- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
شينجياڭ زورلىقتى كۇش، لاڭكەستىك قىلمىستارىنا ساياتىن دەرەكتەردى مالىمدەگەن بۇقارانى سيلاۋ ءادىسىن جاريالادى
جاڭ چۇنشيان لاڭكەستىككە قارسى تۇرۋ بويىنشا سيلاۋ قىزمەتىن ورىستەتۋ جونىندە بەكىتۋ جازدى
سۇي يۇنيان
2016.04.12 16:49 كەلۋ قاينارى : شينجياڭ گازەتى
ءتىلشىمىز سۇي يۇنيان 11 - ساۋىردە ۇرىمجىدەن حابارلايدى. لاڭكەستىككە قارسى تۇرىپ، ورنىقتىلىقتى قورعاۋ قىزمەتىنىڭ ءىس جۇزىندىك جاعدايىنا سايكەس، حالىق بۇقاراسىن زورلىقتى كۇش، لاڭكەستىك قىلمىستارىنا ساياتىن دەرەكتەردى ىرىقتىلىقپەن بايقاۋعا، بەلسەنە مالىمدەۋگە شابىتتاندىرىپ، زورلىقتى كۇش، لاڭكەستىك ارەكەتتەرىنەن ءونىمدى تۇردە ساقتانىپ جانە وعان سوققى بەرۋ ءۇشىن، «اۆتونوميالى رايوننىڭ زورلىقتى كۇش، لاڭكەستىك قىلمىستارىنا ساياتىن دەرەكتەردى مالىمدەگەن بۇقارانى سيلاۋ ءادىسى» جاريالاندى، 5 ميلليون يۋانعا دەيىن سيلىق اقشا بەرىلەدى. ج ك پ ورتالىق كوميتەتى ساياسي بيۋروسىنىڭ مۇشەسى، اۆتونوميالى رايوندىق پارتكومنىڭ شۋجيى، شينجياڭ ءوندىرىس - قۇرىلىس بيڭتۋانى پارتكومىنىڭ ءبىرىنشى شۋجيى، ءبىرىنشى ساياسي كوميسسارى جاڭ چۇنشيان زورلىقتى كۇش، لاڭكەستىك ارەكەتتەرىنە قارسى تۇرۋ بويىنشا سيلاۋ قىزمەتىن ورىستەتۋ جونىندە ماڭىزدى بەكىتۋ جازدى.
جاڭ چۇنشيان بىلاي دەپ اتاپ كورسەتتى: زورلىقتى كۇش، لاڭكەستىك ارەكەتتەرىنە قارسى تۇرۋ بويىنشا سيلاۋ قىزمەتىن ورىستەتۋ − باس شۋجي شي جينپيڭنىڭ زورلىقتى كۇش، لاڭكەستىك ارەكەتتەرىنە قارسى تۇرۋ جونىندەگى ماڭىزدى نۇسقاۋلارىنىڭ رۋحىن دايەكتى تياناقتاندىرۋداعى، زورلىقتى كۇش، لاڭكەستىككە قارسى تۇرۋدىڭ حالىقتىق شايقاسىن جەڭىستى جۇرگىزۋدەگى ماڭىزدى شارا. سوندىقتان، سيلاۋ مەحانيزمىنىڭ رولىن ويداعىداي ساۋلەلەندىرىپ، ءار ۇلت بۇقاراسىنىڭ زورلىقتى كۇش، لاڭكەستىك ارەكەتتەرىنە قارسى تۇرۋعا جۇدىرىقتاي جۇمىلىپ ات سالىسۋ بەلسەندىلىگىن قوزعاۋ، سونىمەن بىرگە نەگىزگى ساتىنىڭ نەگىزىن ۇزدىكسىز بەكەمدەپ، بۇقارالىق قىزمەتتىڭ فورماسىن، ءادىسىن جاڭالاپ، بۇقارانى تولىق اتتانىسقا كەلتىرىپ، زورلىقتى كۇش، لاڭكەستىك ارەكەتتەرىنە قارسى حالىقتىق شايقاستىڭ قۇدىرەتتى كۇيىن شىنداپ قالىپتاستىرىپ، شينجياڭنىڭ قوعام ورنىقتىلىعى مەن باياندى تىنىشتىعىنا ءتىپتى زور ۇلەس قوسۋ كەرەك.
