- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
ورايدى يگەرىپ، اۋقىمعا قاراي العا ۇمتىلىپ، شينجياڭنىڭ قوعام ورنىقتىلىعى مەن باياندى تىنىشتىق باس نىساناسىن قۇلشىنا ىسكە اسىرايىق
2016.11.08 09:34 كەلۋ قاينارى : شينجياڭ گازەتى
جۋىقتا عانا اياقتاعان ج ك پ اۆتونوميالى رايوندىق 9 - قۇرىلتايى − بۇكىل اۆتونوميالى رايونىمىز پارتيا 18 - كەزەكتى ورتالىق كوميتەتى التىنشى جالپى ءماجىلىسىنىڭ رۋحىن مۇقيات ۇيرەنىپ جانە دايەكتىلەندىرىپ، شي جينپيڭ جولداستى ۇيتقى ەتكەن پارتيا ورتالىق كوميتەتى تۇراقتاندىرعان قوعام ورنىقتىلىعى مەن باياندى تىنىشتىق باس نىساناسىن ىشكەرىلەي دايەكتىلەندىرىپ جانە تياناقتاندىرىپ جاتقان شەشۋشى ساتتە اشىلعان ماڭىزدى قۇرىلتاي. قۇرىلتايدا شينجياڭ قىزمەتى ءدوپ كەلگەن تاپتىرماس ورايعا تالداۋ جاسالىپ، الداعى 5 جىلداعى كۇرەس نىساناسى مەن كوركەم جوبا انىقتالدى. وراي جۇرەككە شابىت بەرىپ، نىسانا ادامدى العا جەتەكتەيدى، شينجياڭ قىزمەتى جاڭا تاريحي باستاماعا كوتەرىلدى.
ءداۋىردىڭ ءۇنى
«ءبىز شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، تۇتاس شينجياڭداعى ءار ۇلت حالقىنىڭ ورتاق قۇلشىنۋىندا، قوعام ورنىقتىلىعى مەن باياندى تىنىشتىق باس نىساناسىنىڭ، جاپپاي دوڭگەلەك داۋلەتتى قوعام قۇرۋ كۇرەس نىساناسىنىڭ، ءسوزسىز، جۇزەگە اساتىندىعىنا، شينجياڭنىڭ ەرتەڭىنىڭ ءتىپتى دە كوركەم بولاتىندىعىنا كامىل سەنەمىز». ج ك پ اۆتونوميالى رايوندىق 9 - قۇرىلتايىنىڭ اشىلۋ سالتىندا، چىن چۋانگو شۋجي ج ك پ اۆتونوميالى رايوندىق 8 - كەزەكتى كوميتەتى اتىنان بايانداما جاساپ، نىق سەنىممەن وسىلاي دەپ قاداپ ايتقاندا، تۇتاس زالدا شاپالاق ءۇنى كۇندەي كۇركىرەپ، ۇزاق جالعاستى. شاپالاق ءۇنى 23 ميلليون تيانشان ۇلانىنىڭ اۆتونوميالى رايوندىق پارتكومعا دەگەن شەكسىز سەنىمى مەن ءۇمىتىنىڭ كۋاسى، كورىكتى شينجياڭ قۇرۋ جولىندا جۇرەكتىلىكپەن العا ىلگەرىلەپ، بار قيىندىقتى جەڭۋگە بەل بۋعان بەكىم مەن سەنىمنىڭ ايعاعى ەدى.
قوعام ورنىقتىلىعى مەن باياندى تىنىشتىقتى ىسكە اسىرۋ، جاپپاي دوڭگەلەك داۋلەتتى قوعام قۇرۋ − پارتيا ورتالىق كوميتەتىنىڭ شينجياڭعا دەگەن شىنايى ءۇمىتىنىڭ ايگىسى، شينجياڭداعى ءار ۇلت حالقىنىڭ جۇرەكجاردى تىلەگى، ءداۋىردىڭ ۇندەۋى.
