- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
مال، ءۇي قۇستارى تۇقىمىنىڭ وڭىرلىك ورنالاسۋىن جەدەل ىلگەرىلەتۋ ءۇشىن، رايونىمىز جەتەكشى پىكىر شىعاردى
2016.08.09 14:59 كەلۋ قاينارى : شينجياڭ گازەتى
ءتىلشىنىڭ اۆتونوميالى رايوندىق مال شارۋاشىلىعى مەڭگەرمەسىنەن ۇعىسۋىنشا، تاياۋدا اۆتونوميالى رايوندىق حالىق ۇكىمەتىنىڭ ماقۇلداۋىمەن، اۆتونوميالى رايوندىق مال شارۋاشىلىعى مەڭگەرمەسى «شينجياڭ ۇيعۇر اۆتونوميالى رايوننىڭ مال، ءۇي قۇستارى تۇقىمىنىڭ وڭىرلىك ورنالاسۋى جونىندەگى جەتەكشى پىكىردى (2016 - 2025)» شىعارعان.
«جەتەكشى پىكىردە» اۆتونوميالى رايونىمىزدىڭ مال، ءۇي قۇستارىنىڭ جەتەكشى تۇقىمدارىن، ەرەكشە دامىتىلاتىن تۇقىمدارىن، سيرەك ۇشىرايتىن قورعالاتىن تۇقىمدارىن باسىمدىققا يە وڭىرلەرگە جايعاستىرۋ جانە ونى دامىتۋ باعىتى بەلگىلەنگەن. 10 جىل قۇلشىنىس جاساۋ ارقىلى رايون ىشىندەگى مال، ءۇي قۇستارى تۇقىمدارىنىڭ وڭىرلىك جايعاسۋى ونان ارى ساپالىلانىپ، وڭىرلىك ەرەكشەلىگى ايقىن، ءبىرىنىڭ ابزالدىلىعىمەن ءبىرىن تولىقتايتىن، وزىندىك ەرەكشەلىگى بار، سايكەستى داميتىن وڭىرلىك جايعاسۋ جاعدايىن نەگىزىنەن قالىپتاستىرۋعا كۇش سالىنادى. جەتەكشى تۇقىمدار اناعۇرلىم كورنەكتىلەندىرىپ، كاسىپ سالالاندىرىپ شارۋاشىلىق جۇرگىزۋ جۇيەسى العاشقى قادامدا ورناتىلادى، اۆتونوميالى رايونىمىزدىڭ مال شارۋاشىلىعى كاسىبىندەگى «ءتورت بەلدەۋ، ءۇش ءوڭىر» قۇرىلىسىمەن ۇشتاستىرىلىپ، ماڭىزدى ستراتەگيالىق ورنى بار، حالىقارالىق بازاردا باسەكەلىك باسىمدىلىققا يە، مال شارۋاشىلىق ەكونوميكاسىنىڭ دامۋىن جەتەكتەي الاتىن 2 - 3 مال، ءۇي قۇستارى تۇقىمى جانە ءونىم ماركاسى جەتىلدىرىلەدى. ەرەكشە دامىتىلاتىن تۇقىمدارعا بايلانىستى بازاردا بەلگىلى ىقپالى بار، قامتاماسىز ەتۋ مەن پايدالانۋ ۇشتاستىرىلعان، پايدالانۋ ارقىلى قامتاماسىز ەتۋدى جەبەۋ مەحانيزمى نەگىزىنەن ورناتىلىپ، جاعراپيالىق بەلگىسى، ءونىم قاسيەتى ايقىن 5 - 10 ەرەكشە مال، ءۇي قۇستارى تۇقىمى جانە ءونىم ماركاسى قالىپتاستىرىلادى. جويىلۋعا تاياعان مال، ءۇي قۇستارى تۇقىمى جانە جاڭا بايلىعى ءونىمدى تۇردە قورعالىپ، شينجياڭنىڭ، ءتىپتى، بۇكىل ەلدىڭ مال شارۋاشىلىعىنىڭ بولاشاقتاعى باياندى دامۋى ساپالى بايلىقپەن قامتاماسىز ەتىلەدى.
ۇعىسۋعا قاراعاندا، تاياۋ جىلداردان بەرى رايونىمىزدىڭ مال شارۋاشىلىعىنىڭ دامۋ باعىتى بىرتىندەپ ايقىندالىپ، وڭىرلىك ەرەكشەلىگى بىرتىندەپ كورنەكتىلەنە تۇسكەن. ىلە اڭعارى، ەرتىس وزەنى بويى، ءۇش قۇلىستاي جايلىم مال شارۋاشىلىق رايونىندا باعىمداعى شينجياڭ قوڭىر سيىرى 600 مىڭنان اسقان، تيانشاننىڭ سولتۇستىك بوكتەرى ەكونوميكالىق بەلدەۋىندە باعىمداعى قارا الا سيىر 600 مىڭعا جەتكەن، وڭتۇستىك شينجياڭ تەمىر جولى بويىندا باعىمداعى سەمينتال سيىرى 500 مىڭعا تاياعان؛ سولتۇستىك شينجياڭ مال شارۋاشىلىق رايوندارىندا باعىمداعى قازاق قويى، التاي قويى، باسباي قويى 9 ميلليوننان اسسا، وڭتۇستىك شينجياڭدا دولان قويى، حوتان قويى 5 ميلليونعا تاياعان؛ بيازى ءجۇندى قوي بازاسى بولعان اۋداندار مەن ءتۇيىندى اسىل تۇقىمدى قوي فەرمالارىندا باعىمداعى جۇڭگو مەرينوس قويى 2 ميلليونعا تاياعان؛ ىلە اڭعارىندا باعىمداعى جىلقى 400 مىڭعا تاياعان، وڭتۇستىك شينجياڭ تارىم ويپاتىنداعى باعىمداعى شينجياڭ ەسەگى مولشەرمەن 800 مىڭعا جەتكەن.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
