەنى» ۇيرەنۋ، دايەكتىلەندىرۋ قىزمەتىن قايتكەندە ءونىمدى جۇرگىزۋگە بولادى
ءبىرىنشى، «ەرەجەنىڭ» كەلەلى ماڭىزىن ىشكەرىلەي ءتۇسىنىپ، پارمەندى باسشىلىق القا قۇرىپ، ءارقايسى ورىن، تاراۋدىڭ ءبىرىنشى باسشىسى ءوزى جاۋاپتى بولىپ، ءوز باسىنان ونەگە بولىپ، ۇلتتار ىنتىماعى، العاباسارلىعى مازمۇنىن مەكەمەنىڭ جالپى قىزمەتىنە، جالپى قىزمەتكەرلەردىڭ جىلدىق باعالاۋ ولشەمىنە كىرگىزۋ كەرەك. بۇلاي دەيتىنىمىز ۇلتتار ىنتىماعى، العاباسارلىعى قىزمەتى پارتكوم ءبىر تۇتاس باسشىلىق ەتەتىن، ۇكىمەت جاپپاي جاۋاپتى بولاتىن، ۇلت ىستەرى تاراۋلارى سايكەسۋگە جەتەكشىلىك ەتەتىن، تاراۋلار اتقارۋعا سايكەسەتىن، قوعامنىڭ ءار سالاسى كەڭ كولەمدە ات سالىساتىن قىزمەت.
ەكىنشى، «ۇلتتار ىنتىماعى، العاباسارلىعى ىستەرىنىڭ ماڭىزى نە، ونى نەگە دارىپتەپ وتىرمىز؟» دەگەن ماسەلەنى ايقىن ءتۇسىنۋىمىز كەرەك. ۇلتتار ىنتىماعى، العاباسارلىعى ىستەرى − جۇڭگوشا سوتسياليزم ۇلى ءىسىنىڭ ماڭىزدى قۇرامداس بولەگى، قوعام ورنىقتىلىعى مەن باياندى تىنىشتىقتىڭ ىرگە تاسى، ەكونوميكالىق، قوعامدىق دامۋدى جەبەۋدىڭ نەگىزى، ەكونوميكا، ساياسي، مادەنيەت، قوعامدىق، ەكولوگيالىق وركەنيەت قۇرىلىستارىن ىلگەرىلەتۋدىڭ ماڭىزدى كەپىلى.
ءۇشىنشى، ۇلتتار ىنتىماعى، العاباسارلىعى ىستەرىنىڭ يدەيالىق نەگىزى مەن بۇقارالىق نەگىزىن بەكەمدەۋ كەرەك. ءبىز جوعارىدا ۇلتتار ىنتىماعى، العاباسارلىعى ىستەرىنە ۇكىمەت جاپپاي جاۋاپتى بولادى دەدىك. بۇل ءۇشىن ءار دارەجەلى حالىق ۇكىمەتتەرى ۇلتتار ىنتىماعى تاربيەسىن بۇقارالىق تاربيەنىڭ، كادرلار تاربيەسىنىڭ، قوعامدىق تاربيەنىڭ تۇتاس بارىسىنا، ازاماتتاردىڭ ءمورال تاربيەسىنىڭ جانە زاڭمەن جونگە سالۋ تاربيەسىنىڭ تۇتاس بارىسىنا، ءار ۇلت جاستارى مەن ورەندەرىنىڭ ۇيرەنۋ تاربيەسىنىڭ تۇتاس بارىسىنا ەنگىزۋ؛ ۇلتتار ىنتىماعى، العاباسارلىعى ۇگىت - تاربيەسىن جانە ونەگەلى ورىن قۇرۋ قيمىلىن ورگاندارعا، مەكتەپتەرگە، كاسىپورىندارعا، ءدىني قيمىل ورىندارىنا، اۋىلدارعا، قالاشىقتارعا (ءمالى)، قىستاقتارعا (الەۋمەتتىك اۋماق)، اسكەري (ساقشى) لاگەر، بيڭتۋاننىڭ پولك، الاڭ، روتا، اترەتتەرىنە دەيىن ورىستەتۋ كەرەك. سوندا عانا ۇلتتار ىنتىماعى، العاباسارلىعى ىستەرىنىڭ يدەيالىق نەگىزى مەن بۇقارالىق نەگىزىن بەكەمدەۋگە شىنايى قول جەتكىزۋگە بولادى.
