- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
جاڭ چۇنشيان حۋنان ولكەسىنىڭ لي ۋيۋي باستاعان ۋاكىلدەر ۇيىرمەسىندەگىلەرمەن كەزدەستى
2016.08.09 14:59 كەلۋ قاينارى : شينجياڭ گازەتى
ج ك پ ورتالىق كوميتەتى ساياسي بيۋروسىنىڭ مۇشەسى، اۆتونوميالى رايوندىق پارتكومنىڭ شۋجيى، شينجياڭ ءوندىرىس - قۇرىلىس بيڭتۋانى پارتكومىنىڭ ءبىرىنشى شۋجيى، ءبىرىنشى ساياسي كوميسسارى جاڭ چۇنشيان 8 - تامىز تۇستەن كەيىن ۇرىمجىدە حۋنان ولكەسىنىڭ حۋنان ولكەلىك ساياسي كەڭەستىڭ ءتوراعاسى لي ۋيۋي باستاعان ۋاكىلدەر ۇيىرمەسىندەگىلەرمەن كەزدەستى.
حۋنان ولكەسىنىڭ ۋاكىلدەر ۇيىرمەسى بۇل جولى شينجياڭعا، باستىسى، «حۋناندىق 8000 بويجەتكەننىڭ» شينجياڭعا كەلۋ ىسىنە بايلانىستى جەلىلەس ەسكە الۋ قيمىلىن وتكىزۋ ءارى اۆتونوميالى رايوننىڭ ەكونوميكالىق، قوعامدىق دامۋ جاعدايىنا تەكسەرۋ - زەرتتەۋ جۇرگىزىپ، تاراپتاردىڭ ەكونوميكا - ساۋدا سەلبەستىگىن تەرەڭدەتۋ ءۇشىن ارنايى ات باسىن بۇرىپ وتىر.
جاڭ چۇنشيان حۋنان ولكەسىنىڭ ۋاكىلدەر ۇيىرمەسىندەگىلەردى قىزۋ قارسى الاتىندىعىن ءبىلدىرىپ، حۋناندىق 8000 بويجەتكەننىڭ شينجياڭعا كەلۋى سىندى اسەرلى تاريحتى ىقىلاستى ەسكە الدى. ول: حۋناندىق 8000 بويجەتكەننىڭ مۇنداي رۋحى − حۋنان مەن شينجياڭنىڭ ارالاسۋىنداعى، ىشتەسۋىندەگى، توعىسۋىنداعى قىمباتتى بايلىق. ونى ەسىمىزدە بەرىك ساقتاپ، قادىر قىمباتىن ءبىلۋىمىز كەرەك. حۋناندىق 8000 بويجەتكەننىڭ شينجياڭعا كەلگەنىنە 66 جىل تولۋ ورايىندا ەسكە الۋ قيمىلىن وتكىزۋ اسا ماڭىزدى مانگە يە. ول ەكى جەردەگى ءار ۇلت كادر - جۇرتشىلىعىنىڭ وتانشىلدىق سەزىمىن، ءسوز جوق، بارىنشا قوزداتاتىن بولادى، - دەدى.
جاڭ چۇنشيان بىلاي دەدى: حۋناندىق بويجەتكەندەردىڭ شينجياڭعا كەلۋى حۋناننىڭ شينجياڭعا باعىتتامالى كومەكتەسۋ ىستەرىنىڭ تامىرى تەرەڭدە جاتقانىن اڭعارتادى، ول، سونداي - اق حۋنان ولكەسىنىڭ جاڭا داۋىردە شينجياڭعا باعىتتامالى كومەكتەسۋ قىزمەتىن ونان ارى جاقسى ىستەۋىنىڭ رۋحاني تىرەگى ەسەپتەلەدى. حۋنان ولكەسىنىڭ ۋاكىلدەر ۇيىرمەسى بۇل جولعى ساپارىندا كاسىپورىنشىلار اراسىنان نەشە ونداعان ۋاكىلدى ارنايى ەرتە كەلىپ، شينجياڭنىڭ ەكونوميكا - ساۋدا ورتاسىنا تەكسەرۋ جۇرگىزىپ، ەكى ءوڭىردىڭ ەكونوميكا - ساۋدا سەلبەستىگى جونىنەن وزىندىك ىزدەنىس جاساماقشى. اۆتونوميالى رايون بۇعان دا ايرىقشا ءمان بەرەدى، حۋناندىق ساۋداگەرلەر مەن بۇكىل ەلدىڭ جەر - جەرىندەگى كاسىپورىنشىلاردىڭ شينجياڭعا كەلىپ دامىپ، جىبەك جولى ەكونوميكالىق بەلدەۋىندەگى وزەكتى رايون قۇرىلىسىندا سەلبەستىك ورناتىپ، بىرگە يگىلىككە كەنەلۋىن قارسى الادى.
لي ۋيۋي بىلاي دەدى: حۋناننىڭ ءار سالاسى حۋناندىق بويجەتكەندەردىڭ رۋحىنا مۇراگەرلىك ەتىپ جانە ونى ساۋلەلەندىرىپ، حۋنان مەن شينجياڭنىڭ سەلبەستىگىن، اۋىس - كۇيىسىن، بىرگە دامىپ، تەڭ يگىلىككە كەنەلۋىن، ىنتىماقتاسا العا باسۋىن جەبەيدى. ۋاكىلدەر ۇيىرمەمىز مۇقيات تەكسەرۋ - زەرتتەۋ جۇرگىزىپ، حۋناندىق بويجەتكەندەردىڭ شينجياڭعا كەلۋى سىندى اسەرلى تاريحتان رۋحاني قوزعاۋشى كۇش الۋمەن بىرگە، ونان دا ماڭىزدىسى، ەكى جەردىڭ ءتىپتى دە كوپ سالاداعى، اناعۇرلىم تەرەڭ دەڭگەيدەگى ناقتى سەلبەستىگىن جەبەيدى.
اۆتونوميالى رايون مەن بيڭتۋاننىڭ باسشىلارىنان شوكىرات زاكىر، نۇرلان ءابىلماجىن ۇلى، سۇن جينلۇڭ، شيۇڭ شۋانگو، پىڭ جيارۇي، ليۋ شينچي، باي جىجيە، چىڭ جىنشان، حۋنان ولكەسىنىڭ باسشىلارىنان حۋاڭ لانشياڭ، ۋاڭ شياۋچين، يۋان شينحۋا كەزدەسۋدە بىرگە بولدى.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
