- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
توعىسىپ تۋىستاردىڭ جۇرەكتەرى، جالعاستى ىزگى ارمانعا تىلەكتەرى
2016.11.15 16:22 كەلۋ قاينارى : شينجياڭ گازەتى
− رايونىمىزدىڭ «ۇلتتار ىنتىماعىنىڭ بەرەكەلى شاڭىراعى» قيمىلىن ورىستەتكەندىگى تۋرالى
ج ك پ اۆتونوميالى رايوندىق 9 - قۇرىلتايىندا بىلاي دەپ اتاپ كورسەتىلدى: الداعى 5 جىلداعى شينجياڭ قىزمەتى جونىندەگى نەگىزگى تالاپتاردىڭ ءبىرى − «جان تامىرىمەن» ساباقتاۋ، ۇلتتار ىنتىماعىن ءار ۇلت حالقىنىڭ جان تامىرى ەتىپ، ۇلتتار ىنتىماعىن كوز قاراشىعىمىزدى قورعاعانداي قورعاپ، ۇلتتار ىنتىماعىن ءومىرىمىزدى قاستەرلەگەندەي قاستەرلەپ، ۇلتتاردىڭ تاتۋ - ءتاتتى ءوتۋىن، ءبىر جاعادان باس، ءبىر جەڭنەن قول شىعارۋىن، جاراسىمدى دامۋىن جەبەۋ.
16 - قازاندا اۆتونوميالى رايون «ۇلتتار ىنتىماعىنىڭ بەرەكەلى شاڭىراعى» قيمىلىنا اتتانىسقا كەلتىرۋ جينالىسىن اشىپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن ىشكەرىلەي دايەكتى تياناقتاندىرىپ، قوعام ورنىقتىلىعى مەن باياندى تىنىشتىق باس نىساناسىن مىقتاپ ارقاۋ ەتىپ، «ۇلتتار ىنتىماعىنىڭ بەرەكەلى شاڭىراعى» قيمىلىن ورنالاستىرىپ، ىلگەرىلەتىپ، «كورىكتى شينجياڭ قۇرىپ، وتان ارمانىن بىرگە جۇزەگە اسىرۋدىڭ» قۇدىرەتتى كۇشىن ۇيىستىردى.
بۇگىندە رايونىمىزداعى قالىڭ باسشى كادرلار تۋىستارىنا بارىپ حال - جاعداي ۇعىسىپ، قيىنشىلىقتارىن شەشىپ، ەڭ توتە، ەڭ ىزگى، ەڭ ۇتىمدى تاسىلدەرمەن جۇپ قۇراپ، تۋىس بولىپ، تۋىستارىنىڭ پارتيا مەن ۇكىمەتتىڭ قامقورلىعىن، مەيىر - شاپاعاتىن سەزىنۋىنە مۇمكىندىك جاساپ، كادرلار مەن بۇقارانىڭ قاتىناسىن نىعايتىپ، ۇلتتار ىنتىماعىن ىلگەرىلەتتى.
ءار تاراپ بەلسەنە اتتانىسقا كەلىپ، پارتيا مۇشەلەرى مەن كادرلار بۇكىل ىنتا - پەيىلمەن ات سالىستى
«بۇگىن توتەنشە تەبىرەنىپ تۇرمىن، ويتكەنى كورلادان <تۋىس> تاپتىم، تۋىسىم كوبەيەتىن بولدى»، - دەدى 7 - قاراشادا چەرچەن اۋدانى اچچان قالاشىعى يسەنگەن قىستاعى پارتيا ياچەيكاسىنىڭ شۋجيى تۇرسىن سوپى بايىنعولين موڭعۇل اۆتونوميالى وبلىستىق قاتىناس - تاسىمال مەكەمەسى پارتيا باسشىلىق گرۋپپاسىنىڭ شۋجيى، ورىنباسار باستىعى ماحمۇت توحتىعا.