قازىر شينجياڭ قىزمەتىنىڭ جاعدايىندا بەلسەندى، ىزگى، ءسۇيىنىشتى وزگەرىستەر جارىققا شىقتى، قوعامدىق جالپى جاعداي ورنىقتىلىقتى ساقتادى، ەكونوميكالىق، قوعامدىق دامۋدىڭ جالپى بەينەسى جاقسى، دەگەنمەن، ورنىقتىلىقتا دا، دامۋدا دا «ءۇش مەزگىل قاباتتاسىپ» وتىر، جاعداي ءالى اۋىر دا كۇردەلى، مىندەتتەر ءتىپتى جاپالى، ءتىپتى اۋىر. الداعى 5 جىل، شينجياڭ ءۇشىن ايتقاندا، قوعام ورنىقتىلىعى مەن باياندى تىنىشتىققا بەرىك نەگىز قالايتىن شەشۋشى مەزگىل، سونداي - اق كەدەيلىكتەن قۇتىلدىرۋدان قامال الۋ مەن جاپپاي دوڭگەلەك داۋلەتتى قوعام قۇرۋدىڭ شەشۋشى جەڭىسىنە قول جەتكىزەتىن كەزەڭ. وراي مەن سايىس، ءۇمىت پەن سىناق قاتار ءومىر ءسۇرىپ وتىر دەۋگە بولادى.
جاڭا باستاما جاڭا ورايعا جۇكتى. كەزىندە ماركستىڭ «ءبارى دە ءوزى تۇرعان تاريحي ورتاعا بايلانىستى بولادى» دەگەنى بار. شينجياڭ تۇرعان ەرەكشە تاريحي ورتا جاڭا ەلەۋلى ورايعا مۇمكىندىك تۋدىرىپ وتىر. ورتالىقتىڭ شينجياڭ قىزمەتى جونىندەگى 2 - رەتكى اڭگىمە ءماجىلىسى الا كەلگەن تاريحي وراي، مەملەكەتتىڭ «ءبىر بەلدەۋ، ءبىر جول» ستراتەگياسى تۋدىرعان ستراتەگيالىق وراي، پارتيا ورتالىق كوميتەتىنىڭ ءبىر قاتار ەرەكشە قولداۋلارى جاساعان ساياساتتىق وراي، پارتيا ورتالىق كوميتەتىنىڭ رەفورمانى جاپپاي تەرەڭدەتۋىنە بايلانىستى جارىققا شىققان رەفورما ورايى، شينجياڭنىڭ جالپىلىق قۋاتىنىڭ كوتەرىلۋىنە وراي تۋىنداعان دامۋ ورايى تاريحتىڭ وسى ساتىندە توعىسىپ، شينجياڭنىڭ قوعام ورنىقتىلىعى مەن باياندى تىنىشتىعىن ىلگەرىلەتۋگە وتە تاماشا تاريحي ورتا مەن عانيمەت وراي ازىرلەدى.
«جۇمىلا كوتەرگەن جۇك جەڭىل». تاپتىرماس ورايعا سايكەس، ءبىز، ءسوز جوق، يدەيا مەن ارەكەتتى تاباندى تۇردە پارتيا 18 - كەزەكتى ورتالىق كوميتەتى التىنشى جالپى ءماجىلىسىنىڭ رۋحىمەن، ج ك پ اۆتونوميالى رايوندىق 9 - قۇرىلتايىنىڭ رۋحىمەن، اۆتونوميالى رايوندىق پارتكومنىڭ كەلەلى شەشىم - ورنالاستىرۋىمەن بىرلىككە كەلتىرىپ، ءورشىل ىنتا، وسكەلەڭ ونىمدىلىكپەن، ورايدى مىقتى يگەرىپ، اۋقىمعا قاراي العا ۇمتىلىپ، وزىمىزگە ءتان داڭققا جەتۋگە ءتيىسپىز.