ءتورتىنشى، ءار ۇلت بۇقاراسىنىڭ ءوندىرىس، تۇرمىس، قىزمەت جانە ۇيرەنۋ بارىسىندا ءوزارا ءتۇسىنىسۋىن، سۇيىسپەنشىلىكتى تەرەڭدەتۋىن جەبەۋ كەرەك. ۇلتتار ءوزارا توعىسقان قوعامدىق قۇرىلىم مەن الەۋمەتتىك اۋماق ورتاسىن قالىپتاستىرىپ، ءوزارا بارىس - كەلىس جاسايتىن، بىرىنە - ءبىرى قارايلاساتىن دوستىق بايلانىس ورناتۋدى جەبەۋ؛ شينجياڭ مەن ىشكى ولكەلەر، وڭتۇستىك شينجياڭ مەن سولتۇستىك شينجياڭ، بيڭتۋان مەن جەرگىلىكتى ورىن، ۇلتتار اراسىنداعى اۋىس - كۇيىستى ىلگەرىلەتۋ؛ اۋىل - قىستاقتارداعى ارتىق ەڭبەككۇشتەردى ىشكى ولكەلەرگە ەرىكتى تۇردە بارىپ جۇمىس ىستەۋگە، ساۋدامەن اينالىسۋعا جانە تۇراقتاپ تۇرۋعا جوسپارلى ۇيىمداستىرىپ، از ۇلتتاردىڭ ىشكى ولكەلەرگە بارىپ، ۇيرەنۋ، كاسىپتەنۋ، تۇراقتاپ تۇرۋ ءورىسىن تارتىپپەن كەڭەيتۋ كەرەك.
بەسىنشى، ۇلتتار ىنتىماعى تاربيەسى مەن ۇلتتار ىنتىماعى، العاباسارلىعىنداعى وزات ورىن قۇرۋ قيمىلىن تاباندىلىقپەن ورىستەتۋ كەرەك. الۋان فورماداعى ۇلتتار ىنتىماعى ۇگىت - تاربيە قيمىلىن ۇتىمدى ورىستەتىپ، ات ۇستىلىك، فورماشىلدىق ماسەلەسىن شىنايى شەشۋ ءتيىس. ءار ۇلت بۇقاراسىن «ءۇشتىڭ ءبىر - بىرىنەن ايىرىلا الماۋ» يدەياسىن بەرىك ورناتۋعا جەتەكتەۋ؛ ۇلتتار ىنتىماعى تاربيەسىن وسپىرىمدەردەن باستاپ يگەرىپ، ۇلتتار ىنتىماعى تاربيەسىن مەكتەپ تاربيەسى، وتباسى تاربيەسى، قوعامدىق تاربيە بارىسىندا دايەكتىلەندىرىپ، ءار ۇلت وسپىرىمدەرىنىڭ قارشادايىنان بىرگە ويناپ، بىرگە ۇيرەنىپ، بىرگە ەسەيىپ - ەرجەتۋىنە مۇمكىندىك جاساۋ كەرەك. ۇلتتار ىنتىماعى، العاباسارلىعىنداعى وزات ورىن قۇرۋ قيمىلىن كەڭ كولەمدە ىشكەرىلەي ورىستەتىپ، ۇلتتار ىنتىماعىنداعى ونەگەلى قىستاق، الەۋمەتتىك اۋماق، ورىن قۇرۋ قيمىلىن ىلگەرىلەتۋ، ۇلتتار ىنتىماعىندا وزات ورىندار مەن جەكەلەردى كۇش سالا ماداقتاۋ كەرەك. ۇلتتار ىنتىماعى، العاباسارلىعىن جەبەيتىن ەرەجەنى مۇقيات اتقارىپ، ورگانداردا، كاسپورىنداردا، مەكتەپتەردە ۇلتتار ىنتىماعىن قورعايتىن ەرەجە - تۇزىمدەر ورناتۋ، اۋىل - قىستاق، الەۋمەتتىك اۋماق، مەشىت سەكىلدى ورىنداردا ۇلتتار ىنتىماعىن قورعايتىن اۋىل ەرەجەسىن، حالىق ۋادەناماسىن شىعارۋ كەرەك.
