- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
ميۋنحەن حاۋىپسىزدىك كەڭەسىندە افريكانىڭ دامۋى مەن سايىستار نازارعا ءىلىندى
2016.02.16 16:42 كەلۋ قاينارى : ورتالىق حالىق راديو ستانسياسى تورابى
دۇنيە ءديدارى. 52-كەزەكتى ميۋنحەن حاۋىپسىزدىك كەڭەسى اقپاننىڭ 14-كۇنى 3-كۇنگە اياق باسادى. سول كۇنى وتكىزىلگەن افريكا ماسەلەسى جايلى تاقىرىپتىق تالقىدا كەڭەسكە قاتىناسقاندار: افريكا كوپتەگەن سالالاردا ىلگەرىلەۋشىلىكتەرگە قول جەتكىزدى، شارۋاشىلىق، ساياسي جانە حاۋىپسىزدىك سياقتى سالالاردا ءالى دە كوپتەگەن سايىستارعا تاپ بولۋدا، -دەپ قارادى.
افريكا ەلدەرى جانە رايونىنىڭ، حالىقارالىق ۇيىمداردىڭ ۋاكىلدەرى سول كۇنى افريكانىڭ كەزەكتەگى جاعدايى، تاپ بولعان سايىسى مەن كەلەشەكتەگى دامۋىن بايىمداپ جانە تۇسىنىك جاساپ، پىكىر الماستىردى. كەڭەسكە قاتىناسقاندار جالپى بەتتىك بىلاي دەپ قارادى: كەزەكتە افريكا تىڭ دامۋ كەزەڭىنە ءوتىپ، كوپتەگەن سالادا ىلگەرىلەۋشىلىكتەردى قولعا كەلتىردى.
ب م ۇ-نىڭ بۇرىنعى باس حاتشسى اننان بىلاي دەدى: افريكانىڭ دامۋ جاعدايى ادامداردىڭ ويلاعانىنان الدە قايدا جاقسى، شارۋاشىلىعى بىرتىندەپ دامىپ، كەدەيلىك پەن جۇقپالى ناۋقاستاردان قازا تابۋ جاعدايى بەلگىلى دارەجەدە ازايىپ، افريكا دۇرىس باعدارمەن دامىپ كەلەدى.
افريكا وداعىنىڭ بەيبىتشىلىك جانە حاۋىپسىزدىك ىستەر جوراسى سمەل سەركي بىلاي دەدى: جۋىق جىلداردان بەرى، افريكا ساياسي جانە حاۋىپسىزدىك سالادا ءوزىنىڭ ارەكەت جۇيەسىن بىرتىندەپ ورناتتى. افريكا وداعى كوپتەگەن بايلىقتارىن ىسكە قوسىپ، ءتۇرلى داعدارىستى ءبىر جاقتىلى ەتتى، افريكا ەلدەر باسشىلارىنىڭ تۇراقتى مەرزىمدە كەڭەسۋ جانە اقىلداسۋ مەحانيزمى ورناتىلدى، افريكا وداعىنىڭ ب م ۇ-نىڭ بەيبىتشىلىكتى ساقتاۋ ارەكەتىنە قاتىناسۋىنان جانە وسى ۇيىمنىڭ رايون قاقتىعىسىن شەشۋ جاعىندا كورسەتكەن قۇلشىسىنان افريكاداعى كوپتەگەن ەلدەردىڭ حاۋىپسىزدىك جاعدايى جاقساردى.
تاعى ءبىر جاقتان، كەڭەسكە قاتىسۋشىلار بىلاي دەدى: شارۋاشىلىق، ساياسي جانە حاۋىپسىزدىك سياقتى سالالاردا افريكا ءالى دە كوپتەگەن سايىستارعا تاپ بولۋدا.
حالىقارالىق داعدارىس ۇيىمىنىڭ ءتوراعاسى جون-مالي گۋيەنو بىلاي دەدى: افريكانىڭ تىڭ دامۋ كەزەڭىنە ءوتۋى جاقسى جايت بولعانىمەن دۇنيەدەگى باسقادا رايونداردىڭ دامۋداعى تاريحي تاجىريبەلەرى جۇرتقا: بۇرىلىس جاساۋ وراي ەكەندىگىن ءتۇسىندىرىپ قالماستان، وندا كوپتەگەن قاۋىپ-قاتەرلەردىڭ بار ەكەندىگىن دە ۇعىندىرىپ وتىر، ەگەر شارۋاشىلىقتىڭ ارتۋى ءار كەلكى بولۋ مەن وسىدان تۋىنداعان قوعامدىق اۋمالى-توكپەلى جاعدايدان كەيبىر كونە كۇشتەر ورنىقسىز جاعدايدان پايدالانىپ كۇشىن نىعايتاتىن بولسا، وندا وسى رايونداردىڭ حاۋىپسىزدىگىنە حاۋىپ تونەدى.