جاۋاپتى تاپسىرما
ءار زاماننىڭ ءوز جاۋاپكەرشىلىگى بولادى. ىنتىماقتى، جاراسىمدى، گۇلدەنگەن، باي، وركەنيەتتى، العا باسقان، حالىق الاڭسىز تىرشىلىك ەتەتىن سوتسياليستىك شينجياڭ قۇرۋ − ءبىزدىڭ بۋىنعا جۇكتەلگەن تاريحي جاۋاپكەرشىلىك. ءبىز قيىندىقتى جەڭە العا ىلگەرىلەپ، ءداۋىر جۇكتەگەن جاۋاپتى تاپسىرمانى تايسالماي ارقالاپ، موينىمىزداعى جۇكتىڭ اۋىرلىعىن سەزىنۋمەن بىرگە، ارقالاعان جاۋاپكەرشىلىكتىڭ ۇدەسىنەن شىعىپ، ءزىل - باتپان مىندەتتەردىڭ سالماعىنا كوز جەتكىزىپ، ءار قادامدى ساناپ باسىپ، ەل ءۇمىتىن اقتاپ، بورىشىمىزدى ادالدىقپەن وتەۋىمىز كەرەك. ءداۋىر جۇكتەگەن جاۋاپتى تاپسىرمانىڭ ۇدەسىنەن شىعۋ ءۇشىن، بۇلجىماس ساياسي جاۋاپكەرشىلىكتى قاتايتۋ قاجەت. ساياسي جاۋاپكەرشىلىكتىڭ وزەگى − ادالدىق، پارتياعا، مەملەكەتكە ادالدىق. 5 جىلدان بەرگى تابىستى امالياتتى قورىتىندىلاعاندا، ءبىز مىنانى تەرەڭ سەزىنەمىز: شينجياڭ قىزمەتىن جاقسى ىستەۋ ءۇشىن، الدىمەن، ءارقاشان ساياسي باعىتتان جازباي، جالپى جاعدايعا كوز جىبەرىپ، ءارقاشان جۇڭگو كوممۋنيستىك پارتياسىنىڭ باسشىلىعىنا، جۇڭگوشا سوتسياليزمنىڭ جول، نازاريا، ءتۇزىم، مادەنيەت سەنىمىنە، ۇلتتىق تەرريتوريالىق اۆتونوميا تۇزىمىنە تاباندى بولىپ، «4 تانىمدى»، وتە - موتە، ۇيتقى تانىمى مەن ساپ تۇزەۋ تانىمىن بەرىك ورناتىپ، يدەيادا، ساياسيدا، ارەكەتتە شي جينپيڭ جولداستى ۇيتقى ەتكەن پارتيا ورتالىق كوميتەتىمەن ايرىقشا ءبىر اۋىزدىلىقتى ساقتاپ، پارتيا ورتالىق كوميتەتىنىڭ بەدەلىن باتىل قورعاۋ كەرەك. ساياسي ءتارتىپ پەن ساياسي قاعيدانى قاتاڭ ساقتاپ، بولشەكتەۋشىلىككە قارسى كۇرەستىڭ تارتىبىنە قاتاڭ بويسۇنىپ، ءارقاشان سانانى سەرگەك ۇستاپ، تۇرعىنى بەكەمدەپ، تۋدى ايقىنداۋ قاجەت.
ءداۋىر جۇكتەگەن جاۋاپتى تاپسىرمانىڭ ۇدەسىنەن شىعۋ ءۇشىن، قيىنشىلىقتى جەڭە بىلەتىن دامۋ جاۋاپكەرشىلىگىن قاتايتۋ كەرەك. شينجياڭدا، ەڭ الدىمەن، دامۋ مەن ورنىقتىلىقتىڭ قاتىناسىن دۇرىس شەشۋ كەرەك. ءبىز قوعام ورنىقتىلىعى مەن باياندى تىنىشتىق باس نىساناسىن بەرىك ارقاۋ ەتىپ، شينجياڭنىڭ باسقارۋ جۇيەسى مەن باسقارۋ قابىلەتىنىڭ وسىزاماندانۋىن بەلسەندى تۇردە ىلگەرىلەتىپ، ورنىقتىلىق بارلىعىن باسىپ تۇسەدى دەگەنگە قاي - قاشان دا تاباندى بولىپ، قوعام ورنىقتىلىعىن تىڭعىلىقتى، ءونىمدى تۇردە