جاڭا ساپاردى ارشىندى قاداممەن باستايىق
− اۆتونوميالى رايوندىق ساياسي كەڭەس 12 - كەزەكتى كوميتەتى 4 - ءماجىلىسىنىڭ اشىلۋىنان ەستەلىك
انار بۇلت / شينجياڭ گازەتىنىڭ تىلشىلەرى لياڭ ليحۋا، لي ياڭ
2021.02.02 14:11 كەلۋ قاينارى : شينجياڭ گازەتى
اسقاق سەزىم قىستى كۇنگە جىلى شۋاق سيلادى، سالتاناتتى جينالىس ماڭىزدى تاپسىرمانى ارقالادى. 1 - ايدىڭ 31 - كۇنى تۇستەن بۇرىن تيانشاننىڭ وڭتۇستىگى مەن سولتۇستىگىنەن كەلگەن ءار ۇلت، ءار سالا ساياسي كەڭەس مۇشەلەرى بورىش ارقالاپ، ورتالىق قالادا باس قوسىپ، ءار ۇلت بۇقاراسىنىڭ قويۋ سۇيىسپەنشىلىككە تولعان تاپسىرماسى مەن شىنايى تىلەگىن الىپ ارشىندى قاداممەن ءماجىلىس زالىنا كىردى.
ءماجىلىس باستالماستان بۇرىن كوپتەگەن مۇشەلەر ەرتەدەن - اق ءماجىلىس زالىنا كەلدى، كوپشىلىك وزگەرىستى اڭگىمەلەپ، اسەرلەرىن ايتىپ، دامۋدى تىلگە تيەك ەتتى. قايتكەندە كەدەيلىكتەن ارىلتۋدان قامال الۋ تابىستارىن بەكەمدەۋگە، ساياحات كاسىبىن دامىتۋعا، شينجياڭدى مادەنيەتپەن نارلەندىرۋدى ويداعىداي ىستەۋگە بولادى... وسىنىڭ ءبارى مۇشەلەر قىزۋ تالقىلاعان تاقىرىپقا اينالدى.
”14 - بەسجىلدىقتى“ باستاپ، جاڭا ساپارعا قادام تاستاعان شەشۋشى ساتتە، اۆتونوميالى رايوندىق ساياسي كەڭەس 12 - كەزەكتى كوميتەتىنىڭ 4 - ءماجىلىسى اشىلدى. وسى رەتكى ءماجىلىستىڭ ءارقايسى جاقتاردىڭ كۇش - قۋاتىن ىنتىماقتاستىرۋدا جانە ۇيىستىرۋدا حالىق ساياسي كەڭەسى تۇزىمدىك ارتىقشىلىعىن شينجياڭدى ورنىقتىرۋداعى، شينجياڭدى كوركەيتۋدەگى، شينجياڭنىڭ تىنىشتىعىن ساقتاۋداعى جونگە سالۋ ونىمدىلىگىنە شىنايى اينالدىرۋدا كەلەلى ماڭىز الادى.
ساعات 10نان 30 مينۋت وتكەندە ءماجىلىس ايبىندى مەملەكەت انىمەن باستالدى. اۆتونوميالى رايوندىق ساياسي كەڭەستىڭ ءتوراعاسى نۇرلان ءابىلماجىن اۆتونوميالى رايوندىق ساياسي كەڭەس 12 - كەزەكتى كوميتەتىنىڭ تۇراقتى كوميتەتى اتىنان ماجىلىسكە قىزمەتتەن بايانداما جاسادى. ءالسىن - ءالى قىزۋ شالاپاق سوعىلدى، بۇل شاپالاق ءۇنى ۇندەستىكتى، شىنايى قۇپتاۋدى، سەنىمدى، ونان دا ماڭىزدىسى، مۇشەلەردىڭ ۇكىمەت ىستەرىنە قاتىناسۋ، ۇكىمەت ىستەرىن اقىلداسۋ وسكەلەڭ جاۋاپكەرشىلىگىن ايگىلەدى.
وتكەنگە قايىرىلا قاراساق، ساپار ماشاقاتقا تولى، كۇرەس جاساۋدىڭ تابىسى كورنەكتى بولدى. ”وتكەن ءبىر جىل ايرىقشا وزگەشە ءبىر جىل بولدى. تۇتقيىل تۋىلعان جاڭا تيپتى ايدارشا ۆيرۋس وكپە قابىنۋ ىندەتى الدىندا، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا تۇتاس رايونداعى ءار ۇلت كادر - بۇقاراسى جۇدىرىقتاي جۇمىلىپ، ەل بىرلىگىنەن بەرىك قامال تۇرعىزىپ، ىندەتتەن ساقتانۋ - تىزگىندەۋدىڭ حالىقتىق شايقاسىنىڭ، جالپى تۇلعالىق شايقاسىنىڭ، توسقاۋىل شايقاسىنىڭ جەڭىسىنە باتىل قول جەتكىزدى، بۇل ءبىزدىڭ جەڭۋگە بولمايتىن ەشقانداي قيىنشىلىق جوق دەگەن سەنىمىمىزدى اناعۇرلىم نىعايتتى!“، - دەدى مۇشە ديڭ گۇيفىڭ ، - ءار ۇلت، ءار سالا ساياسي كەڭەس مۇشەلەرى ىندەتتەن ساقتانۋ - تىزگىندەۋ بارىسىندا ماڭىزدى رولىن ساۋلەلەندىردى، كوپشىلىك تىزە قوسىپ، ءبىر نيەتتە بولا وتىرىپ ىندەتپەن شايقاسىپ، ساياسي كەڭەس مۇشەلەرىنىڭ جاۋاپكەرشىلىگىن، جاۋاپكەرشىلىك ارقالايتىندىعىن جانە پەيىلىن ايگىلەدى.
