قار - مۇز سپورتىنىڭ الاۋىن تۇتاندىرۋ
− شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ بەيجيڭ 2022 - جىلعى قىسقى وليمپياداسىنىڭ، مۇگەدەكتەر قىسقى وليمپياداسىنىڭ دايىندىعىنا كوڭىل بولگەندىگىنەن ەستەلىك
شينحۋا اگەنتتىگىنىڭ تىلشىلەرى لي لي، جي يە، ۋاڭ حىڭجى
2021.02.02 14:07 كەلۋ قاينارى : شينجياڭ گازەتى
”قوس 100 جىلدىق“ كۇرەس نىساناسى توعىسقان تاريحي ورىندا تۇرعاندا، بەيجيڭ 2022 - جىلعى قىسقى وليمپياداسىنىڭ، مۇگەدەكتەر قىسقى وليمپياداسىنىڭ كوورديناتى وزگەشەلىگىمەن ەرەكشەلەنىپ، دۇنيە ءجۇزىنىڭ نازارىن اۋداردى.
بەيجيڭ قىسقى وليمپياداسىن، مۇگەدەكتەر قىسقى وليمپياداسىن وتكىزۋگە ءوتىنىش بەرۋ جانە ونى وتكىزۋ − شي جينپيڭ جولداستى ۇيتقى ەتكەن پارتيا ورتالىق كوميتەتى جاساعان كەلەلى ستراتەگيالىق ورنالاستىرۋ. جۇڭحۋا ۇلتىنىڭ ۇلى گۇلدەنۋ ستراتەگياسىنىڭ جالپى جاعدايى مەن دۇنيە جۇزىندە 100 جىلدا بولماعان ۇلكەن وزگەرىستى ءبىر تۇتاس مەڭگەرىپ، باس شۋجي شي جينپيڭ بىلاي دەپ اتاپ كورسەتتى: ”بەيجيڭ قىسقى وليمپياداسى ەلىمىزدىڭ ماڭىزدى تاريحي كەزەڭدەگى كەلەلى نىشاندىق قيمىلى، مەملەكەت وبرازىن ايگىلەۋدىڭ، مەملەكەتتىڭ دامۋىن جەبەۋدىڭ، ۇلت رۋحىن سەرپىلتۋدىڭ ماڭىزدى ورايى“.
تاريحي كەزەڭ، تاريحي بورىش. بۇل جۇڭگونىڭ قىسقى وليمپيادانى، مۇگەدەكتەر قىسقى وليمپياداسىن تۇڭعىش وتكىزۋى بەيجيڭ دە دۇنيە ءجۇزى بويىنشا جازعى، قىسقى وليمپيادالاردى وتكىزگەن العاشقى قوس وليمپيادا قالاسى بولماق.
بەيجيڭ قىسقى وليمپياداسىنا ءالى ءبىر جىلدان استام ۋاقىت بار. ەل ىشىنە قاراساق، باس شۋجي شي جينپيڭنىڭ وليمپيادانى ”جاسىل، بىرگە يگىلىككە كەنەلىپ، اشىق، پاكتىكپەن“ وتكىزۋ ۇستانىمىنىڭ جەتەكشىلىگىندە قىسقى وليمپياداعا دايىندالۋ مەن ىندەتتەن ساقتانۋ - تىزگىندەۋ ءبىر تۇتاس جوسپارلانىپ جۇرگىزىلىپ، بۇقارانىڭ تابىس سەزىمى ۇزدىكسىز كۇشەيىپ، قىسقى وليمپيادا ساڭلاقتارى جالپى ءتۇر بويىنشا جارىسقا قاتىناسۋ ءۇشىن بەلسەنە دايىندالىپ، ”300 ميلليون ادام قار - مۇز سپورتىنا قاتىناسۋ“ جالپى حالىقتى جاپپاي دوڭگەلەك داۋلەتتىلىككە سالاماتتى قادام تاستاۋعا باستاپ، قىسقى وليمپيادا ارمانى جۇڭگو ارمانىنىڭ داۋىرلىك تاسقىنىنا قوسىلۋدا؛ حالىقاراعا كوز سالساق، دۇنيە ءجۇزىنىڭ اۋمالى - توكپەلى وزگەرىسى قارساڭىندا، بەيجيڭ قىسقى وليمپياداسى الەمگە ورتاق سپورت تىلىمەن جانە سپورت رۋحىمەن ادامزاتتىڭ ىندەتكە قول ۇستاسا قارسى اتتانۋى ءۇشىن العا باسۋ جولىن نۇرلاندىرىپ، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋگە ەڭ ۇيلەسىمدى ساحنا ازىرلەدى.
