- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
«اۆتونوميالى رايوننىڭ <لاڭكەستىككە قارسى تۇرۋ زاڭىن> اتقارۋ ءادىسى» جونىندە اقپار جاريالاۋ ءماجىلىسى اشىلدى
2016.08.09 14:53 كەلۋ قاينارى : شينجياڭ گازەتى
«اۆتونوميالى رايوننىڭ <لاڭكەستىككە قارسى تۇرۋ زاڭىن> اتقارۋ ءادىسى» جونىندەگى اقپار جاريالاۋ ءماجىلىسى 5 - تامىز كۇنى ۇرىمجىدە اشىلدى، اتالعان «اتقارۋ ءادىسى» 1 - تامىز كۇنى رەسمي اتقارىلعان بولاتىن، بۇل اۆتونوميالى رايوننىڭ لاڭكەستىككە قارسى تۇرۋ، ورنىقتىلىقتى قورعاۋ قىزمەتىن زاڭمەن جونگە سالۋ ورەسىنىڭ تىڭ دەڭگەيگە كوتەرىلگەندىگىن ايگىلەيدى.
اۆتونوميالى رايوندىق حالىق قۇرىلتايى تۇراقتى كوميتەتىنىڭ مەڭگەرۋشىسى نايىم ياسىن اقپار جاريالاۋ ماجىلىسىندە مىنالاردى اتاپ كورسەتتى: شينجياڭ − ەلىمىزدىڭ لاڭكەستىككە قارسى تۇرۋ كۇرەسىنىڭ الدىڭعى شەبى جانە نەگىزگى شايقاس مايدانى، سوندىقتان مەملەكەتتىڭ «لاڭكەستىككە قارسى تۇرۋ زاڭىنىڭ» بەلگىلەمەسىنە ساي، شينجياڭنىڭ لاڭكەستىككە قارسى تۇرۋ كۇرەسىنىڭ جانە شينجياڭدى زاڭمەن جونگە سالۋ قۇرىلىسىنىڭ ءىس جۇزىندىك قاجەتىنە ۇيلەسەتىن جەرگىلىكتى زاڭ - ەرەجە جاساۋ، زورلىقتى كۇش لاڭكەستىك ارەكەتتەرىنە سوققى بەرۋدى جانە ودان ۇتىمدى ساقتانۋدى زاڭمەن جونگە سالۋ ارناسىنا ەنگىزۋ، شينجياڭدى زاڭمەن جونگە سالۋدى جەبەۋ، مەملەكەتتىڭ حاۋىپسىزدىگىن، الەۋمەتتىك حاۋىپسىزدىكتى جانە حالىقتىڭ باس اماندىعى مەن مال - مۇلىك حاۋىپسىزدىگىن قورعاۋ سياقتىلار ەرەكشە ماڭىزدى ءمان الاتىن جۇمىستار ەسەپتەلەدى.
نايىم ياسىن اقپارات قۇرالدارىنا «اتقارۋ ءادىسىنىڭ» نەگىزگى رۋحىن تانىستىرا كەلىپ بىلاي دەدى: ونىڭ شىعارىلۋى ورتالىق پەن اۆتونوميالى رايوندىق پارتكومنىڭ لاڭكەستىككە قارسى تۇرۋ، ورنىقتىلىقتى قورعاۋ قىزمەتى جونىندەگى شەشىمدەرى مەن ورنالاستىرۋلارىن ايگىلەدى؛ لاڭكەستىككە قارسى تۇرۋ، ورنىقتىلىقتى قورعاۋداعى جاقسى تاجىريبەلەردى، اماليات بارىسىندا قابىلدانعان تابىستى ادىستەردى قورىتىندىلاپ، ۇتىمدى تاجىريبەلەردى ايقىن تۇراقتاندىردى؛ «اتقارۋ ءادىسى» ماسەلەنى نىشان ەتۋ مەن ماسەلەگە جەتەكشىلىك ەتۋگە تاباندى بولىپ، زاڭ جاساۋدىڭ ناقتى ونىمدىلىگىن كورنەكتىلەندىردى ءارى لاڭكەستىككە قارسى تۇرۋ قىزمەتى مەحانيزمىن ايقىنداپ، تۇتاس قوعامنىڭ جاۋاپكەرشىلىكتى ورتاق ارقالاۋىن كورنەكتىلەندىردى، حاۋىپسىزدىك، الدىن الۋ قىزمەتتەرىن كۇشەيتىپ، زاڭعا قايشى قىلمىستىق ارەكەتتەردى قاستاندىققا سايلانۋ ساتىسىندا اۋىزدىقتاۋعا كۇش سالدى. مۇنان سىرت، «اتقارۋ ادىسىندە» شينجياڭدى زاڭ بويىنشا جونگە سالۋداعى زاڭمەن جونگە سالۋ رۋحى ايگىلەندى.
