- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
بالالار شيپاگەرلىگىنىڭ ءىزباسارلارى مولىقپاق
2016.06.17 11:09 كەلۋ قاينارى : شينجياڭ گازەتى
بالا − وتاننىڭ بولاشاعى، ۇلتتىڭ ءۇمىتى. اۆتونوميالى رايوندىق پارتكوم مەن حالىق ۇكىمەتى ءار ۇلت بالالارىنىڭ اقاۋسىز ەسەيىپ - ەرجەتۋىنە ەجەلدەن بەرى ايرىقشا ءمان بەرىپ، كوڭىل ءبولىپ كەلەدى. كوز الدا مەملەكەتتىڭ «جالپى بەتتىك ەكى پەرزەنتتى بولۋ» ساياساتىنىڭ اتقارىلۋىنا ساي، بالالاردىڭ سانى كورنەكتى ارتتى. سوعان سايكەس بالالار شيپاگەرلەرىنىڭ تاپشىلىعى سىندى ماسەلەلەر اۆتونوميالى رايوندىق پارتكوم مەن حالىق ۇكىمەتىنىڭ نازارىن ايرىقشا اۋداردى. بيىل ناۋرىزدا ج ك پ ورتالىق كوميتەتى ساياسي بيۋروسىنىڭ مۇشەسى، اۆتونوميالى رايوندىق پارتكومنىڭ شۋجيى جاڭ چۇنشيان اۆتونوميالى رايوننىڭ ۇلتتار ىنتىماعى، العاباسارلىعى جىلىن اتتانىسقا كەلتىرۋ ماجىلىسىندە بۇقارانىڭ اڭىسى كورنەكتى ماسەلەلەردى شەشۋدەگى 27 ءتۇرلى شارانى العا قويدى، سونىڭ ىشىندەگى 20 - شارا «بالالار شيپاگەرلەرىن باۋلۋدى كۇشەيتۋ» ەدى. اۆتونوميالى رايون 13 - ماۋسىمدا بالالار شيپاگەرلەرىن باۋلۋ قىزمەتى جونىندە اقپار جاريالاۋ ءماجىلىسىن اشىپ، «تەز ءونىم بەرەتىن» 3 تاسىلدەن جانە ءبىر ءتۇرلى باياندى مەحانيزم قۇرىلىسىنان پايدالانىپ، بالالار شيپاگەرلەرىنىڭ تاپشىلىعى ماسەلەسىن شەشۋدى العا قويدى.
چاۋ جين
اۆتونوميالى رايونىمىز ءبىرسىپىرا تىڭ شارا، ساياساتتاردى العا قويىپ، بالالار شيپاگەرلەرىن باۋلۋدى جەدەلدەتەتىن بولدى. ءار ۇلت جۇرتشىلىعى كوپتەن كۇتكەن وسى شات حابار 13 - ماۋسىمدا اشىلعان اقپار جاريالاۋ ماجىلىسىنەن تيانشان تاۋىنىڭ تۇستىگى مەن تەرىستىگىنە تەز تارالدى.
شايار اۋدانى شايار قالاشىعىنىڭ تۇرعىنى ۋ حۇڭپيڭ بۇل حاباردى ەستىگەننەن كەيىن: بۇدان بىلاي ءبىزدىڭ اۋدانىمىزدا دا كاسىپكە ىسىلعان بالالار شيپاگەرلەرىنىڭ بولاتىندىعىن ەستىگەندە قاتتى قۋاندىق، - دەدى.
مامىلەسى تومەن، قىزمەتتىڭ قيىندىعى زور، ونىڭ ۇستىنە ناۋقاستىڭ وتباسىنداعىلاردىڭ كوڭىلىنەن شىعۋ قيىن بولۋ... بالالار شيپاگەرلەرى مۇنداي ماسەلەلەرگە ەكىنىڭ بىرىندە كەزدەسىپ تۇرادى. كۇشار اۋداندىق حالىق شيپاحاناسى بالالار ءبولىمىنىڭ مەڭگەرۋشىسى اقىتنيسا ابىلا بىلاي دەدى: شابىتتاندىرۋ مەحانيزمى بولعاندا عانا بالالار شيپاگەرلەرى قوسىنىن ورنىقتىرۋعا بولادى. ءبىز وقۋ تاۋىسىپ قايتىپ كەلگەن بالالار شيپاگەرلەرى ارقىلى قوسىنىمىزدى تولىقتىرساق دەيمىز.
