پومپەو سۇرقيا ادەتىن وزگەرتپەي، اۋزىنا كەلگەنىن كوكىدى
مەملەكەتتىك ايەلدەر بىرلەستىگىنىڭ بۇرىنعى ورىنباسار ءتوراعاسى، اۆتونوميالى رايوندىق ساياسي كەڭەستىڭ بۇرىنعى ورىنباسار ءتوراعاسى رىزۋان ابەي
2021.02.02 14:09 كەلۋ قاينارى : شينجياڭ گازەتى
جاقىندا امەريكا تاريحىنداعى ەڭ ناشار، ەڭ سوراقى بۇرىنعى مەملەكەت ىستەرى حاتشىسى پومپەو مىندەتىنەن بوساۋ ساتىندە سۇرقيا ادەتىن وزگەرتپەي، اۋزىنا كەلگەنىن كوكىپ، شينجياڭعا قاتىستى ساندىراقتارىن سۇرقيالىقپەن جاريالاپ، شىندىقپەن ساناسپاي، شينجياڭعا قاساقانا كۇيە جاقتى. بۇل جۇڭگونىڭ ىشكى ىسىنە دورەكىلىكپەن كيلىككەندىك، حالىقارالىق زاڭ مەن حالىقارالىق قارىم - قاتىناستىڭ نەگىزگى ولشەمىنە اۋىر قايشىلىق جاساعاندىق، شينجياڭداعى ءار ۇلت حالقىنىڭ كوڭىلىنە اۋىر قاياۋ سالعاندىق، مەن جانە وتباسىمداعىلار بۇعان قاتتى كەكتەنەمىز.
شينجياڭنىڭ ناقتى جاعدايى جونىندە شينجياڭدىقتار ەڭ سويلەۋ ۇقىعىنا يە. وتكەن ءبىر مەزگىل ۋاقىتتا، شينجياڭ ”ءۇش ءتۇرلى كۇشتىڭ“ زيانكەستىگىنە اۋىر ۇشىراپ، لاڭكەستىك شابۋىلداۋ وقيعالارى ءجيى تۋىلىپ، ءار ۇلت حالقىنىڭ ءومىرى مەن مال - مۇلىك حاۋىپسىزدىگىنە اسا زور زيان جەتكىزىپ، قوعامدىق، ەكونوميكالىق دامۋ اۋىر ىقپالعا ۇشىرادى. لاڭكەستىكتىڭ، ۇشقارىلىقتىڭ رەال قاتەرى الدىندا، شينجياڭ حالىقارالىق قوعامنىڭ لاڭكەستىككە قارسى تۇرۋ، ۇشقارىلىقتى الاستاۋ تاجىريبەسىنەن ۇلگى الىپ، قابىلداپ، لاڭكەستىككە قارسى تۇرۋ جانە ۇشقارىلىقتى الاستاۋ كۇرەسىن زاڭ بويىنشا ورىستەتىپ، كورنەكتى ونىمدىلىككە قول جەتكىزدى، ۇشقارىلىقتىڭ سىنالاپ كىرۋى ءونىمدى تەجەلىپ، قوعامنىڭ اماندىق جاعدايى كورنەكتى جاقسارىپ، ءار ۇلت حالىق بۇقاراسىنىڭ ءومىر ءسۇرۋ ۇقىعى، دامۋ ۇقىعى سياقتى نەگىزگى ۇقىقتارى پارمەندى قامتاماسىز ەتىلدى.
ءار ۇلت حالقىنىڭ قۇلشىنۋىمەن، قازىر شينجياڭنىڭ قوعامى ورنىقتى بولىپ، دامۋى ۇزدىكسىز جاقسارىپ، حالىق تىنىش ءومىر، شات - شادىمان تىرشىلىك كەشىردى، شينجياڭدا ءۇرتىس 4 جىلدان استام ۋاقىت زورلىقتى كۇش لاڭكەستىك دەلوسى تۋىلمادى، شينجياڭ كەدەيلىكتەن ارىلتۋدان قامال الۋدا شەشۋشى جەڭىسكە قول جەتكىزدى. شينجياڭنىڭ قوعامدىق قامتاماسىزدىق جۇيەسى كۇن سايىن كەمەلدەنىپ، وقۋ - اعارتۋدىڭ، رەفورمانىڭ، دامۋدىڭ جەتىستىكتەرى ءار ۇلت بۇقاراسىن اناعۇرلىم كوپ، اناعۇرلىم ءادىل يگىلىككە كەنەلتتى، شينجياڭنىڭ دامۋ جاعدايىنا شينجياڭدىقتار ەڭ قانىق، ەڭ سويلەۋ ۇقىعىنا يە.