قورعاپ، ۇلتتار ىنتىماعىن بەكەمدەپ جانە دامىتىپ، ءدىني جاراسىمدىلىقتى شىنايى كۇشەيتىپ، وتاننىڭ بىرلىگىن، ۇلتتاردىڭ ىنتىماعىن، قوعامنىڭ ورنىقتىلىعىن قورعاۋدىڭ قۇرىش قورعانىن بەكەمدەۋىمىز كەرەك. ورنىقتىلىق پەن دامۋدىڭ ارقاۋىن شيراتىپ، ورنىقتىلىقتى قورعاۋ ارقىلى دامۋعا ىڭعايلى ورتا ازىرلەۋىمىز كەرەك. شينجياڭدى زاڭمەن جونگە سالۋدى بۇلجىماستان ىلگەرىلەتىپ، بارلىق ادامنىڭ زاڭ الدىنداعى تەپە - تەڭدىگىنە تاباندى بولۋىمىز قاجەت. قالا مەن اۋىلدى تەگىس قامتىعان الەۋمەتتىك قىزمەت كورسەتۋ جۇيەسىن قالىپتاستىرىپ، وسى زامانعى مادەنيەت ۇستانىمى مەن ءومىر سالتىن بار كۇشپەن تاراتىپ، عىلىمدى ۇلىقتايتىن، اقاۋسىز، ءورشىل، داۋىرگە لايىق، وركەنيەتتى راي قالىپتاستىرۋىمىز كەرەك.
ءداۋىر جۇكتەگەن جاۋاپتى تاپسىرمانىڭ ۇدەسىنەن شىعۋ ءۇشىن، حالىقتىق تۇرعىداعى حالىقشىل جاۋاپكەرشىلىكتى قاتايتۋ كەرەك. «حالىقتىڭ كوركەم تۇرمىسقا دەگەن تالپىنىسى − ءبىزدىڭ كۇرەس نىسانامىز». حالىق تۇرمىسى حالىق تىلەگىمەن ساباقتاسىپ جاتادى، حالىق تۇرمىسى بارىنەن ماڭىزدى. حالىقتىڭ كوڭىلى ورنىقپاسا، قوعامنىڭ ورنىقتى بولۋى ەكىتالاي. قاي - قاشان دا ءار ۇلت جۇرتشىلىعىنىڭ تىرشىلىك قامىنا جۇرەك تورىنەن ورىن بەرىپ، ەڭ قالىڭ حالىقتىڭ ءتۇبىرلى مۇددەسىن ويداعىداي ىسكە اسىرىپ، ويداعىداي قورعاپ، ويداعىداي دامىتىپ، حالىق قولدادى ما، جوق پا، حالىق قۇپتادى ما، جوق پا، حالىق قۋاندى ما، جوق پا دەگەندى بارلىق قىزمەتتىڭ بار - جوعىن تارازىلاۋدىڭ ءتۇبىرلى ولشەمى ەتۋ كەرەك. حالىق تۇرمىسىن ماڭداي الدى ورىنعا قويۋعا، حالىق تۇرمىسىن الدىمەن قولعا الۋعا تاباندى بولىپ، دارەجەلەس قازىنالىق شىعىس پەن شينجياڭعا باعىتتامالى كومەك قاراجاتىنىڭ %70تەن استامىن حالىق تۇرمىسىن قامتاماسىز ەتۋ، جاقسارتۋعا پايدالانۋعا تاباندى بولىپ، حالىققا تيىمدىلىك جاساۋ ينجەنەريالارىن ۇزدىكسىز اتقارىپ، ءار ۇلت جۇرتشىلىعىنىڭ تولىق كاسىپتەنۋدەن، جالپىعا بىردەي ءبىلىم الۋدان، تاماشا ەمدەلۋدەن، جان - جاقتى قامتاماسىزداندىرۋدان، جايلى تۇرعىن ۇيدەن، قولايلى جول قاتىناسىنان، كورىكتى ورتادان يگىلىكتەنۋىنە قۇلشىنا مۇمكىندىك جاساپ، ولاردىڭ تابىستىلىق، باقىتتىلىق سەزىمىن ۇزدىكسىز نىعايتىپ، پارتياعا، پارتيا ورتالىق كوميتەتىنە شىن جۇرەكتەن العىس ايتۋىنا قول جەتكىزۋ كەرەك.
