ونەركاسىپ پەن اۋىل شارۋاشىلىعى ءبىرىن - ءبىرى جەبەپ، قالا مەن اۋىل - قىستاق ءبىرىن - ءبىرى تولىقتاپ، جاپپاي توعىستى، بىرگە گۇلدەندى
قالا مەن اۋىل - قىستاقتىڭ توعىسپالى دامۋى ارشىندى قاداممەن العا باستى («13 – بەسجىلدىق» جوسپار مەزگىلىندە ءبىز وسىلاي باسىپ وتتىك)
«حالىق گازەتىنىڭ» تىلشىلەرى جۋ جۇن، ۋاڭ حاۋ
2021.01.08 15:24 كەلۋ قاينارى : حالىق تورابى
تاۋ شاتقالىندا بۇلاقتار سىلدىراپ اعۋدا، ءبىز جىجياڭ ولكەسى تايجوۋ قالاسى حۋاڭيان رايونى يۇيتوۋ اۋىلىنىڭ ليان - ي قىستاعىنا باردىق، ەگىنشىلەردىڭ ۇيلەرى تاۋداعى ورماننىڭ قالقالارىنا ورنالاسقان. اۋىلعا قايتىپ وتباسىلىق ەگىس الاڭىن قۇرعان چىن شيجۇن اۋىلدارىنىڭ وزگەرىسىن تىلگە تيەك ەتىپ بىلاي دەدى: قازىر اۋىل - قىستاقتىڭ شارت جاعدايى جاقساردى، قالادا تۇرۋمەن ەشقانداي پارقى جوق، بالشىق جول سەمەنت جولعا اينالدى، كوپتەگەن قىستاق تۇرعىنى اۆتوكولىك ساتىپ الدى؛ تازالىق جۇمىسشىلارى قوقىر - قوقسىقتى مەرزىم بويىنشا تازالاپ تۇرادى، كوشەلەرىمىز تازا دا رەتتى.
باس شۋجي شي جينپيڭ: «وسىزامانداندىرۋ بارىسىندا ونەركاسىپ پەن اۋىل شارۋاشىلىعىنىڭ قاتىناسىن، قالا مەن اۋىل - قىستاقتىڭ قاتىناسىن قالاي ءبىر جاقتى ەتۋ بەلگىلى دارەجەدە وسىزامانداندىرۋدىڭ ءساتتى - ءساتسىز بولۋىن بەلگىلەيدى» دەپ اتاپ كورسەتكەن بولاتىن. اۋىل - قىستاقتى گۇلدەندىرۋ سىندى كەلەلى ءىستى ويداعىداي ىستەۋ ءۇشىن، ءسوز جوق، قالا مەن اۋىلدى توعىسپالى دامىتۋ جولىمەن ءجۇرۋ كەرەك.
«13 - بەسجىلدىقتان» بەرى جەر جەر، تاراۋلار قالا مەن اۋىل - قىستاقتى ءبىر تۇتاس جوسپارلاۋدا تاباندى بولىپ، قالا مەن اۋىل - قىستاقتى توعىسپالى دامىتۋدىڭ ءتۇزىلىس، مەحانيزمى مەن ساياسات جۇيەسىن كۇش سالا ورناتتى جانە كەمەلدەندىردى. اۋىل - قىستاق تۇرعىندارىنىڭ جان باسىندىق يگەرىلمەلى كىرىسى 2019 - جىلى 16 مىڭ يۋاننان اسىپ، ارتۋ قارقىنى ءۇرتىس 10 جىل قالا - قالاشىق تۇرعىندارىنىڭ كىرىسىنەن جوعارى بولىپ، 2010 - جىلداعىدان ءبىر ەسەلەۋ نىساناسى كۇنى بۇرىن جۇزەگە اسىرىلدى؛ شارت - جاعداي ازىرلەگەن قۇرىلىمدىق قىستاقتارعا اسفالت جول جەتكىزۋ %100 ورىندالدى، اكىمشىلىك قىستاقتاردا وپتيكالىق كابەل مەن 4G تورابىنىڭ قامتۋ شاماسى %98 تەن استى... ونەركاسىپ پەن اۋىل شارۋاشىلىعى ءبىرىن - ءبىرى جەبەيتىن، قالا مەن اۋىل - قىستاق ءبىرىن ءبىرى تولىقتايتىن، جاپپاي توعىسقان، بىرگە گۇلدەنگەن جاڭاشا ونەركاسىپ جانە اۋىل - قىستاق قاتىناسى جەدەل قالىپتاستىرىلىپ، جاڭاشا ونەركاسىپتەندىرۋدىڭ، ينفورماتسيالاندىرۋدىڭ، قالا - قالاشىقتاندىرۋدىڭ، اۋىل شارۋاشىلىعىن وسىزامانداندىرۋدىڭ قاتار دامۋى جەبەلدى، قالا مەن اۋىل - قىستاق توعىسپالى داميتىن جاعداي جارىققا شىقتى.