تاريحي كەزەڭ، تاريحي بورىش
2015 - جىلى 7 - ايدىڭ 31 - كۇنى، مالايزيانىڭ كۋالا - لۋمپۋر قالاسى.
حالىقارالىق ولپيميادا كوميتەتى 2022 - جىلعى قىسقى وليمپيادانى وتكىزۋ ۇقىعىنىڭ كىمگە تاۋەلدى بولارىن داۋىسقا سالۋدىڭ الدىندا، ءتوراعا شي جينپيڭنىڭ ايبىنى اسقاق قۋاتتى ءۇنى بەينە ەكران ارقىلى جيىن الاڭىن جاڭعىرتتى: ”جۇڭگو حالقى بۇل ورايدى ارمان ەتىپ جانە كۇتىپ وتىر. سىزدەر بەيجيڭدى تاڭداساڭىزدار، جۇڭگو حالقىنىڭ، ءسوز جوق، بەيجيڭدە دۇنيە جۇزىنە تاماشا، كەرەمەت، ەرەن قىسقى وليمپيادا ۇسىناتىندىعىنا سەنەمىن!“.
بۇل ەڭ تاباندى قولداۋ، ەڭ ايبىندى ۋادە ەدى.
حالىقارالىق وليمپيادا كوميتەتىنىڭ ءتوراعاسى باحتىڭ ”بەيجيڭ!“ دەپ جاريالاعان داۋىسى شىعىسىمەن جيىن الاڭى شاتتىققا شومدى، جۇڭگو شاتتىققا شومدى! بۇل ءبىر ميلليارد 400 ميلليون جۇڭگولىقتىڭ وليمپيادانىڭ قار - مۇز قاسيەتتى الاۋىمەن العاش رەت قاۋىشۋى بولماق.
حالىقارالىق وليمپيادا كوميتەتىنىڭ تاپسىرۋىمەن 3 - جاق سەرىكتەستىك جۇرگىزگەن تەكسەرۋدىڭ كورسەتۋىنشە، بەيجيڭنىڭ قىسقى وليمپياداعا ءوتىنىش بەرۋى جۇڭگونىڭ ەل ىشىندە ％90تەن ارتىق قولداۋ مولشەرىنە يە بولعان، وليمپيادانى وتكىزەتىن بەيجيڭ مەن جاڭجياكوۋدا حالىق رايىنىڭ قولداۋ مولشەرى جەكە - جەكە ％92تەن استامعا جانە ％99كە جەتكەن، بۇل بۇرىنعى قىسقى وليمپيادانى وتكىزۋگە ءوتىنىش بەرگەن قالالاردىڭ ىشىندە ەشقاشان بولعان ەمەس.
شي جينپيڭ جولداستى ۇيتقى ەتكەن پارتيا ورتالىق كوميتەتى حالىقتىڭ قالاۋىنان شىعىپ، كەلەلى جاعدايدى جوسپارلادى. ەڭسە كوتەرۋدەن، بايۋدان قۇدىرەتتەنۋگە دەيىنگى بارىستى باستان كەشىرگەن جۇڭحۋا ۇلتىنىڭ جاڭا ءداۋىردىڭ تاريحي كوورديناتىندا قار - مۇز سپورتىنىڭ الاۋىن تۇتاندىرۋىنىڭ ءمانى تەك قىسقى وليمپيادانىڭ وزىمەن عانا شەكتەلىپ قالمايدى.
