بۇلتتىق ەسەپتەۋ كاسىبى ينفورماتسيانىڭ جوعارى قارقىندى جولىنا ءتۇستى
قارامايلى ينتەرنەتتەن ارناۋلى پايدالانۋ ارناسى ىسكە قوسىلدى
2021.01.13 16:03 كەلۋ قاينارى : شينجياڭ گازەتى
انار بۇلت/ شينجياڭ گازەتىنىڭ ءتىلشىسى گى يوۋجۇن، قارامايلى تىلشىلەر پۋنكتىنەن تيان حۋايىڭ 1 - ايدىڭ 11 - كۇنى قارامايلىدان حابارلايدى. 1 - ايدىڭ 7 - كۇنى قارامايلى قالاسى بۇلتتىق ەسەپتەۋ كاسىبى باقشا رايونى ينتەرنەت ساندى مالىمەت ارناۋلى پايدالانۋ ارناسى قۇرىلىپ ىسكە قوسىلدى. ”بۇل باتىس سولتۇستىكتەگى تۇڭعىش بەكىتۋدەن وتكەن ءارى سالىنىپ بولعان ينتەرنەتتەن ارناۋلى پايدالانۋ ارناسى، بۇل ارنانىڭ سالىنىپ ىسكە قوسىلۋى باقشا رايونىنا ينتەرنەتكە تىكە جالعاناتىن ينفورماتسيا جوعارى قارقىندى جولىن سالىپ بەرۋمەن بارابار، قارامايلىنىڭ بۇلتتىق ەسەپتەۋ كاسىبى باقشا رايونىنىڭ ’ءبىر بەلدەۋ، ءبىر جول‘ ينفورماتسيا ورتالىعىن تۇلعالاۋىنا كۇشتى پارمەندى تىرەك ازىرلەپ، تۇتاس شينجياڭنىڭ بۇلتتىق ەسەپتەۋ كاسىبىنىڭ دامۋىن زور دارەجەدە ىلگەرىلەتەدى“، - دەدى قارامايلى قالاسى بۇلتتىق ەسەپتەۋ كاسىبى باقشا رايونى پارتيا قىزمەتى كوميتەتىنىڭ شۋجيى، باسقارۋ كوميتەتىنىڭ ورىنباسار مەڭگەرۋشىسى لي يۇن.
”ينتەرنەت ساندى مالىمەت ارناۋلى پايدالانۋ ارناسى سىرتقا باعىتتالعان كاسىپ باقشاسى قۇرىلىسىنا باعىتتالعان، ەلىمىزدىڭ ينتەرنەت حالىقارالىق وتكەل مەكەمەسىنىڭ ارناۋلى پايدالاناتىن تىزبەگىنە تىكە جالعانادى، كەشەۋىلدەۋى از، كەڭ جولاقتى، سەنىمدىلىگى جوعارى سياقتى ەرەكشەلىكتەرگە يە، ءداستۇرلى كەڭ جولاقتى ارناۋلى لەنيانىڭ ينتەرنەتكە شىققاندا توردىڭ كەشەۋىلدەۋى جانە بوگەلىپ قالۋى سياقتى ماسەلەلەرىن ءونىمدى تۇردە شەشۋگە بولادى. 2020 - جىلى 10 - ايدىڭ سوڭىنا دەيىن بۇكىل مەملەكەت بويىنشا تەك ءىشىنارا ءىرى قالالاردا جانە ورتا، شىعىس بولىكتەگى ءىشىنارا ولكە ورتالىعى قالالارىندا عانا ارناۋلى پايدالانۋ ارناسى بار“. جۇڭگو ينفورماتسيا - حابارلاسۋدى زەرتتەۋ ورنىنىڭ مامانى تيان حۇي مىنالاردى ءبىلدىردى: ارناۋلى پايدالانۋ ارناسىنىڭ ىسكە قوسىلۋى شينجياڭنىڭ ەلىمىز ينفورماتسيا كاسىبىندەگى ورنىن جوعارىلاتتى.
قارامايلى قالاسىنىڭ بۇلتتىق ەسەپتەۋ كاسىپ باقشاسى 2012 - جىلى قۇرىلعان، قازىر باتىس سولتۇستىكتەگى كولەمى ەڭ ۇلكەن بۇلتتىق ەسەپتەۋ بازاسىن قۇرىپ، 9000 شكاپ بار بولىپ، ساندى مالىمەتتى ساقتاۋ مولشەرى 4820PBگە جەتىپ، ەلىمىزدىڭ ورتا، شىعىس بولىكتەرىنە جانە ”ءبىر بەلدەۋ، ءبىر جول“ جەلىسى بويىنداعى مەملەكەتتەر مەن رايوندارعا بۇلتتىق قىزمەت وتەۋ قابىلەتىنە يە. مەملەكەت دارەجەلى بۇلتتىق ەسەپتەۋ قولدانۋدان ۇلگى كورسەتۋ بازاسى جانە ”تيانشان بۇلت“ وزەكتى بازاسى سانالىپ، دۇنيە جۇزىندەگى 90 نەشە تانىمال بۇلتتىق ەسەپتەۋ قىزمەت وتەۋمەن قامداۋ ساۋداگەرلەرى مەن ينفورماتسيالانعان كاسىپورىندار باقشا رايونعا ىرگە تەپتى.
وسىدان بۇرىن قارامايلى قالاسى بۇلتتىق ەسەپتەۋ كاسىپ باقشاسى رايونىنداعى كاسىپورىنداردىڭ ساندى مالىمەتى كۇيتۇن - ءۇرىمجى - شي - ان سياقتى جەرلەر ارقىلى ساتىلار بويىنشا تاسىمالدانىپ، ودان ينتەرنەت حالىقارالىق وتكەل مەكەمەسىنىڭ ينتەرنەتىنە جالعانىپ، كىرۋدە كوپ كەشەۋىلدەيتىن، ساندى مالىمەتتەر وڭاي جوعالاتىن كىناراتتار بار بولاتىن. جۇڭگو ينفورماتسيا - حابارلاسۋدى زەرتتەۋ ورنىنىڭ باقىلاۋ - ولشەۋ ناتيجەسىندە كورسەتىلۋىنشە، ارناۋلى پايدالانۋ ارناسى جالپىلاسقان باقشا رايونىنىڭ ينتەرنەتكە كىرۋدە كەشەۋىلدەۋ سالىستىرماسى، ساندى مالىمەتتىڭ جوعالۋ سالىستىرماسى مولشەرمەن جەكە - جەكە ％30 جانە ％80 تومەندەگەن.
2017 - جىلى قارامايلى قالاسى اۆتونوميالى رايوندىق حابارلاسۋدى باسقارۋ مەكەمەسىمەن بىرلەسىپ، ارناۋلى پايدالانۋ ارناسى نىسان قۇرىلىسىن باستاۋدى ءوتىنىش ەتتى. 2018 - جىلى 4 - ايدا ونەركاسىپ جانە ينفورماتسيالاندىرۋ مينيسترلىگى قارامايلى قالاسى بۇلتتىق ەسەپتەۋ كاسىبى باقشا رايونىندا باتىس سولتۇستىكتەگى تۇڭعىش ينتەرنەت ارناۋلى پايدالانۋ ارناسىن قۇرۋدى بەكىتتى. 2020 - جىلى 12 - ايدىڭ 26 - كۇنى ارناۋلى پايدالانۋ ارناسى ونەركاسىپ جانە ينفورماتسيالاندىرۋ مينيسترلىگىنىڭ تەكسەرىپ وتكىزىپ الۋىنان ءوتتى.
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