پومپەو وتىرىكتى سۋشا ساپىرىپ، شينجياڭ ”از ۇلتتاردىڭ جان سانىن شەكتەدى، ۇيعۇر ۇلتىنا ءناسىل جويۋ جۇرگىزدى“ دەپ جالا جاپتى، بۇل بۇكىلدەي ساندىراق. شىندىعىندا شينجياڭداعى ۇيعۇر ۇلتى قاتارلى از ۇلتتاردىڭ جان سانى ءۇرتىس ارتىپ كەلەدى، ساناق مالىمەتتەرىندە كورسەتىلۋىنشە، 2010 - جىلدان 2018 - جىلعا دەيىن ۇيعۇر ۇلتى جان سانىنىڭ ارتۋ مولشەرى تۇتاس شينجياڭ جان سانىنىڭ ارتۋ مولشەرىنەن جوعارى بولىپ قالماستان، باسقا از ۇلت جان سانىنىڭ ارتۋ مولشەرىنەن دە جوعارى، ءتىپتى، حانزۋ ۇلتى جان سانىنىڭ ارتۋ مولشەرىنەن كورنەكتى جوعارى بولعان. شينجياڭنىڭ جوسپارلى تۋىتتى زاڭ بويىنشا جۇرگىزۋ بارىسىندا، ءار ۇلت بۇقاراسىنىڭ جۇكتىلىكتەن ساقتانۋ شاراسىن قولدانۋ - قولدانباۋىن، قانداي ءتاسىلدى قولدانىپ جۇكتىلىكتەن ساقتانۋىن تۇگەلدەي جەكە ادام ءوز ەركىمەن، ءوز قالاۋىمەن ۇيعارادى، ءارقانداي ۇيىمنىڭ جانە جەكەنىڭ كيلىگۋىنە بولمايدى، ”زورلىقپەن بەدەۋلەۋ“ ماسەلەسى مۇلدەم ءومىر سۇرمەدى، ايتىلمىس ”ءناسىل جويۋ“ مۇلدەم قيسىنسىز شاتپاق، جۇڭگوعا جالا جاۋىپ، كۇيە جاققان تاعى ءبىر سويقان.
پومپەونىڭ شينجياڭ ”ءدىن ەركىندىگىن قىسپاققا الدى“، ”از ۇلت ازاماتتارىن دىنگە سەنۋ ۇقىعىنان ماقرۇم ەتتى“ دەپ جالا جابۋى بۇكىلدەي وتىرىك - وسەك شىعارىپ، جالا جاپقاندىق. شينجياڭدا دىنگە سەنۋدى نەمەسە دىنگە سەنبەۋدى ازاماتتار بۇكىلدەي ءوز ەركىمەن تاڭدايدى، ءارقانداي ۇيىمنىڭ جانە جەكەنىڭ ازاماتتاردى دىنگە سەنۋگە نەمەسە دىنگە سەنبەۋگە زورلاۋىنا بولمايدى، دىنگە سەنەتىن ازاماتتاردى نەمەسە دىنگە سەنبەيتىن ازاماتتاردى كەمسىتۋگە بولمايدى. ازاماتتاردىڭ بارلىق قالىپتى ءدىني قيمىلدارى تۇگەلدەي زاڭنىڭ قورعاۋىندا بولادى، ءارقانداي ۇيىمنىڭ جانە جەكەنىڭ كيلىگۋىنە بولمايدى. شينجياڭنىڭ ءدىني سەنىم ەركىندىگىنە قۇرمەت ەتۋ جانە قورعاۋ ءادىس - امالدارى مۇسىلمان مەملەكەتتەرىن ءوز ىشىنە قامتىعان حالىقارالىق قوعامنىڭ بەلسەندى باعاسىنا يە بولدى.
وسىندا تۋىپ، وسىندا ەسەيىپ - ەرجەتكەن ايەل كادر رەتىندە، مەن شينجياڭنىڭ گۇلدەنۋىن، العا باسۋىن ءوز باسىمنان كەشىردىم، شينجياڭنىڭ وراسان زور وزگەرىستەرىنە، اسىرەسە، ايەلدەر مەن بالالار ىستەرىنىڭ دامۋىنا ءوز باسىم كۋا بولدى. شينجياڭنىڭ گۇلدەنۋىن، دامۋىن پومپەو كورمەدى ءارى كورگىسى دە كەلمەدى. ونىڭ شينجياڭعا ساياتىن ماسەلەلەردە وسەك - اياڭ تاراتىپ، سويقان تۋدىرۋىنداعى، قىرۋار جالعان ءسوز تاراتۋىنداعى ماقساتى شينجياڭنىڭ ورنىقتىلىعىن ءبۇلدىرۋ، شينجياڭنىڭ دامۋىنا بوگەت بولۋ، حالىقارالىق قوعامدى الجاستىرۋ.
تاريح پومپەو سىندى اۋمەسەر ەسەرسوقتىڭ شينجياڭعا ساياتىن ماسەلەدەن پايدالانىپ، جۇڭگونىڭ ىشكى ىسىنە كيلىگۋگە ۇرىنعان سايقالدىعىنىڭ بۇكىل دۇنيە جۇزىندەگى بەيبىتشىلىكتى سۇيەتىن ادامداردىڭ كوزىن كولەگەيلەي المايتىندىعىن، ونىڭ پاسىق نيەتىنىڭ ماڭگى ىسكە اسپايتىندىعىن دالەلدەيتىن بولادى.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