باس شۋجي شي جينپيڭ بىلاي دەپ اتاپ كورسەتتى: ”بەيجيڭ قىسقى وليمپياداسىن، مۇگەدەكتەر قىسقى وليمپياداسىن وتكىزۋ وڭاي - وسپاق قولعا كەلگەن جوق، ءمانى زور، ’قوس 100 جىلدىق‘ كۇرەس نىساناسىن جۇزەگە اسىرۋمەن ايرىقشا ۇندەسەدى“.
تاريحتا تاڭعالارلىق قابىسۋ بولىپ جاتادى. 2022 - جىلى ءدال ءبىرىنشى 100 جىلدىق كۇرەس نىساناسىن جۇزەگە اسىرۋ نەگىزىندە ەكىنشى 100 جىلدىق كۇرەس نىساناسىنا قاراي جورىق جاسايتىن كەزدە بەيجيڭ قىسقى وليمپياداسى اناعۇرلىم كۇشتى ۇلتتىق سەنىم ۇيىستىرىپ، جاپپاي سوتسياليستىك وسىزاماندانعان مەملەكەت قۇرۋدىڭ تاعى ءبىر شىت جاڭا ساپارىنا كۋا بولادى جانە دەم بەرەدى.
قىسقى وليمپيادا ارمانى جۇڭگو ارمانىمەن توعىستى. قىسقى وليمپيادانىڭ ونەر باسەكەسى ساحناسى نيەت بىرىكتىرىپ، كۇش توعىستىراتىن قۋاتتى اسەر كۇشكە يە. وتانعا داڭق اپەرۋگە قۇلشىناتىن وتانشىلدىق، باتىلدىقپەن قارا ءۇزىپ شىعۋعا تالاساتىن كۇرەسكەرلىك رۋح، مەملەكەتىمىزدىڭ مەرەيىن وسىرەتىن ۇلتتىق سەنىم ءدال جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدىڭ كۇش - قۋات قاينارى سانالادى.
2014 - جىلى 2 - ايدا جۇڭگو 2022 - جىلعى قىسقى وليمپيادانى وتكىزۋگە رەسمي تۇردە ءوتىنىش بەرگەننەن 3 ايدان سوڭ، ءتوراعا شي جينپيڭ رەسەي زۇڭتۇڭى پۋتيننىڭ شاقىرۋىمەن رەسەيگە بارىپ سوچي قىسقى وليمپياداسىنىڭ اشىلۋ سالتىنا قاتىناستى. سوچيدە ءتوراعا شي جينپيڭ 43 ساعات ىشىندەگى 12 رەتكى ەكى جاقتى، كوپ جاقتى قيمىل بارىسىندا دا قىسقى وليمپيادانى وتكىزۋگە ءوتىنىش ەتۋ قىزمەتىن ىستەۋدى ەسىنەن شىعارعان جوق. ول باحقا: ”جۇڭگودا قار - مۇز سپورتى شانحايگۋاننان اسپاعان. ەگەر قار - مۇز سپورتى تۇرلەرىن ىشكەرىگە قاراي جالپىلاستىرا الساق، مەجەمەن 200 − 300 ميلليون ادامدى قاتىناسۋعا جەتەكتەي الامىز، ءسويتىپ، جۇڭگونىڭ قار - مۇز سپورتىنىڭ الاۋىن تۇتاندىرۋعا بولادى“، - دەدى. باح قاتارلىلار بۇعان ايرىقشا اسەرلەندى.
بۇنىڭ بەيجيڭ وليمپياداسىن وتكىزۋ ءوتىنىشىنىڭ ءساتتى قابىلدانۋىندا شەشۋشى ىلگەرىلەتۋشىلىك رول اتقارعانى ءشۇباسىز. 2019 - جىلى 1 - ايدا باح بەيجيڭ قىسقى وليمپياداسىنىڭ 3 جارىس اۋماعىن ارالاعان كەزدە ءتوراعا شي جينپيڭنىڭ ۇلەسىنە قالاي باعا بەرسەك دە ارتىق ەمەس دەدى. ”200 - 300 ميلليون ادامنىڭ قار - مۇز سپورتىنا قاتىناسۋىن ىلگەرىلەتۋ دۇنيە ءجۇزى قار - مۇز سپورتى ءۇشىن وراسان زور وزگەرىس بولماق“.