التىنشى، دوستاسۋ، ۇشتاسۋ قيمىلىن كەڭ كولەمدە ورىستەتۋ كەرەك. ايتالىق، تۇتاس وتانىمىز جونىنەن العاندا 56 ۇلت بار، ال شينجياڭ جونىنەن العاندا ەجەلدەن 13 ۇلت، ال قازىر 47 ۇلت جاساپ وتىر. قاي ءبىر اۋدان، اۋىل - قىستاقتا كەمىندە بىرنەشە ۇلت قاتار جاسايدى. ايتالىق، ءوز تۋعان اۋىلىم شوقپارتاستا قازاق، حانزۋ، ۇيعۇر قاتارلى 3 ۇلت بار. حانزۋ اۋىلداستار نەگىزىنەن الدىڭعى عاسىردىڭ 50 -، 60 - جىلدارىندا ىشكى ولكەلەردەن كوشىپ كەلگەن 10عا جەتپەيىن وتباسى بولاتىن. ولار العاش كەلگەندە شوقپارتاستاعى قازاق ۇلتى قۇشاق جايا قارسى الىپ، الىستان كەلگەن تۋىسىنداي كورىپ، قورمال قۇشاعىنا العان ەكەن. سول جىلدارداعى كوممۋنا باستىعى ماعۇزىم دەگەن ادام ءبىر حانزۋ وتباسىن باعىپ، ولاردىڭ ەڭ ۇلكەن ۇلىنا تالاپ دەپ قازاقشا ات قويعان، كەيىن وسى اۋىلداعى حانزۋ وتباسى سانى 50 تۇتىنەن اسىپ، جان سانى 250گە جەتتى. جارىم عاسىردان بەرى ءبىر ءۇيلى جانداي تاتۋ - ءتاتتى ءوتىپ كەلەدى. بۇل حانزۋلار اراسىنان، مىقتى ساۋداگەر، وقىتۋشى، مامان، اۋدان باسشىلارى جەتىلىپ شىقتى. ال اۋدانىمىزدىڭ بوستان اۋىلىندا 6 ۇلت ارالاس قونىستانعان، ءبىر رەت مىناداي ءبىر اسەرلى اڭگىمەگە جولىققان جايىم بار: وسى اۋىلداعى ازەز دەگەن ۇيعۇر كاريا اۋلاسىنا 6 ءتۇرلى جەمىس ەگىپتى، بۇنى اۋىلىنداعى 6 ۇلتتىڭ سيمۆولىنا بالايدى ەكەن. ءوزى قازاق ۇلتىنا قىز بەرىپ، قىز الىسقان قۇدا ەكەن.
ءبىز ءار ۇلت كادرلارى ۇقساماعان ۇلتتاردان قۇرالعان دوستارعا باستاماشى بولىپ، ۇلتتار ىنتىماعىنا ءتيىمسىز سوزدەردى سويلەمەۋ، ۇلتتار ىنتىماعىنا ءتيىمسىز ىىستەردى ىستەمەۋ، ۇلتتار ىنتىماعىن بۇلدىرەتىن ءسوز - ارەكەتتەرمەن ايقىن تۋ ۇستاي وتىرىپ، باتىل كۇرەس جاساۋىمىز كەرەك. ۇلتتار ىنتىماعىندا اركىم ءوز باسىنان، كىشى - گىرىم ىستەردەن، قاسىنداعى ادامداردان، ىستەردەن باستاپ ونەگە كورسەتۋگە قۇلشىنۋ قاجەت. ءار دارەجەلى پارتيا، ۇكىمەت ورگاندارى، كاسىپورىندار مەن ءىسورىندار، حالىقتىق توپتار، دەموكراتيالىق پارتيا، توپتار كوپ جىكتى، كوپ ارنالى، الۋان فورمالى ۇلتتار ىنتىماعى سەلبەستىك، دوستىق پىكىر اۋىسۋ قيمىلىن ۇيىمداستىرىپ، قارىم - قاتىناستى ونان ارى كۇشەيتىپ، سۇيىسپەنشىلىكتى توعىستىرۋ كەرەك.
