1100 توننا شينجياڭ جاڭعاعى، جاڭعاق ءدانى تيەلگەن
بيىلعى تۇڭعىش كەزەك ”جەمىس - جيدەك جۇردەك پويەزى“ جونەلتىلدى
2021.01.12 15:21 كەلۋ قاينارى : شينجياڭ گازەتى
انار بۇلت/شينجياڭ گازەتىنىڭ ءتىلشىسى شى شين 1 - ايدىڭ 8 - كۇنى ۇرىمجىدەن حابارلايدى. 1 - ايدىڭ 8 - كۇنى 1100 توننا جاڭعاق، جاڭعاق ءدانى تولتىرا تيەلگەن شوعىرلى جيناۋ، شوعىرلى جونەلتۋ جۇك تاسىمال كەزەكشى پويەزى جۇڭگو - ەۆروپا كەزەكشى پويەزىنا الماستىرىلىپ، ءۇرىمجى حالىقارالىق قۇرلىق پورتى رايونىنىڭ جۇڭگو - ەۆروپا كەزەكشى پويەزدارى جينالۋ ورتالىعىنان باياۋ جىلجىپ، قازاقستاننىڭ قوستانايىنا اتتاندى. بۇل شينجياڭ جەمىس شارۋاشىلىعى توبى شەكتى سەرىكتەستىگىنىڭ بيىل جونەلتكەن تۇڭعىش كەزەك ”جەمىس - جيدەك جۇردەك پويەزى“.
وسى جولى ەكسپورت ەتىلگەن جاڭعاق جانە جاڭعاق ءدانى بۇكىلدەي وڭتۇستىك شينجياڭ وڭىرىنىكى، جيىنى 46 جۇك قوراپ، شينجياڭ جەمىس شارۋاشىلىعى توبىنىڭ تاپسىرۋىمەن شينجياڭ جۇڭگو - ەۆروپا بىرىككەن زات اينالىمى شەكتى سەرىكتەستىگى حالىقارالىق زات تاسىمالدايدى.
شينجياڭ جەمىس شارۋاشىلىعى توبىنىڭ ورىنباسار باس ديرەكتورى جاي كاييۋان مىنانى ءبىلدىردى: دۇنيە ءجۇزىن شارپىعان جاڭا تيپتى ايدارشا ۆيرۋس وكپە قابىنۋ ىندەتىنىڭ ىقپالىنان ەۆروپاعا جەتكىزىلەتىن قۇرلىق تاسىمالىنىڭ قۋاتى كۇرت ازايىپ، تاسىمال وزىندىك قۇنى قىمباتتادى، تەڭىز تاسىمالى قۋاتى دا توقىراۋ كۇيىندە تۇر، ۋاقىت ونىمدىلىگىنە كەپىلدىك ەتۋگە كەلمەي وتىر. كوپ جاقتىڭ سايكەسۋىنىڭ ارقاسىندا، شينجياڭ جەمىس - جيدەك ونىمدەرى ارناۋلى كەزەكشى پويەز تاسىلىمەن مولىنان حالىقارالىق بازارعا ەكسپورت ەتىلىپ، وڭتۇستىك شينجياڭ بۇقاراسىنا كىرىستەرىن ارتتىراتىن ماڭىزدى ارنا اشىپ بەردى. بۇل جاڭعاقتىڭ ساتىلىم باعاسىن ورنىقتىرۋمەن قاتار، جەرگىلىكتى ورىننىڭ جاڭعاق ەگىمشىلىگىنىڭ جەمىستى ساپالىلاندىرۋ، باعاسىن كوتەرۋ بەتالىسىنا قاراي دامۋعا جەتەكتەۋگە ءتيىمدى بولدى.
كەزەكتە شينجياڭنىڭ جاڭعاعى 18 مەملەكەتكە ساتىلدى، ەڭ ۇلكەن بازارى رەسەي مەن تۇركيا. ءداستۇرلى اۆتوكولىكپەن تاسۋ تاسىلىنە قاراعاندا، شوعىرلى قۇراۋ، شوعىرلى جونەلتۋ جۇك تاسىمال كەزەكشى پويەزى ءتاسىلى وزىندىك قۇندى ％30 ۇنەمدەيدى، ونىڭ ۇستىنە قارقىنى تەز، پەريودى قىسقا، ءبۇلىنۋى از بولادى.
جاي كاييۋان مىنانى ءبىلدىردى: جەمىس شارۋاشىلىعى توبى ايىنا ءبىر كەزەك ”جەمىس - جيدەك جۇردەك پويەزىن“ جونەلتۋگە كۇش سالىپ، اۋىل شارۋاشىلىعى ونىمدەرىنىڭ اينالىم ۋاقىتىن اناعۇرلىم قىسقارتىپ، وڭتۇستىك شينجياڭنىڭ ءتىپتى دە كوپ اۋىل شارۋاشىلىعى ونىمدەرىنىڭ شەتەل بازارلارىن اشۋىنا مۇمكىندىك جاسايدى.
اۋىل شارۋاشىلىعىنىڭ كاسىپ سالالانعان دامۋىن جەدەلدەتۋ ءۇشىن، 2018 - جىلى 5 - ايدا اۆتونوميالى رايون اۋىل شارۋاشىلىعى ونىمدەرىن شينجياڭنىڭ ىشىندە ساتىپ الۋ، شينجياڭنان سىرت جەرلەردە ساتۋ سىندى ”ەكى تور“ قۇرىلىسىن باستاپ اتقاردى. ”ەكى تور“ قۇرىلىسىنىڭ تىرەكتى كۇشى رەتىندە، شينجياڭ جەمىس شارۋاشىلىعى توبى وڭتۇستىك شينجياڭنىڭ جاڭعاق بايلىق قاينارى ابزالدىلىعىن تياناق ەتىپ، وڭتۇستىك شينجياڭداعى تارىم ويپاتىن اينالا ورنالاسقان حوتان اۋدانى، قاعىلىق اۋدانى، اقسۋ قالاسى، ونسۋ اۋدانى، توقسۋ اۋدانى قاتارلى جاڭعاق كاسىبىنىڭ ابزال وڭىرلەرىن نازارعا الىپ، ىلگەرىندى - كەيىندى وڭتۇستىك شينجياڭنىڭ جۇقا قابىقتى جاڭعاعىن قامبالاۋ، ساقتاۋ، ساتىپ الۋ، وڭدەۋ، ايىرباسقا سالۋ، شوعىرلى سەپتەۋ ورتالىعىنان 5ىن قۇرىپ، اقسۋ ايماعىن، قاشقار ايماعىن، حوتان ايماعىن شارپىعان 12 جاڭعاق ءونددىرۋ رايونىن جەتەكتەدى. 2020 - جىلى شينجياڭ جەمىس شارۋاشىلىعى توبى ساتىپ العان، ساتقان، ايىرباسقا سالعان اۋىل شارۋاشىلىعى ونىمدەرى 2 ميلليون توننادان اسىپ، 752 مىڭ اۋىل - قىستاق تۇرعىندارىنىڭ كىرىستەرىن ارتتىرۋعا جەتەكتەدى.
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