”دەنە تاربيەدە قۋاتتى ەل بولۋدىڭ نەگىزى بۇقارالىق دەنە تاربيەدە“. جالپى حالىقتىڭ سالاماتتىعى بولماي، جاپپاي دوڭگەلەك داۋلەتتىلىك تە بولمايدى. 2017 - جىلدىڭ باسىندا ءتوراعا شي جينپيڭ باحپەن كەزدەسكەن كەزدە بەيجيڭ قىسقى وليمپياداسىن وراي ەتىپ، باسەكەلىك دەنە تاربيەنى اناعۇرلىم جاقسى، اناعۇرلىم تەز، اناعۇرلىم بيىك ورەدە، اناعۇرلىم قۋاتتى ەتىپ جۇرگىزەتىندىگىن، سونىمەن بىرگە بۇقارالىق دەنە تاربيەنى زور كۇشپەن دامىتىپ، جالپى حالىقتىڭ دەنە شىنىقتىرۋى ارقىلى جالپى حالىقتىڭ سالاماتتىعىن جۇزەگە اسىرىپ، جاپپاي دوڭگەلەك داۋلەتتىلىك نىساناسىن جۇزەگە اسىراتىندىعىن ءبىلدىردى.
باس شۋجي شي جينپيڭ بىلاي دەپ اتاپ كورسەتتى: دەنە تاربيە قوعامنىڭ دامۋى مەن ادامزاتتىڭ العا باسۋىنىڭ ماڭىزدى بەلگىسى، جالپىلىق مەملەكەت قۋاتى مەن قوعامنىڭ وركەنيەت دەڭگەيىنىڭ ماڭىزدى بەينەسى، ول ەكونوميكالىق، قوعامدىق دامۋعا قوزعاۋشى كۇش ۇستەپ، كۇش - قۋات ۇيىستىرا الادى. باس شۋجي شي جينپيڭ تاعى بىلاي دەپ باسا دارىپتەدى: قىسقى وليمپيادانى وتكىزۋ بەيجيڭدى، تيانجيندى، حىبەيدى سايكەستىرە دامىتۋدىڭ ماڭىزدى تۇتقاسى، ءسوز جوق، ءبىر تۇلعادا جوسپارلاپ، ءبىر تۇلعادا اتقارىپ، بەيجيڭنىڭ حىبەيمەن قاتار سامعاۋىن جۇزەگە اسىرۋ كەرەك.
2015 - جىلى 8 - ايدىڭ 20 - كۇنى باس شۋجي شي جينپيڭ جۇڭگو كوممۋنيستىك پارتياسى ورتالىق كوميتەتى ساياسي بيۋروسى تۇراقتى كوميتەتىنىڭ ءماجىلىسىن باسقارىپ اشقاندا وليمپيادانى جاسىل وتكىزۋگە، وليمپيادانى بىرگە يگىلىككە كەنەلىپ وتكىزۋگە، وليمپيادانى اشىق وتكىزۋگە، وليمپيادانى پاكتىكپەن وتكىزۋگە تاباندى بولۋ جونىندە ماڭىزدى نۇسقاۋ بەرىپ، قىسقى وليمپياداعا قالاي دايىندالۋ جونىندە باس پرينسيپ بەلگىلەپ، جالپىلىق بەتالىس كورسەتتى.
