ۇلت ماسەلەسىن شەشۋدىڭ جۇڭگوشا دۇرىس جولى ــ شۇعىلالى نيڭشيا بولەگى
باتىر
2018.09.20 14:14 كەلۋ قاينارى : حالىق تورابى
التىن كۇزدىڭ شۇعىلاسىنا شومعان ساتتە نيڭشيا حۇيزۋ اۆتونوميالى رايونىنىڭ 60 جىلدىق مەرەي تويىن قارسى الىپ وتىرمىز. 60 جىلدىڭ الدىندا، ىشكى موڭعۇل اۆتونوميالى رايونى، شينجياڭ ۇيعۇر اۆتونوميالى رايونى، گۋاڭشي جۋاڭزۋ اۆتونوميالى رايونى قۇرىلعان سوڭ ورتالىق نيڭشيا حۇيزۋ اۆتونوميالى رايونىن قۇرۋدى ۇيعارىپ، نيڭشيانىڭ دامىپ، العا باسۋىندا تاريحي جاڭا بەتبۇرىس اشتى. پارتيانىڭ ۇلت ساياساتىنىڭ شۇلەن شۇعىلاسىنا بولەنگەن، بۇكىل ەل حالقىمەن تىلەكتەس بولعان نيڭشياداعى ءار ۇلت حالقى ماۋ زىدۇڭنىڭ ولەڭدەرىندەگى وتانشىلدىقتى دارىپتەيتىن رۋحتان ءنار الىپ، ىنتىماقتاسا شايقاس جۇرگىزىپ، قيىندىقتان قامال الىپ، سوتسياليستىك جاڭا نيڭشيا قۇرۋدا تاريحي تابىسقا قول جەتكىزىپ، بۇكىل ەلدىڭ دامۋ، ورنىقتىلىق جالپى جاعدايىنا وراسان زور ۇلەس قوستى.
نيڭشيا حۇيزۋ اۆتونوميالى رايونىنىڭ قۇرىلۋى ەلىمىزدىڭ ۇلتتار قاتىناسى تاريحىنداعى كەلەلى ءىس سانالادى. نيڭشيا ــ ەلىمىزدىڭ باتىسىنداعى قۇتتى جەر، جۇڭحۋا مادەنيەتىنىڭ باق قونعان ماڭىزدى جەرلەرىنىڭ ءبىرى. ءار ۇلت حالقى نەشە مىڭ جىلدان بەرى وسىندا ءوسىپ – وركەندەپ، اۋىس – كۇيىس جاساپ، «شەكاراداعى قۇتتى مەكەننىڭ» ۇزاق تاريحىن جانە شۇعىلالى مادەنيەتىن بىرگە جاراتتى. توڭكەرىس جىلدارىندا ۇزاق جورىققا اتتانعان قىزىل ارميا جاۋىنگەرلەرى وسىندا جەڭىسپەن توعىسىپ، جۇڭگو توڭكەرىسىنە جاڭا ءۇمىت سيلادى؛ حۇيزۋ – حانزۋ تارماق اترەتى قاتارلى حالىقتىق قارۋلى كۇشتەر وسىندا ەزگىگە قارسى تۇرىپ، جۇڭحۋا ۇلتتارىنىڭ تىزە بۇكپەس قايسار رۋحىن ايگىلەدى؛ ءار ۇلت ۇلاندارى وسىندا شانشي، گانسۋ، نيڭشيا شەكارا رايونىن بىرگە قورعاپ، جۇڭحۋا ماياگىن وشىرمەي لاۋلاتتى. ليۋپان تاۋى وڭىرىندەگى توڭكەرىس ارقاۋ ەتىلگەن ءتوراعا ماۋ زىدۇڭنىڭ ولەڭ جولدارى كوممۋنيستەردىڭ اسقاق جىگەرىن تولىق بەينەلەدى، وسى ولەڭ جۇڭحۋا ۇلاندارىنىڭ ۇرپاقتار بويى ىنتىماقتاسۋىنا، قاجىماي – تالماي كۇرەس جۇرگىزۋىنە شابىت بەرىپ كەلەدى. اسىرەسە 1936 – جىلى قازاندا پارتيامىز تۇڭشين اۋدانىندا ءبىرىنشى ۇلتتىق تەرريتوريالىق اۆتونوميا جەرگىلىكتى ورنى ــ يۇيحاي اۋداندىق حۇيزۋ اۆتونوميالى ۇكىمەتىن قۇرىپ، حۇيزۋلاردىڭ ازاتتىعىن تۇتاس جۇڭحۋا ۇلتتارىنىڭ تاۋەلسىزدىك كۇرەسىمەن ۇشتاستىرىپ، ەلىمىزدەگى ۇلتتار ماسەلەسىن شەشۋدىڭ ۇلتتىق تەرريتوريالىق اۆتونوميا سىندى دۇرىس جولىن تابۋدى قۇندى تاجىريبەمەن قامدادى. جاڭا جۇڭگو قۇرىلعان سوڭ ورتالىق نيڭشيا حۇيزۋ اۆتونوميالى رايونىن قۇرۋدى ۇيعارىپ، حالىق سانى ءبىرشاما كوپ، تارالۋى كەڭ حۇيزۋ ۇلتىن ولكە دارەجەلى اۆتونوميالى جەرگە يە ەتىپ، نيڭشياداعى ءار ۇلتتىڭ تاريحىندا وزىنە ءوزى بىرگە قوجا بولۋدى تۇڭعىش رەت ىسكە اسىرىپ، ءار ۇلتتىڭ ۇلى ىنتىماعىن اناعۇرلىم نىعايتىپ، جۇڭحۋا ۇلتتارى ورتاق تۇلعاسى تانىمىن سومداپ، ەلىمىزدىڭ، اسىرەسە نيڭشيانىڭ قارىشتاپ دامۋ، باياندى تىنىشتىق نەگىزىن تۇبەگەيلى بەكەمدەدى.
كەلۋ قاينارى: حالىق تورابى
جاۋاپتى رەداكتورى : مۇحيت امانتاي ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
