مەملەكەتتىك دەنساۋلىق ساقتاۋ، سالاماتتىق كوميتەتى: كوكتەم مەرەكەسىندەگى تاسىمال ىندەتتەن ساقتانۋ - تىزگىندەۋدىڭ ۇلكەن سىناعىنا اينالادى
2021.01.15 16:03 كەلۋ قاينارى : حالىق تورابى
شينحۋا اگەنتتىگى، 1 - ايدىڭ 13 - كۇنى، بەيجيڭ (تىلشىلەر پىڭ يۇنجيا، مۋ تيەچىڭ، تيان شياۋحاڭ). 1 - ايدىڭ 13 - كۇنى وتكىزىلگەن مەملەكەتتىك كەڭەستىڭ بىرلەسىپ ساقتانۋ، بىرلەسىپ تىزگىندەۋ مەحانيزمىنىڭ اقپار جاريالاۋ ماجىلىسىندە قاتاڭ دا كۇردەلى ساقتانۋ - تىزگىندەۋ جاعدايىنا قاراتا كوپتەگەن مامان مىنانى ءبىلدىردى: كوكتەم مەرەكەسى تاياپ قالدى، قالا مەن اۋىل اراسىنداعى ادامداردىڭ جىلجۋ مولشەرى ارتتى، ىندەتتەن ساقتانۋدىڭ نەگىزگى ساتى قورعانىس شەبىن بەكەمدەۋ كەرەك.
مەملەكەتتىك دەنساۋلىق ساقتاۋ، سالاماتتىق كوميتەتىنىڭ اقپارات مالىمدەمەشىسى مي فىڭ تانىستىرىپ بىلاي دەدى: قازىر ەل ىشىندە كوپ جەردە جەرگىلىكتى ورىننىڭ وزىنەن ىندەتكە شالدىعۋشىلاردىڭ بىتىراڭقى جانە شوعىرلى بايقالۋىنا نەگىزدەلگەندە، جاڭا تيپتى ايدارشا ۆيرۋس وكپە قابىنۋ ىندەتىندە جالعاسۋ ۋاقىتى ۇزاق، شارپۋ كولەمى كەڭ، تارالۋ قارقىنى تەز بولۋ، ناۋقاستاردىڭ جاسى ۇلكەن بولۋ، اۋىل – قىستاق سالىستىرماسى جوعارى بولۋ ەرەكشەلىكتەرى جارىققا شىققان، كەيبىر جەرلەردە الەۋمەتتىك اۋماقتا تارالۋ، كوپ ۇرپاققا تارالۋ جايتتەرى پايدا بولعان، ساقتانۋ – تىزگىندەۋ جاعدايى كۇردەلى دە اۋىر بولعان.
حىبەيدىڭ تاياۋداعى ىندەت جاعدايىنان قاراعاندا، اۋىل - قىستاقتىڭ ەمدەۋ، دەنساۋلىق ساقتاۋ شارت - جاعدايى مەن ەمدەۋ قۇرىلىمدارىنىڭ قۋاتى قالامەن سالىستىرعاندا ءالسىز بولعان، الدا - جالدا ىندەت تۋىلا قالسا، تارالۋ قاتەرى ءتىپتى دە زور بولۋى مۇمكىن. نەگىزگى ساتىداعى اۋىل - قالاشىق ەمحانالارى، قىستاق ەمدەۋ ۇيلەرى سياقتىلاردىڭ قورعاندىق رولىن اناعۇرلىم كورنەكتىلەندىرۋگە تۋرا كەلەدى.