حالىققا پايدالى ءىستى تام - تۇمداپ بولسا دا جۇرگىزە بەرۋ كەرەك؛ حالىققا زالالدى ءىستى تينامداي بولسا دا، ءسوز جوق، جويۋ كەرەك. قىسقى وليمپيادانى وتكىزۋ حالىقتىڭ ىرىس - قۇتى، مەملەكەتتىڭ كوركەيۋى ءۇشىن بولماق. مەيلى ەكولوگيانى الدىمەن ويلاستىرىپ، قورشاعان ورتانى جونگە سالۋدى، لاستانۋدان ساقتانۋدى جانە ونى تىزگىندەۋدى كۇشەيتۋ بولسىن، الدە تابىستان بىرگە يگىلىكتەنىپ، قالىڭ حالىق بۇقاراسىنا پايدا جەتكىزۋ بولسىن؛ مەيلى دۇنيە جۇزىنە بەت الىپ، سىرتقا ەسىك اشۋ بولسىن، الدە ۇقىپتى، ۇنەمشىل بولىپ، شىرىكتەسۋدى باتىل تيۋ بولسىن، قاي - قايسىسى دا حالىقتى وزەك ەتۋدى ايگىلەدى.
ءتوراعا شي جينپيڭ كوپتەگەن ديپلوماتيالىق ورىندا جۇڭگونىڭ قىسقى وليمپيادانى وتكىزۋ ارقىلى دۇنيە جۇزىمەن ءوزارا پايدا جەتكىزىپ، بىرگە گۇلدەنۋ تۇرعىسىن ايقىن كورسەتتى. ول بىلاي دەپ باسا دارىپتەدى: جۇڭگونىڭ قىسقى وليمپيادا وتكىزۋ ۇستانىمى ءبىزدىڭ ”ءبىر بەلدەۋ، ءبىر جولدى“ بىرگە قۇرۋ، جاسىل وركەنيەت قۇرىلىسىن ىلگەرىلەتۋ جانە شىرىكتەسۋگە قارسى تۇرىپ، پاكتىكتى دارىپتەۋ قۇلشىنىسىمىزبەن تامىرلاس. دەنە تاربيە جاعىنداعى اۋىس - كۇيىس جۇڭگونىڭ ”ءبىر بەلدەۋ، ءبىر جول“ بويىنداعى ەلدەرمەن ارالاسۋىنىڭ ءبىر بولىگىنە اينالۋ ۇستىندە.
2017 - جىلى 1 - ايدا ءتوراعا شي جينپيڭ لوزاننا حالىقارالىق وليمپيادا مۇراجايىندا باحپەن كەزدەستى. باح كەزدەسۋدەن كەيىن ءتوراعا شي جينپيڭنىڭ دەنە تاربيەنىڭ قوعامدىق دامۋدا اتقاراتىن ماڭىزدى رولى جونىندە كورەگەن دە تەرەڭ تانىمعا يە ەكەندىگى وزىنە تەرەڭ اسەر قالدىرعانىن ايتتى. ”ءتوراعا شي جينپيڭ تانىمى مەن ارەكەتى قابىسقان باسشى. ول كىسىدە نىسانا بار ەكەن، سونداي - اق نىسانانى جۇزەگە اسىراتىن ستراتەگيانى دا جاساپ، جولىن ايقىنداپ قويىپتى. بۇل نىسانا دەنە تاربيەنىڭ وزىمەن عانا شەكتەلمەي، جۇڭگونىڭ ەكونوميكالىق، قوعامدىق جانە مادەنيەت دامۋىن قامتىپ جاتىر“.
2015 - جىلى قىسقى وليمپيادانى وتكىزۋگە ءوتىنىش ءساتتى قابىلدانعاننان بەرى باس شۋجي شي جينپيڭ قىسقى وليمپياداعا دايىندالۋدىڭ اياق الىسىنا باستان - اياق كوڭىل ءبولىپ كەلدى. 1 - ايدىڭ 18 -، 19 - كۇندەرى باس شۋجي شي جينپيڭ قاقاعان ايازعا قاراماي ۇدايى 2 كۇن بەيجيڭ، يانچيڭ جانە جاڭجياكوۋ 3 جارىس اۋماعىنا بارىپ قىزمەت تەكسەردى، سونداي - اق 1 - ايدىڭ 20 - كۇنى قىسقى وليمپيادا مەن مۇگەدەكتەر قىسقى وليمپياداسىنىڭ دايىندىق قىزمەتىنەن مالىمەت بەرۋ ءماجىلىسىن باسقارىپ اشتى. باس شۋجي بىلاي دەپ باسا دارىپتەدى: بەيجيڭ قىسقى وليمپياداسىن، مۇگەدەكتەر قىسقى وليمپياداسىن ويداعىداي وتكىزۋ پارتيا مەن مەملەكەتتىڭ ءىرى ءىسى، ءبىزدىڭ حالىقارالىق قوعامعا بەرگەن ايبىندى ۋادەمىز، بەيجيڭ قىسقى وليمپياداسىنىڭ، مۇگەدەكتەر قىسقى وليمپياداسىنىڭ دايىندىق قىزمەتىن جاقسى ىستەۋدىڭ بورىشى داڭقتى، ماڭىزى زور.