سول كۇنى تاڭەرتەڭ مەملەكەت تۋىن بىرگە شىعارىپ، مەملەكەت گيمنىن بىرگە ورىنداعاننان كەيىن، بايىنعولين وبلىستىق قاتىناس - تاسىمال مەكەمەسى مەن بايىنعولين جول ىستەرىن باسقارۋ مەكەمەسىندەگى 20 كادردىڭ يسەنگەن قىستاعىنداعى تۇرعىندارمەن جۇپ قۇراپ، تۋىس بولۋ جينالىسى قىستاق تۇرعىندارىنىڭ مادەنيەت ورتالىعىندا وتكىزىلدى.
ماحمۇت توحتى بىلاي دەدى: تۋىس بولعاننان كەيىن، ۇنەمى بارىس - كەلىس جاساپ تۇرۋ كەرەك. مۇنان بىلاي ءبىز ءبىر وتباسىنىڭ ادامدارىنداي وتەمىز، كوپشىلىك ءۇشىن جاقسى ءىس، ناقتى ىستەر ىستەپ بەرىپ، ەگىنشىلەر مەن مالشىلارعا پارتيا مەن ۇكىمەتتىڭ مەيىرىن شىنايى سەزىندىرىپ، پارتياعا العىس ايتۋ، پارتيانىڭ سوزىنە قۇلاق اسۋ، پارتياعا ىلەسۋ يدەيالىق سەنىمدەرىن ءتىپتى دە بەكەمدەي تۇسەمىز.
اۆتونوميالى رايوننىڭ «ۇلتتار ىنتىماعىنىڭ بەرەكەلى شاڭىراعى» قيمىلى جونىندەگى اتتانىسقا كەلتىرۋ جينالىسىنان كەيىن، تۇتاس رايونىمىزداعى مەڭگەرمەلەر، مەكەمەلەر، ءارقايسى ايماقتار، وبلىستار، قالالار دەرەۋ اتتانىسقا كەلىپ، جۇپ قۇراۋ، تۋىس بولۋدى دانەكەر ەتىپ، «ۇلتتار ىنتىماعىنىڭ بەرەكەلى شاڭىراعى» قيمىلىنىڭ ىشكەرىلەي ورىستەتىلۋىن جەبەدى. قيمىلدىڭ ورىستەتىلۋىنە تيەسىلى ۇلەس قوسۋ ءۇشىن، مەڭگەرمەلەر، مەكەمەلەر، ايماقتار، وبلىستار، قالالار، ورىندار «ۇلتتار ىنتىماعىنىڭ بەرەكەلى شاڭىراعى» قيمىلىن ورىستەتۋدىڭ ناقتى ادىستەرىن بەلگىلەپ، «ۇلتتار ىنتىماعىنىڭ بەرەكەلى شاڭىراعىنا» قاتىستى قيمىلدار ورىستەتىپ، تۇتاس شينجياڭداعى ءار ۇلت حالقىنىڭ بارىس - كەلىس جاساۋ ءورىسىن كەڭەيتىپ، ءار ۇلت حالقىنىڭ تىزە قوسا بىرگە ىلگەرىلەۋىنىڭ قۇدىرەتتى وڭ ەنەرگياسىن قوزداتتى. شىنايى سۇيىسپەنشىلىك ورناپ، ارالاسۋ، ىشتەسۋ، توعىسۋدى جەبەدى
1 - قاراشادا، اۆتونوميالى رايوندىق ادام كۇشى بايلىعى جانە قوعامدىق قامتاماسىزداندىرۋ مەڭگەرمەسى ءتارتىپ تەكسەرۋ گرۋپپاسىنىڭ باستىعى دۋ رومەي ەرەكشە تۋىسى − كۇشار اۋدانى الاقارعا قالاشىعى يىڭىسار 1 - قىستاعىنىڭ تۇرعىنى ياسىن قادىم اقساقالدى قارسى الدى. سول كۇنى تاڭەرتەڭ دۋ رومەي جۇبايىمەن بىرگە پويەز ۆوكزالىنا بارىپ، الىستان كەلە جاتقان اعايلارىنىڭ الدىنان شىقتى.
اقساقالدى شيپاحاناعا ەرتىپ بارىپ كوزىن تەكسەرتتى، حۇڭشان باقشاسىنا ەرتىپ بارىپ، ساياحاتتاتتى، بىرگە ەستەلىك سۋرەتكە ءتۇستى...
