جىجياڭنىڭ داچىن ارالىنداعى تىڭ يگەرۋشىلەردىڭ ۇرپاعى:
جاڭا ءداۋىردىڭ «تىڭ يگەرۋشىسى» بولۋعا قۇلشىنامىز (تاپسىرىقتى ەستە بەرىك ساقتاپ، ارمانعا قۇلاش سەرمەۋ − باس شۋجيدىڭ جاۋاپ حاتىن تاپسىرىپ العاننان كەيىن)
«حالىق گازەتىنىڭ» تىلشىلەرى يۇي ۋەيلياڭ، سۇن چاۋ، فاڭ مين
2019.08.09 16:24 كەلۋ قاينارى : حالىق تورابى
60 جىلدىڭ الدىندا اتا - اجەلەرىڭىز اۋىلىنان الىستاپ، داچىن ارالىندا تىڭ يگەرىپ، يگىلىك جاراتىپ، جاستىق كوكتەمى مەن ماڭداي تەرى ارقىلى قاجىرلىلىقپەن يگىلىك جاراتۋ، قايراتتانا ۇمتىلۋ، قالتقىسىز ۇلەس قوسۋ، ءورىس اشا جاڭالىق جاراتۋ سىندى تىڭ يگەرۋ رۋحىن جەتىلدىردى. سىزدەردىڭ ايتقاندارىڭىزداي، ولار ەڭ قادىرلى ادامدار.
سىزدەردىڭ اتا - اجەلەرىڭىزدەن ۇيرەنىپ، پارتيانى، وتاندى، حالىقتى قىزۋ ءسۇيىپ، ءبىلىمدى، ءمورالدى، ىسكەر جاڭا ۇرپاق قۇرىلىسشىلارعا اينالۋلارىڭىزدى، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋعا كۇش قوسۋلارىڭىزدى ءۇمىت ەتەمىن.
− شي جينپيڭ
«شي جينپيڭ اتاي بىزگە جاۋاپ حات جازدى!» 82 جاستاعى جاڭ چييۋان مەن جۇبايى داي جيەشۇي 63 جىلدىڭ الدىندا ءبىرىنشى توپتا داچىن ارالىنا شىققان تىڭ يگەرۋشىلەر ەدى، ساپتاستارى ارالدان كەتكەن سوڭ ولار سوندا قالۋ تاڭداۋىن جاسايدى ءارى سول ارادا ءۇيلى – باراندى بولادى. ەكى قاريا كۇنى بۇگىنگە دەيىن 3 جىلدىڭ الدىندا نەمەرە قىزى جاڭ جيڭ – ي سوققان تەلەفوندى جادىنان شىعارعان ەمەس.
جاڭ چييۋان بىلاي دەدى: «تىڭ يگەرۋ رۋحى ۇرپاقتان - ۇرپاققا جالعاستىرىلدى، سول جىلدارى بەرگەن بوداۋىمىزدىڭ ەڭ جاقسى قارىمجىسىنا دا يە بولدىق».
قايىققا وتىرىپ جىجياڭ ولكەسى تايجوۋ قالاسىنان 29 تەڭىز ميلى جول باسقاندا داچىن ارالىنا بارادى. ارالدا گرانيت تاستان قالانعان تىڭ يگەرۋ ەسكەرتكىشى اسقاق بوي سوزىپ تۇر.
63 جىلدىڭ الدىندا پارتيا مەن مەملەكەتتىڭ ۇندەۋىمەن ءبىر توپ ايبىندى جىجياڭ جاستارى ەرلىكپەن العا تارتتى. ولار ەگىن ەگىپ، مال باعىپ كورمەگەن، قايىققا وتىرماعان، ءشوپ شاۋىپ، تەزەك تەرمەگەن، بالىق اۋلاماعان، بارلىعىن باسىنان باستاپ ۇيرەنگەن. جاپان تۇزدە 4 جىلدان استام ۋاقىت ەڭبەكتەنىپ، كەزىندە قۇستىڭ دا دامىلداعىسى كەلمەيتىن يەن ارالدى تىرشىلىك تىنىسىنا يە ەتكەن.
ەستەن كەتپەس «1 - ماۋسىم» تارتۋى
2006 - جىلى 8 - ايدا سول كەزدە جىجياڭ ولكەلىك پارتكومنىڭ شۋجيى بولىپ ىستەيتىن شي جينپيڭ داچىن ارالىندا قىزمەت تەكسەرىپ، ارالداعى تىڭ يگەرۋشى ساقا جاۋىنگەرلەردەن حال سۇرادى. 2010 - جىلى 4 - ايدا سول كەزدەگى ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق كوميتەت شۋجيچۋىنىڭ شۋجيى، مەملەكەتتىڭ ورىنباسار ءتوراعاسى شي جينپيڭ لي شىڭ - ي، جاڭ چييۋان قاتارلى تىڭ يگەرۋ اترەتىنىڭ 25 ساقا مۇشەسىنە جاۋاپ حات جازدى. 2016 - جىلعى «1 – ماۋسىم» حالىقارالىق بالالار مەرەكەسى قارساڭىندا، داچىن ارالىنداعى تىڭ يگەرۋشىلەردىڭ ۇرپاعى، تايجوۋ قالاسى جياۋجياڭ رايونىنداعى 12 باستاۋىش مەكتەپ وقۋشىسى باس شۋجي شي جينپيڭگە حات جازدى، باس شۋجي شي جينپيڭ ولارعا تەز ارادا جاۋاپ حات قايتاردى.
«بۇل ءبىزدىڭ ەستەن كەتپەس ‹1 – ماۋسىم›مەرەكەلىك تارتۋىمىز بولدى، ءومىردىڭ ەرەكشە مانگە يە ءبىرىنشى ساباعىن تىڭداعانداي بولدىق. 3 جىل وتە شىقتى، 13 جاستاعى «تىڭ يگەرۋشىلەردىڭ 3 – ۇرپاعى» جاڭ جيڭ – ي بۇل كۇندە ورتالاۋ مەكتەپكە ءتۇستى، ول بىلاي دەيدى: «بۇرىندارى ‹تىڭ يگەرۋشىلەردىڭ 3 – ۇرپاعى› دەگەن ات ءبىز ءۇشىن داڭق سانالاتىن، قازىر بۇعان مۇراگەرلىك ەتۋىمىز جانە جاۋاپكەرلىك ارقالاۋىمىز كەرەك دەپ قارايمىز. ەگەر ءوزىمىز جاقسى ىستەي الماساق، باسقالارعا تىڭ يگەرۋ رۋحىن قالاي ۇگىتتەمەكپىز؟» ءبي جاتتىعۋى كەزىندە قاتتى قالجىرايتىن ول ۋاز كەشۋ ويىنا كەلگەندە وزىنە: «سول كەزدەگى اتا – اجەلەرىمىزدىڭ تىڭ يگەرۋ سىندى جاپالى ەڭبەگىمەن سالىستىرعاندا بىزدىكى نەگە تۇرماق» دەپ شابىت بەرىپ، قامشى باسادى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
