مەملەكەتتىك كەڭەستىڭ ءوندىرىس حاۋىپسىزدىگى كوميتەتى لۇيشين كومىر سەرىكتەستىگىندە تۋىلعان بەتكەي كوشۋ شىرعالاڭى تۋرالى حابارلاندىرۋ شىعاردى
اتالعان سەرىكتەستىكتىڭ كەن ورنى قولدان – قولعا وتكەرمەلەنىپ كوتەرگە بەرىلگەن، شىرعالاڭعا قاتىستى جاعدايدى جوسپارلى، ۇيىمدى تۇردە جاسىرعان
2017.08.21 13:34 كەلۋ قاينارى : حالىق تورابى
حالىق گازەتى، 20 – تامىز، بەيجيڭ (ديڭ يتيڭ) مەملەكەتتىك كەڭەستىڭ ءوندىرىس حاۋىپسىزدىگى كوميتەتىنىڭ جۋىردا حابارلاندىرۋىنشا، جيننىڭ توبىنىڭ سانشيدەگى كومىر تاسىمالداپ ساتۋ توبى مەن لۇيشين كومىر شەكتى سەرىكتەستىگىندە 11 – تامىز كۇنى بەتكەي كوشۋ شىرعالاڭى تۋىلعان، شىرعالاڭ تۋىلعاننان كەيىن، اتالعان كەن ورنى شىرعالاڭعا قاتىستى جاعدايلاردى جاسىرعان. قازىر العاشقى قادامدا 8 ادامنىڭ قازا بولىپ، ءبىر ادامنىڭ دەرەكسىز كەتكەنى، ءبىر ادامنىڭ جارالانعانى تۇراقتاندىرىلدى، سانشي ولكەلىك ۇكىمەت پەن قوعام حاۋىپسىزدىگى ورگاندارى شىرعالاڭعا ۇشىراعاندار سانىن ءالى دە تەكسەرۋ ۇستىندە.
اتالعان كەن ورنى مەملەكەت مەنشىگىندەگى جارنالىق تۇزىمدەگى كۋالىكتەرى تولىق اشىق كەن، بەلگىلەنگەن ءوندىرىس قۋاتى بويىنشا جىلىنا 2 ميلليون توننا كومىر وندىرە الادى. العاشقى ساراپتاۋ ناتيجەسىنە قاراعاندا، بۇل رەتكى شىرعالاڭدا نەگىزىنەن مىناداي ماسەلەلەر بايقالعان: بىرىنشىدەن، لۇيشين كومىر سەرىكتەستىگى بەتكەيدە جارىقشاق پايدا بولىپ، كوشۋ – وتىرىپ كەتۋ بەلگىسى بايقالعان جاعدايدا دا جۇمىسكەرلەر مەن اسپاپتاردى الىپ شىقپاي، كەن قازۋدى تاۋەكەلشىلدىكپەن جالعاستىرا بەرىپ، بەتكەيدىڭ كوشۋىنە اپارىپ سوققان. ەكىنشىدەن، لۇيشين كومىر سەرىكتەستىگى كەن ورنىن قولدان – قولعا وتكەرمەلەي كوتەرەگە بەرىپ، كوتەرىپ الۋشىلاردىڭ ۋاكىلەتتى باسقارۋىنا تاپسىرعان، ءاربىر كەن رايونىندا (كەن قازۋ تۇيىنىندە) كوتەرەگە الۋشى ءوندىرىستى ۇيىمداستىرۋعا جاۋاپتى بولعان.
ۇشىنشىدەن، جيننىڭ توبى لۇيشين كومىر سەرىكتەستىگىن قوسىپ الىپ، قايتا قۇرعاننان كەيىن، تەك كومىر ءوندىرۋ مولشەرىنە قاراي بەلگىلى مولشەردە باسقارۋ اقىسىن العاننان سىرت، «شىنايى دەن قويۋ، جارنانى شىنايى مەڭگەرۋ، شىنايى باسقارۋ» مىندەتىن ورىنداماعان. تورتىنشىدەن، شىرعالاڭ تۋىلعاننان كەيىن، لۇيشين كومىر سەرىكتەستىگى ماقساتتى، جوسپارلى، ۇيىمدى تۇردە شىرعالاڭ جاعدايىن جاسىرعان. بەسىنشىدەن، حىشۇن اۋداندىق ۇكىمەتتىڭ قاتىستى تاراۋلارى شىرعالاڭ تۋىلعانى تۋرالى مالىمدەۋدى تاپسىرىپ العاننان كەيىن، ناقتى تەكسەرىپ، سپات الماي تۇرىپ، ءولىم – ءجىتىم، جارالانۋ احۋالى تۋىلمادى دەگەن قورىتىندى شىعارعان.
حابارلاندىرۋدا شىرعالاڭدى زاڭ بويىنشا تەز ارادا قاتاڭ انىقتاۋ، وتە – موتە، شىرعالاڭنىڭ جاعدايىن جاسىرۋ بارىسى مەن الەۋمەت كوڭىل ءبولىپ وتىرعان قاتىستى ماسەلەلەردى انىقتاۋ؛ شىرعالاڭ تۋىلعانىن مالىمدەۋ جاعىندا تەكسەرۋ جۇرگىزۋ قىزمەتىن مۇقيات ورنالاستىرىپ، تاسقىن مەزگىلىندە كومىر كەندەرىندە تۋىلۋى مۇمكىن ءتۇرلى جاراتىلىستىق اپاتتار مەن جاسىرىن حاۋىپ – قاتەرلەردەن شىنايى ساقتانۋ تالاپ ەتىلگەن.
سانشي ولكەلىك حالىق ۇكىمەتىنىڭ ءوندىرىس حاۋىپسىزدىگى كوميتەتى شىرعالاڭدا كوزگە تۇسكەن ماسەلەلەرگە باعىتتاي وتىرىپ، بۇكىل ولكەدەگى كومىر كەندەرىن، اشىق كومىر كەندەرىن قوسىپ الىپ، قايتا قۇرۋ قىزمەتىنە ارناۋلى تەكسەرۋ جۇرگىزەدى، «جالعان قايتا قۇرۋ، جارنانى جالعان مەڭگەرۋ» ىستەرىنە رەتتەۋ جۇرگىزەدى، قوسىپ الىپ، قايتا قۇرۋشى تۇلعالىق كاسىپورىنداردىڭ «اتىن عانا وزگەرتىپ، شىنايى باسقارماۋ» ماسەلەسىن رەتكە سالادى، كوتەرەگە الۋشىلار توبىن ىستەتۋ جانە قازۋ جۇمىسى جۇرگىزىلەتىن ورىندى كوتەرەگە بەرۋ، وتكەرمەلەپ كوتەرەگە بەرۋ نەمەسە مايعا بەرۋ سىندى زاڭسىز ارەكەتتەردى قاتاڭ رەتكە سالادى، وسىنداي ماسەلەلەر بايقالسا، بۇكىلدەي ىستەن توقتاتىپ، رەتكە سالىپ، قولدان – قولعا وتكەرمەلەپ كوتەرەگە بەرۋ، كوتەرەگە الۋشىلار ۋاكىلدىك باسقارۋ سىندى جاعدايلاردىڭ جولىن كەسەدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
