10 تاراۋ: 2025 – جىلى بۇكىل ەل بويىنشا ايماق دارەجەلى جانە ودان جوعارى دارەجەدەگى سۋ تاپشى قالالاردا قايتا تۋىنداعان سۋدىڭ پايدالانىلۋ شاماسى %25 تەن جوعارى بولادى
2021.01.14 16:04 كەلۋ قاينارى : حالىق تورابى
شينحۋا اگەنتتىگى، 1 – ايدىڭ 11 – كۇنى، بەيجيڭ (ءتىلشى ان بەي). ءتىلشىنىڭ 1 – ايدىڭ 11 – كۇنى مەملەكەتتىك دامۋ جانە رەفورما كوميتەتىنەن ۇعىسۋىنشا، ەلىمىز لاس سۋدى بايلىققا اينالدىرىپ پايدالانۋدى جۇيەلى ورىستەتپەك، 2025 – جىلعا بارعاندا بۇكىل ەل بويىنشا لاس سۋدى جيناۋ ونىمدىلىگى كورنەكتى جوعارىلاتىلىپ، اۋدان ورتالىقتارىنداعى جانە قالالارداعى لاس سۋدى ءبىر جاقتى ەتۋ قۋاتى جەرگىلىكتى ورىننىڭ ەكونوميكالىق، قوعامدىق دامۋ قاجەتىن نەگىزىنەن قاناعاتتاندىرماق، سۋى تاپشى وڭىرلەردە لاس سۋدى ءبىر جاقتى ەتۋ ولشەمىن، دارەجەسىن جوعارىلاتۋ نەگىزىنەن جۇزەگە اسىرىلماق؛ بۇكىل ەل بويىنشا ايماق دارەجەلى جانە ودان جوعارى دارەجەدەگى سۋ تاپشى قالالاردىڭ قايتا تۋىنداعان سۋدان پايدالانۋ شاماسى %25 تەن استامعا، بەيجيڭ – تيانجين – حىبەي وڭىرىندە %35 تەن استامعا جەتكىزىلمەك.
مەملەكەتتىك دامۋ جانە رەفورما كوميتەتى قاتارلى 10 تاراۋ بىرلەسىپ جاريالاعان «لاس سۋدى بايلىققا اينالدىرىپ پايدالانۋدى ىلگەرىلەتۋ جونىندەگى جەتەكشى پىكىرگە» ساي، 2025 - جىلعا بارعاندا ونەركاسىپكە پايدالانىلاتىن سۋدى قايتالاي پايدالانۋ، مال قيىمەن، قۇس ساڭعىرىعىمەن لاستانعان سۋدى جانە بالىق باعۋدا لاستانعان سۋدى بايلىققا اينالدىرىپ پايدالانۋ ورەسى كورنەكتى جوعارىلاتىلادى؛ لاس سۋدى بايلىققا اينالدىرىپ پايدالانۋدىڭ ساياساتتىق جۇيەسى مەن بازار مەحانيزمى نەگىزىنەن ورناتىلادى. 2035 - جىلعا بارعاندا ۇنەمدى لاس سۋدى بايلىققا اينالدىرىپ پايدالانۋدىڭ جۇيەلى، حاۋىپسىز، ورتانى قورعايتىن جۇيەسى قالىپتاستىرىلادى.
لاس سۋدى بايلىققا اينالدىرىپ پايدالانۋ دەگەنىمىز لاس سۋدى زالالسىزداندىرىپ ءبىر جاقتى ەتۋ ارقىلى ارنايى بەلگىلەنگەن سۋ ساپاسى ولشەمىنە جەتكىزىپ، قايتا تۋىنداعان سۋ رەتىندە داعدىلى سۋ بايلىعىنىڭ ورنىن باستىرىپ، ونەركاسىپ ءوندىرىسى، قالا ىستەرىندە جالپىلىق پايدالانۋ، تۇرعىنداردىڭ تۇرمىسى، ەكولوگيالىق سۋ تولىقتاۋ، اۋىل شارۋاشىلىعىن سۋارۋ، جەر استى سۋىن تولىقتاۋ سياقتىلاردى جانە لاس سۋدان باسقا دا بايلىق پەن ەنەرگيا الۋدى كورسەتەدى، بۇل سۋمەن قامداۋ قۇرىلىمىن ساپالىلاندىرۋ، سۋ بايلىعىمەن قامداۋدى ارتتىرۋ، قامداۋ مەن قاجەتسىنۋ قايشىلىعىن باسەڭدەتۋ جانە سۋدىڭ لاستانۋىن ازايتۋ، سۋ ەكولوگياسىنىڭ حاۋىپسىزدىگىن قامتاماسىزداندىرۋ جونىنەن ماڭىزدى مانگە يە. 2019 – جىلى ەلىمىزدىڭ قالا – قالاشىقتارىنداعى لاس سۋدىڭ ىعىستىرىلۋ مولشەرى شامامەن 75 ميلليارد تەكشە مەتر بولعانىمەن، قايتا تۋىنداعان سۋدان پايدالانۋ مولشەرى 10 ميلليارد تەكشەمەترگە جەتكەن جوق، پايدالانۋ كومەسكى كۇشى زور.
