ساياسي كەڭەس مۇشەلەرى تۇراقتى كوميتەتتىڭ قىزمەت بايانداماسىن جانە ۇسىنىس جوبا قىزمەتىنىڭ جاعدايىنان جاسالعان باياندامانى گرۋپپالارعا ءبولىنىپ تالقىلادى
جاڭا داۋىردەگى جۇڭگوشا سوتسياليستىك شينجياڭ قۇرۋعا اقىل - پاراساتىمىزدى، كۇش - قۋاتىمىزدى شوعىرلاندىرامىز
2021.02.02 14:10 كەلۋ قاينارى : شينجياڭ گازەتى
شينجياڭ گازەتىنىڭ جيناق حابارى. 1 - ايدىڭ 31 - كۇنى تۇستەن كەيىن اۆتونوميالى رايوندىق ساياسي كەڭەس 12 - كەزەكتى كوميتەتى 4 - ماجىلىسىنە قاتىناسقان ءار ۇلت، ءار سالا ساياسي كەڭەس مۇشەلەرى اۆتونوميالى رايوندىق ساياسي كەڭەس تۇراقتى كوميتەتىنىڭ قىزمەت بايانداماسىن جانە ۇسىنىس جوبا قىزمەتىنىڭ جاعدايىنان جاسالعان باياندامانى گرۋپپالارعا ءبولىنىپ تالقىلادى ءارى سالالاردىڭ ۇسىنىس جوباسىن تالقىلاپ، پىكىر الماستىردى.
”بايانداما كەرەمەت ەكەن، ناقتى ىستەر ايتىلعان، ادامدى جىگەرلەندىرەدى، كۇش - قۋاتتى ەسەلەپ ارتتىرادى!“. تالقى زالى قىزۋ بەينەگە ەنىپ، مۇشەلەر بەلسەندىلىكپەن لەبىز ءبىلدىرىپ، ءارقايسىسى ءوز پىكىرىن ورتاعا سالدى، سوزدەرىندە ءبىر جىلدان بەرگى مىندەت وتەپ، جاۋاپكەرشىلىكتەرىن ادا ەتكەندەرىن ماقتانىش ەتكەن لەپ بار، پىكىر الماستىرۋ بارىسىندا جاڭا ءبىر جىلدىق قىزمەتكە دەگەن ۇمىتتەرى دە قامتىلىپ جاتتى.
مۇشەلەر ءبىر اۋىزدان بىلاي دەپ ەسەپتەدى: تۇراقتى كوميتەتتىڭ قىزمەت بايانداماسى شىندىقتى ءىس جۇزىنەن ىزدەپ، ناقتى ىستەر ايتىلعان ادامدى جەلپىندىرەتىن جاقسى بايانداما. باياندامادا قورىتىندىلاعان تابىستار جاپپاي وبيەكتيۆ بولدى، جاڭا ءبىر جىلدىق قىزمەت ورنالاستىرۋىنىڭ نىساناسى ايقىن، ءادىس - شاراسى پارمەندى، قالىڭ ساياسي كەڭەس مۇشەلەرىنىڭ اقىل - پاراساتى مەن كۇش - قۋاتىن، ءسوز جوق، ۇيىستىرىپ، جاڭا داۋىردەگى جۇڭگوشا سوتسياليستىك شينجياڭ قۇرۋعا ءتىپتى دە زور ۇلەس قوساتىندىعى داۋسىز.
”تۇراقتى كوميتەتتىڭ قىزمەت بايانداماسى شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولعان، نەگىزگى تاقىرىبى ايقىن، ءتۇيىنى كورنەكتىلەنگەن، وتە كۇشتى ساياسي سيپاتقا، داۋىرلىك سيپاتقا جانە جەتەكشىلىك سيپاتقا يە بايانداما، مەن بۇكىلدەي قوسىلامىن“، - دەدى مۇشە مىڭ چيڭساي، - بيىل مەن جاڭا باستامانى تياناق ەتىپ، جاۋاپكەرشىلىك ارقالاۋدى كۇشەيتىپ، ىندەتتەن ساقتانۋ - تىزگىندەۋدى ۇدايىلاندىرۋ جانە ەكونوميكالىق، قوعامدىق دامۋ قىزمەتىن ءبىر تۇتاس جوسپارلاپ ىلگەرىلەتۋمەن تىعىز بايلانىستىرا ۇسىنىس بەرىپ، كەڭەس ايتىپ، ورتاق تانىمدى ۇيىستىرىپ، ساياسي كەڭەس مۇشەسىندىك رولىمدى ويداعىداي ساۋلەلەندىرەمىن.
”تۇراقتى كوميتەتتىڭ قىزمەت بايانداماسى ىقشام، ماعىناسى تەرەڭ، ىستەلگەن ىستەر تولىق باياندالعان، ءاربىر سوزىندە، ءاربىر جولىندا ساياسي كەڭەستىڭ مىندەت وتەۋىنىڭ وزەكتى مازمۇنى قامتىلعان“، - دەدى مۇشە ياڭ حۇڭشين، - بايانداما شىندىقتى ءىس جۇزىنەن ىزدەي وتىرىپ، وتكەن ءبىر جىلداعى اۆتونوميالى رايوندىق ساياسي كەڭەستىڭ اۆتونوميالى رايوندىق پارتكومنىڭ وزەكتى قىزمەتتەرىن مىقتاپ ارقاۋ ەتىپ، بەلسەندىلىكپەن، ىرىقتىلىقپەن ىسكەرلىك كورسەتىپ، يدەيالىق - ساياسي جەتەكشىلىك، كەڭ كولەمدە ورتاق تانىم ۇيىستىرۋ، كەڭەستىك دەموكراتيا، ۇسىنىس قويىپ، كەڭەس بەرۋ سياقتى جاقتاردا قول جەتكىزگەن مىندەت وتەۋ تابىستارىن بەينەلەگەن، وتە - موتە، ىندەتكە قارسى اتتانۋ، كەدەيلىكتەن ارىلتۋدان قامال الۋ شايقاسىنىڭ جەڭىسىنە قول جەتكىزۋگە دەم بەرۋ سياقتى جاقتاردا جاڭا ىسكەرلىك كورسەتۋدى ايگىلەپ، ادامدى ەرەكشە جەلپىندىردى.
