جۇڭنان ۋنيۆەرسيتەتىنەن دوكتورلىق وقىعان جين گۋانحۋا
وڭتۇستىك شينجياڭنىڭ بايتاق دالاسىنا تامىر تارتتى
حالىق گازەتىنىڭ ءتىلشىسى ياڭ ميڭفاڭنىڭ سۋرەتتى حابارى
2018.09.19 13:53 كەلۋ قاينارى : حالىق تورابى
جين گۋانحۋا (سولدا) قىستاق كادرىمەن اڭگىمەلەسۋدە.
جين گۋانحۋا قىركۇيەكتىڭ ورتا شەنىندە شينجياڭ ۇيعۇر اۆتونوميالى رايونى اقسۋ ايماقتىق پارتيا مەكتەبىندەگى ۇيرەنۋىن اياقتاتىپ قايتىپ كەلگەندە، اۋىلدا جاڭعاق الۋ جۇمىسى، ياعني، جاڭعاق جيناۋ، قابىعىن ارشۋ، كەپتىرۋ قاتارلى جۇمىستار باستالىپ كەتكەن بولاتىن. ول بوس ۋاقىتى بولسا بولدى وسى اراعا كەلىپ، بىلەگىن ءتۇرىپ تاستاپ، اۋىلداستارىمەن بىرگە ەڭبەككە كىرىسەدى. ۇيعۇر بۇقارالارى «ءبىزدىڭ دوكتور شۋجيىمىز قايتىپ كەلىپتى – عوي!» دەپ ونىمەن بەينە ۇزاقتان بەرى كەزدەسپەگەن تۋىسىنا جولىققانداي ىحىلاسپەن امانداسادى.
«چەمپيون دوكتوردىڭ» اۋىلعا كەلۋى
جين گۋانحۋا 2016 – جىلى شىلدە ايىندا جۇڭنان ۋنيۆەرسيتەتىنىڭ قولدانىلمالى حيميا كاسىبىنەن دوكتورلىق تاۋىسقان كەزدە، كوپتەگەن ورىندار ونى قىزمەتكە الۋعا ىحىلاس ءبىلدىردى، الايدا، ول كوپتەگەن ادامدار ويلاماعان بەكىم جاساپ، شينجياڭعا بارىپ قىزمەت ىستەۋدى ءوزى ءوتىنىش ەتتى. ول: ادام اقشا تابۋ ءۇشىن، ءمانساپتى بولۋ ءۇشىن وقىمايدى، مەملەكەتكە شىنايى جارامدى ادام بولۋ كەرەك، — دەيدى.
اقسۋ ايماعى اقسۋ قالاسى بەس تيىرمەن اۋىلى ۇيعۇر ۇلتىنىڭ جان سانى %90تەن اساتىن از ۇلت اۋىلى. جين گۋانحۋا وسى اراعا سارالانىپ جىبەرىلگەن، بۇل اراداعى كوپتەگەن ادامدار «دوكتور» دارەجەسىندەگى ادامدى تۇڭعىش رەت كورگەن، ونىڭ فاميلياسى «التىن» دەگەن ماعىنادا بولعاندىقتان، جۇرت ونى «چەمپيون دوكتور» دەپ اتاپ كەتتى. جين گۋانحۋا نەگىزگى ساتىداعى كادردەن باستاپ ىستەپ، بەسىنشى قىستاقتىڭ ءبىرىنشى شۋجيى، اۋىلدىق ەكونوميكانى دامىتۋ كەڭسەسىنىڭ مەڭگەرۋشىسى سىندى قىزمەت ورىندارىندا شىنىعىپ، قازىر اۋىلدىق پارتكوم شۋجيىنىڭ ورىنباسارى، اۋىلدىق ءتارتىپ تەكسەرۋ كوميتەتىنىڭ شۋجيى بولدى.