جوعارى دەڭگەيدە جەبەپ، جان - جاقتى، بىردەي يگەرگەندە عانا بالالار ءبولىمىنىڭ دارىندىلارىن ويداعىداي تاربيەلەپ شىعۋعا بولادى
بالالار شيپاحاناسى از، بالالار شيپاگەرى تاپشى، بالانىڭ ناۋقاسىن كورسەتۋ قيىن بولۋ سياقتى بۇقارانى تالاي جىلدان بەرى قيناپ كەلگەن ماسەلەلەر مەملەكەتتىڭ «جالپى بەتتىك ەكى پەرزەنتتى بولۋ» ساياساتىنىڭ اتقارىلۋىنا ساي بارعان سايىن كورنەكتىلەنىپ، بالالار شيپاگەرلەرىنىڭ ەمدەۋ قىزمەت وتەۋى تىڭ سايىستارعا ءدوپ كەلدى.
بيىل 25 - قاڭتاردا ج ك پ ورتالىق كوميتەتى ساياسي بيۋروسىنىڭ مۇشەسى، اۆتونوميالى رايوندىق پارتكومنىڭ شۋجيى جاڭ چۇنشيان مەملەكەتتىك حالىق قۇرىلتايى تۇراقتى كوميتەتىنىڭ ورىنباسار باستىعى، جۇڭگو قىزىل كرەست قوعامىنىڭ باستىعى چىن جۋمەن كەزدەسكەن ەدى. سول كەزدە 2 باسشى «شارا قولدانىپ، شينجياڭنىڭ بالالار ءبولىمى ءىلىمى مەن قوسىن قۇرىلىسىن كۇشەيتۋ» جونىندەگى پىكىردى بىرلەسىپ العا قويعان بولاتىن.
28 - ناۋرىزدا ج ك پ ورتالىق كوميتەتى ساياسي بيۋروسىنىڭ مۇشەسى، اۆتونوميالى رايوندىق پارتكومنىڭ شۋجيى جاڭ چۇنشيان اۆتونوميالى رايوننىڭ ۇلتتار ىنتىماعى، العاباسارلىعى جىلىن اتتانىسقا كەلتىرۋ ماجىلىسىندە بۇقارانىڭ اڭىسى كورنەكتى ماسەلەلەردى شەشۋدەگى 27 ءتۇرلى شارانى العا قويدى، سونىڭ ىشىندەگى «بالالار شيپاگەرلەرىن باۋلۋدى كۇشەيتۋ» دەگەن 20 - شارا باستاماشىلدىقپەن تياناقتاندىرۋ ءۇشىن اۆتونوميالى رايوندىق دەنساۋلىق ساقتاۋ جانە جوسپارلى تۋىت كوميتەتىنە تاپسىرىلعان بولاتىن.