ءداۋىر جۇكتەگەن جاۋاپتى تاپسىرمانىڭ ۇدەسىنەن شىعۋ ءۇشىن، جاپپاي قاتاڭ جونگە سالاتىن ستيل جاۋاپكەرشىلىگىن قاتايتۋ كەرەك. جۋىقتا عانا جەڭىسپەن جابىلعان پارتيا 18 - كەزەكتى ورتالىق كوميتەتىنىڭ التىنشى جالپى ماجىلىسىندە پارتيانى جاپپاي قاتاڭ جونگە سالۋدا ءدوپ كەلگەن جاعداي مەن مىندەتتەرگە جان - جاقتى تالداۋ جاسالۋى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارتيانى جاپپاي قاتاڭ جونگە سالۋعا بەل بۋعان باتىل بەكىمى مەن تاريحي جاۋاپكەرشىلىگىن، بۇكىل پارتيانىڭ ورتاق تىلەگىن تولىق ايگىلەدى. ءبىز، ءسوز جوق، مىنانى تاني بىلۋگە ءتيىسپىز: ەگەر پارتيا پارمەندى باسقارىلماسا، پارمەندى جونگە سالىنباسا، حالىق جۇرتشىلىعىنىڭ پىكىرى كۇشتى بولعان كورنەۋ قايشىلىقتار مەن ماسەلەلەر دەر كەزىندە شەشىلمەسە، پارتيامىزدىڭ بيلىك جۇرگىزۋى اۋىر سىنعا ءدوپ كەلەدى. پارتيانى جاپپاي قاتاڭ جونگە سالۋدى شينجياڭ قىزمەتىنىڭ ءتۇرلى جاعىندا دايەكتىلەندىرىپ جانە تياناقتاندىرىپ، پارتيانىڭ شينجياڭداعى بيلىك نەگىزىن بەرىكتەپ، پارتيانىڭ شينجياڭداعى بيلىك تۇعىرىن بەكەمدەپ، شينجياڭنىڭ قوعام ورنىقتىلىعى مەن باياندى تىنىشتىعىنا پارمەندى ساياسي كەپىلدىك ازىرلەۋ كەرەك.
موينىمىزداعى اۋىر جۇك ءار قادامدى ساناپ باسۋدى ءتىپتى قاجەت ەتەدى. اۆتونوميالى رايونداعى ءار دارەجەلى پارتيا ۇيىمدارى، اسىرەسە، پارتيالى باسشى كادرلار شينجياڭنىڭ رەفورما، دامۋ، ورنىقتىلىق ىستەرىن ىلگەرىلەتۋدىڭ تاريحي تاپسىرماسىن شىنايى ارقالاپ، اسا كۇشتى العا ىلگەرىلەۋ تانىمىن، وراي تانىمىن، جاۋاپكەرشىلىك تانىمىن ءارقاشان ساقتاپ، اسقار تاۋعا جول سالىپ، اساۋ وزەننەن وتكەل تاباتىن باتىل رۋحتان، قيىندىقتى جەڭىپ، ەشتەڭەگە مويىمايتىن قايسار ەرىك - جىگەردەن جازباي، جاۋاپتى تاپسىرمانى جان كەشتى ەڭبەكشىلدىكپەن ورىنداپ، پراگماتيكالىق كۇرەسكەرلىك ارقىلى دامۋدىڭ ناقتى ناتيجەسىنە قول جەتكىزىپ، شينجياڭنىڭ قوعام ورنىقتىلىعى مەن باياندى تىنىشتىعىندا جاڭا جاعداي اشۋعا قۇلشىنۋى كەرەك.