شينجياڭ ماسەلەسىندەگى ەڭ ۇزاققا سوزىلاتىنى ۇلتتار ىنتىماعى ماسەلەسى. سوندىقتان ۇلتتار ىنتىماعىن ەڭ ءىرى بۇقارالىق قىزمەت، ۇلتتار ىنتىماعىن كۇشەيتۋدى شينجياڭنىڭ قوعامدىق ورنىقتىلىعى مەن باياندى تىنىشتىعىنىڭ نەگىزى، ۇلتتار ىنتىماعىن جەبەۋدى ءار ۇلت حالقىنىڭ جان تامىرى ەسەپتەپ، ءار ۇلت بۇقاراسىن پارتيا مەن ۇكىمەتتىڭ توڭىرەگىنە ىنتىماقتاستىرۋ كەرەك.
2. ۇلتتار ىنتىماعى، العاباسارلىعى جاعىنداعى ۇزدىك كوللەكتيۆتەردىڭ، ۇلگىلەردىڭ رولىن تولىق ساۋلەلەندىرۋ كەرەك
بۇل ۇلتتار ىنتىماعى، العاباسارلىعى ىستەرىندەگى ماڭىزدى بۋىن ەسەپتەلەدى. ۇگىتتىڭ قۇدىرەتى شەكسىز دەگەن ءسوز بار. ءبىز، ءسوسىز، ۇلتتار ىنتىماعىن ونەگەنىڭ كۇشى ارقىلى جەبەۋىمىز كەرەك. مۇندا ءار دارەجەلى حالىق ۇكىمەتى ۇلتتار ىنتىماعىن نىعايتۋدى ستراتەگيالىق، نەگىزدىك، ۇزاق بولاشاقتىق قىزمەت رەتىندە جۇرگىزىپ، ءوز جەرىندەگى ۇلتتار ىنتىماعى، العاباسارلىعى ىستەرىنىڭ تابىستارىنان تولىق پايدالانىپ، بۇقارانى تاربيەلەۋ، بۇقاراعا ۇگىت جۇرگىزۋ، جۇرت تىلەگىن توعىستىرۋ كەرەك. «ەرەجەدە» ۇلتتار ىنتىماعى، العاباسارلىعى ىستەرىندە جارىققا شىققان وزات كوللەكتيۆتەر مەن جەكەلەردى ماداقتاۋ - سيلاۋ ماسەلەسىن ايقىن بەلگىلەدى. مۇندا اۆتونوميالى رايون كەمىندە ءار 5 جىلدا ءبىر رەت، وبلىس، قالا، ايماق كەمىندە ءار 3 جىلدا ءبىر رەت، اۋدان كەمىندە ءار 2 جىلدا ءبىر رەت ۇلتتار ىنتىماعى، العاباسارلىعىن ماداقتاۋ - سيلاۋ جينالىسىن وتكىزۋدى ايقىن اتاپ كورسەتتى. وسىمەن قاتار، اۆتونوميالى رايوندىق حالىق ۇكىمەتى ۇلتتار ىنتىماعى، العاباسارلىعىنداعى ونەگەلى ورىن قۇرۋ جانە سيلاۋ ءادىسىن شىعاراتىن بولدى. اۆتونوميالى رايوننىڭ ۇلتتار ىنتىماعى، العاباسارلىعىنداعى ونەگەلى ورىن قۇرۋ قيمىلىندا ۇلگى كورسەتەتىن ورىن اتاعىنا يە بولعان ورىندار ءار جىلدىڭ سوڭىندا ءبىر رەتتە بەرىلەتىن سيلىق قاراجاتقا يە بولاتىن بولدى. اۋدان دارەجەلىدەن جوعارى حالىق ۇكىمەتى ۇلتتار ىنتىماعى، العاباسارلىعىنداعى قىزمەت قاراجاتىنا كەپىلدىك ەتۋدى ورتاعا قويدى. سوندىقتان