اۆتونوميالى رايوندىق پارتكوم مەن حالىق ۇكىمەتىنىڭ ءبىر تۇتاس ورنالاستىرۋىنا ساي، اۆتونوميالى رايوندىق دەنساۋلىق ساقتاۋ جانە جوسپارلى تۋىت كوميتەتى بيىل جىل باسىنان باستاپ اۆتونوميالى رايونىمىزدىڭ بالالار ءبولىمى ءىلىمىن دامىتۋ جانە دارىندىلار قوسىنى قۇرىلىسى سياقتى جاقتارعا مەڭزەس قىرۋار، ەگجەي - تەگجەيلى تەكسەرۋ جۇرگىزىپ، دايىندىق قىزمەتتەر ىستەدى. «بالالار شيپاگەرىنىڭ تاپشىلىعىنا» توتەپ بەرۋدى كوزدە ۇستاپ، نەگىزگى ساتىداعى بالالار شيپاگەرىن قىزمەت ورنىن جاڭالاپ تاربيەلەۋ نىسانى باستالدى
«اۆتونوميالى رايوننىڭ بالالار شيپاگەرىنىڭ قىزمەت ورنىن جاڭالاپ تاربيەلەۋ» نىسانى بالالار شيپاگەرىنىڭ تاپشىلىعىن ساباسىنا تۇسىرۋدەگى «تەز ءونىم بەرەتىن» ءونىمدى شارا ەكەنى داۋسىز. بۇگىن دە بۇكىل شينجياڭنىڭ جەر - جەرىنەن كەلگەن، بالالار بولىمىندەگى بەي كاسىپتىك كلينيكالىق 60 شيپاگەر 3A دارەجەلى شيپاحانادا ءبىر جىلدىق ۋاقىتپەن قىزمەت ورنىن جاڭالاپ تاربيەلەنۋگە كىرىسىپ كەتتى.
اۋرۋ تاريحىن جازۋدى ۇيرەنۋ، مەڭگەرۋشىمەن بىرگە ناۋقاستار بولمەسىن ارالاۋ، شيپاگەرلىك تاپسىرما جازۋ... چاقىلىق اۋداندىق حالىق شيپاحاناسىنىڭ بالالار بولىمىنەن كەلگەن شيپاگەر تۇراحان روزى ءۇرىمجى بالالار شيپاحاناسىندا جۇمىستىڭ ءاربىر ءتارتىبىن مۇقيات ۇيرەنۋگە كىرىستى. ول وسى جولى جاڭادان تۋىلعان نارەستەلەر بولىمىنە ۇيرەنۋگە كەلىپتى. وسىنىڭ الدىندا ICU، جۇقپالى اۋرۋلار ءبولىمى سياقتى ورىنداردا نازاريالىق ۇيرەنۋ جانە امالياتتىق تاربيەدە بولىپتى.
بۇرىن تەراپيالىق شيپاگەر، جالپى تاجىريبەلى شيپاگەر بولعان تۇراحان بالالار شيپاگەرى بولۋدى بەرتىندە باستادى. «ۇكىمەت قازىر بالالار بولىمىنە ءمان بەرىپ وتىر، بالالار شيپاگەرى بولىپ اۋىسسام، ۇلكەن شيپاحانالارعا بارىپ ءبىلىمىمدى جەتىلدىرە الامىن، مەنىڭ بالالار اۋرۋىن ەمدەيتىن تولىمدى شيپاگەر بولعىم كەلەدى»، - دەيدى ول.
تۇراحىن سياقتى، بيىل ءساۋىر ايىندا بۇكىل شينجياڭداعى اۋداندىق شيپاحانالاردىڭ بالالار شيپاگەرى بولىپ اۋىسقان 60تان استام شيپاگەر اۆتونوميالى رايوندىق حالىق شيپاحاناسىنا، ءۇرىمجى بالالار شيپاحاناسىنا ءبىر جىلدىق ۇيرەنۋگە جىبەرىلدى. جوسپار بويىنشا، بۇكىل شينجياڭدى تۇگەل قاميتىن 3 دارەجەلى بالالار اۋرۋىنا مەديتسينالىق قىزمەت كورسەتۋ جەلىسى قۇرىلادى
تىلشىلىك بارىسىندا، ءۇرىمجى بالالار شيپاحاناسىنىڭ، ءۇرىمجى قالاسى 1 - حالىق شيپاحاناسىنىڭ كاسىپكە جاۋاپتى ورىنباسار باستىعى يالقۇن جاپار تىلشىگە بىلاي دەدى: كەزەكتە شيپاحانامىزدا بالالاردىڭ تۋىلۋ مولشەرى ％180 ارتتى. امبولاتوريادا كۇنىنە 2200 ادام - رەت تەكسەرىلەدى، بالالار شيپاگەرى جەتىسپەگەندىگى سەبەپتى، شيپاحانا امبولاتوريالىق تەكسەرۋ ۋاقىتىن ۇزارتۋ، 2 - شەپتەگى شيپاگەرلەردىڭ كەزەكشىلىگىن كوبەيتۋ سياقتى شارالار ارقىلى ماسەلەنى جەڭىلدەتكەن بولىپ وتىر، بالالار كوبىنەسە كەشتە اۋىراتىندىقتان، شيپاحاناداعى كەي بولىمدەردى قىسقارتىپ، كەشكى شۇعىل ەمدەۋدىڭ قالىپتى جۇرىلۋىنە كەپىلدىك ەتتىك...
