- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
رەفورما شارالارىن ءجىتى كەمەلدەندىرىپ، بۇقارانىڭ تابىس سەزىمىن كۇشەيتەيىك
− الدىڭعى جارتى جىلدا رايونىمىزدىڭ رەفورمانى جاپپاي تەرەڭدەتۋ قىزمەتى جونىندە
2016.07.28 14:46 كەلۋ قاينارى : شينجياڭ گازەتى
جوعارى قارقىندى تەمىر جولدىڭ جاڭا ۆوكزالى سىناق رەتىندە ىسكە قوسىلدى، اۆتونوميالى رايوندىق بالالار شيپاحاناسى قۇرىلدى، ۇكىمەت ورىندارى ۇزدىكسىز ىقشامدالىپ، ۇقىق تومەنگە ءتۇسىرىلدى، قوعامدى جونگە سالۋ جاقسارا باستادى... بيىلعى جىلدىڭ الدىڭعى جارتىسىندا رايونىمىز رەفورمانى جاپپاي تەرەڭدەتۋ قىزمەتىن ۇزدىكسىز ىلگەرىلەتىپ، جاڭا قالىپقا قۇلشىنا سايكەسىپ، جاڭا ناتيجەنى ايگىلەپ، جاڭا دامۋ يدەياسىن جاپپاي تياناقتاندىرىپ، رەفورما شارالارىن ءساتتى ىلگەرىلەتتى.
اۆتونوميالى رايونىمىزدىڭ 2016 - جىلعى رەفورمانى جاپپاي تەرەڭدەتۋ قىزمەتىنىڭ ماڭىزدى تۇيىندەرىنە ساي، بيىل رايونىمىزدىڭ رەفورما قىزمەتى جالپى 6 جاقتاعى 86 ءتۇر مەن 223 ناقتى مىندەتتى قامتيدى. قازىرگە دەيىن ىلگەرىلەۋ جاعدايى جالپى جاقتان جاقسى، ۋاقىتتىڭ جارتىسى ءوتىپ، مىندەتتىڭ جارتىسى دا ورىندالىپ بولدى.
قامداۋ جاعىنداعى رەفورمانىڭ تەتىگىن مىقتاپ يگەردى
«جاڭا جىبەك جولى» اتتى حالىقارالىق جۇك تاسىمال پويەزى 26 - مامىردا رەسمي ىسكە قوسىلىپ، شينجياڭ ارقىلى باتىسقا باراتىن حالىقارالىق جاڭا جۇك تاسىمال پويەزى ماركاسى بارلىققا كەلىپ، باتىسقا باراتىن حالىقارالىق جۇك تاسىمال پويەزى ساپالىلاندى. قازىر اپتاسىنا 2 پويەز قاتىنايدى، شينجياڭنىڭ ءىشى - سىرتىنداعى 10 نەشە كولەمدى زات اينالىم كاسىپورنى بۇل تەكشەگە قاتىناستى.
«جاڭا جىبەك جولى» اتتى پويەزدىڭ ىسكە قوسىلۋى − رايونىمىزدىڭ جىبەك جولى ەكونوميكالىق بەلدەۋىندەگى وزەكتى رايون قۇرۋ بارىسىندا قامداۋ جاعىنداعى قۇرىلىمدىق رەفورمانى ىلگەرىلەتۋدەگى ماڭىزدى شارالارىنىڭ ءبىرى. جىل باسىنان بەرى رايونىمىزدىڭ رەفورمانى جاپپاي تەرەڭدەتۋ قىزمەتى قامداۋ جاعىنداعى رەفورما سىندى «تەتىكتى» مىقتاپ يگەرىپ، جاڭا قالىپقا سايكەسىپ، جاڭا ناتيجەنى ايگىلەدى.
