«تەگىن ۇسىنادى» دەگەن سوزگە الدانىپ قالماڭىز
جىڭ يۇنتيان
2020.06.05 13:46 كەلۋ قاينارى : حالىق تورابى
نيڭبو سىشي ساقشى جاعى جۋىردا تەلەگراف – ينتەرنەت الدامكوستىگىنە قاتىستى ءىرى دەلونى اشكەرەلەدى، قىلمىس كۇماندىلارى دۋريان جەمىسىن تەگىن ۇسىنامىز: «تەك ۋيچاتىڭىزعا قوسىپ، دوستار شەڭبەرىڭىزگە جولداساڭىز بولعانى، ەداۋىر سوماداعى جەمىس – جيدەكتى تەگىن الاسىز ...» دەگەن جەلەۋمەن زياندالۋشىلاردى زاتتارىن دوستار شەڭبەرىنە شىعارىپ ۇگىتتەۋگە شىرعالاعان، بۇل دەلوعا قاتىستى سوما 38 ميلليون يۋانعا جەتكەن.
الدامكوستەر «تاۋاردى تەگىن ۇسىنۋ» سىندى شىرعا تاستايدى، تەگىن تاۋارعا يە بولۋ ءۇشىن ولار بەرگەن ينفورماتسيانى دوستار شەڭبەرىنە شىعارۋ نەمەسە ۋيچات توپتارىنا جولداۋ كەرەك. وسىنىڭ سالدارىنان جالعان، الدامكوستىك سيپاتتاعى ينفورماتسيالار ەسەلەپ تاراپ، وڭاي الداناتىن ادامداردى سارالاپ الۋىنا قولايلىلىق جاراتقان ءارى ولاردىڭ الدامكوستەردىڭ مۇقيات ورنالاستىرعان تۇزاعىنا تۇسۋىنە سەبەپكەر بولعان.
مۇنداي الدامكوستىكتى تەجەۋ ءۇشىن زاڭ اتقارۋ تاراۋلارىنىڭ زاڭدى قاتاڭ اتقارۋى كەم بولسا بولمايتىن ءىس، الايدا، جۇرتشىلىق پەن ۋيچات تەكشەسى دە داۋىرمەن بىرگە العا ىلگەرىلەپ، جاڭا الدامكوستىك تاسىلدەرىنەن حاباردار بولىپ وتىرۋى، وڭاي الدانۋدان ساق بولىپ، ساقتىقتى كۇشەيتۋى، وزدەرىنىڭ مال – مۇلىكتەرىنىڭ حاۋىپسىزدىگىن ويداعىداي قورعاۋى كەرەك. سونىمەن بىرگە، وزدەرىنىڭ جاريالاعان ينفورماتسيالارىنىڭ شىندىلىعىنا، سەنىمدىلىگىنە جاۋاپتى بولۋى، وزدەرىنىڭ «بايقاماي ىستەگەن زالالدى ارەكەتتەرىنىڭ» ءوز دوستارىن الدامكوستەردىڭ تۇزاعىنا تۇسىرۋىنەن ساق بولۋى كەرەك.
ءىس جۇزىندە، وسى تەكتەس الدامكوستەردىڭ جولىنىڭ بولۋ سەبەبى، تەك تۇتىنۋشىلاردىڭ كىشى - گىرىم پايدانى كوزدەۋىنەن عانا ەمەس. كەيبىرەۋلەر جەمىس – جيدەكتى تەگىن ۇسىنۋ سىندى مۇنداي ىسكە سەنەدى، ۇيتكەنى، ءبىرتالاي جىلدان بەرى، كوپتەگەن ساۋدا دۇكەندەرى وسىنداي «ءوز باعاسىنا ساتىپ، جارناما جاساۋ» سىندى ۇگىتتەۋ ءتاسىلى ارقىلى بازارلارىن كەڭەيتتى، سوندىقتان، تۇتىنۋشىلار مۇنداي زات ساتۋ جانە ۇگىتتەۋ فورماسىن ىشتەي قابىلداعاندىقتان، وسى تەكتەس الدامكوستىكتەرگە جولىققاندا، قىراعىلىقتارىن تومەندەتىپ الادى. الدامكوستەر جۇرتتىڭ الەۋمەتتىك جەلىلەردەگى «تەگىن جارنامالارعا» ادەتتەنىپ قالعانىن بايقاپ، وسىنداي پسيحيكادان پايدالانىپ، زاڭسىزدىقپەن الدامكوستىك ىستەيدى.
ۋيچات ەل ىشىندەگى الەۋمەتتىك جەلىدەگى الپاۋىت سەرىكتەستىك، اتالعان سەرىكتەستىكتىڭ ءوز تەكشەسىنىڭ حاۋىپسىزدىگى مەن ساۋدالىق بەدەلىن قورعاۋ جاۋاپكەرشىلىگى بار. جۋىرداعى جىلداردان بەرى، ۋيچات پەن ساۋدا سالاسىنىڭ ۇشتاسۋىنان تۋىنداعان ماسەلەلەر قوعامنىڭ نازارىنا ءىلىندى. ەگەر ۋيچات سەرىكتەستىگى ءتۇرلى ساۋدالىق ارەكەتتەردىڭ تولىمدىلىعى جونىندە ءونىمدى تەكسەرۋ جۇرگىزۋ ارقىلى باقىلاۋ مەن باسقارۋدى كۇشەيتپەسە، وسى تەكتەس الدامكوستىكتەر بارعان سايىن كوبەيەدى، تەكشەنىڭ ساۋدالىق بەدەلىنىڭ زيانعا ۇشىرايتىنى دا داۋسىز.
تەك زاڭ اتقارۋ تاراۋلارى مەن ۋيچات تەكشەسى بەلسەندى تۇردە ارەكەتكە كەلگەندە ءارى زاڭسىز ارەكەتتەرگە سوققى بەرۋ تەبىنىن ارتتىرعاندا؛ الەۋمەت حاۋىپ – قاتەردەن ساقتانۋ سىندى ارقاۋدى مىقتى ۇستاپ، ساقتىقتى كۇشەيتۋى جانە پارىقتاۋ قابىلەتىن جوعارىلاتۋى كەرەك، سوندا عانا، الدامكوستەر سۇعىنار ساڭلاۋ تابا المايتىن بولادى، ينتەرنەت ورتاسى دا بارعان سايىن پاكتەنە تۇسەدى. ءبىز وسىنداي جاعدايدى ۇمىتپەن كۇتەمىز.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