− وسى 5 جىلدا اۋىل - قىستاقتىڭ دامۋىنداعى ولقىلىقتار ۇزدىكسىز تولىقتانىپ، قالا مەن اۋىل - قىستاقتىڭ قاتىناسى اناعۇرلىم سايكەسىمدى بولۋعا بەت الدى.
سۋ ەلەكتر، جول تورابى سياقتى نەگىزدىك قۇرىلعىلار قالا مەن اۋىل - قىستاق اراسىندا «ساڭلاۋسىز جالعاندى». گانسۋ ولكەسى لۇڭنان قالاسى تانچاڭ اۋدانى فۋجيا قىستاعى تاۋ بوكتەرىنە ورنالاسقان. اسفالت جولدى بويلاپ وسى تاۋلى قىستاققا كەلىپ، ءبىر تۇرعىننىڭ اۋلاسىنا قادام تاستادىق، ءۇي ەڭسەلى سالىنعان، اۋلا تازا دا رەتتى ەكەن. ءۇي يەسى فۋ شياشيا بىلاي دەدى: قۇبىر شۇمەگىن اشساق، مولدىرەگەن سۋ شارىلداپ شىعادى، كىر جۋۋ، تاماق جاساۋ سياقتى جۇمىستارىمىزعا زور قولايلىلىق جاراتىلدى، قىستاق تۇرعىندارى بەتكەيدى قيالاپ سۋ تاسىپ ىشەتىن كۇنگە قوش ايتتى.
قىستاقتىڭ بەينەسى جاڭاردى، قىستاق تۇرعىندارىنىڭ تۇرمىسى ءتىپتى دە جايلى بولدى. 300 مەتردەن استام تاسقىن ىعىستىرۋ توعانى جاسالىپ، قىستاقتى كەسىپ وتەتىن وزەن سۋىنىڭ ارىنى باسەڭدەتىلدى؛ 3.6 كيلومەتر جول كەڭەيتىلىپ، بەكەمدەلىپ، قىستاق تۇرعىندارىنىڭ ءجۇرىس - تۇرىسىنا قولايلىلىق جاسالدى؛ مادەنيەت الاڭى، ءدالىز، قىزمەت وتەۋ ورتالىعى سالىنىپ، دەنە شىنىقتىرۋ ورنى پايدالانۋعا بەرىلدى...
بەينە، فۋجيا قىستاعىنداعى سياقتى، كوپتەگەن قىستاقتىڭ بەت - بەينەسى شىت جاڭا تۇسكە ەندى. 2016 - جىلدان 2019 - جىلعا دەيىن جاڭادان ءبىر ميلليون 200 مىڭ كيلومەتر اۋىل - قىستاق تاس جولى سالىندى، اۋىل - قىستاقتا تازا دارەتحانانىڭ جالپىلاسۋ شاماسى %65 تەن استى... نەگىزدىك قۇرىلعىلار اناعۇرلىم كەمەلدەنىپ، قالا مەن اۋىل - قىستاقتىڭ بارىس - كەلىسى اناعۇرلىم قولايلىلاندى.