قامداۋ جاعىنداعى رەفورمانى ىلگەرىلەتۋدە ۇكىمەت فۋنكتسياسىنا بۇرىلىس جاساۋ − ماڭىزدى نەگىز. اۆتونوميالى رايونىمىز ىلگەرىندى - كەيىندى «ۇكىمەت ورىندارىن ىقشامداپ، ۇقىقتى تومەنگە بەرۋ، بەرۋ مەن باسقارۋدى ۇشتاستىرۋ، قىزمەت وتەۋدى ساپالىلاندىرۋ، ۇكىمەتتىڭ فۋنكتسيالىق قىزمەتتەرىنىڭ ماڭىزدى تۇيىندەرىنە بۇرىلىس جاساۋ» جانە «اۆتونوميالى رايوننىڭ اكىمشىلىك ۇقىقتار تىزىمدىگىن جانە جاۋاپكەرلىك تىزىمدىگىن باقىلاۋ - باسقارۋ ءادىسىن» العا قويدى، 207 ءتۇرلى اكىمشىلىك تەكسەرىپ - بەكىتۋ ءىسىن 2 توپقا ءبولىپ كۇشىنەن قالدىردى، شينجياڭنىڭ «تەكسەرىپ - بەكىتۋى ەڭ از، ونىمدىلىگى ەڭ جوعارى، قىزمەت وتەۋى ەڭ ساپالى» ولكە، رايون قۇرۋىن اناعۇرلىم ىلگەرىلەتتى، بازاردىڭ ومىرشەڭدىگىن ايرىقشا كۇشەيتتى.
شينجياڭنىڭ قۇرىلىمدىق رەفورماسىنىڭ ماڭىزدى ءتۇيىنى − قامبادا باسىلىپ قالۋدى، قاجەتتەن اسىپ قالعان ءوندىرىس قۋاتىن ازايتۋ، وزىندىك قۇندى تومەندەتۋ، اۆتونوميالى رايوندىق پارتكومنىڭ رەفورما كەڭسەسى ىشكەرىلەي تەكسەرىپ - زەرتتەپ، قاتىستى تاراۋلارمەن سايكەسىپ، بەلسەندى دە ۇيلەسىمدى شارالاردى العا قويدى. اۆتونوميالى رايوننىڭ بولات - تەمىر كاسىبىنىڭ ءوندىرىس قۋاتىن جاڭادان ارتتىرۋىنا قاتاڭ تيىم سالۋ قىزمەت گرۋپپاسىن قۇرۋ، قورا - جاي كاسىبى بازارىنىڭ دامۋىن قولدايتىن شارالار مەن ادىستەردى العا قويۋ، قاتىستى كاسىپورىنداردان اقى الۋدى باتىل رەتتەۋ سياقتىلار ارقىلى بولات - تەمىر سياقتى كاسىپ سالالارىنداعى قاجەتتەن اسىپ قالعان ءوندىرىس قۋاتىن ءونىمدى تەجەدى، قورا - جاي بازارىنداعى باسىلىپ قالۋ قىسىمىن جەڭىلدەتتى، كاسىپورىنداردىڭ وزىندىك قۇنىن شىنايى تومەندەتتى.
بۇدان سىرت، ەلەكتر ءتۇزىلىسى رەفورماسى، تۇرعىنداردىڭ سۋ، ەلەكترىنىڭ كەزەڭدىك باعاسى، ەمدەۋدەن قىزمەت كورسەتۋ باعاسى رەفورماسى سياقتى شارالار جەدەل ىلگەرىلەتىلىپ، قامداۋ جاعىنداعى رەفورما جوباسىندا وزگە سالالارداعى رەفورمالاردى ىلگەرىلەتۋدىڭ سايكەستى ونىمدىلىگى كورىنە باستادى.
بۇقارانىڭ تابىس سەزىمىن كۇشەيتۋدى سوڭعى نىسانا ەتتى
اۆتونوميالى رايون 23 - ماۋسىمدا اقپار جاريالاۋ ءماجىلىسىن اشىپ، از ۇلتتاردىڭ كۋالىكتەرىن ولشەمدەستىرۋ جانە اتى - ءجونىن قولدانۋدى ارناعا ءتۇسىرۋ قىزمەتىن ىلگەرىلەتىپ، كوزدەگەن نىسانانى جىل سوڭىنان بۇرىن ورىنداۋعا قۇلشىندى. بۇل − اۆتونوميالى رايوننىڭ ۇلتتار ىنتىماعى، العاباسارلىعى جىلىنداعى 27 ءتۇرلى كەلەلى شاراسىنىڭ ءبىرى.