81 جاستاعى ياسىن قادىم مەن دۋ رومەيدىڭ اعا - قارىنداستىق قاتىناسى 2014 - جىلدان باستالعان. سول جىلى دۋ رومەي كەدەي وتباسى ياسىن قادىمدى سۇيەمەلدەۋ مىندەتىن ۇستىنە العان ەدى، ياسىن قادىمنىڭ كوزىن شەل باسىپ، نەگىزىنەن كورمەي قالعان بولاتىن، بالا - شاعاسى جوق قاريانىڭ تۇرمىسى تىم جاپالى ەدى.
قاريادان قاتتى الاڭداعان، دۋ رومەي شيپاحانامەن بايلانىس جاساپ، قاريانى ۇرىمجىگە 2 رەت اكەلىپ ەمدەتتى. دەر كەزىندە ەمدەلگەندىكتەن، قاريانىڭ كورۋ قۋاتى نەگىزىنەن قالپىنا كەلدى.
بيىل قازاننىڭ سوڭىندا اۆتونوميالى رايوندىق ادام كۇشى بايلىعى جانە قوعامدىق قامتاماسىزداندىرۋ مەڭگەرمەسى «ۇلتتار ىنتىماعىنىڭ بەرەكەلى شاڭىراعى» جۇپ قۇراۋ، تۋىس بولۋ قيمىلىن باستاعاندا، دۋ رومەي ياسىن قادىم قاريامەن جۇپ قۇراپ تۋىس بولدى. سۇيەمەلدەۋدەن جۇپ قۇراپ، تۋىس بولعانعا دەيىن، ەكەۋى ءبىر - بىرىمەن تۋعان اعالى - قارىنداستاي جاقىن ءوتتى. ۇلتتار ىنتىماعىنىڭ گۇلى قۇلپىرا اشىلدى
«ۇلتتار ىنتىماعىنىڭ بەرەكەلى شاڭىراعى» قيمىلىن ورىستەتۋ ارقىلى پارتيالى كادرلار پارتيالىلىق جاقتان شىڭدالىپ، قاسيەتىن شىڭاپ، قابىلەتىن ءوسىرىپ، ستيلىن جاقسارتىپ، وبراز سومدادى. مەڭگەرمە، مەكەمە، ايماق، وبلىستار، مەكەمە - ورىندار ءوز باسىمدىعىن ساۋلەلەندىرۋگە باسا نازار اۋدارىپ، تۋىس بولعان وتباسىلارى ىستەپ بەرسە دەپ ەرەكشە ءزارۋ بولىپ وتىرعان، قازىرگى جاعدايدا ويداعىداي ىستەۋگە بولاتىن ماسەلەلەردى، وقۋعا ءتۇسۋ قيىن، اۋرۋ كورسەتۋ قيىن، كاسىپتەنۋ قيىن بولۋ سياقتى كەزەك كۇتتىرمەيتىن ماسەلەلەردى شەشۋگە كومەكتەسىپ، مەيىر - شاپاعات جەتكىزدى.
ءۇرىمجى قالاسى ەكونوميكالىق - تەحنيكالىق اشۋ رايونى (توۋتۇنحى رايونى) گاڭچىڭ اۋماعىن باسقارۋ كوميتەتىندە الەۋمەتتىك اۋماقتىڭ 70 كادرى قاراستى رايوندا تۋىس تاپتى. ولار ءبىر - بىرىنە ۇيعۇر ۇلتىنىڭ دوپپاسى، اتلاس ءشارپى، سومكە سياقتى سۇيىسپەنشىلىككە تولى سيلىقتار ۇسىندى. وسىدان باستاپ ولار ءبىر ءۇيدىڭ ادامى بولدى.