11 - ءساۋىر تۇستەن بۇرىن، اۆتونوميالى رايوندىق قوعام اماندىعىن جاپپاي وڭاۋ كەڭسەسى، اۆتونوميالى رايوندىق لاڭكەستىككە قارسى تۇرۋ قىزمەتىنە باسشىلىق ەتۋ گرۋپپاسى كەڭسەسى اقپار جاريالاۋ ءماجىلىسىن اشىپ، «اۆتونوميالى رايوننىڭ زورلىقتى كۇش، لاڭكەستىك قىلمىستارىنا ساياتىن دەرەكتەردى مالىمدەگەن بۇقارانى سيلاۋ ءادىسىنىڭ» قاتىستى جاعدايلارىن تانىستىردى.
2014 - جىلى مامىر ايىندا شينجياڭدى نەگىزگى مايدان ەتكەن زورلىقتى كۇش، لاڭكەستىك ارەكەتتەرىنە سوققى بەرۋدىڭ ارناۋلى ارەكەتى باستالعاننان بەرى، ىلگەرىندى - كەيىندى 10 مىڭعا تاياۋ ءار ۇلت بۇقاراسى ءتۇرلى زورلىقتى كۇش، لاڭكەستىك قىلمىستارىنا ساياتىن دەرەكتەردى بەلسەنە مالىمدەدى، نەشە 10 مىڭداعان بۇقارا قاشىپ جۇرگەن قىلمىسكەرلەردى تۇتقىنداۋعا كومەكتەسىپ جانە زورلىقتى كۇش، لاڭكەستىك قىلمىس ارەكەتتەرىنە سوققى بەرۋگە تىكەلەي ات سالىسىپ، اۆتونوميالى رايوننىڭ قوعام ورنىقتىلىعى مەن باياندى تىنىشتىعىن قورعاۋعا كورنەكتى ۇلەس قوستى. اۆتونوميالى رايوندىق پارتكوم لاڭكەستىك قىلمىستارىنا ساياتىن دەرەكتەردى مالىمدەگەندەردى سيلاۋ قىزمەتىنە باستان - اياق باسا ءمان بەردى، ورتالىق قوعام اماندىعىن جاپپاي وڭاۋ كوميتەتى جانە ىشكى موڭعۇل، حۋبەي، تيانجين، شاندۇڭ، جىجياڭ سياقتى ورتالىقتاعى قاتىستى تاراۋلار مەن تۋىسقان ولكە، رايون، قالالار كۇش سالا سايكەسىپ، شينجياڭنىڭ لاڭكەستىك قىلمىستارىنا ساياتىن دەرەكتەردى مالىمدەگەندەردى سيلاۋ قىزمەتىن ءار جاقتان بارىنشا قولدادى. «ءادىستىڭ» جاريالانۋى حالىق بۇقاراسىنىڭ لاڭكەستىككە قارسى تۇرۋ كۇرەسىندەگى بەلسەندى رولىن اناعۇرلىم تولىق ساۋلەلەندىرە تۇسەتىن بولادى.
«ادىستە» مىنالار بەلگىلەندى: ۇيىمدى، ماقساتتى تۇردە جوسپارلاۋ جانە جوسپارلارىن ىسكە اسىرۋعا كىرىسۋ، شابۋىلداۋ، بارىمتالاۋ، جاسىرىن ءولتىرۋ، ۋ سالۋ، جارىلىس ۇيىمداستىرۋ، ماڭىزدى نەگىزدىك قۇرىلعىلاردى ءبۇلدىرۋ سياقتى زورلىقتى كۇش، لاڭكەستىك قىلمىستارىنىڭ ارەكەتتىك، ىشكى سىرلىق، شۇعىلدىق سيپاتتى وزەك دەرەكتەرىن مالىمدەۋشىلەرگە 200 مىڭ يۋاننان 5 ميلليون يۋانعا دەيىن سيلىق اقشا بەرىلەدى؛ زورلىقتى كۇش، لاڭكەستىككە قاتىستى، قوعام ورنىقتىلىعى، قوعام اماندىعى جاعدايى، ءوندىرىس حاۋىپسىزدىگى، ءدىن سالاسى، قوعام اۋانى مەن حالىق تىلەگى، قوعامدىق پىكىر، ينتەرنەتتەگى قوعامدىق پىكىر سياقتىلارعا ساياتىن نىشاندىق، ساقتىق سيپاتتى دەرەكتەردى جانە قالىپسىز جاعدايلاردى مالىمدەۋشىلەرگە 200 مىڭ يۋاننان تومەن سيلىق اقشا بەرىلەدى.