ءار دارەجەلى حالىق ۇكىمەتتەردى «ەرەجەنى» قاتاڭ اتقارىپ، ۇلتتار ىنتىماعى، العاباسارلىعىن ماداقتاۋ - سيلاۋ جينالىسىن مەرزىم سايىن وتكىزىپ، ءار ۇلت بۇقاراسىنىڭ بىرلەسىپ شارۋاشىلىق قۇرۋ، كەدەيلەردى سۇيەمەلدەپ، قيىنشىلىعى بارلارعا كومەكتەسۋ، ءوزارا قارايلاسۋ، كومەكتەسۋ جاقتارىندا كورنەكتى ناتيجە جاراتقان، كورنەكتى ۇلەس قوسقان ورىندار مەن جەكەلەردى ماداقتاپ - سيلاۋدى قوعامداعى ءبىر تاماشا سالتقا اينالدىرۋ كەرەك.
3. كاسىپورىنداردىڭ جەرگىلىكتى ەڭبەككۇشتەردى، اسىرەسە، از ۇلت ەڭبەككۇشتەرىن قابىلداۋىنا شابىت بەرۋ كەرەك
شينجياڭدى اشۋ، گۇلدەندىرۋ بارىسىندا كوپتەگەن كاسىپورىندار شينجياڭعا كەلىپ ىرگە تەپتى. وسى كاسىپورىنداردىڭ باسقارۋ جۇيەسى، ىشكى قۇرىلىمى ۇقسامايدى. مەملەكەت باسقارۋىنداعى، حالىق باسقارۋىنداعى، جەكە باسقارۋىنداعى كاسىپورىندار بولىپ بولىنەدى. «ەرەجەنىڭ» قوعامدىق جاۋاپكەرلىك بولىمىندە، ۇلتتار ىنتىماعى، العاباسارلىعىنداعى ىستەرى − تۇتاس قوعامنىڭ ورتاق جاۋاپكەرلىگى دەپ ايقىن كورسەتىلدى. سوندىقتان شينجياڭنىڭ جەرلىك كاسىپورنى نەمەسە ىشكى ولكەدەن كىرگەن كاسىپورىندار بولسىن، شينحياڭ حالقى ءۇشىن قوعامدىق بورىشىن وتەۋ كەرەك. كاسىپسىزدىك ماسەلەسى تۇتاس الەمدە بار كۇردەلى تاقىرىپ، ەلىمىزدە، اسىرەسە، شينجياڭ جونىنەن العاندا كاسىپتەنۋ ماسەلەسى اۋىر قوعامدىق جاعداي ەكەنىنە كوز جۇما المايمىز. سول ءۇشىن كاسىپورىندار از ۇلت ازاماتتارىن كاسىپكە ورنالاستىرۋ جاعىندا ەرەكشە ءمان بەرۋ كەرەك. اشىعىن ايتقاندا، كاسىپ كۇتكەن از ۇلت جاستارىن كاسىپتەندىرۋدى ەكونوميكالىق مىندەتتىڭ الدىنا قويعان ءجون.
«ەرەجەدە»: مەملەكەت جەر بايلىعى، دامۋ جانە رەفورما، قاتىناس - تاسىمال، سۋ يگىلىگى سياقتى تاراۋلار بايلىقتى بارلاۋ، اشۋ، قاتىناس، ەنەرگيا، سۋ يگىلىگى نىسان قۇرىلىستارى جاعىندا جەرگىلىكتى كاسىپورىندار مەن ەڭبەككۇشتەردىڭ قاتىناسۋ مولشەرىن كوبەيتۋدى، كاسىپورىنداردىڭ جەرگىلىكتى ەڭبەككۇشتەردى، اسىرەسە، از ۇلت ەڭبەككۇشتەرىن قابىلداۋىنا شابىت بەرۋدى باسا كورسەتتى.