«بۇل شىنىمەن - اق كەرەمەت شارا، بۇقارانىڭ قيىنشىلىعىن شىنايى شەشتى»، - دەدى كورلا قالاسىنىڭ تۇرعىنى گۇلباھار ەركىن، ول ىشكى ولكەدە ۋنيۆەرسيتەت وقىپ، شيىجياڭعا قايتىپ كەلىپ، قىزمەتكە ورنالاسقان. ونىڭ ەكى جەردە بىتىرگەن بانكە كارتچكاسىنداعى اتى - ءجونىنىڭ ورتاسىنداعى «.» ۇقساماعاندىقتان، ول كوپتەگەن اۋرەشىلىككە جولىقتى. مۇنداي جاعدايعا جولىققان بۇقارا شينجياڭدا بارشىلىق، الدا ولاردىڭ بارلىعى اۆتونوميالى رايوننىڭ وسى رەفورما شاراسىنىڭ يگىلىگىن كورەدى.
رەفورمانىڭ تۇپكى ماقساتى − ءار ۇلت جۇرتشىلىعىنىڭ تابىس سەزىمىن كۇشەيتۋ. رايونىمىزدىڭ رەفورمانى جاپپاي تەرەڭدەتۋ قىزمەتى باستان - اياق وسى پرينسيپكە بويسۇنادى، حالىق تۇرمىسىنا دەگەن مەيىر - ماحابباتى بارلىق جەردە ايگىلەنەدى. جىل باسىنان بەرى شينجياڭنىڭ جەر - جەرى، تاراۋلارى رەفورمانى ىلگەرىلەتۋ بارىسىندا، بۇقارا قاداعالاي نازار اۋداراتىن ماسەلەلەرگە اڭىس بىلدىرۋگە ايرىقشا ءمان بەرىپ، حالىق تۇرمىسى سالاسىنداعى رەفورمانىڭ سەرپىنىن كۇشەيتتى.
قازىر رايونىمىز وقۋ - اعارتۋ، ەمدەۋ، كاسىپتەنۋ سياقتى ماڭىزدى حالىق تۇرمىسى سالالارىندا رەفورمانى ورنىقتى ىلگەرىلەتىپ، ءبىر قىدىرۋ ناقتى شارانى شىنايى قولداندى، حالىق تۇرمىسىنا تيىمدىلىك جەتكىزۋ ءونىمى ەرەكشە كورنەكتى بولدى.
اۆتونوميالى رايوندىق پارتكوم رەفورما كەڭسەسىنىڭ جاۋاپتىسى: ءتۇرلى رەفورمانى ىلگەرىلەتۋ بارىسىندا، رايونىمىز بۇقارانىڭ رازى بولعان - بولماعانىن، قارسى العان - الماعانىن ماڭىزدى ولشەم ەتۋدەن جازباي، شىنايى وزگەرتۋگە، ناقتى ىستەۋگە، بۇقارانىڭ شىنىمەن تابىسقا جەتۋىنە كەپىلدىك ەتتى، - دەدى.
رەفورمانىڭ كەشەندى شارالارىنىڭ ءونىمى كورنەكتى بولدى
رەفورمانى جاپپاي تەرەڭدەتۋ قىزمەتى قىم - قۋىت تا كۇردەلى، كولەمى دە كەڭ، العا باسقان ءاربىر قادام − بار جاقتىڭ بىرگە قۇلشىنۋىنىڭ ناتيجەسى.
رايونىمىز رەفورما قىزمەتىندە ءبىر تۇتاس جوبالاۋدان، سايكەستى ىلگەرىلەتۋدەن، دالمە - ءدال شارا قولدانۋدان جازباي، ورتالىق پەن اۆتونوميالى رايوندىق پارتكومنىڭ ءتۇرلى رەفورما مىندەتتەرىن قاز - قالپىندا دايەكتى اتقاردى. تۇتاس قوعامنىڭ جابال اتتانىسقا كەلىپ، تاراۋلاردىڭ سايكەسە سەلبەسۋىنە دەم بەرىپ، رەفورمانى جاپپاي تەرەڭدەتۋگە جان - جاقتى شارالار قولداندى.