«ءبىز بيىل بۇكىل شينجياڭنىڭ ءارقايسى ايماق، وبلىسىنداعى 2 - دارەجەلى، 3 - دارەجەلى ەمدەۋ قۇرىلىمدارىنىڭ بالالار بولىمدەرىمەن بالالار اۋرۋىن ەمدەۋ بىرلەستىگىن بىرتىندەپ قۇرىپ، دارىندى دايىنداۋ، تەحنيكالىق قولداۋ كورسەتۋ، قاشىقتان بىرلەسىپ دياگنوز قويۋ، ينفورماتسيالاردان ءوزارا پايدالانۋ سياقتى تاسىلدەر ارقىلى نەگىزگى ساتى ەمدەۋ قۇرىلىمدارىنىڭ باۋراۋ قۋاتى مەن دامۋ كۇشىن جوعارىلاتىپ، ساپالى ەمدەۋ بايلىقتارىنىڭ نەگىزگى ساتىعا تىكە جەتۋىنە مۇمكىندىك جاسايمىز»، - دەيدى يالقۇن جاپار.
بيىل قىركۇيەك ايىندا شينجياڭ مەديتسينا ۋنيۆەرسيتەتى بالالار ءبولىمى باعىتتى تۇردە 5 جىلدىق تولىق كۋرس وقۋشىلارىن قابىلداپ، «3+5» بويىنشا بالالار ءبولىمى اسپيرانت وقۋشىلارىنا قاراي بەيىمدەلەدى. «بۇل وقۋشىلار وقۋ تاۋىسقان سوڭ، شينجياڭنىڭ بالالار شيپاگەرلەرى كەمشىل بولۋ قايشىلىعى جەڭىلدەيدى»، - دەيدى ول.
ۇعىسۋىمىزشا، اۆتونوميالى رايوندىق پارتكوم، ۇكىمەت اۆتونوميالى رايوننىڭ بۇرىنعى قاتىناس شيپاحاناسى نەگىزىندە اۆتونوميالى رايوندىق بالالار شيپاحاناسىن قۇرۋدى ۇيعارعان، شيپاحانا قۇرىلىسى «13 - بەسجىلدىقتا» بالالار ءبولىمى بويىنشا 800 توسەك كولەمىندە جۇرگىزىلەدى، ءۇرىمجى قالاسى دا حالقى سالىستىرمالى تىعىز ورنالاسقان بەيجيڭ سولتۇستىك جولىنان ءۇرىمجى قالالىق بالالار شيپاحاناسىنىڭ 1200 توسەك بار سولتۇستىك بولىمشەسىن قۇرۋدى ۇيعارعان، بۇل بولىمشە نەگىزىنەن بۇكىل رايونداعى قيىن، كۇردەلى بالالار اۋرۋىنا دياگنوز قويۋ جانە ەمدەۋ قىزمەتىنە جاۋاپتى بولىپ، دياگنوز قويۋ، ەمدەۋدىڭ لايىقتى تەحنيكالارىن جالپىلاستىرىپ، مەملەكەتتىك بالالار مەديتسينا ورتالىعىمەن سەلبەسىپ، وقىتۋ - تاربيەلەۋ، دارىندى دايىنداۋ جانە بالالار اۋرىنىڭ كلينيكالىق عىلمي زەرتتەۋ جۇمىستارىن جۇرگىزەدى.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