1 - توپتاعى «حالىقتىڭ جاعدايىن ۇعىسۋ، حالىق تۇرمىسىنا تيىمدىلىك جاساۋ، حالىقتىڭ تىلەگىن توعىستىرۋ» قيمىلىنا قاتىناسىپ قىستاقتا بولعانىمدا، سول اراداعى كاسىپسىز جاستاردى كاسىپتەندىرۋ ماقساتىمەن ءبىر ءبولىم كاسىپورىندارمەن بايلانىس جاساپ، سول اراداعى جۇمىسسىز جاستاردى زاۆودتار مەن كاسىپورىندارعا اپاردىق، مۇندا جاڭادان بارعان ەڭبەكشىلەر شۋىلى كۇشتى، تەمپەراتۋراسى جوعارى دەگەندەي ورتاسى ءبىرشاما ناشار ورىنداردان باستاپ جۇمىسقا تۇسەدى ەكەن. بۇنداي ورتاعا كوندىگە الماعان ءبىر ءبولىم ەڭبەكشىلەر كوپ وتپەي قايتىپ كەلدى. بۇدان بارىپ كاسىپورىندار جاڭا بارعان ەڭبەكشىلەردى شارت - جاعدايى ناشار، اۋىر جۇمىسقا جەگەدى ەكەن دەگەن جاڭساق ۇعىمدا تۋماي قويعان جوق. مەنىڭ تۇيگەنىم كاسىپورىننىڭ جۇمىسى نەگىزىنەن تەحنيكاعا تايانىپ ءورىس الادى. ەشقانداي بىلىمنەن، تەحنيكادان حابارى جوق ەڭبەكشى كاسىپورىنداردا تابان تىرەپ جۇمىس ىستەي الۋى ەكىتالاي. اۋىل - قىستاقتاعى ارتىق ەڭبەككۇشتەردە تۇبىرىنەن ساقتالىپ وتىرعان ءبىر ماسەلە، تەحنيكانى بىلاي قويعاندا، حانزۋ ءتىلىن بىلە المايتىن احۋال جالپى بەتتى ساقتالىپ وتىر. قورىتا كەلگەندە، قاي ءبىر كاسىپورىن ەڭبەكشىلەردى الالاپ وتىرعان جوق، قايتا، ولاردى زاۆود ورتاسىنا بىرتە - بىرتە ۇيلەستىرىپ بارىپ، ناقتىلى تەحنيكالىق جۇمىسى اياسىنا بەتتەتۋدى كوزدەپ وتىر. بۇدان قالا بەرسە ءبىزدىڭ اۋىل ازاماتتارىنداعى تاعى ءبىر كەمىستىك − تابانسىزدىق پەن جاپاعا شىداۋ يراداسى كەمشىل. تابان تىرەپ ىستەپ، سول كاسىپورىننىڭ تۇراقتى جۇمىسشىسىنا اينالىپ، عيماراتتان ءۇي الىپ، اۋقاتتانىپ كەتكەن جاستارىمىز دا جوق ەمەس.
مەنشە، كاسىپورىندار ءوز ىشىندە جۇمىسقا قابىلدانعان ەڭبەكشىلەرگە جان - جاقتى ءمان بەرىپ، ولاردى تەحنيكا ۇيرەنۋگە باۋلۋمەن بىرگە، ۇلتتار ىنتىماعى، العاباسارلىعىنداعى ونەگەلى ورىن قۇرۋ قيمىلىن كاسىپورىندى دامىتۋ جوباسىنا ەنگىزىپ، كاسىپورىنداعى ءار ۇلتتىڭ بەرەكە - بىرلىك ورناتىپ تەڭ العا باسۋ، تەڭ ۇيرەنۋدەي تاماشا سالتتى قالىپتاستىرۋ كەرەك دەپ قارايمىن. سوندا عانا كاسىپورىن وركەندەۋ جولىن تابا الادى.
