شينجياڭ جوعارى مەكتەپتەردەن وقۋ بىتىرگەن وقۋشىلاردىڭ جۇمىستانۋىنا، شارۋاشىلىق قۇرۋىنا كوپ ءتۇرلى شارامەن دەم بەردى
2020.06.05 14:19 كەلۋ قاينارى : شينجياڭ گازەتى
شينحۋا اگەنتتىگىنىڭ 6 - ايدىڭ 2 - كۇنى ۇرىمجىدەن بەرگەن حابارى (ءتىلشى اينۇر). جوعارى مەكتەپتەردەن وقۋ بىتىرگەن وقۋشىلاردىڭ جۇمىستانۋىنا، شارۋاشىلىق قۇرۋىنا قولداۋ كورسەتۋ ءۇشىن، شينجياڭ جىل باسىنان بەرى جۇمىستانۋدى جەبەۋدىڭ كوپ ءتۇرلى شاراسىن ىركەس - تىركەس شىعارىپ، قوعامدىق قامسىزداندىرۋ قوسىمشا قاراجاتى، شارۋاشىلىق قۇرۋ قارىز اقشاسى، بۇلتتىق جۇمىسقا قابىلداۋ سياقتى ساياساتتاردىڭ ”پايداسى“ ارقىلى وقۋ بىتىرگەن وقۋشىلاردىڭ جۇمىستانۋ، شارۋاشىلىق قۇرۋ ارناسىن ۇزدىكسىز كەڭەيتتى.
ءتىلشىنىڭ شينجياڭ ۇيعۇر اۆتونوميالى رايوندىق ادام كۇشى بايلىعى جانە قوعامدىق قامتاماسىزداندىرۋ مەڭگەرمەسىنەن جاقىندا ۇعىسۋىنشا، بيىل شينجياڭداعى جوعارى مەكتەپتەردەن وقۋ بىتىرەتىن وقۋشىلاردىڭ سانى شامامەن 89 مىڭ 300 ادام، اۆتونوميالى رايون ارناۋلى ساياسات شىعارىپ جوعارى مەكتەپتەردەن وقۋ بىتىرگەن وقۋشىلاردىڭ قوعامدىق قامسىزداندىرۋ قوسىمشا قاراجاتى ساياساتىن تياناقتاندىرىپ، جوعارى مەكتەپتەردەن وقۋ بىتىرگەن وقۋشىلاردى جۇمىسقا قابىلداعان كاسىپورىنداردىڭ ءىس جۇزىندىك تاپسىرعان نەگىزگى قارتتاردى كۇتىمدەۋ قامسىزداندىرۋى، نەگىزگى ەمدەۋ قامسىزداندىرۋى، جۇمىسسىزدىق قامسىزداندىرۋى اقىلارىنىڭ جيىنتىعى بويىنشا سايكەستى قوعامدىق قامسىزداندىرۋى قوسىمشا قاراجاتىن 3 جىلعا دەيىن الۋىنا بولادى ەكەن.
سونىمەن بىرگە، شينجياڭ شاعىن، ۇساق كاسىپورىنداردىڭ سالىعىن ازايتىپ، اقىسىن تومەندەتۋ، شارۋاشىلىق قۇرۋعا باۋلۋ قوسىمشا قاراجاتى سياقتى سۇيەمەلدەۋ ساياساتتارىن زور كۇشپەن ىلگەرىلەتىپ، ”جوعارى مەكتەپ وقۋشىلارىن شارۋاشىلىق قۇرۋعا جەتەكتەۋ جوسپارىن“ اتقاردى. جوعارى مەكتەپتەن وقۋ بىتىرگەن وقۋشىلار شارۋاشىلىق قۇرعان جەرىندە سوماسى 150 مىڭ يۋاننان اسپايتىن شارۋاشىلىق قۇرۋ كەپىلدىك قارىز اقشاسىنا ءوتىنىش ەتۋىنە بولادى. شينجياڭ تاعى دا ساياساتتىق جەتەكتەۋ ارقىلى جوعارى مەكتەپتەردەن وقۋ بىتىرگەن وقۋشىلاردى وسى زامانعى ەگىمشىلىك، اۋىل شارۋاشىلىق تەحنيكاسى، اۋىل شارۋاشىلىق ونىمدەرىن مانەرلەۋ، اۋىل - قىستاق ەلەكتروندىق ساۋداسى سياقتى اۋىل - قىستاقتا جاڭادان گۇلدەنگەن سالالاردا جۇمىستانۋعا، شارۋاشىلىق قۇرۋعا شابىتتاندىردى.
جاڭا تيپتى ايدارشا ۆيرۋس وكپە قابىنۋ ىندەتىنىڭ ءتيىمسىز ىقپالىنا قاراتا شينجياڭ كوپ رەت ينتەرنەتتە ”بۇلتتىق جۇمىسقا قابىلداۋ“ قيمىلىن ۇيىمداستىرىپ، كومەكتەسۋ - سۇيەمەلدەۋ ەسەپ داپتەرىن ۇستاۋ، جۇمىستانۋ ينفورماتسياسىن دالمە - ءدال جەتكىزۋ، تۇيىندەمەنى وزگەرتۋ جانە بەتپە - بەت ەمتيحان شەبەرلىكتەرى، كەلىسىمگە قول قويىسۋ جۇمىستارىن ءبىتىرۋ سياقتى ”بۇلتتىق قىزمەت وتەۋمەن“ قامدادى. اۆتونوميالى رايوندىق ادام كۇشى بايلىعى جانە قوعامدىق قامتاماسىزداندىرۋ مەڭگەرمەسىنىڭ ساناعىنشا، 5 - ايدىڭ اياعىنا دەيىن، شينجياڭ 341 رەت ينتەرنەتتە ارناۋلى جۇمىسقا قابىلداۋ جينالىسىن ۇيىمداستىرىپ، ينتەرنەتتە جۇمىسقا قابىلداۋعا ادام ىستەتەتىن 7333 ورىن قاتىناسىپ، جوعارى مەكتەپتەن وقۋ بىتىرگەن وقۋشىلار ينتەرنەت ارقىلى 23 مىڭعا جۋىق جۇمىسقا ورنالاستىرۋ كەلىسىمىنە قول قويىسقان.
كەلەسىدە شينجياڭ جوعارى مەكتەپتەردەن وقۋ بىتىرگەن وقۋشىلاردىڭ جۇمىستانۋىن، شارۋاشىلىق قۇرۋىن جەبەۋ جوسپارىن، نەگىزگى ساتىدا جەتىلدىرۋ جوسپارىن، ”ۇشكە كومەكتەسۋ، ءبىردى سۇيەمەلدەۋ“ جوسپارىن، 10 مىڭ جاستى پراكتيكادان وتكىزۋ جوسپارىن جانە جاستاردى جۇمىستاندىرۋدىڭ باستالۋ جوسپارىن ۇزدىكسىز اتقارىپ، ءبىر قىدىرۋ سۇيەمەلدەۋ ساياساتتارى ارقىلى جوعارى مەكتەپتەردەن وقۋ بىتىرگەن وقۋشىلاردىڭ جۇمىستانۋىنا، شارۋاشىلىق قۇرۋىنا دەم بەرەدى.
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