مۇشە جياڭ پيڭان بىلاي دەدى: تۇراقتى كوميتەتتىڭ قىزمەت بايانداماسىندا تۇتاس رايونداعى 17 مىڭنان استام ساياسي كەڭەس مۇشەسى مەن ساياسي كەڭەس ورگانىنداعى كادرلار قاسقايا شايقاسقا اتتانىپ، ءبىر نيەتپەن ىندەتپەن شايقاس جاساپ، 308 ميلليون يۋان اقشالاي، زاتتاي جىلۋ اتادى دەپ اتاپ كورسەتىلدى. بۇل ساياسي كەڭەستىڭ ”وزەكتى“ كۇش رەتىندە ىندەتكە قاراسى اتتانۋ كۇرەسى بارىسىندا ماڭىزدى رول اتقارعاندىعىن ايگىلەيدى. ”جاڭا ءبىر جىلدا مەن ۇكىمەت ىسىنە قاتىناسۋ، ۇكىمەت ىسىنە كەڭەس بەرۋ ورەمدى قۇلشىنا جوعارىلاتىپ، ىشكەرىلەي تەكسەرۋ - زەرتتەۋ جۇرگىزىپ، مۇقيات اقىل - كەڭەس بەرىپ، شينجياڭنىڭ ورنىقتىلىق، دامۋ، رەفورما ىستەرىنىڭ دامۋىن قۇلشىنا ىلگەرىلەتۋگە ۇلەس قوسىپ، كۇش - قۋاتىمدى ارنايمىن“، - دەدى ول.
”ىندەتكە قارسى اتتانۋعا بەلسەندىلىكپەن ات سالىسۋ، كەدەيلىكتەن ارىلتۋدان قامال الۋعا، جوعارى ساپالى دامۋعا دەم بەرۋ... ءاربىر مۇشە بيىلعى تۇراقتى كوميتەتتىڭ قىزمەت بايانداماسىنان ءوزىنىڭ مىندەت وتەۋدەگى بەينەسىن اڭعاردى“. مۇشە لۋ جيڭ - ي ارتىقشىلىعىن ساۋلەلەندىرىپ، جالپى حالىقتىڭ سالاماتتىعىن قورعايتىندىعىن ءبىلدىردى.
”ۇسىنىس جوبا قىزمەتىنىڭ جاعدايىنان جاسالعان باياندامانىڭ جارقىن تۇيىندەرى كوپ ەكەن، تاپسىرىلعان ۇسىنىس جوبالاردىڭ بارلىعى ورىندالىپ بولىپتى، بۇل ءبىزدى ەرەكشە شابىتتاندىردى، ەرەكشە جەلپىندىردى“، - دەپ مۇشە ابىلەت ماقسۇت ءبىر جىلدان بەرگى ۇسىنىس جوبا قىزمەتىندە قول جەتكىزگەن تاماشا تابىستاردى القاپ.
مۇشە ما مەي بىلاي دەدى: جاڭا ءبىر جىلدا قابا اۋدانىنىڭ ساياحات كاسىپ سالاسىنىڭ دامۋىن، وتە - موتە، قىسقى ساياحات بايلىعى كومەسكى كۇشىن ىشكەرىلەي اشۋعا ءجىتى نازار اۋدارىپ، ءتىپتى دە كوپ ساپالى ۇسىنىس جوبالاردى ورتاعا قويىپ، اناعۇرلىم كوپ ەگىنشى - مالشىنىڭ ساياحاتتان يگىلىكتەنىپ، بايۋ جولىنا تۇسۋىنە مۇمكىندىك جاسايمىن.
”بيىل جۇڭگو كوممۋنيستىك پارتياسى قۇرىلعاندىعىنىڭ 100 جىلدىعى، ’14 -بەسجىلدىقتىڭ‘باستالعان جىلى. ىنتىماق − جەڭىستىڭ جاۋھارى، ءبىز ورتاق تانىم ۇيىستىرۋدى تەكسەرۋ - زەرتتەۋ جۇرگىزۋ، اقىلداسۋ، ۇكىمەت ىسىنە كەڭەس بەرۋ قيمىلدارىنا توعىستىرىپ، ساياسي كەڭەستىڭ تۇزىمدىك ارتىقشىلىعىن شينجياڭدى جونگە سالۋ ونىمدىلىگىنە اينالدىرۋدى ىلگەرىلەتەمىز“، - دەدى مۇشە راقىمانجان داۋۇت.
(انار بۇلت / شينجياڭ گازەتىنىڭ تىلشىلەرى لي ياڭ، چاۋ جين، ميھىرگۇل عوپۇر، پاريزات ابدۇل، سۇي يۇنيان، ۋاڭ يۇيجاۋ، لياڭ ليحۋا جازعان)
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
