حان جىڭ «ءبىر پلانەتا» باسشىلار ماجىلىسىنە قاتىناستى ءارى ءسوز سويلەدى
2021.01.12 14:55 كەلۋ قاينارى : حالىق تورابى
شينحۋا اگەنتتىگىنىڭ 1 – ايدىڭ 11 – كۇنى بەيجيڭنەن بەرگەن حابارى. ج ك پ ورتالىق كوميتەتى ساياسي بيۋروسى تۇراقتى كوميتەتىنىڭ مۇشەسى، مەملەكەتتىك كەڭەستىڭ ورىنباسار زۇڭليى حان جىڭ 1 – ايدىڭ 11 – كۇنى بەيجيڭدە بەينە ەكران ارقىلى «ءبىر پلانەتا» باسشىلار ماجىلىسىنە قاتىناستى ءارى ءسوز سويلەدى.
حان جىڭ مىنانى ءبىلدىردى: ءار ەلدىڭ تاعدىرى، قۋانىشى مەن جۇبانىشى ورتاق. الەمدە تەك ءبىر عانا جەر شارى بار، ادامزاتقا ورتاق جالعىز مەكەن بار. ادامزاتتىڭ ماڭگى باياندى دامۋىن ورىنداۋ ءۇشىن ءبىز ادام مەن تابيعات جاراسىمدى بىرگە بولاتىن جەر شارىنىڭ، تازا دا كورىكتى جەر شارىنىڭ، اشىق تا كەڭ پەيىلدى جەر شارىنىڭ بولۋىن قاجەت ەتەمىز. بيىل جۇڭگو كۇنميڭدە «ورگانيزمدەردىڭ الۋان تۇرلىلىگى جونىندەگى شارتتى» 15 – رەتكى شارتتاسقان جاقتار ءماجىلىسىن اشپاقشى. بۇل رەتكى ماجىلىستە «2020 – جىلدان كەيىنگى دۇنيە جۇزىندەگى ورگانيزمدەردىڭ الۋان تۇرلىلىگىنىڭ جوباسى» بەكىتىلىپ، بولاشاقتاعى 10 جىلداعى ورگانيزمدەردىڭ الۋان تۇرلىلىگىن قورعاۋ جوباسى جاسالادى. ءبىز قول ۇستاسا قۇلشىنىپ، جەدەل ارەكەتكە كەلۋىمىز، ءماجىلىستىڭ بەلسەندى ناتيجەگە قول جەتكىزۋىنە كەپىلدىك ەتۋىمىز، دۇنيە جۇزىندەگى ورگانيزمدەردىڭ الۋان تۇرلىلىگىن جونگە سالۋدىڭ جاڭا ءۇردىسىن بىرگە باستاۋىمىز، جەر شارى تاعدىرلاس ورتاق تۇلعاسىن بىرگە كوركەيتۋدى ىلگەرىلەتۋىمىز كەرەك.
بىرىنشىدەن، سەلبەسىپ، بىرگە تيىمدىلىككە كەنەلۋ جولىمەن ءجۇرىپ، بايلانىستى كۇشەيتىپ، ءوزارا باعىتتاس ارەكەتتەنىپ، جوباعا قاتىستى كەلىسسوز ءۇردىسىن بىرگە ىلگەرىلەتۋ كەرەك. ەكىنشىدەن، ۇلى ماقسات پەن ناقتى جۇمىستاردى تەڭ اتقارۋ جولىمەن ءجۇرىپ، 2020 – جىلعى ارەكەت نىساناسىن عىلىمي زەرتتەپ جانە بەكىتىپ، ۇيلەسىمدىلىگى مەن اتقارىمدىلىعىنا كەپىلدىك ەتۋ كەرەك. ۇشىنشىدەن، بىرگە جوعارىلاۋ جولىمەن ءجۇرۋ كەرەك، بايلىق قاينارىن كادەگە جاراتۋ مەن اتقارۋعا كەپىلدىك ەتۋ تەبىنىن كۇشەيتىپ، دامۋ ۇستىندەگى مەملەكەتتەردىڭ اتقارۋ قۋاتىن شىنايى جوعارىلاتۋ كەرەك.
حان جىڭ مىنانى ءبىلدىردى: شي جينپيڭ ەكولوگيالىق وركەنيەت يدەياسىنىڭ جەتەكشىلىگىندە، جۇڭگو ەكولوگيالىق ورتانى قورعاۋ جاعىندا كورنەكتى ناتيجەلەرگە قول جەتكىزدى. جۇڭگو ەكولوگيانى قورعاۋدىڭ قىزىل سىزىعىن بەلگىلەپ، مەملەكەتتىك باقشا جۇيەسىن قۇرىپ، ورگانيزمدەردىڭ الۋان تۇرلىلىگىن قورعاۋ كەلەلى ينجەنەرياسىن اتقارىپ، قۇرلىق پەن تەڭىز – مۇحيت ەكولوگيالىق ورتاسى كورنەكتى جاقساردى. ءبىز جوعارى ساپالى دامۋ تالابىنا ساي، ورتا ساپاسىن ۇزدىكسىز جاقسارتىپ، كورىكتى جۇڭگونى كوركەيتۋدەمىز.
«ءبىر پلانەتا» باسشىلار كەڭەسىن بىرلەسكەن مەملەكەتتەر ۇيىمى، دۇنيە جۇزىلىك بانكە جانە فرانسيا ەلى 2017 – جىلى ورتاعا قويعان، دۇنيە جۇزىلىك كليمات ورتاسىن جونگە سالۋعا نازاردى شوعىرلاندىرادى، قازىرگە دەيىن ءۇش كەزەك وتكىزىلگەن. بۇل رەتكى باسشىلار كەڭەسىنىڭ باستى تاقىرىبى — ورگانيزمدەردىڭ الۋان تۇرلىلىگىن قورعاۋ.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