بۇراتالا قالاسى شويىڭپان قالاشىعى تاۋىنسالا قىستاعىندا، بۇراتالا قالاسى شويىڭپان قالاشىعىنىڭ كادرى تيان شياۋيان راۋشانگۇل يمىننۇر ەسىمدى قىستاق تۇرعىنىمەن تۋىس بولدى. تيان شياۋيان: مىنە، ەندى مەنىڭ ۇيعۇر «ءسىڭلىم» بولدى. ول ماعان «ءمادينا» دەگەن ادەمى ات قويىپ بەردى. ەندى ءبىز ءبىر ءۇيدىڭ ادامىنداي جاقىن تۋىس بولىپ وتەمىز، - دەدى.
جۇپ قۇراۋ، تۋىس بولۋدىڭ قىزۋ ورلەۋىنىڭ اسەرى رايون سىرتىنا دا جەتىپ ۇلگەردى.
11 - قاراشادا لوپ اۋدانىندا شينجياڭ اۋىل شارۋاشىلىق كاسىپتىك تەحنيكالىق ينستيتۋتىنىڭ باستاماشى بولىپ ۇيىمداستىرۋىمەن، رايون سىرتىنداعى 8 جوعارى كاسىپتىك مەكتەپ جانە وڭتۇستىك شينجياڭداعى كاسىپتىك مەكتەپ اتىنان لوپ اۋداندىق كاسىپتىك تەحنيكالىق مەكتەپ قاتىناسقان « وڭتۇستىك شينجياڭنىڭ كاسىپتىك وقۋ - اعارتۋىنىڭ دامۋىنا دەم بەرۋ جۇلگەلىك كەلىسىمىنە» قول قويۋ سالتى وتكىزىلدى. الدا شاڭحاي تەحنولوگيا ۋنيۆەرسيتەتى، چاڭشا حالىق ىستەرى كاسىپتىك تەحنيكالىق ينستيتۋتى، شاندۇڭ ساۋدا كاسىپتىك تەحنيكالىق ينستيتۋتى، چۇڭچيڭ ونەركاسىپ كاسىپتىك تەحنيكالىق ينستيتۋتى، حۋنان تەمىر جول كاسىپتىك تەحنيكالىق ينستيتۋتى، چاڭجوۋ ينفورماتسيا كاسىپتىك تەحنيكالىق ينستيتۋتى، تاڭشان ونەركاسىپ كاسىپتىك تەحنيكالىق ينستيتۋتى، شاندۇڭ مال شارۋاشىلىق مال شيپاگەرلىگى كاسىپتىك تەحنيكالىق ينستيتۋتى سياقتى 8 جوعارى كاسىپتىك مەكتەپ وڭتۇستىك شينجياڭداعى جوعارى كاسىپتىك مەكتەپتەرگە ماماندىق قۇرىلىسى، وقىتۋشىلاردى تاربيەلەۋ جاعىندا كومەكتەسەدى. قول قويۋ سالتىندا، رايون سىرتىنداعى 8 جوعارى كاسىپتىك مەكتەپ پارتكومدارىنىڭ شۋجيلەرى جەكە - جەكە لوپ اۋداندىق كاسىپتىك تەحنيكالىق مەكتەپتىڭ 2016 - جىلى قابىلدانعان جاڭا وقۋشىلاردىڭ بىرەۋىمەن تۋىس بولىپ، ولاردىڭ ىشكى ولكەلەردەگى «اكە، شەشەسى» بولدى...
بۇكىل شينجياڭ بويىنشا جوعارىدان تومەنگە دەيىن تاسقىنداعان قىزۋ ىنتا، تاماشا كۇي، تىڭعىلىقتى ستيلمەن «ۇلتتار ىنتىماعىنىڭ بەرەكەلى شاڭىراعى» قيمىلىنا بەلسەنە ات سالىسىپ، ءبىر نيەت، ءبىر تىلەكپەن ىنتىماقتاسىپ، بىرگە كۇرەس جۇرگىزىپ، ۇلتتار ىنتىماعىنىڭ گۇلىن تيانشان الابىندا شەشەك اتتىرىپ، شينجياڭنىڭ ۇلتتار ىنتىماعىن ىلگەرىلەتۋ جاعدايىن تاريحتان بەرگى ەڭ جاقسى مەزگىلگە جەتكىزۋگە تىڭ ۇلەس قوسۋدا.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