مىزعىماس سەنىم
شي جينپيڭ جولداس: قازىرگى كەزدە ءبىز تاريحتاعى ءارقانداي ءبىر مەزگىلگە قاراعاندا، جۇڭحۋا ۇلتىنىڭ ۇلى گۇلدەنۋى نىساناسىنا ءتىپتى جاقىنداي تۇستىك، وسى نىسانانى جۇزەگە اسىرۋ سەنىمىنە، قابىلەتىنە ءتىپتى يە بولدىق، - دەپ اتاپ كورسەتتى. الداعى 5 جىلداعى كۇرەس نىساناسى − شينجياڭنىڭ ۇلان - بايتاق دالاسىنا تامىر تارتقان، ءار ۇلت بۇقاراسىنىڭ ارمان - تىلەگىن بەينەلەيتىن، پارتيا ورتالىق كوميتەتىنىڭ ماڭىزدى تاپسىرماسىن ارقالاعان تاريحي بورىش، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدىڭ قۇرامداس ءبولىمى، بۇرىن بولماعان ۇلى ءىس. ۇلى بولعانى ءۇشىن دە ەرەكشە سەنىمدى قاجەت ەتەدى. سەنىم، سايىپ كەلگەندە، ءبىزدىڭ قايراتتانا العا ۇمتىلۋىمىزداعى كۇش قاينارىمىز، سەنىم بولعاندا عانا، قايتپاس قايسارلىقپەن، العان نيەتتەن قايتپاي نىساناعا قاراي ۇمتىلۋعا بولادى.
شي جينپيڭ جولداستى ۇيتقى ەتكەن پارتيا ورتالىق كوميتەتى شينجياڭ قىزمەتىنە بارىنشا ءمان بەرىپ، پارتيامىزدىڭ جاڭا داۋىردەگى شينجياڭدى جونگە سالۋ جالپى جوباسىن، قوعام ورنىقتىلىعى مەن باياندى تىنىشتىق باس نىساناسىن بەلگىلەپ، شينجياڭ قىزمەتىن اناعۇرلىم جاقسى ىستەۋگە باعىت - باعدار كورسەتتى، تۇپىكىلىكتى نەگىز بەن قۇدىرەتتى قوزعاۋشى كۇش ازىرلەدى، ول − پارتيا ورتالىق كوميتەتىنىڭ شينجياڭ قىزمەتىن عىلمي تۇردە تۇراقتاندىرۋى ەسەپتەلەدى، شينجياڭنىڭ ءىس جۇزىندىك جاعدايىنا ابدەن ۇيلەسەدى، وندا پارتيا ورتالىق كوميتەتىنىڭ شينجياڭداعى ءار ۇلت حالقىنا دەگەن شىنايى قامقورلىعى جاتىر. ءبىز، ءسوز جوق، بارىنشا قاستەرلەپ، بارىنشا ىنتىماقتاسىپ، بارىنشا قۇلشىنىپ، بارلىق قىزمەتتە باس نىسانانى ارقاۋ ەتىپ، شينجياڭنىڭ قوعام ورنىقتىلىعى مەن باياندى تىنىشتىعى ۇلى ءىسىن بۇلجىماي العا ىلگەرىلەتە بەرۋىمىز كەرەك.
العا باسۋ جولىنىڭ كەدەرگىسىز بولۋى مۇمكىن ەمەس، قاشاندا سىن - سايىستارعا، حاۋىپ - قاتەرگە تولى بولادى. تار جولداعى تايتالاستا ەر جۇرەك باتىرلار جەڭىسكە جەتەدى. تاماشا رۋحاني كۇيدى ساقتاۋ − شەشۋشى شايقاستىڭ شەشۋشى جەڭىسىنە جەتۋدىڭ تەتىگى.