ەمدەلۋ، وقۋعا ءتۇسۋ سياقتى الەۋمەتتىك قىزمەت وتەۋ قالا مەن اۋىل - قىستاق اراسىندا بىرگە ىلگەرىلەتىلدى. قالا مەن اۋىل - قىستاقتىڭ ەمدەۋ قامسىزداندىرۋى ءبىر تۇتاس جوسپارلانىپ، ەمدەۋ بىرىككەن تۇلعاسى بەلسەندىلىكپەن قۇرىلىپ، ءبىرقىدىرۋ شارا شارۋالاردى اناعۇرلىم ساپالى ەمدەۋ قىزمەت وتەۋىنەن يگىلىكتەندىردى. 2019 – جىلدىڭ سوڭىنا دەيىن بۇكىل ەل بويىنشا قالا – اۋىل تۇرعىندارىنىڭ بىرلىككە كەلگەن نەگىزگى ەمدەلۋىن قامسىزداندىرۋ ءتۇزىمى جاپپاي ورناتىلىپ، %95 تەن استام اۋداندا مىندەتتى وقۋ – اعارتۋدىڭ نەگىزىنەن بارابار بولۋى جۇزەگە اسىرىلدى... قالا جانە اۋىل - قىستاق الەۋمەتتىك قىزمەت وتەۋدەن ورتاق يگىلىكتەنىپ، قالا مەن اۋىل - قىستاقتىڭ دامۋى اناعۇرلىم جاراسىمدى بولدى.
− وسى 5 جىلدا ءتۇرلى بايلىق فاكتورلارىنىڭ قالا مەن اۋىل - قىستاق اراسىندا اعىلۋى ءتىپتى دە ەركىن بولدى.
اۋىلعا قايتىپ يگىلىك جاراتۋ ورلەۋى كۇشەيە ءتۇستى. حىبەي ولكەسى حاندان قالاسى يۇڭنيان رايونى ۋاڭبيان قىستاعى «قۇلازىعان قىستاقتان» «ساياحات قىستاعىنا» اينالىپ، ءبىر مەزەت جىم - جىرت كۇيگە ەنگەن تاۋلى القاپ دۋمانعا بولەندى. قىستاق پارتيا ياچەيكاسىنىڭ شۋجيى ۋاڭ جي - ىن بىلاي دەدى: قىستاقتا كوك مۇك جولى، بايىرعى شاراپ دۇكەنى، بايىرعى تۇرعىندار تۇراعى بار، بايىرعى قىستاقتىڭ وزگەشە كورىنىسىنىڭ قۇنىن اڭعارعان 10 نەشە كوركەمونەرشى وسى ارادا قىزمەت كەڭسەسىن قۇردى، كوپتەگەن قىستاق تۇرعىنى قايتىپ كەلىپ شارۋالار شاتتىعى ساياجايى مەن ەرەكشەلىككە يە حالىقتىق تۇسەلحانالاردى اشتى.
2019 - جىلعا دەيىن بۇكىل ەل بويىنشا اۋىلعا قايتىپ، اۋىلعا بارىپ يگىلىك جاراتۋشىلار 8 ميلليون 500 مىڭ ادامعا، اۋىلدا يگىلىك جاراتۋشىلار 31 ميلليون ادامعا جەتتى. مەجەگە قاراعاندا، ءاربىر يگىلىك، جاڭالىق جاراتۋشى ورتا ەسەپپەن 6 شارۋانىڭ جۇمىستانۋىنا جەبەۋشى بولعان، ولار اۋىل – قىستاقتى گۇلدەندىرۋدىڭ ماڭىزدى كۇشىنە اينالعان.
شارۋالاردىڭ قالاعا كىرۋ جولى ءتىپتى دە ىركىلىسسىز بولدى. انحۇيدىڭ حىفەي قالاسىندا سىرتتان كەلگەن جۇمىسكەرلەردىڭ قالا رايونىنداعى الەۋمەتتىك مايعا بەرىلەتىن ۇيگە ءوتىنىش بەرۋىنە بولادى؛ گۋاڭشي 2016 - جىلدان بەرى جيىنى 4 ميلليارد يۋانعا جۋىق قارجى ءتۇسىرىپ، اۋىل شارۋاشىلىعىنان كاسىپ الماستىرعان شارۋالاردىڭ نوپوسقا قونۋى، شارۋا جۇمىسكەرلەردىڭ ەرىپ جۇرگەن بالالارىنىڭ وقۋعا ءتۇسۋى سياقتى ماسەلەلەردى شەشۋگە الدىمەن جۇمساعان. جەر - جەر ءتۇرلى شارا قولدانىپ، قالاعا كەلگەن شارۋالاردىڭ «كىرە الۋىنا، تۇراقتاپ قالۋىنا، جاقسى تۇرمىس كەشىرۋىنە» مۇمكىندىك جاساعان.
