جۇڭگو، ا ق ش قاتىناسىنىڭ بولاشاق دامۋىنا ايقىن باعدار سىلتەدى
ــ حالىقارالىق جاماعات پىكىرى جۇڭگو مەن ا ق ش باسشىلارىنىڭ كەزدەسۋىن بەلسەندىلىكپەن باعالادى
2017.04.10 16:57 كەلۋ قاينارى : حالىق تورابى
6 – ساۋىردەن 7 – ساۋىرگە دەيىن جۇڭگونىڭ مەملەكەت ءتوراعاسى شي جينپيڭ ا ق ش - تىڭ فلوريدا شتاتىنداعى مار - ا - لاگو شارۋا قوجالىعىندا ا ق ش - تىڭ پرەزيدەنتى ترامپپەن كەزدەسۋ وتكىزدى. ا ق ش – تىڭ جاڭا ۇكىمەتى بيلىك باسىنا وتىرعاننان بەرگى جۇڭگو، ا ق ش باسشىلارىنىڭ تۇڭعىش رەتكى بەتپە – بەت پىكىر الماستىرۋىنا كۇللى دۇنيە نازار اۋداردى، حالىقاراداعى جاماعات پىكىرى وسى رەتكى كەزدەسۋدى بەلسەندىلىكپەن باعالاپ، بىلاي دەپ قارادى: جۇڭگو، ا ق ش باسشىلارىنىڭ كەزدەسۋىنىڭ كۇن ءتارتىبى تىعىز، ناتيجەسى زور بولدى، ەكى ەل باسشىلارى تاماشا قاتىناس ورناتتى، كەزدەسۋ ەكى ەل قاتىناسىنىڭ دامۋىنا سىندارلى نەگىزگى ريتىم ازىرلەپ، بولاشاق دامۋعا ايقىن باعدار سىلتەدى، بۇل دۇنيە ءجۇزىنىڭ بەيبىتشىلىگىنە، ورنىقتىلىعىنا جانە گۇلدەنۋىنە ءتيىمدى.
«قوناقتى ۇيگە شاقىرۋ ــ ءبىر ءتۇرلى قۇرمەت»
«مەيلى ا ق ش – تا بولسىن، الدە جۇڭگودا بولسىن، قوناقتى ۇيگە شاقىرۋ ــ ءبىر ءتۇرلى قۇرمەت». گەرمانيانىڭ «فرانكفۋرتەر گازەتىندە» بىلاي دەلىندى: ا ق ش – تىڭ پرەزيدەنتى ترامپ وسى رەت ءتوراعا شي جينپيڭدى مار - ا - لاگو شارۋا قوجالىعىنا شاقىرىپ، «دوستىق سگينالىن تاراتتى». ا ق ش - تىڭ فلوريدا شتاتىنداعى «پالمالى قايراڭ پوچتا گازەتى» وسى رەتكى كەزدەسۋدى وكشەلەي ەگجەي – تەگجەيلى حابارلادى، ترامپتىڭ جيەن قىزى مەن جيەن ۇلىنىڭ حانزۋ تىلىندە ءان شىرقاۋىنا، تاڭ ءداۋىرىنىڭ ولەڭدەرىن جاتقا ايتۋىنا نازار اۋداردى، بۇل جۇڭگولىق سيلى قوناقتارعا جاقىندىق سيلادى دەپ قارادى.ا ق ش بىرىككەن اگەنتتىگى ءتوراعا شي جينپيڭنىڭ ا ق ش – تاعى قيمىلىن باستان – اياق وكشەلەي حابارلادى، جۇڭگو، ا ق ش باسشىلارى كەزدەسۋىنىڭ كۇن ءتارتىبى تىعىز، ناتيجەسى زور بولدى، ەكەۋى تاماشا جەكەلىك قاتىناس ورناتتى دەپ قارادى. گەرمانيانىڭ «ساۋدا گازەتى» ماقالا جاريالاپ بىلاي دەدى: ترامپ ءتوراعا شي جينپيڭمەن تۇڭعىش رەتكى كەزدەسىپ اڭگىمەلەسۋىم وتە تاماشا بولدى، كەرەمەت دوستىق ورناتتىق دەپ قارادى. «اۆستراليالىقتار گازەتىندەگى» حاباردا بىلاي دەلىندى: ترامپ ءتوراعا شي جينپيڭمەن كەزدەسكەندە جىلى ءجۇز تانىتىپ، ىستىق ىقىلاس ءبىلدىردى».
ۇلى بريتانيا راديو سەرىكتىگىنىڭ حابارىندا ترامپتىڭ جۇڭگودا ساپاردا بولۋ ۇسىنىسىن قابىلداعانىنا ايرىقشا نازار اۋدارىلدى ءارى ا ق ش – تىڭ مەملەكەتتىك ىستەر حاتشىسى تيللەرسوننىڭ «ەكى ەل باسشىلارىنىڭ كەزدەسۋ كەزى وتە بۇكپەسىز بولدى، وسى رەتكى كەزدەسۋدىڭ تابىسى توتەنشە زور بولدى دەپ قارايمىز» دەگەن ءسوزى سيتاتقا كەلتىرىلدى.
«ەۆروپا اقپاراتى» توراپ بەكەتى 7 – ساۋىردە ماقالا جاريالاپ بىلاي دەدى: ءتوراعا شي جينپيڭمەن كەزدەسۋدەن كەيىن ترامپ ءتوراعا شي جينپيڭمەن «تاماشا دوستىق ورناتقانىن» ءبىلدىردى. حاباردا ترامپتىڭ سوزىنەن سيتات الىنىپ بىلاي دەلىندى: ا ق ش جۇڭگومەن سەلبەستىك جاساسىپ، ەكى ەلدىڭ قاتىناسىنا ىقپال جاسايتىن ماسەلەلەردى الاستاۋعا قۇلشىنىپ، ا ق ش – جۇڭگو قاتىناسىندا ءتىپتى دە زور دامۋشىلىقتى ىسكە اسىرادى، ا ق ش – جۇڭگو قاتىناسى ءسوزسىز اناعۇرلىم دامي تۇسەتىن بولادى.
ا ق ش «بوستون دۇنيە گازەتىندە» بىلاي دەلىندى: ا ق ش، جۇڭگو باسشىلارى كەڭ كولەمدى پىكىرلەسىپ، وتە تاماشا جەكەلىك قاتىناس ورناتتى. «ءبىر رەتكى كەزدەسۋمەن بارلىق ماسەلەنىڭ شەشىلمەسى انىق، دەسە دە ا ق ش پەن جۇڭگونىڭ پىكىرلەسىپ تۇرۋى ەكى جاقتى قاتىناستىڭ دامۋىنا ءتيىمدى».
كەلۋ قاينارى: حالىق تورابى
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
