- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
86 ساعاتتان 16 ساعاتقا دەيىن
ساعىنبەك رابات ۇلى
2014.11.18 13:03 كەلۋ قاينارى : حالىق تورابى
ءشۇيىنشى، ءشۇيىنشى، شينجياڭدا حىشيە اتتى موتورلى پاراۆوز قۇراماسى قاتىنادى. 2014-جىلدىڭ 16-قاراشاسى شينجياڭداعى 22 ميلليون ءار ۇلت حالقى ءۇشىن اسا قۋانىشتى ءبىر كۇن بولدى. ءدال وسى كۇنى ءۇرىمجى ۋاقىتى ساعات 9دا، ج ك پ ورتالىق كوميتەتى ساياسي بيۋروسىنىڭ مۇشەسى، شينجياڭ ۇيعۇر اۆتونوميالى رايوندىق پارتكومنىڭ شۋجيى جاڭ چۇنشياننىڭ: «اتتانسىن!» دەگەن بۇيرىقتى تۇسىرۋىمەن، D8062 كەزەكتى موتورلى پاراۆوز قۇراماسى ءۇرىمجى وڭتۇستىك ۆوكزالىنان قۇمىلدى بەتكە الىپ باياۋ جولعا شىقتى. مىنە بۇل ورتالىقتىڭ شينجياڭ قىزمەتى جونىندەگى ەكى رەتكى اڭگىمە ءماجىلىسى رۋحىنىڭ ناقتى تياناقتانۋى، لانجوۋ ــ شينجياڭ تەمىر جولىنىڭ شينجياڭ بولەگىندەگى تەمىر جول قۇرىلىسىنا ات سالىسقان قۇرىلىسشىلاردىڭ 5 جىلدىق جاپالى ەڭبەگىنىڭ جەمىسى.
جىلدامدىق تۋرالى ورتالاۋ مەكتەپ فيزيكاسىندا «جىلدامدىق دەگەنىمىز بىرلىك ۋاقىت ىشىندە باسقان جول» دەپ انىقتاما بەرىلگەن. جول ياعني قاشىقتىق نەمەسە ارالىق تۇراقتى بولعاندا، سول جولدى باسۋعا جۇمسالعان ۋاقىت قانشا قىسقا بولسا، جىلدامدىق سونشا تەز بولادى. ۇرىمجىدەن قۇمىلعا دەيىنگى 530 كيلومەترلىك ارالىققا بۇرىنعى پويەز 5 ساعاتتا جەتەتىن بولسا، ال بۇگىن موتورلى پاراۆوز قۇراماسى 3 ساعاتتا جەتەتىن بولدى. بۇرىنعى پويەزدىڭ ساعاتتىق ورتاشا جىلدامدىعى 106 كيلومەتر بولسا، ال قازىرگى موتورلى پاراۆوز قۇراماسىنىڭ ساعاتتىق ورتاشا جىلدامدىعى 176.7 كيلومەترگە جەتتى دەگەن ءسوز.
شينجياڭ ءتۇستى مەتال ونەركاسىپ سەرىكتەستىگىنە قاراستى التاي كەنىندە 40 جىلعا جۋىق قىزمەت ىستەگەن اكەم ـــ مارقۇم رابات قالياسقار ۇلى شينجياڭ ءتۇستى مەتال ونەركاسىپ سەرىكتەستىگى پارتكومىنىڭ ۇيعارىمىمەن 1972-جىلى قاراشادان 1973-جىلى ساۋىرگە دەيىن ورتالىق پارتيا مەكتەبىندە جارىم جىلدىق ۇيرەنۋدە بولعان ەدى. اكەم ءتىرى كەزىندە سول ساپارىنان اڭگىمە قوزعاعاندا، «ۇرىمجىدەن پويەزبەن جولعا شىعىپ، بەيجيڭگە 4 كۇن، 3 تۇندە ياعني تۇپ-تۋرا 86 ساعاتتا ارەڭ جەتتىك» دەپ وتىرۋشى ەدى. اعام جەڭىسبەك رابات ۇلى 1983-جىلى تامىزدا پويەزبەن ۇرىمجىدەن بەيجيڭگە 72 ساعاتتا جەتىپتى. ال مەن 2003-جىلى قاراشادا پويەزبەن ۇرىمجىدەن بەيجيڭگە 48 ساعاتتا جەتكەن ەدىم. وسىدان كەيىن دە پويەز قارقىنىن بىرنەشە رەت تەزدەتتى، 2011-جىلى بالاسىن بەيجيڭگە وقۋعا اپارعان ءبىر دوسىم 41 ساعاتتا جەتتىك دەگەن ەدى. بيىل جىل سوڭىندا لانجوۋ - شينجياڭ تەمىر جولىنىڭ قۇمىلدان لانجوۋعا دەيىنگى بولەگىندە موتورلى پاراۆوز قۇراماسى قاتىنايتىن بولسا، ۇرىمجىدەن لانجوۋعا 9 ساعاتتا جەتىپ بارۋعا بولاتىن بولدى. تەمىر جول تاراۋلارىنىڭ حابارىنا قاراعاندا، ۇرىمجىدەن بەيجيڭگە دەيىنگى جوعارى قارقىندى تەمىر جول لەنياسى 2017-جىلى ىسكە قوسىلادى، ول كەزدە ۇرىمجىدەن بەيجيڭگە جەتەتىن ۋاقىت قازىرگى 41 ساعاتتان 16 ساعاتقا قىسقارادى ەكەن.
شينجياڭدا جوعارى قارقىندى تەمىر جولدىڭ ىسكە قوسىلۋى ىشكى ولكە-قالالارمەن بولعان ارالىقتى بارىنشا جاقىنداتىپ، جولاۋشىلار مەن ساياحاتشىلاردىڭ ءجۇرىس-تۇرىسىنا، ساۋداگەرلەردىڭ زات تاسىمالىنا شەكسىز قولايلىلىق اكەلەتىنى، سونداي-اق جىبەك جولى بويىنداعى ءارقايسى ەلگە ولشەۋسىز بايلىق باعىشتايتىنى مۇندا تۇر. قازاق بالالارى ەرتەگىسىندە ايتىلاتىن «ۇشپا كىلەم»، «ەرتوستىكتىڭ شالقۇيرىعى»، «كەندەبايدىڭ كەرقۇلاسى»... سياقتىلار بۇگىنگى كۇنى رەالدىققا اينالىپ، ايلىق جولدى ءاپ-ساتتە باساتىن جۇردەك، ۇشقىر قاتىناس قۇرالدارى جارىققا شىقتى. مىنە بۇل ەڭبەكشىل جۇڭگو حالقى اقىل-پاراساتىنىڭ جاۋھارى، ءداۋىر تەگەرشىگىمەن بىرگە ۇزدىكسىز العا باسقاندىعىنىڭ ايعاعى.
اۆتوردىڭ قىزمەت ورنى: «التاي گازەتى» قازاق رەداكسياسى
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