مۇشە ءمارحابا وشۇر تىڭداي وتىرىپ ەستەلىككە الدى، تارتىمدى جەرىنە كەلگەندە قىزۋ شاپالاق سوقتى. ول مىنانى شىنايى سەزىندى: وتكەن ءبىر جىلدا تۇتاس رايونداعى ءار دارەجەلى ساياسي كەڭەس ۇيىمدارى مەن ءار ۇلت، ءار سالا ساياسي كەڭەس مۇشەلەرى جاڭا داۋىردەگى پارتيانىڭ شينجياڭدى جونگە سالۋ جوباسىن تولىق، دالمە - ءدال دايەكتىلەندىرىپ، شينجياڭنىڭ قوعام ورنىقتىلىعى مەن باياندى تىنىشتىق باس نىساناسىن مىقتى يگەرىپ، جوعارى ساپالى دامۋ، ”التىنى ورنىقتىرۋ“، ”التىنى قامتاماسىز ەتۋ“ قىزمەتى، كەدەيلىكتەن ارىلتۋدان قامال الۋ سياقتىلاردى ارقاۋ ەتىپ، ىشكەرىلەي تەكسەرۋ - زەرتتەۋ جۇرگىزىپ، ۇسىنىس قويىپ، كەڭەس بەرىپ، مىندەتتى اتقارىپ، جاۋاپكەرشىلىكتى ادا ەتۋدىڭ تاتىمدى ”جاۋاپناماسىن“ تاپسىردى.
ءبىر جىلدان بەرى قالىڭ ساياسي كەڭەس مۇشەلەرى، ساياسي كەڭەسكە قاتىناسقان ورىندار مەن ءارقايسى ارناۋلى كوميتەتتەر 767 ۇسىنىس جوبا تاپسىردى، 668ى تەكسەرۋ ارقىلى ارحيۆ تۇرعىزىلدى، ”بەتپە - بەت اقىلداسۋ سالىستىرماسى“، ”ءبىتىرۋ سالىستىرماسى“، ”ريزالىق سالىستىرماسى“ تۇگەلدەي ％100 بولدى. ۇسىنىس جوبا قىزمەتى جاعدايىنان جاسالعان باياندامانى تىڭداعاننان كەيىن، مۇشەلەر بارىنشا شابىت الدى.
”％100تىڭ استارىندا ％100تىك مۇقياتتىلىق جاتىر، ساياسي كەڭەس مۇشەسى رەتىندە، مەن ورنىمدى، رولىمدى شىنايى سەزىندىم، حالىق ساياسي كەڭەسى سىندى وسى ۇلكەن ساحنادا ساۋلەلەندىرۋگە ءتيىستى قۇندىلىعىمدى اڭعاردىم“، - دەدى مۇشە سۇن يۇيحۋا، - بيىل تەكسەرۋ - زەرتتەۋدى ۇزدىكسىز تەرەڭدەتىپ، ءتىپتى دە تارتىمدى جوبا - ۇسىنىستاردى العا قويامىن.
جاڭا باستامادان جاڭا ساپارعا اتتاندىق. ”قوس 100 جىلدىق“ كۇرەس نىساناسىنىڭ تاريحي توعىسۋ تۇيىنىندە ساياسي كەڭەس مۇشەلەرى جاۋاپكەرشىلىكتىڭ اۋىر ەكەندىگىن تەرەڭ سەزىندى، ۇمىتكە تولى بولاشاققا دا كامىل سەندى.
”مەن وسى جولى لاۆاندا كاسىپ سالاسىن ولشەمدەندىرۋ جۇيەسى قۇرىلىسىن ىلگەرىلەتۋ جانە ءسۇت ونىمدەرى كاسىپ سالاسىن جوعارى ساپالى دامىتۋدى ىلگەرىلەتۋ جونىندە ۇسىنىس جوبا الا كەلدىم، ەرەكشە، باسىمدىققا يە كاسىپ سالالارىن زورايتۋ، كۇشەيتۋ ارقىلى شارۋالاردىڭ كىرىستەرىن ارتتىرىپ، بايۋىن جەبەپ، اۋىل - قىستاقتى گۇلدەندىرۋگە دەم بەرۋدى ءۇمىت ەتەمىن“، - دەدى مۇشە ميھراي ابدۇقادىر.
ءماجىلىس زالىنان سالماقتى قاداممەن شىقتى. وسىدان كەيىنگى بىرنەشە كۇندە مۇشەلەر شينجياڭنىڭ ەكونوميكالىق، قوعامدىق دامۋىنىڭ ءىس جۇزىندىگىمەن ۇشتاستىرىپ، ۇسىنىس قويىپ، كەڭەس بەرىپ، ۇكىمەت ىسىنە قاتىناسىپ، مىندەتتەرىن اتقارىپ، ىنتىماقتى، جاراسىمدى، گۇلدەنىپ - كوركەيگەن، وركەنيەتتى، العا باسقان، تىنىش ءومىر، شات - شادىمان تىرشىلىك كەشىرەتىن، ەكولوگياسى تاماشا جاڭا داۋىردەگى جۇڭگوشا سوتسياليستىك شينجياڭ قۇرۋعا اقىل - پاراساتتارىن جانە كۇش - قۋاتتارىن ارنايدى.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