مۇنان سىرت، مالىمدەۋشى ساياساتتىق سيلىقتى ءوتىنىش ەتۋىنە دە بولادى، ول كەلىسىم - شارت بويىنشا جۇمىس ىستەيتىن قىزمەتكەر رەتىندە قابىلداۋ ءارى ءىسورىن ەڭبەكاقى ولشەمى بويىنشا جەرگىلىكتى قازىنادان باعىپ - قاعۋ، ارنايى ءوسىرۋ نەمەسە وزات قىزمەتكەر، تاڭداۋلى قىزمەتكەر باعالاۋ، لاۋازىم - دارەجە جوعارىلاتۋ، اسكەرلىككە قابىلداۋ، وقۋعا ءتۇسۋ، قوعامدىق قامتاماسىز ەتۋ، جەردى كوتەرمەگە الۋ، زاڭدىق كومەك بەرۋ سياقتى جاقتاردان الدىمەن ويلاستىرۋ، قارايلاسۋ، ت. ب قامتيدى.
سيلاۋ وبيەكتى پرينسيپتىك جاقتان شىن ەسىممەن مالىمدەۋشى بولۋ كەرەك. بۇركەنشىك اتپەن مالىمدەگەن جانە تەكسەرىپ ءبىر جايلى ەتىلگەن دەلودا، دەلو تەكسەرىلىپ اياقتالعان سوڭ مالىمدەۋشىنىڭ شىنايى تەگى انىقتالسا، سونداي - اق مالىمدەۋشى سيلىقتى قابىلداۋدى قالاسا، سيلىققا يە بولادى. مالىمدەۋشىنىڭ كىم ەكەنى، مالىمدەگەن مازمۇندارى جانە سيلانۋ جاعدايى قۇپيا ۇستالادى.
بۇقارا زورلىقتى كۇش، لاڭكەستىك قىلمىستارىنا ساياتىن دەرەكتەردى بايقاسا، «110»عا تەلەفون سوعۋ ارقىلى، تيانشان ساقشى سايتى (قوعام حاۋىپسىزدىگى مەڭگەرمەسىنىڭ پورتالى) ارقىلى، سونداي - اق ءار دارەجەلى پارتيا، ۇكىمەت ورگاندارىنا، كاسىپورىن، ءىسورىندارىنا، نەگىزگى ساتى ۇيىمدارىنا جانە قىزمەتكەرلەرىنە مالىمدەۋىنە نەمەسە باسقا دا ۇتىمدى تاسىلدەر ارقىلى مالىمدەۋىنە بولادى.
مالىمدەۋشى قاساقانا جالعان مالىمدەپ سيلىق اقشانى الداپ الۋدى ماقسات ەتكەن بولسا، زاڭعا قايشى قىلمىس قالىپتاستىرعاندارىنىڭ سايكەستى زاڭدىق جاۋاپكەرشىلىگى زاڭ بويىنشا قۋزاستىرىلادى.
«ادىستە» تاعى بۇقارانىڭ زورلىقتى كۇش، لاڭكەستىك قىلمىستارىنا ساياتىن دەرەكتەردى مالىمدەۋىنە قاتىستى بارلاۋ، ءبىر جايلى ەتۋ، تەكسەرۋ، سيلاۋ ءتۇرى، ولشەمى جونىندە ءوتىنىش ەتۋ، تەكسەرىپ انىقتاۋ، تۇراقتاندىرۋ سياقتىلاردىڭ ءتارتىبى، ۋاقىت شەگى، ءتاسىلى جونىندە بەلگىلەمە شىعارىلدى.
ۇعىسۋعا قاراعاندا، سوڭعى جىلدارى زورلىقتى كۇش، لاڭكەستىك قىلمىستارىنا قارسى تۇرۋ جانە سوققى بەرۋ حالىقارالىق ورتاق تانىمعا اينالعان، زورلىقتى كۇش، لاڭكەستىك قىلمىستارىنا ساياتىن دەرەكتەردى مالىمدەگەندەردى سيلاۋ حالىقاراداعى كوپتەگەن ەلدەردىڭ جاپپاي قولدانىپ وتىرعان ءادىسى ەكەن. بۇل رەتتە جاريالانعان «ءادىس» شينجياڭ ءوڭىرىنىڭ لاڭكەستىككە قارسى تۇرۋ كۇرەسىنىڭ امالياتى مەن دامۋ سۇرانىسىنا ۇيلەسىپ قانا قويماي، ەلىمىز بۇقاراسىنىڭ زورلىقتى كۇش، لاڭكەستىك قىلمىستارىنا ساياتىن دەرەكتەردى مالىمدەگەندەرگە سيلىق بەرۋدى تۇزىمدەندىرۋ مەن زاڭداندىرۋ قۇرىلىسىنداعى كەلەلى شارا ەسەپتەلەدى.
كەلۋ قاينارى: شينجياڭ گازەتى
جاۋاپتى رەداكتورى : مانەپ ەربول ۇلى (پراكتيكانت)
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
