2018 – جىلى جۇڭگو ەكونوميكاسى ورنىقتىلىق بارىسىندا العا باستى
«التىنى ورنىقتىرۋ» شاراسىنىڭ ونىمدىلىگى بايقالدى
2018.12.18 16:46 كەلۋ قاينارى : حالىق تورابى
2018 – جىلى جۇڭگو ەكونوميكاسى قيىن – قىستاۋ ساتتەردى باستان وتكەرىپ، نىق قاداممەن العا باستى.
«ءتۇرلى ماكرولىق رەتتەۋ – مەڭگەرۋ نىساناسىن ءبىرشاما جاقسى ورىنداۋعا بولادى»، 12 – ايدىڭ 13 – كۇنى اشىلعان ج ك پ ورتالىق كوميتەتى ساياسي بيۋروسىنىڭ ماجىلىسىندە وسىنداي تۇجىرىم جاسالدى.
وسى ءبىر جىلدا ەكونوميكانىڭ تەبىنى بۇرىنعىداي مىعىم بولدى: قىسقا عانا ءبىر مينۋتتا شامامەن 7 پاتەنت ءوتىنىشى بەرىلدى، شامامەن 4 مىڭ 166 جولاۋشى جۇردەك پويەزبەن جول ءجۇردى، شامامەن 94 مىڭ پارشا جەدەل جولداما يەلەرىنە تابىس ەتىلدى، جىلجىمالى تولەۋ جۇيەسىندە شامامەن 510 ميلليون يۋان تولەندى.
وسى ءبىر جىلدا «جۇڭگو جاسامپازدىعى» جۇرتتى تامساندىردى: 10 – رەت ۇشىرىلعان «جەتىقاراقشى» دۇنيە ءجۇزىنىڭ جاساندى سەرىك جول باستاۋ جۇيەسىندەگى ەڭ تەز توراپ قۇراۋ رەكوردىن جاراتتى؛ شياڭگاڭ – جۋحاي – اۋمىن ەرەن كوپىرىندە قاتىناس باستالۋى ۇلى بريتانيانىڭ «گۆارديا گازەتىندە» «7 ۇلكەن كەرەمەتتىڭ» قاتارىنا ەنگىزىلدى؛ دۇنيە جۇزىندەگى ەڭ جۇقا اينەك، ەڭ جەڭىل مەترو، سۋدا، قۇرلىقتا بىردەي جۇرەتىن ەڭ ۇلكەن ۇشاق ارت – ارتىنان جارىق كوردى.
بۇرىن – سوڭدى بولماعان قيىنشىلىق پەن سايىس الدىندا وڭاي – وسپاق قولعا كەلمەيتىن شۇعىلالى تابىس جاراتتىق. 2018 – جىل – پارتيا 19 – قۇرىلتايىنىڭ رۋحىن جاپپاي دايەكتىلەندىرۋدەگى باستاما جىل، سونداي – اق ەلىمىزدىڭ دامۋ اياق الىسىنداعى ايرىقشا ءبىر جىل. شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، ورنىقتىلىق بارىسىندا ىلگەرىلەۋ سىندى قىزمەتتىڭ نەگىزگى اۋەنىنەن جازباي، ساپالى دامۋ تالابىن تياناقتاندىرىپ، سىرتقى ورتاداعى تەرەڭ وزگەرىسكە ۇتىمدى توتەپ بەردىك، جۇڭگو ەكونوميكاسى قيىنشىلىقتى ەڭسەرىپ العا باسىپ، ءبىرىنشى 100 جىلدىق كۇرەس نىساناسىن ىسكە اسىرۋعا ارشىندى قادام تاستادى.
ورنىقتىلىق بارىسىندا العا باسۋدا تاباندى بولىنىپ، «التىنى ورنىقتىرۋ» شاراسىنىڭ ونىمدىلىگى بايقالدى
جىل باسىنان بەرى دۇنيە ءجۇزى ەكونوميكاسىنىڭ قالپىنا كەلۋ اياق الىسىندا حاۋىپ – قاتەر كوبەيدى، قورعانىمپازدىق، داراشىلدىق ايقىن باس كوتەردى. دۇنيە ءجۇزىنىڭ جارنا بازارىندا، پەرەۆود بازارىندا، قارىز بازارىندا ارت – ارتىنان تولقۋ جارىققا شىقتى، كەيبىر جاڭا گۇلدەنگەن بازار تۇلعالارى اقشا قاتەرىنە كىرىپتار بولدى. دۇنيە بانكەسى، حالىقارالىق اقشا قورى ۇيىمى سياقتى قۇرىلىمدار 2018 – جىلعى دۇنيە ءجۇزىنىڭ، ەۆرو رايونىنىڭ جانە جاڭا گۇلدەنگەن بازارلاردىڭ ەكونوميكالىق ارتۋ مەجەسىن كوپ رەت ءتۇسىردى. ەلىمىز ەكونوميكاسىنىڭ دامۋىنداعى ورنىقسىزدىق فاكتورى كورنەكتى جوعارىلادى، ەكونوميكا قۇلدىراۋ قىسىمى ءبىراز ارتتى، كاسىپورىنداردىڭ تيجاراتىندا قيىنشىلىق كوبەيدى.
كۇردەلى حالىقارالىق ورتا مەن ەل ءىشىنىڭ رەفورما، دامۋ، ورنىقتىلىعىنداعى اۋىر مىندەت الدىندا شي جينپيڭ جولداس ۇيىتقى بولعان پارتيا ورتالىق كوميتەتىنىڭ پارمەندى باسشىلىعىندا، جەر – جەر، تاراۋلار حاۋىپ – قاتەر تانىمىن نىعايتى، دامۋ سەنىمىن بەكەمدەپ، ورايدى يگەرىپ، ىرىقتىلىق تانىتىپ، ءوز ىستەرىن قۇلشىنا جاقسى ىستەپ، ەكونوميكانىڭ ءۇرتىس اقاۋسىز دامۋىن جانە قوعامدىق جالپى جاعدايدىڭ ورنىقتىلىعىن ساقتادى.