4. وقۋ - اعارتۋ تاراۋلارى كاسىپتىك ونەرگە تاربيەلەۋدى كۇشەيتۋ، كاسىپتەنۋدى جەبەۋ، اسىرەسە، اۋىل - قىستاقتارداعى ارتىق ەڭبەككۇشتەردى كاسىپتىك ونەرگە تاربيەلەۋدى كۇشەيتۋ قىزمەتىن ماڭىزدى ورىنعا قويۋ كەرەك
كاسىپتەنۋ ماسەلەسى كۇردەلى قوعامدىق ماسەلە. بۇل تىكەلەي قوعام ورنىقتىلىعىنا بارىپ سايادى. اباي اتامىز: «جۇمىسى جوقتىق، قارنى توقتىق ازدىرار ادام بالاسىن» دەگەن ەكەن. مىنا قوعامدا جۇمىسى دا، قارنى دا توق ەمەس ءبىر شوعىر ادام پايدا بولسا، بۇنىڭ قوعامعا سالماعى قانشالىق اۋىر بولاتىنىن ويلاساڭ الاڭدايسىڭ. بەلگىلى ءبىر ساناقتا جاستاردىڭ قىلمىس وتكىزۋىنىڭ باسىم مولشەرى وسى جۇمىسسىزدىقتان كەلىپ شىققان دەپ قورىتىندىلاعان. سوندىقتان ادام كۇشى بايلىعى جانە قوعامدىق قامتاماسىزداندىرۋ، وقۋ - اعارتۋ تاراۋلارى كاسىپتىك ونەرگە تاربيەلەۋدى كۇشەيتىپ، ورتالاۋ، تولىق ورتا مەكتەپ ءبىتىرىپ كاسىپتەنە الماعان وقۋشىلاردى كاسىپتىك تەحنيكاعا تاربيەلەۋدى جاپپاي دامىتۋدى بىرتىندەپ جۇزەگە اسىرۋ كەرەك.
كاسىپتەنگەندەردى، قايتالاي كاسىپتەنگەندەردى، اسىرەسە، قالا - قالاشىقتارداعى كاسىپتەنۋى قيىن بولعانداردى، اۋىل - قىستاقتاعى ارتىق ەكبەككۇشتەردى كاسىپتىك ونەرگە تاربيەلەۋمەن بىرگە، ءار ۇلت بۇقاراسىن بىرگە شارۋاشىلىق قۇرۋعا، تارتىپپەن باسقا سالاعا ويىسىپ كاسىپتەنۋگە، سول جەردە، جاقىن ماڭايىندا كاسىپتەنۋگە، اۋىلىنا قايتىپ دەربەس شارۋاشىلىق قۇرۋعا جەتەكتەۋ كەرەك. ادام كۇشى بايلىعى جانە قوعامدىق قامتاماسىزداندىرۋ تاراۋلارى قىزمەتكە قابىلداعاندا، ادام ىستەتەتىن ورىنداردىڭ لايىقتى سالىستىرماداعى از ۇلت ازاماتتارىن قابىلداۋىنا كەپىلدىك ەتۋ كەرەك. بۇدان قالا بەرسە، ونەركاسىپ - ساۋدا، قالا اكىمشىلىگىن باسقارۋ سياقتى تاراۋلار قالاعا كىرگەن ءار ۇلت ازاماتتارىنىڭ تەڭ تۇرعىدان بازارعا كىرۋىنە، قالامەن توعىسۋىنا ءتيىمدى قوعامدىق ورتا جاراتۋ قاجەت.
كەلۋ قاينارى: شينجياڭ گازەتى - ءتاڭىرتاۋ تورابى
جاۋاپتى رەداكتورى : مانەپ ەربول ۇلى (پراكتيكانت)
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