− وسى 5 جىلدا رەفورما ۇزدىكسىز تەرەڭدەپ، قالا مەن اۋىل - قىستاقتىڭ توعىسپالى دامۋ مەحانيزمى اناعۇرلىم كەمەلدەندى.
اۋىل - قىستاقتىڭ نەگىزگى شارۋاشىلىق ءتۇزىمى ونان ارى بەكەمدەلدى جانە كەمەلدەندى، 200 ميلليوننان استام شارۋا وتباسى جەردى كوتەرمەگە الىپ شارۋاشىلىق جۇرگىزۋ ۇقىعى كۋالىگىن الدى؛ اۋىل - قىستاقتىڭ كوللەكتيۆ مال - مۇلكىن اداقتاۋ نەگىزىنەن ورىندالدى، 600 ميلليوننان استام ادام كوللەكتيۆ شارۋاشىلىق ۇيىمىنىڭ مۇشەسى ەتىپ تۇراقتاندىرىلدى، 438 مىڭ قىستاق اۋىل - قىستاقتىڭ كوللەكتيۆ مال - مۇلىك ۇقىعى ءتۇزىم رەفورماسىن ورىندادى... رەفورما ارقىلى اۋىل - قىستاقتى گۇلدەندىرۋ ستراتەگياسىن اتقارۋدىڭ ارقالىق، تىرەۋلەرى العاشقى ادىمدا قالىپتاسىپ، اۋىل - قىستاق تىڭ ومىرشەڭدىك كۇشكە يە بولدى. چىن شيجۇن بىلاي دەدى: قىستاعىمىزعا كەلگەن ساياحاتشىلاردىڭ اياعى ۇزىلمەيدى، قىستاقتا جۇرتشىلىقتىڭ قاراسى كوبەيىپ، بايلىق توپتالىپ، تۇرمىسىمىز بارعان سايىن جاقساردى.
«13 – بەسجىلدىق» جوسپار مەزگىلىندە ەلىمىزدىڭ نوپوس ءتۇزىمى رەفورماسىنىڭ اياق الىسى ءساتتى، ونىمدىلىگى كورنەكتى بولدى. ساندى مالىمەتتە كورسەتىلۋىنشە، 100 ميلليون ادامدى نوپوسقا قوندىرۋ مىندەتى كۇنى بۇرىن ورىندالعان، نوپوستاعى حالىقتىڭ قالا – قالاشىقتانۋ شاماسى 2013 – جىلعى %35.93 تەن 2019 – جىلعى %44.38 كە جوعارىلاعان. 2020 – جىلى 1 - ايدان 11 - ايعا دەيىن مەملەكەت بويىنشا ءبىرىنشى كاسىپتەگى تۇراقتى مۇلىككە قوسىلعان قارجى (شارۋا وتباسىلارق قامتىلمايدى) ءبىر تريلليون 225 ميلليارد 900 ميلليون يۋان بولىپ، سايكەس مەزگىلىندەگىدەن %18.2 ارتقان.
ونەركاسىپ ارقىلى اۋىل شارۋاشىلىعىنا دەم بەرىلىپ، قالا ارقىلى اۋىل - قىستاق جەتەكتەلدى، ونەركاسىپ پەن اۋىل شارۋاشىلىعى ءبىرىن - ءبىرى جەبەپ، قالا مەن اۋىل - قىستاق ءبىرىن - ءبىرى تولىقتادى، قالا مەن اۋىل - قىستاق قول ۇستاسىپ، قالا مەن اۋىل - قىستاقتىڭ توعىسپالى دامۋىنىڭ قوزعاۋشى كۇشى تاسقىندادى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