ياعني «وزگەرىسكە» قاراتا سەرگەك تانىمدا بولىپ، «وزگەرىسكە ۇشىراماۋ» بارىسىندا تۇراقتىلىقتى ساقتادىق. ورنىقتىلىق بارىسىندا ىلگەرىلەۋ سىندى قىزمەتتىڭ نەگىزگى اۋەنىنەن جازبادىق، كاسىپتەندىرۋدى، فينانستى، سىرتقى ساۋدانى، شەتەل قارجىسىن، قارجى قوسۋدى، مەجەنى ورنىقتىرۋ ساياساتتىق شارالارى سايكەستى شىعارىلىپ تۇردى، ساياساتتى ەڭ جاقسى كۇيدە ۇشتاستىرۋ ەڭ زور تۇلعالىق ونىمدىلىككە تۇرتكى بولدى.
كاسىپتەنۋدە تاعى تاماشا ناتيجە جاراتىلدى. 11 – ايدا تۇتاس مەملەكەتتىڭ قالا – قالاشىقتارىندا تەكسەرىلگەن كاسىپسىزدىك سالىستىرماسى تەك ٪4.8 بولىپ، جىلدىق قىزمەت نىساناسىنان جاقسى بولىپ قالماستان، حالىقارالىق ەڭبەكشىلەر ۇيىمىنىڭ بيىلعى الەمدىك كاسىپسىزدىك سالىستىرماسى 0.7 پايىز بولادى، دەگەن مەجەسىنەن تومەن شىعىپ، شەتەل مەديالارى ايتاتىن «حالىق سانى كوپ الىپ ەلدىڭ <كاسىپتەنۋ كەرەمەتىن>» جاراتتى. العاشقى 11 ايدا تۇتاس مەملەكەتتىڭ قالا – قالاشىقتارىندا 12 ميلليون 930 مىڭ ادام جاڭادان كاسىپتەنىپ، 13 ميلليوننان ارتىق ادامدى جالعاستى 6 – جىل تۇراقتى قىزمەت ورنىمەن قامداۋدىڭ باياندى ارتۋىنان ءۇمىت بار بولدى.
زات باعاسى ورنىقتىلىعىن ساقتادى. العاشقى 11 ايدا تۇتاس مەملەكەتتەگى تۇرعىنداردىڭ تۇتىنۋ باعاسى سايكەس مەزگىلدەگىدەن ٪2.1 جوعارىلاپ، ورتاشادان جوعارى قارقىنمەن ارتۋدى ساقتاۋمەن بىرگە، ەلىمىزدىڭ زات باعاسى ورەسى امەريكا، ەۆروپا ەلدەرى، جاپونيا سىندى دامىعان ەكونوميكالىق تۇلعالارعا ءبىرشاما جاقىندادى، جاڭادان گۇلدەنىپ وتىرعان نەگىزگى ەكونوميكالىق تۇلعالاردان كورنەكتى تومەن بولدى.
ەكونوميكالىق قۇرىلىم باياندى جاقساردى. العاشقى 3 توقساندا، ەلىمىزدەگى 3 – كاسىپتەردىڭ GDP دا ۇستاعان سالىستىرماسى ٪53.1 كە جەتىپ، ەكونوميكانىڭ ارتۋىنا قوسقان ۇلەس مولشەرى ٪60.8 كە جەتتى؛ ەڭ سوڭعى تۇتىنۋ شىعىسىنىڭ ەكونوميكانىڭ ارتۋىنا قوسقان ۇلەس مولشەرى ٪78 بولىپ، كاپيتال بولىپ قالىپتاسقان جالپى سومانىڭ ۇلەس مولشەرىنە قاراعاندا 46.2 پايىز جوعارى بولىپ، شەتەل مەديالارىن تاڭعالدىراتىن «جۇڭگولىقتاردىڭ ساتىپ الۋ قۋاتى الەمدىك ەكونوميكانىڭ نەگىزگى تىرەگى» دەيتىنىندەي بولدى.
ساپا ونىمدىلىگى ءۇرتىس جوعارىلادى. العاشقى 3 توقساندا GDP – دىڭ بىرلىك ەنەرگيا شىعىنى سايكەس مەزگىلدەگىدەن ٪3.1 تومەندەپ، ەنەرگيا شىعىنىنىڭ جالپى مولشەرى سايكەس مەزگىلدەگىدەن شامامەن ٪3.4 ارتتى؛ كاسىپورىنداردىڭ ونىمدىلىگى باياندى جاقسارىپ، قازىنالىق كىرىس ورنىقتى ارتتى، قالا – قالاشىق تۇرعىندارىنىڭ كىسى باسىنا ورنالاستىرۋ بولاتىن كىرىسىنىڭ ءىس جۇزىندىك ارتۋى جان باسىندىق GDP – دىڭ ارتۋ قارقىنىنان تەز بولىپ، بۇقارالار ناقتىلى تابىس سەزىمىنە كەنەلدى.
2018 – جىلعى جۇڭگو ەكونوميكاسىنىڭ جالپى تۇلعاسىنىڭ ورنىقتى ەكەندىگىندە ەش كۇمان جوق، بۇل جاعداي ورنىقتىلىق ىشىندە ىلگەرىلەپ، تاماشا ناتيجەلەردى تاعى دا كورەتىن بولامىز.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