قازىرگى تاڭدا شينجياڭ ءالى دە ورنىقتىلىق پەن دامۋدىڭ «ءۇش مەزگىل قاباتتاسقان» كەزەڭىنە، بولجاۋعا بولاتىن جانە بولجاۋعا كەلمەيتىن حاۋىپ - قاتەر مەن سىن - سايىستارعا ءدوپ كەلىپ وتىر، سونىمەن قاتار كەدەيلىكتەن قۇتىلدىرۋدان قامال الۋ دا اسا ميحىناتتى شايقاس. حاۋىپ - قاتەر مەن سىن - سايىس الدىندا، جاپا - ماشاقات پەن كەدەرگىلەر الدىندا، شينجياڭنىڭ قوعام ورنىقتىلىعى مەن باياندى تىنىشتىعىن جۇزەگە اسىرۋ ءۇشىن رۋحاني تۋدى بيىك كوتەرۋىمىزگە ءتىپتى تۋرا كەلەدى. «قيىن ءىس جوق جاھاندا، ىقىلاس قويعان ادامعا»، بۇل جەردەگى «ىقىلاستىڭ» ءوزى باتىرلاردىڭ سەنىمى مەن بەكىمى. ءورشىل رۋحتى، ۋاقىتپەن تالاسقان ارىندى، ۇزدىكتىككە ۇمتىلعان جىگەردى، قايتپاس قايسارلىقتى باستان - اياق ساقتاپ، سىن - سايىس الدىندا شەگىنبەي، قيىنشىلىقتان جاسقانباي، قىسىمعا باس يمەي، جاۋاپكەرشىلىكتى باتىل ارقالاپ، قايراتتانا ۇمتىلساق بولعانى، جاڭا ۇلى كۇرەستە قارا ءۇزىپ العا شىعىپ، جەڭىسكە جەتە الامىز.
باقىت جەمىسى اسپاننان تۇسە سالمايدى. ونىڭ تامىر تارتىپ، گۇل اشىپ، جەمىس بەرۋى ىسكەرلىكتى قاجەت ەتەدى. ىسكەرلىك بارلىعىن وزگەرتەدى، ىسكەرلىك بارلىعىن جارىققا شىعارادى. ارماندى ىسكە اسىرۋدىڭ تەتىگى ىسكەرلىكتە.
ىنتىماقتى، جاراسىمدى، گۇلدەنگەن، باي، وركەنيەتتى، العا باسقان، حالىق الاڭسىز تىرشىلىك ەتەتىن شينجياڭ قۇرۋدا، تۇپتەپ كەلگەندە، بۇكىل رايونىمىزداعى كادرلار مەن بۇقارانىڭ قاجىرلىلىقپەن كۇرەس جۇرگىزۋىنە، شوگەلدىلىكپەن ەڭبەك ەتۋىنە سۇيەنۋ كەرەك، بۇل سارقىلماس ەڭبەككۇش قاينارى. بىزدە، ءسوز جوق، قىزمەت بورىشىن ادا ەتەتىن، شىن پەيىلمەن ۇلەس قوساتىن جىگەر، بار كۇشىن سارقا جۇمساپ، ەرلىكپەن العا ۇمتىلاتىن ەكپىن، ءوز قىزمەتىن يگىلىكتى ءىس رەتىندە ىستەپ، جاۋاپكەرشىلىكتى باتىل ارقالايتىن قايرات بولۋى، از سويلەپ، كوپ ىستەۋىمىز، ايتقاندى ورىنداۋىمىز، ىستەگەننەن ناتيجە شىعارۋىمىز، ايتارلىقتاي ىستەۋىمىز، قىزمەتتەردى ىلگەرىلەتۋىمىز، ءار بۋىندى مىقتى ۇستاۋىمىز، ءار ماسەلەنى ويداعىداي شەشۋىمىز، ءار ءىستى ويداعىداي ىستەۋىمىز كەرەك.
كوركەم جوبا جاسالدى، جاڭا ساپار باستالدى. مىزعىماس سەنىم، بەرىك بەكىم، بويدى كەرنەگەن جىگەر، كۇش - قۋات ارقىلى، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن بۇلجىماي دايەكتى تياناقتاندىرىپ، ءبىر جاعادان باس، ءبىر جەڭنەن قول شىعارا وتىرىپ ۇلى ىستەر تىندىرىپ، قايراتتانا بولاشاققا ۇمتىلىپ، شينجياڭنىڭ ءتۇرلى ىستەرىن نىق قاداممەن العا ىلگەرىلەتىپ، ىنتىماقتى، جاراسىمدى، گۇلدەنگەن، باي، وركەنيەتتى، العا باسقان، حالىق الاڭسىز تىرشىلىك ەتەتىن سوتسياليستىك شينجياڭ قۇرۋدىڭ تاڭداۋلى ناتيجەلەرىمەن جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىنىڭ شينجياڭ تاراۋىن ويداعىداي جازايىق.
كەلۋ قاينارى: شينجياڭ گازەتى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