اۋىل باستىعىنىڭ ورىنباسارى جين بو تىلشىگە بىلاي دەدى: جين دوكتور، راسىندا دا، جاي ادام ەمەس، ول اۋىلدىق ەكونوميكانى دامىتۋ كەڭسەسىنىڭ مەڭگەرۋشىسى بولعان ءبىر جىل ىشىندە، اۋىلدىڭ ەرەكشەلىككە يە شاعىن قالاشىق قۇرۋ جوسپارىن بەكىتۋگە جەتەكشىلىك ەتىپ، 6 قىستاقتا «كورىكتى قىستاق» قۇرىلىسىن ورىستەتتى، بۇل قىستاق تۇرعىندارىنان ۇيىمداسقان 25 شاعىن گرۋپپانى، 1846 وتباسىن قامتيتىن جوسپار بولاتىن. اۋلانى سەمونتتاۋ، ءۇزىم سورەسىن قۇرۋ، قاقپا ورناتۋ، جىلى قورا سالۋ، اۋلا داۋالى، دارەتحانا جانە باسقا قاجەتتى قۇرىلعىلاردى وزگەرتىپ سالۋ جۇمىسىن ورىنداۋ مولشەرى %100كە جەتىپ، 6 ورىننان قيمىل الاڭىن سالدى، اۋىلدىڭ بەينەسى شىت -جاڭا وزگەردى.
بىلتىر جەرگىلىكتى ورىنداعى جەمىس شارۋاشىلىعىمەن شۇعىلداناتىن ديحانداردىڭ المۇرتى ساتىلماي قالعاندا، جين گۋانحۋا عالامتور تەكشەسى ارقىلى 20 نەشە توننا المۇرتتى وتكىزىپ، جەمىس ەگەتىن ديحانداردى 200 مىڭ يۋاننان استام زيان شەگۋدەن اراشالاپ قالدى.
ءار ۇلت حالقى ونى تۋىسىنداي كورەدى
جين گۋانحۋانىڭ تۋعان جەرى حۋنان ولكەسىنىڭ شياڭشي وبلىسى، ول وڭتۇستىك شينجياڭداعى تۇرمىسقا تەزىرەك ۇيلەسۋ ءۇشىن، وزدىگىنەن ۇيعۇر ءتىلىن ۇيرەندى ءارى ۋيچات تۇعىرىن قۇرىپ، ۇيعۇر ءتىلىن ۇيرەنۋ امالدارىن جينادى ءارى جالپىلاستىردى. قازىر ول قىستاق تۇرعىندارىمەن ۇيعۇر تىلىندە سويلەسە الادى.
باستابىندا جين گۋانحۋا بەسىنشى قىستاقتىڭ ءبىرىنشى شۋجيى مىندەتىنە تاعايىندالدى. قىستاققا بارۋعا قولايلى بولۋ ءۇشىن، ول ۆەلوسيپەت ساتىپ الدى. ءار كۇنى اۋىلداعى قىزمەتىمەن ابىگەر بولىپ، جۇمىستان تۇسكەن سوڭ ول ۆەلوسيپەتپەن قىستاققا بارىپ، وتباسىلاردى ارالاپ، بۇقارامەن توننىڭ ىشكى باۋىنداي ارالاسادى. قىستاقتىڭ اماندىق قورعاۋ ىستەرىنە جاۋاپتى مەڭگەرۋشىسى الىم ياسىننىڭ تىلشىگە ايتۋىنشا، ونىڭ ورتاق ءتىلىن سويلەۋ ورەسى جين دوكتوردىڭ كومەگىندە جوعارىلاعان. جين گۋانحۋا وعان ارنايى «شينحۋا سوزدىگىن» جانە تىڭداۋ قابىلەتىن جوعارىلاتۋ ماتەريالدارىن ساتىپ الىپ بەردى، كەيدە ول جين گۋانحۋاعا ۇيعۇرشا سويلەۋدى ۇيرەتەدى. ول: جين دوكتور مەنمەندىگى جوق، وتە سابىرلى ادام، بەينە ءوزىمنىڭ اعام سياقتى، — دەيدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
