گۋاڭشيدەگى ءار ۇلت، ءار سالا اۆتونوميالى رايون قۇرىلعانىنىڭ 60 جىلدىعىن سالتاناتپەن تويلادى
ج ك پ ورتالىق كوميتەتى، مەملەكەتتىك حالىق قۇرىلتايى تۇراقتى كوميتەتى، مەملەكەتتىك كەڭەس، مەملەكەتتىك ساياسي كەڭەس، ورتالىق اسكەري ىستەر كوميتەتى قۇتتىقتاۋ تەلەگرامماسىن جولدادى ۋاڭ ياڭ جينالىسقا قاتىناستى ءارى ءسوز سويلەدى
2018.12.11 16:26 كەلۋ قاينارى : حالىق تورابى
«حالىق گازەتى»، 12 – ايدىڭ 10 - كۇنى، ناننيڭ (تىلشىلەر ليۋ حۋاشين، جياڭ جيە، لي چاڭيۇي). جۋاڭزۋلاردىڭ اۋىلى 60 جىل بويى قاجىرلىلىقپەن العا باستى، گۋاڭشيدىڭ بايتاق الابى جاڭا بەينەگە ەندى. 12 – ايدىڭ 10 – كۇنى تۇستەن كەيىن گۋاڭشي جۋاڭزۋ اۆتونوميالى رايونى قۇرىلعانىنىڭ 60 جىلدىعىن قۇتتىقتاۋ جينالىسى گۋاڭشي دەنەتاربيە ورتالىعىندا سالتاناتپەن وتكىزىلدى. ج ك پ ورتالىق كوميتەتى، مەملەكەتتىك حالىق قۇرىلتايى تۇراقتى كوميتەتى، مەملەكەتتىك كەڭەس، مەملەكەتتىك ساياسي كەڭەس، ورتالىق اسكەري ىستەر كوميتەتى قۇتتىقتاۋ تەلەگرامماسىن جولدادى. ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك ساياسي كەڭەستىڭ ءتوراعاسى، ورتالىق ۋاكىلدەر ۇيىرمەسىنىڭ باستىعى ۋاڭ ياڭ قۇتتىقتاۋ جينالىسىنا قاتىناستى ءارى ءسوز سويلەدى (قۇتتىقتاۋ تەلەگراممالارىنىڭ، ءسوزدىڭ تولىق مازمۇنىن «حالىق گازەتىنەن» وقي الاسىزدار).
بۇل كۇنى ناننيڭ گۇلمەن كومكەرىلىپ، مەرەكە مەرەيىنە شومدى، بارلىق جەردەن قويۋ مەرەكەلىك ءتۇس اڭعارىلادى. مەرەكەلىك كيىم كيگەن 22 مىڭعا جۋىق ءار ۇلت، ءار سالا كادر – جۇرتشىلىعى گۋاڭشي دەنەتاربيە ورتالىعىندا شاتتىقپەن باس قوسىپ، مەرەيلى كۇندى بىرگە تويلادى. ءتوراعالار مىنبەسىنىڭ جوعارعى جاعىنا تارتىلعان كەرمە تۋعا جۋاڭزۋ، حانزۋ تىلدەرىندە «گۋاڭشي جۋاڭزۋ اۆتونوميالى رايونى قۇرىلعانىنىڭ 60 جىلدىعىن قۇتتىقتاۋ جينالىسى» دەگەن ءسوز جازىلعان. «شي جينپيڭ جولداس ۇيىتقى بولعان پارتيا ورتالىق كوميتەتىنىڭ توڭىرەگىنە تىعىز ۇيىسايىق»، «جاڭا داۋىردە گۋاڭشيدى دامىتۋدىڭ تىڭ داستانىن جازۋعا قۇلشىنايىق» دەگەن ۇراندار جازىلعان الىپ كەرمە تۋلار ءار ۇلت حالقىنىڭ ورتاق ءۇنىن بەينەلەدى. «قۋاتتى دا كورىكتى گۋاڭشي قۇرىپ، گۇلدەنۋ ارمانىن بىرگە ورىندايىق» دەگەن جازۋ بيىككە ىلىنگەن، ونىڭ ەكى شەتىندەگى «1958»، «2018» دەگەن جازۋلار ەرەكشە كوز تارتادى.
تۇستەن كەيىن ساعات 3 تە گۋاڭشي جۋاڭزۋ اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوندىق حالىق ۇكىمەتىنىڭ ءتوراعاسى چىن ۋ جينالىستىڭ باستالعانىن جاريالادى. اسقاقتاتا ورىندالعان مەملەكەت انىمەن بىرگە بەس جۇلدىزدى قىزىل تۋ باياۋ كوتەرىلدى.
ج ك پ ورتالىق كوميتەتى ساياسي بيۋروسىنىڭ مۇشەسى، مەملەكەتتىك كەڭەستىڭ ورىنباسار زۇڭليى، ورتالىق ۋاكىلدەر ۇيىرمەسىنىڭ ورىنباسار باستىعى سۇن چۇنلان ج ك پ ورتالىق كوميتەتى، مەملەكەتتىك حالىق قۇرىلتايى تۇراقتى كوميتەتى، مەملەكەتتىك كەڭەس، مەملەكەتتىك ساياسي كەڭەس، ورتالىق اسكەري ىستەر كوميتەتى جولداعان قۇتتىقتاۋ تەلەگراممالارىن وقىدى.
قىزۋ قول شاپالاق ءۇنى ىشىندە ۋاڭ ياڭ قىزۋ مەرەيگە تولى ءسوز سويلەدى. ول بىلاي دەدى: بايتاق گۋاڭشي شاتتىققا شومدى. وسىنداي تاماشا ساتتە پارتيا ورتالىق كوميتەتى مەن باس شۋجي شي جينپيڭنىڭ ماڭىزدى تاپسىرىعىن ارقالاپ، بۇكىل ەلدەگى ءار ۇلت حالقىنىڭ تىلەگىن ارقالاپ، گۋاڭشيدەگى ءار ۇلت حالقىمەن بىرگە اۆتونوميالى رايون قۇرىلعانىنىڭ 60 جىلدىعىن قۇتتىقتاپ وتىرعانىما ايرىقشا قۋانىشتىمىن. پارتيا ورتالىق كوميتەتى، مەملەكەتتىك حالىق قۇرىلتايى تۇراقتى كوميتەتى، مەملەكەتتىك كەڭەس، مەملەكەتتىك ساياسي كەڭەس، ورتالىق اسكەري ىستەر كوميتەتى اتىنان گۋاڭشي جۋاڭزۋ اۆتونوميالى رايونىن قىزۋ قۇتتىقتايمىن، گۋاڭشيدەگى 56 ميلليون ءار ۇلت كادر – جۇرتشىلىعىنا مەرەكە بايلانىسىمەن سالەم جولدايمىن جانە ىزگى تىلەك بىلدىرەمىن.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