پىكىردە مىنالار اتاپ كورسەتىلدى: ءتۇيىندى سالالارداعى لاس سۋدى بايلىققا اينالدىرىپ پايدالانۋدى كۇش سالا ىلگەرىلەتۋ كەرەك. قالا - قالاشىقتارداعى تۇرمىستىق لاس سۋدى بايلىققا اينالدىرىپ پايدالانۋدى جەدەل ىلگەرىلەتىپ، جەرگىلىكتى جاعدايعا قاراي پارىقتاندىرۋ نەگىزىندە رايوندارعا ءبولىپ، ولشەمگە ءتۇسىرىپ وزگەرتۋدى جانە لاستانۋدى دالمە - ءدال جونگە سالۋدى اتقارىپ، وڭىرلىك لاس سۋدى بايلىققا اينالدىرىپ، اينالمالى پايدالانۋدى ىلگەرىلەتىپ، قايتا تۋىنداعان سۋدى ونەركاسىپ وندىرىسىنە، قالا اكىمشىلىگىنە، جالپىلىق پايدالانۋعا جانە ەكولوگياعا سۋ تولىقتاۋعا جۇمساۋدى جالپىلاستىرۋ كەرەك. ونەركاسىپ جاراقسىز سۋىن بايلىققا اينالدىرىپ پايدالانۋدى بەلسەنە ىلگەرىلەتىپ، كاسىپورىنداردىڭ ىشكى بولەگىندەگى ونەركاسىپكە پايدالانىلاتىن سۋدى اينالمالى پايدالانۋدى جانە باقشا رايونىنداعى كاسىپورىندار اراسىنداعى سۋدان پايدالانۋ جۇيەسىن شوعىرلى ساپالىلاندىرۋدى ىلگەرىلەتىپ، ونەركاسىپ كاسىپورىندارىنىڭ، باقشا رايوندارىنىڭ لاس سۋدى ءبىر جاقتى ەتۋ قۇرىلعى قۇرىلىسىن كەمەلدەندىرۋ كەرەك. اۋىل شارۋاشىلىعى، اۋىل - قىستاق لاس سۋلارىن بايلىققا اينالدىرىپ پايدالانۋدى ورنىقتى ىلگەرىلەتىپ، اۋىل - قىستاقتىڭ ءىس جۇزىندىك جاعدايىنا ۇيلەسەتىن، وزىندىك قۇنى تومەن اۋىل - قىستاق تۇرمىستىق لاس سۋلارىن جونگە سالۋ تەحنيكاسى مەن ۇلگىسىن بەلسەنە قاراستىرىپ، ەگىمشىلىك پەن باعىمشىلىقتى ۇشتاستىرۋ، پايدالانۋ ارقىلى جونگە سالۋدى جەبەۋ ءتاسىلىن جالپىلاستىرىپ، مال قيىن، قۇس ساڭعىرىعىن بايلىققا اينالدىرىپ پايدالانۋدى جەبەپ، بالىق شارۋاشىلىعى باعىمشىلىعىنداعى قالدىق سۋدان اينالمالى پايدالانۋعا دەم بەرۋ كەرەك.
پىكىردە لاس سۋدى جيناۋ جانە بايلىققا اينالدىرىپ پايدالانۋ قۇرىلعى قۇرىلىسى، وڭىرلىك قايتا تۋىندايتىن سۋدى اينالمالى پايدالانۋ، ونەركاسىپ جاراقسىز سۋىن اينالمالى پايدالانۋ، اۋىل شارۋاشىلىعى، اۋىل - قىستاق لاس سۋىن پايدالانۋ ارقىلى جونگە سالۋدى جەبەۋ، لاس سۋ ىعىستىرۋدى نولگە جۋىقتاتۋ جاعىندا عىلىم - تەحنيكالىق جاڭالىق اشۋدى تۇيىندە سىناق ەتۋ، لاس سۋدى بايلىققا اينالدىرىپ پايدالانۋدى تۇيىندە سىناق ەتۋدەن ۇلگى كورسەتۋ سياقتى ءتۇيىندى ينجەنەريالاردى اتقارۋ ورنالاستىرىلىپ، زاڭ - ەرەجە ولشەمىن اقاۋسىزداندىرۋ، ساياسات جۇيەسىن ورناتۋ، باعا مەحانيزمىن اقاۋسىزداندىرۋ، قازىنا - اقشا ساياساتىن كەمەلدەندىرۋ، عىلىم - تەحنيكالىق تىرەك سىندى 5 جاقتان لاس سۋدى بايلىققا اينالدىرىپ پايدالانۋ ءتۇزىلىس - مەحانيزمىن كەمەلدەندىرۋ العا قويىلدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