”ايتقان سوزىندە تۇرىپ، ىسىنەن ناتيجە شىعاردى“. جاڭا تيپتى ايدارشا ۆيرۋس وكپە قابىنۋ ىندەتىنىڭ سىن - سايىسىنا ءدوپ كەلسە دە، جۇڭگو وليمپيادا وتكىزۋگە ءوتىنىش بەرگەندەگى ۋادەسىن تاباندىلىقپەن ورىنداپ كەلەدى.
يانچيڭدەگى مەملەكەتتىك تاۋ شاڭعى ورتالىعىندا باس شۋجيدىڭ كوپشىلىكپەن سويلەسكەن كەزدەگى ”قايراتتانىڭىزدار“ دەگەن ەكپىندى ءۇنى قىسقى وليمپياداعا قاتىستى ادامداردى ايرىقشا جىگەرلەندىردى، ونان دا ماڭىزدىسى، دۇنيە جۇزىنە جۇڭگونىڭ ۋادەسىن ورىندايتىن باتىل بەكىمىن جەتكىزدى.
ارمان قۋىپ العا باستى، قىسقى وليمپيادا ارمانىنا قانات قاقتى
بيىل باس شۋجي شي جينپيڭ بەيجيڭ قىسقى وليمپياداسىنىڭ، مۇگەدەكتەر قىسقى وليمپياداسىنىڭ دايىندىق قىزمەتى جونىندە جۇمىس باسىندا 4 - مارتە قىزمەت تەكسەردى.
استانا دەنە تاربيە سارايىندا جۇڭگو مانەرلەپ سىرعاناۋ كومانداسىنىڭ باس تاربيەشىسى جاۋ حۇڭبو باس شۋجي شي جينپيڭمەن 4 - رەت كەزدەستى.
ونىڭ 1 - رەت باس شۋجيدىڭ قابىلداۋىندا بولعانى سوچي قىسقى وليمپياداسى كەزى ەدى، ونىڭ تۇڭعىش رەت تاربيەشى سالاۋاتىمەن كوماندا باستاپ حالىقارالىق ءىرى جارىسقا قاتىناسقانى دا سول كەز. ءدال سول رەتكى اڭگىمە ماجىلىسىندە باس شۋجي جۇڭگو ۋاكىلدەر ۇيىرمەسىنە بەيجيڭنىڭ قىسقى وليمپيادانى وتكىزۋگە ءوتىنىش بەرگەن حابارىن ايتىپ، جاۋ حۇڭبونى قاتتى تەبىرەنتكەن بولاتىن.
باس شۋجيدىڭ قامقورلىعى مەن جىگەرلەندىرۋىن قايتالاي جاقىن ارالىقتان ەستۋ، ىندەت كەزىندەگى سىن - سىناقتار ساتىندە ونىڭ سەنىمىن ءتىپتى دە بەكەمدەي ءتۇستى: ”باس شۋجيدىڭ ءبىزدىڭ جاتتىعۋىمىز بەن تۇرمىسىمىزعا كوڭىل بولگەنى ءبىزدىڭ قىسقى وليمپيادا دا اتوي سالۋ جولىمىزداعى ەڭ جاقسى شابىتتاندىرۋ جانە قولداۋ بولىپ تابىلادى“.
