حۋاڭ كۇنميڭ جۇڭگو مۋزيكانتتار قوعامىنىڭ 9 – كەزەكتى مەملەكەتتىك قۇرىلتايىندا، جۇڭگو بيشىلەر قوعامىنىڭ 11 – كەزەكتى مەملەكەتتىك قۇرىلتايىندا مىنانى باسا دارىپتەدى
الۋان اۋەن مەن جالىندى ءبي ارقىلى ميلليارد حالىقتىڭ جاساعان كۇرەسى مەن جاسامپازدىعىن ايگىلەۋ كەرەك
2021.02.02 14:02 كەلۋ قاينارى : حالىق تورابى
شينحۋا اگەنتتىگىنىڭ 2 – ايدىڭ 1 – كۇنى بەيجيڭنەن بەرگەن حابارى. جۇڭگو مۋزيكانتتار قوعامىنىڭ 9 – كەزەكتى مەملەكەتتىك قۇرىلتايى، جۇڭگو بيشىلەر قوعامىنىڭ 11 – كەزەكتى مەملەكەتتىك قۇرىلتايى 2 – ايدىڭ 1 – كۇنى بەيجيڭدە اشىلدى. ج ك پ ورتالىق كوميتەتى ساياسي بيۋروسىنىڭ مۇشەسى، ورتالىق ۇگىت ءبولىمىنىڭ باستىعى حۋاڭ كۇنميڭ اشىلۋ سالتىنا قاتىناستى ءارى ءسوز سويلەدى، باس شۋجي شي جينپيڭنىڭ ادەبيەت – كوركەمونەر قىزمەتى جونىندەگى ماڭىزدى بايىمداۋلارىن ىشكەرىلەي ۇيرەنۋدى، دايەكتىلەندىرۋدى، ارتقان ءۇمىتىن ەستە بەرىك ساقتاپ، العاشقى ماقساتتى ەستەن شىعارماي، ءداۋىر ءۇشىن ءان شىرقاپ، حالىق ءۇشىن ءبي بيلەپ، وتاندى ماداقتاپ، الۋان اۋەن جانە جالىندى ءبي ارقىلى ميلليارد حالىقتىڭ جاساعان كۇرەسى مەن جاسامپازدىعىن ايگىلەپ، حالىق جۇرتشىلىعىن تاسقىنداعان جىگەرمەن جاڭا ساپارعا اتتانۋعا، جاڭا ءداۋىردى كوركەيتۋگە شابىتتاندىرۋ كەرەك.
حۋاڭ كۇنميڭ مىنانى اتاپ كورسەتتى: جۋىرداعى جىلداردان بەرى، ەلىمىزدىڭ مۋزيكا جانە ءبي ىستەرىندە تاماشا دامۋ بەتالىسى بايقالدى، بىرىنشىدەن، ءبىر توپ يدەيالىق ءمانى تەرەڭ، كوركەمدىك ساپاسى ۇزدىك تۋىندىلار تارتىمدىلىقپەن كورەرمەنگە جول الدى، دارىندىلار قوسىنى ۇزدىكسىز دامىپ جانە ۇلعايىپ، كوركەمونەرلىك جاسامپازدىق ومىرشەڭدىك قۋاتقا تولى بولىپ، سوتسياليستىك ادەبيەت – كوركەمونەردى كوركەيتىپ – گۇلدەندىرۋگە، دامىتۋعا كەلەلى ۇلەس قوستى.
حۋاڭ كۇنميڭ مىنانى اتاپ كورسەتتى: ەلىمىز جاڭا دامۋ كەزەڭىنە قادام تاستادى، مۋزيكا جانە ءبي ىستەرى بۇرىن – سوڭدى بولماعان دامۋ ورايىنا يە بولىپ وتىر. قالىڭ مۋزيكا جانە ءبي قىزمەتكەرلەرىنىڭ سانالىلىقپەن مادەنيەت سالاسىنداعى بورىشتى ارقالاپ، پارتيا مەن حالىققا دەگەن قىزۋ سۇيىسپەنشىلىك جانە شىن نيەتپەن، ۇلى پارتيانى، باتىر حالىقتى تەرەڭ سەزىممەن جىرلاپ، جاڭا ءداۋىردى ەستەلىككە الاتىن، جاڭا ءداۋىردى بەينەلەيتىن اناعۇرلىم مول ۇزدىك تۋىندىلاردى جارىققا شىعارۋىن ءۇمىت ەتەمىز. مادەنيەت سەنىمىندە تاباندى بولىپ، جۇڭحۋا مادەنيەتىنىڭ اسىل قامباسىنىڭ مايەگىنەن ءنار الىپ، قۋات الىپ، ونى جاسامپازدىقپەن تۇرلەندىرىپ، جاسامپازدىقپەن دامىتۋ بارىسىندا كوركەمونەر شىڭىنا وجەتتىكپەن ورلەپ، جۇڭحۋا ۇلتىنىڭ مادەنيەتىنىڭ تامىرى تەرەڭ، مىعىم، سەنىمى بەكەم سالتاناتتى كەلبەتىن ايگىلەۋ كەرەك. ءمورالى مەن ونەرى بىردەي ۇستەم بولۋعا تالپىنىپ، سوتسياليستىك وزەكتى قۇن كوزقاراسىن بەلسەندىلىكپەن امالياتتا ايگىلەۋ جانە ساۋلەلەندىرۋ، تاڭداۋلى كىسىلىك تارتىمدىلىقپەن، ىسىلعان كوركەمونەرلىك ونەرمەن قوعامنىڭ ماراپاتىنا جانە حالىقتىڭ ىڭكارلىعىنا يە بولۋ كەرەك.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
