شينجياڭ ۇيعۇر اۆتونوميالى رايونىنىڭ 2018 - جىلعى مەشىتتەردى دەموكراتيالىق باسقارۋ كوميتەتى جاۋاپتىلارىنىڭ كۋرسى ساباق باستادى
2018.10.26 15:30 كەلۋ قاينارى : حالىق تورابى
حالىق تورابى، 26 – قازان، بەيجيڭ. ٴتىلشىنىڭ 24 – قازان ۇرىمجىدەن بەرگەن حابارىنا قاراعاندا، 23 – قازاندا، شينجياڭ ۇيعۇر اۆتونوميالى رايونىنىڭ 2018 - جىلعى مەشىتتەردى دەموكراتيالىق باسقارۋ كوميتەتى جاۋاپتىلارىنىڭ كۋرسى ساباق باستاعان. شينجياڭ ۇيعۇر اۆتونوميالى رايوندىق پارتكومى شۋجيىنىڭ ورىنباسارى، ساياسي - زاڭ كوميتەتىنىڭ شۋجيى جۋ حايلۇن وسى رەتكى كۋرسقا قاتىناسقان كۋرسانتتارعا امانداسا باردى ءارى كۋرسانتتار ارقىلى بۇكىل شينجياڭداعى دىنگە سەنەتىن بۇقاراعا جالىندى سالەم جولدادى.
جۋ حايلۇن بىلاي دەدى: شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، شينجياڭ ۇيعۇر اۆتونوميالى رايوندىق پارتكوم بۇكىل شينجياڭداعى ءار ۇلت كادر - جۇرتشىلىعىن ىنتىماقتاستىرىپ جانە باستاپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن، اسىرەسە، قوعام ورنىقتىلىعى مەن باياندى تىنىشتىق باس نىساناسىن جاپپاي دايەكتىلەندىرىپ، لاڭكەستىككە قارسى تۇرىپ، ورنىقتىلىقتى قورعاۋدىڭ «كەشەندى شارالارىن» ويداعىداي اتقارىپ، بۇكىل شينجياڭدا جالپى جاعداي ورنىقتى بولعان، جاعداي مەڭگەرىلگەن، جاعداي جاقسى جاققا بەت العان اۋقىم جارىققا شىقتى. مەشىتتەردى دەموكراتيالىق باسقارۋ كوميتەتى ەڭ نەگىزگى ساتىداعى بۇقارالىق ۇيىم رەتىندە، مەشىتتەردى باسقارۋ جاعىندا قىرۋار قىزمەتتەر ىستەدى. كەزەكتەگى لاڭكەستىككە قارسى تۇرىپ، ورنىقتىلىقتى قورعاۋدىڭ ءالى دە قاتاڭ دا كۇردەلى جاعدايىندا، مەشىتتەردى دەموكراتيالىق باسقارۋ كوميتەتىنىڭ جاۋاپتىلارى قاشاندا وي - سانانى سەرگەك ۇستاپ، ءدىني ۇشقارىلىققا سانالى تۇردە قارسى تۇرىپ، «ءۇش ءتۇرلى كۇشپەن» جانە «ەكىبەتكەيلەرمەن» شەك - شەكارانى ايىرىپ، سوڭىنا دەيىن كۇرەس جاساۋ كەرەك.
جۋ حايلۇن مىنانى اتاپ كورسەتتى: مەشىتتەردى دەموكراتيالىق باسقارۋ كوميتەتى دىنگە سەنەتىن قاۋىمعا قىزمەت وتەۋ جاۋاپكەرشىلىگىن ارقالايدى، قازىرگى ماڭداي الدى مىندەتى − شي جينپيڭنىڭ جاڭا ءداۋىر جۇڭگوشا سوتسياليزم يدەياسى مەن پارتيا 19 - قۇرىلتايىنىڭ رۋحىن ۇيرەنۋدى كۇشەيتىپ، «ءتورت تانىمدى» بەرىك ورناتىپ، «ءتورت سەنىمدى» بەكەمدەپ، «ەكىنى باتىل قورعاۋدى» ورىنداپ، دىنگە سەنەتىن بۇقارانى قوعام ورنىقتىلىعىنا، ۇلتتار ىنتىماعىنا، ءدىن جاراسىمدىلىعىنا سانالى تۇردە ۇلەس قوسۋعا باستاۋ. ەلىمىزدە يسلام ءدىنىن جۇڭگوشالاندىرۋ بەتالىسىنا تاباندى بولىپ، ساياسيدا سانالى تۇردە شىنايى مويىنداۋدى، مادەنيەتكە سانالى تۇردە توعىسۋدى، قوعامعا سانالى تۇردە ۇيلەسۋدى ىسكە اسىرىپ، سوتسياليستىك وزەكتى قۇن كوزقاراسىن باستاماشىلدىقپەن امالياتتا ايگىلەپ، جۇڭحۋانىڭ تاڭداۋلى ءداستۇرلى مادەنيەتىن باستاماشىلدىقپەن ۇيرەنىپ، ءدىندى سوتسياليستىك قوعامعا ۇيلەسۋگە بەلسەنە باستاۋ كەرەك. مەملەكەتتىڭ نەگىزگى زاڭىنا، زاڭدارىنا، زاڭدىق ەرەجەلەرىنە قاتاڭ بويسۇنىپ، جۇمىستى زاڭ بويىنشا بىتىرۋگە، جۇمىسقا جولىققاندا زاڭدى ىزدەۋگە، ماسەلەلەردى شەشۋدە زاڭنان پايدالانۋعا، قايشىلىقتاردى ءبىر جايلى ەتكەندە زاڭعا سۇيەنۋگە قۇلشىنۋ كەرەك. ءدىني ۇشقارى يدەيانىڭ سىنالاپ كىرۋىنە باتىل قارسى تۇرىپ، ۇشقارىلىقتى الاستاۋ قىزمەتىنە ىرىقتىلىقپەن ات سالىسىپ، دىنگە سەنەتىن بارشا قاۋىمدى قىراعىلىقتى ارتتىرىپ، دۇرىس پەن بۇرىستى ايقىن پارىقتاپ، دۇرىس سەنىم ورناتىپ، دۇرىس جول ۇستانىپ، ۇشقارىلىققا قارسى تۇرۋعا تاربيەلەۋ، جەتەكتەۋ كەرەك. مەشىتتەردى دەموكراتيالىق باسقارۋ كوميتەتى وزىندىك قۇرىلىستى كۇشەيتىپ، ساياسيدا سەنىمدى بولىپ، زاڭ - ەرەجەگە بويسۇنىپ، بۇقاراعا قىزمەت وتەپ، دىنگە سەنەتىن قاۋىمدى زاڭ بويىنشا قالىپتى ءدىني قيمىلدى وتكىزۋگە باستاپ، شينجياڭنىڭ قوعام ورنىقتىلىعى مەن باياندى تىنىشتىعىن ىلگەرىلەتۋگە وزىندىك ۇلەس قوسۋ كەرەك.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