افريكانىڭ ۇشقارىلىق جانە تەرورلىق قيمىلدارعا ساياتىن قاتەرىنە ايالداعاندا اننان بىلاي دەدى: افريكاداعى اۋمالى-توكپەلى بولىپ جاتقان كەيبىر رايونداردا، زورلىقتى كۇش قارۋلى ۇيىمدار دامىپ كۇشەيۋدە، افريكا رايونىنداعى تەرورلىق ۇيىمداردىڭ ىقپالى وڭىرلىك كولەمنەن القىپ، باسقادا وڭىرلەردەگى ۇشقارى ۇيىمدارمەن بايلانىس ورناتۋدا.
اننان بىلاي دەدى: وتكەن 10 نەشە جىلدا افريكانىڭ شارۋاشىلىق دامۋى جەتكىلىكتى ەمەس، شىرىكتەسۋ سياقتى ماسەلەلەر افريكا ەلدەرىنىڭ دامۋىنا كەرى ىقپال ەتىپ كەلدى.
كەڭەسكە قاتىناسقاندار بىلاي دەپ قارادى: كەلەشەكتە افريكانىڭ ءتىپتى دە ويداعىداي دامۋدى ىسكە اسىرۋىنىڭ تەتىگى-دامۋدى جەبەۋ، حاۋىپسىزدىك جاعدايدى ورنىقتىرۋ، باسشىلىق قۇرىلىستى كۇشەيتۋدە.
ماروككو ۇكىمەتىنىڭ ۋاكىلى يۇسىف امۋراني بىلاي دەدى: افريكا مىناداي ءۇش جاقتان دامۋعا نازار اۋدارۋ ءتيىس: ءبىرىنشى، ساياسي قاتتامدا رەفورما جۇرگىزۋ كەرەك؛ ەكىنشى، شارۋاشىلىقتى دامىتۋ-افريكانىڭ ستراتەگيالىق ۇيتقىسى، سوندىقتان شارۋاشىلىققا بۇرىلىس جاساپ، كاسىپتەندىرۋ ورايىن جاراتۋ ءتيىس؛ ءۇشىنشى، تەرورلىق پەن ۇشقارى يدەيانىڭ تارالۋىنا بىرلىكتە سوققى بەرۋ كەرەك.
دامۋ مەن كاسىپتەندىرۋ-تالقىداعى ءار جاق ۋاكىلدەردىڭ ءتۇيىندى باسا دارىپتەگەن ماسەلەسى بولدى. اننان بىلاي دەدى: تەرورلىقتىڭ جارىققا شىعۋى مەن نانىم-سەنىمنىڭ ەشقانداي قاتىسى جوق، افريكاداعى تەرورلىق ۇيىمعا قاتىناسقان ادامداردىڭ كوبى كاسىپسىز قالىپ، جولدان اداسقان جاستار.
اننان افريكا ەل ۇكىمەتتەرىن نەگىزدىك قۇرىلعى قۇرىلىسى، اۋىل شارۋاشىلىعى، ەنەرگيا سياقتى سالالارداعى قوسىلىمدى ارتتىرىپ، حاۋىپسىز قارجى قوسۋ ورتاسىن جاراتىپ، مەملەكەت باسشىلارى حالىققا قىزمەت وتەپ، جاس ۇرپاقتاردىڭ ءوسىپ-جەتىلۋىن جەبەۋدى ساياسي ءتۇيىن ەتىپ، جاستاردىڭ قابىلەتى مەن اقىل-پاراساتىن كادەگە جاراتىپ، ولاردى مەملەكەتتىڭ دامۋىنا قىزمەت ەتتىرۋگە ۇندەدى.
وزىندىك دامۋدان تىس، افريكانىڭ دامۋى سىرتقى دۇنيەمەن تىعىز قابىسىپ جاتادى. سەرگي بىلاي دەدى: افريكا ماسەلەسى دۇنيە ماسەلەسى. كوشپەندىلەر ورلەۋى، تەرورلىق جانە ەل اتتاعان قىلمىس سياقتى ماسەلەلەردە، حالىقارالىق قوعام بۇكپەسىز اۋىس-كۇيىس جانە قارىم-قاتىناس جاساپ، داعدارىسقا بىرلىكتە توتەپ بەرۋ كەرەك.
جاۋاپتى رەداكتورى : مانەپ ەربول ۇلى (پراكتيكانت)
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