جىل باسىنان بەرى اۆتونوميالى رايوندىق پارتكومنىڭ رەفورما كەڭسەسى بەلگى سيپاتتى، جەتەكشى سيپاتتى رەفورمانى مىقتى يگەرىپ، ماڭىزدى تۇيىندەردى يگەرۋ مەن تۇلعالىق جاقتان جەتەكشىلىك ەتۋدى ۇشتاستىرۋعا، ۇستىنەن وڭاۋ مەن تۇبىرىنەن وڭاۋدىڭ ءبىرىن - ءبىرى جەبەۋىنە، ماڭىزدى تۇيىندەر قامال الۋ مەن بىرتىندەپ ىلگەرىلەتۋدى ءوزارا سايكەستىرۋگە تاباندى بولدى. كوپتەگەن تاراۋلار قاتىسقان رەفورما قىزمەتتەرىندە قاتىسقان تاراۋلار بەلسەنە سايكەسۋ، اسىرەسە، ۇقساس ءبىر سالاداعى رەفورمانى ىلگەرىلەتۋدە، ءوزارا ءۇن قوسۋعا، سايكەسۋگە ءمان بەرۋ، جاپپاي سايكەسىپ ىلگەرىلەتۋ ابزالدىلىقتارىن ساۋلەلەندىرىپ، ءار دارەجەلى پارتكومدار (پارتيا باسشىلىق گرۋپپاسى) ءبىر تۇتاس ويلاستىرىپ، رەفورمانى بىرگە ىلگەرىلەتەتىن ءتۇزىلىس مەحانيزمىن بىرتىندەپ قالىپتاستىردى.
قازىر كەدەيلىكتەن قۇتىلدىرۋدان قامال الۋ، ۇكىمەت ورىندارىن ىقشامداپ، ۇقىقتى تومەنگە بەرۋ، قامداۋ جاعىنداعى قۇرىلىمدىق رەفورما، جىبەك جولى ەكونوميكالىق بەلدەۋىندەگى وزەكتى رايون قۇرىلىسى جانە سىرتقا ەسىك اشۋ، PPP ۇلگىسى نىسانى، مەملەكەت مەنشىگىندەگى كاسىپورىندار، مەملەكەت مەنشىگىندەگى كاپيتال، اۋىل - قىستاق رەفورماسى، ەمدەۋدەن قىزمەت كورسەتۋ، تازا شينجياڭ، شينجياڭدى زاڭمەن جونگە سالۋ، پارتيا قۇرىلىسى سياقتى سالالارداعى رەفورمالاردىڭ بارىندە ارناۋلى باسشىلىق ورگانى قۇرىلىپ، ءتۇرلى قۇرىلىس جوبالارى مەن رەفورما شارالارىنىڭ تياناقتانۋىن، اتقارىلۋىن زور كۇشپەن ىلگەرىلەتتى. قازىرگى رەفورما قىزمەتىنىڭ ىلگەرىلەتىلۋ جاعدايىنا جانە قول جەتكىزگەن ونىمدىلىگىنە قاراعاندا، اۆتونوميالى رايوننىڭ رەفورمانى جاپپاي ىلگەرىلەتۋ قىزمەتىنىڭ نەگىزى بەرىك، ورنالاستىرىلۋى تىڭعىلىقتى، ءتۇرلى سالالارداعى رەفورمانىڭ ىلگەرىلەتىلۋ سەرپىنى كورنەكتى كۇشەيتىلگەن، رەفورمانىڭ كەشەندى شارالارىنىڭ ءونىمى دە ۇزدىكسىز كورنەكتىلەنگەن.
كەلۋ قاينارى: شينجياڭ گازەتى
جاۋاپتى رەداكتورى : مانەپ ەربول ۇلى (پراكتيكانت)
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