نايىم ياسىن مىنالاردى اتاپ كورسەتتى: زاڭنىڭ ومىرشەڭدىگى اتقارىلۋىندا، «اتقارۋ ادىسىندەگى» ءتۇرلى بەلگىلەمەلەردى مۇقيات ۇيرەنۋ، ويداعىداي ۇگىتتەۋ − زاڭ - ەرەجەنى دايەكتىلەندىرۋدىڭ، ويداعىداي اتقارۋدىڭ تەتىگى. اۆتونوميالى رايوننىڭ ءار دارەجەلى مەملەكەت ورگاندارى، قوعامدىق ۇيىمدار جانە كاسىپورىن، ءىسورىندارى، مەكتەپتەر، قوعامداعى ءار سالا جانە ءار ۇلت بۇقاراسى وسى زاڭ - ەرەجەنى ۇيرەنۋدى، ۇگىتتەۋدى جانە دايەكتى اتقارۋدى ماڭىزدى قىزمەت جاۋاپكەرشىلىگى، كەزەكتەگى ماڭىزدى قىزمەت رەتىندە مىقتى يگەرىپ، لاڭكەستىك ارەكەتتەرىنىڭ، ۇشقارىلىقتىڭ الدىن الۋداعى، وعان سىلەيتە سوققى بەرۋدەگى جانە قوعام ورنىقتىلىعىن قورعاۋداعى ءتۇرلى نەگىزدىك قىزمەتتەردى تىڭعىلىقتى جاقسى ىستەۋى كەرەك.
اۆتونوميالى رايوندىق پارتكومنىڭ تۇراقتى مۇشەسى، ساياسي - زاڭ كوميتەتىنىڭ شۋجيى شيۇڭ شۋانگو اقپار جاريالاۋ ماجىلىسىندە مىنالاردى اتاپ كورسەتتى: «اتقارۋ ءادىسى» لاڭكەستىككە قارسى تۇرۋ، ۇشقارىلىققا قارسى تۇرۋ قىزمەتىنىڭ نەگىزگى پرينسيبىن مەملەكەتتىڭ لاڭكەستىككە قارسى تۇرۋ ستراتەگيالىق جۇلگەسىندە ايقىندادى، لاڭكەستىككە قارسى تۇرۋدىڭ، ۇشقارىلىققا قارسى تۇرۋدىڭ اۆتونوميالى رايوننىڭ ءبىر تۇتاس باسشىلىعىنداعى تۇزىمدىك مەحانيزمى جۇيەسىن ورناتتى؛ لاڭكەستىككە قارسى تۇرۋ، ۇشقارىلىققا قارسى تۇرۋ قىزمەت جاۋاپكەرشىلىگى جۇيەسىن ورناتىپ، قىزمەت جاۋاپكەرشىلىگى ءتۇزىمىن ايقىندادى؛ لاڭكەستىككە قارسى تۇرۋدىڭ، ۇشقارىلىققا قارسى تۇرۋدىڭ حاۋىپسىزدىك، الدىن الۋ جۇيەسىن، شۇعىل جاعدايعا توتەپ بەرۋ جوباسى جۇيەسىن، لاڭكەستىك ۋاقيعالارىنا توتەپ بەرۋگە، ونى ءبىر جاقتى ەتۋگە قولباسشىلىق ەتۋ جۇيەسىن ورناتتى؛ ءوڭىر اتتاعان، تاراۋ اتتاعان مالىمەت، ينفورماتسيا بەرۋ قىزمەت مەحانيزمىن قۇرىپ، تۇتاس رايوننىڭ لاڭكەستىككە قارسى تۇرۋداعى، ۇشقارىلىققا قارسى تۇرۋداعى مالىمەت، ينفورماتسيا بەرۋ قىزمەتىن ءبىر تۇتاس جوبالادى؛ «اتقارۋ ادىسىندە» تاعى «لاڭكەستىككە قارسى تۇرۋ زاڭى» بويىنشا زاڭ - ءتۇزىم تاربيەسى ءتۇزىمىنىڭ جاۋاپكەرلىك سۋبيەكتى، ناقتى شاراسى جانە ءتارتىپ - تالابى اناعۇرلىم اشالانىپ، جاۋاپكەرلىكتى قۋزاستىرۋ مەحانيزمى كۇشەيتىلدى.
شيۇڭ شۋانگو بىلاي دەدى: «اتقارۋ ءادىسىنىڭ» جاريالانۋى رايونىمىزدىڭ لاڭكەستىككە قارسى تۇرۋ، ۇشقارىلىققا قارسى تۇرۋ قىزمەتىنىڭ بويسۇناتىن زاڭ بولۋ، زاڭعا، ءسوزسىز، بويسۇنۋ، زاڭدى، ءسوزسىز، قاتاڭ اتقارۋ، زاڭعا قايشىلىق جاساعانداردى، ءسوزسىز، قۋزاستىرۋ قىزمەتىن ونان ارى جاقسى ىستەۋگە پارمەندى زاڭمەن جونگە سالۋ نەگىزىن ازىرلەدى. جەر - جەر، تاراۋلار، مەكەمە - ورىندار تاربيەلەۋ كۋرسىن جاپپاي كۇشەيتىپ، بارلىعى ءوز قىزمەت جاۋاپكەرشىلىكتەرىن ادا ەتىپ، «اتقارۋ ءادىسىنىڭ» دايەكتى اتقارىلۋىن، تياناقتانۋىن بارىنشا مىقتى ۇستاپ، شينجياڭنىڭ قوعام ورنىقتىلىعى مەن باياندى تىنىشتىعىن كۇش سالا ىلگەرىلەتۋى كەرەك.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
