- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
جۇزدەرىنە كۇلكى ءۇيىرىلىپ، جۇرەكتەرىنە جىلۋ ۇيالادى
2016.09.14 15:01 كەلۋ قاينارى : شينجياڭ گازەتى
11 - قىركۇيەك، ءۇرىمجى قالا رايونىنىڭ كوشە بويلارىنا قىزىل تۇمشامالى شام ءىلىنىپ، قاز - قاتار ساۋدا دۇكەندەرىنىڭ الدىندا نارت قىزىل تۋلار جەلبىرەدى.
ارداۋچياۋ مەن حالىقارالىق ۇلكەن بازارعا باردىم، كولىك پەن ادام قايشالىسادى، ويناقى بارابان مەن سىرناي ءۇنى تامىلجىپ تۇر، ءتۇرلى بالكۇلشە، پراندىكتىڭ حوش ءيىسى مۇرىن جارادى.
تۇستەن بۇرىن ساعات 11 شاماسىندا كارريفور ەرەن دۇكەنىنىڭ ۇلكەن بازارداعى بولىمشەسىنە ات باسىن تىرەدىم، ەرەن بازاردىڭ ۇساق - تۇيەك بۇيىمدار ساتۋ ورنىنىڭ جاۋاپتىسى حان چۋانشي: دۇكەنىمىزدە زاتتار تولىق ازىرلەندى، 7 - قىركۇيەكتەن 17 - قىركۇيەككە دەيىن ساتىلۋىن تەزدەتۋ قيمىلى جۇرىلەدى ءارى قۇربان ايت پەن ورتاڭعى كۇز مەرەكەسىنە ارناۋلى سورە ازىرلەندى، - دەدى. ازىق - تۇلىك رايونىندا قىزمەتكەرلەر قوراپتالعان ساڭزىلاردى زات سورەسىنە رەتتى ءتىزىپ جاتىپتى، باقىتگۇل ەسىمدى الارمان ساڭزىنىڭ ۇلكەنىن تاڭداپ، زات ارباسىنا سالىپ جاتىپ: «ايتتىق جەمىس - جيدەك، كوكونىس، ساڭزىلاردى وسى ارادان ساتىپ الدىم»، - دەدى.
ەرەن بازار قاقپاسىنىڭ الدىنداعى سۋىق سۋسىن جايما ورنى جۇرتتىڭ نازارىن اۋدارىپتى، ۇلكەن تەگەنەگە ايران، بال، قايماق جانە مۇز قوسىپ جاسالعان سۋىق سۋسىن جۇرتتىڭ سارايىن اشىپ، ءشولىن باسقانداي. قاشقارلىق جايما قوجايىنى الىم: ءار كۇنى ءبىر ۇلكەن تەگەنە سۋىق سۋسىن ساتامىز، بىرنەشە كۇننەن بەرى ساياحاتشىلار كوپ، ەرەن بازارعا زات ساتىپ العالى كەلگەندەر مول بولعاندىقتان، ساۋدامىز كۇسەت بولدى، - دەي كەلە، مەرەكە كەزىندە تيجاراتىمدى توقتاتپايمىن دەپ ءسوزىن ساباقتادى.
كونسۋل كوشەسىندەگى ارمان ەرەن بازارى مەرەكەلىك كۇيگە ەنىپتى. «نەشە كۇننەن بەرى ۇستەمەلەپ قىزمەت ىستەدىك، ۇستىندە جاساپ، ساتىپ جاتقان پراندىگىمىز سۇرانىستى قاناعاتتاندىرا الماعاندىقتان، ەرەن بازار تيجارات ۋاقىتىن كەشكى ساعات 12 جارىمعا دەيىن ۇزارتتى، ءار كۇنگى قاريدارلار مولشەرى 10 مىڭعا (رەت) جەتتى»، - دەدى دۇكەن باستىعى گۇلپيا احمەت.
ارداۋچياۋ بازارىنىڭ 1 - قاباتىنداعى قۇرعاق جەل - جەمىس ساتۋ دۇكەنىندە دۇكەن قوجايىنى ابدۇل ءتۇرلى قۇرعاق جەل - جەمىستەردى كوزدىڭ جاۋىن الاتىنداي ەتىپ قاز - قاتار ءتىزىپ، الارمانداردىڭ كەلۋىن توسىپ تۇرعان - دى. ابدۇل: بيىل ساياحاتشى كوپ، قۇرعاق جەمىستىڭ باعاسى دا تومەن بولدى، ورىك قاعىنىڭ ءار كيلوگرامى 35 يۋان، ساتىلىمى وتە جاقسى، ساياحاتشىلاردىڭ سۇرانىسىن قاناعاتتاندىرۋ ءۇشىن قۇربان ايتتىڭ العاشقى كۇنى تيجارات جۇرگىزبەكشى بولىپ وتىرمىن، - دەدى كۇلىمسىرەي. 2 ساعات ۋاقىتتا دۇكەن قوجايىنى ءامينا 70 جىبەك جاۋلىق ساتتى، جاۋلىق ساتىپ العان ساياحاتشىلار حيلۇڭجياڭنان كەلىپتى، ولار شينجياڭ ەرەكشەلىگىنە يە جىبەك جاۋلىقتى وتە ۇناتادى ەكەن، ءار ادام 4 - 5 جاۋلىق ساتىپ الىپتى. «ىشكەرىلىك دوستاردىڭ كوبىرەك كەلۋىن تىلەيمىن»، - دەدى قۋانىشى قوينىنا سيماعان ءامينا.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