مەملەكەتتىك دەنساۋلىق ساقتاۋ، سالاماتتىق كوميتەتى اۋرۋدى تىزگىندەۋ مەكەمەسىنىڭ باقىلاۋ - تەكسەرۋ ارناۋلى قىزمەتكەرى ۋاڭ بين بىلاي دەدى: كوكتەم مەرەكەسىندەگى تاسىمال − قازىرگى ىندەتتەن ساقتانۋ - تىزگىندەۋدە ءدوپ كەلگەن ءبىر رەتكى ۇلكەن سىناق. قالا رايوندارىمەن سالىستىرعاندا، باسىم كوپ ساندى اۋىل - قىستاق رايوندارىنىڭ ەمدەۋ شارت - جاعدايى ءالسىز، ساقتانۋ - تىزگىندەۋ قۋاتى ءبىرشاما ناشار، بۇل اۋىل - قىستاق رايوندارىنىڭ ىندەتتەن ساقتانۋ - تىزگىندەۋ قىزمەتىنە سىن - سايىس الا كەلدى.
ۋاڭ بين مىنانى ءبىلدىردى: اۋىل - قىستاق رايوندارىنا قاراتا، ءتۇيىندى ادامدار توبىن تەكسەرۋدى ويداعىداي ىستەۋ، ينفورماتسيانى تىزىمدەۋ جانە اۋىلىنا قايتقان 14 كۇن ىشىندەگى دەنساۋلىق جاعدايىن باقىلاۋ - تەكسەرۋدى ويداعىداي ىستەۋ، سونىمەن بىرگە، اۋىل - قالاشىق ەمحانالارىنىڭ، قىستاق ەمدەۋ ۇيلەرىنىڭ جانە جەكە ەمدەۋ ورىندارىنىڭ جاڭا تيپتى ايدارشا ۆيرۋس وكپە قابىنۋ ىندەتىنەن مالىمەت بەرۋ تانىمىن جوعارىلاتىپ، قالا مەن اۋدان ەكى دارەجەلى قىزمەتكەرلەردەن قۇرالعان جوتكەۋ اترەتىن الدىن الا قۇرۋ، شوعىرلى اۋاشالاۋ ورنىن بەلگىلەۋ سياقتىلاردى الدىن الا ۇيىمداستىرۋ كەرەك.
جۇڭگو اۋرۋدى تىزگىندەۋ ورتالىعى مەڭگەرۋشىسىنىڭ ورىنباسارى فىڭ زىجيان مىنانى ەسكەرتتى: كوكتەم مەرەكەسى كەزىندە ادامداردىڭ جولاۋشىلاۋ مولشەرى ارتادى، شوعىرلى قيمىل كوبەيەدى، بۇل ىندەتتىڭ تارالۋ قاتەرىن ارتتىرادى. كوكتەم مەرەكەسى كەزىندەگى زات اينالىمى دا ارتادى، تومەن تەمپەراتۋرا شارت - جاعدايىندا سۋىق تىزبەكتى ازىق - تۇلىكتەر مەن باسقا دا زاتتاردىڭ ۆيرۋسپەن جۇعىمدالىپ، ىندەت تۋىلۋ حاۋپىنەن شىنىندا قىراعى بولۋ كەرەك.
ۋاڭ بين بىلاي دەپ ۇندەدى: قالىڭ قاۋىم كوكتەم مەرەكەسىندەگى تاسىمال كەزىندە مۇمكىندىكتىڭ بارىنشا جولاۋشىلاماۋى قاجەت، ەگەر، ءسوز جوق، جولاۋشىلاۋ قاجەت بولسا، قاتىناس، ساياحات ينفورماتسيالارىنا نازار اۋدارۋ، سونىمەن بىرگە، ۋاقىت مەزەتىنە ءبولۋ نەگىزىندە جول ءجۇرۋ، تۇتاس بارىستا ويداعىداي قورعانۋ، ادام شوعىرلانعان ورىندارعا بارۋدان مۇمكىندىكتىڭ بارىنشا ساقتانۋ كەرەك. كۇدىكتى اۋرۋ بەلگىسى بايقالعاندا ابىرجىماۋ، ءسوزسىز، ماسكى تاعىپ، جاقىن ماڭداعى ەمدەۋ قۇرىلىمدارىنا بارىپ ەمدەلۋ كەرەك.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