”دەنە تاربيەدە قۋاتتى ەل قۇرۋ − جاپپاي سوتسياليستىك وسىزاماندانعان مەملەكەت قۇرۋداعى ءبىر ماڭىزدى نىسانا،“ ”ەلىمىزدىڭ قار - مۇز سپورتىنىڭ قارىشتاپ دامۋىن ىلگەرىلەتۋ − ەكىنشى 100 جىلدىق كۇرەس نىساناسىن جۇزەگە اسىرۋدىڭ ماڭىزدى قۇرامداس بولىگى ءارى قالىڭ قار - مۇز سپورتشىلارىنىڭ ومىرىندە تاپتىرماس وراي جاراتتى“. باس شۋجيدىڭ ءسوزى قىسقى وليمپيادا ساڭلاقتارىن ەرەسەن شابىتتاندىردى. ولار تۇس - تۇستان ”بىلەك سىبانا قۇلشىنا ىستەپ“، جۇڭگونىڭ قار - مۇزشىلارىنا ءتان كەرەمەتتەر جاراتاتىندىعىن ءبىلدىردى.
باس شۋجيدىڭ ”جارىستى تارتىمدى وتكىزۋ، جارىسقا قاتىناسقاندا دا تاماشا بەينە جاراتۋ كەرەك“ دەگەن تالابىنا ساي، دەنە تاربيە جۇيەسى بۇكىل ەل بايلىعىن ءبىر تۇتاس ورنالاستىرىپ، قار - مۇز سپورتى نىسانىنىڭ جاپپاي قامتۋىن تەزدەتىپ، بەيجيڭ قىسقى وليمپياداسىندا جالپى تۇرلەر بويىنشا جارىسقا قاتىناسۋ نىساناسىن جۇزەگە اسىرۋعا قۇلشىندى.
تۇتقيىل تۋىلعان ىندەت حالىقارالىق جارىس ىستەرىن زور كولەمدە كۇشىنەن قالدىردى، جاتتىعۋ، جارىس جۇلگەسى بۇزىلدى، الايدا جۇڭگو قار - مۇزشىلارى قيىندىققا بەتپە - بەت قارسى اتتانىپ، ىندەت ىقپالىن ەڭ تومەنگى شەككە تۇسىرۋگە تىرىستى. حالىقارالىق جارىستارعا قاتىناسۋ مۇمكىن بولماعاندا، كوماندا ىشىندە ەلىكتەمە جارىس ۇيىمداستىردى.
”اسكەردى مىڭ كۇن جاتتىقتىرىپ، ءبىر كۇن سوعىسقا سالاسىڭ. مۇنداي ساتتە ەرلىكپەن شايقاسپاي، ەندى قاي كەزدى كۇتۋگە بولسىن!“. باس شۋجيدىڭ وسى ءسوزى قىسقى وليمپيادا ساڭلاقتارىنىڭ جۇرەگىندە تولاسسىز جاڭعىردى، سونداي - اق ولاردىڭ قايىسپاي شايقاس جۇرگىزىپ، ەلگە داڭق اپەرۋدەگى ەڭ ۇلكەن قوزعاۋشى كۇشى بولدى.
”ەسىك الدىنداعى“ قىسقى وليمپيادا جۇڭگو قار - مۇزشىلارىنىڭ دەنە تاربيەدە قۋاتتى ەل قۇرۋ ارمانىن جۇزەگە اسىرۋى ءۇشىن ارمانعا تالپىنۋدىڭ ەڭ تاماشا ساحناسىن ازىرلەپ بەردى. باس شۋجي شي جينپيڭدى كوپ رەت كورگەن، پيوڭچاڭ قىسقى وليمپياداسىنىڭ التىن مەدال يەگەرى ۋ داجيڭ 27 جاسقا كەلۋ الدىندا تۇر. ”ساقا“ كوماندا مۇشەسى رەتىندە، ول 2022 - جىلعى بەيجيڭ قىسقى وليمپيادا جارىس الاڭىندا ءوز - وزىنە سايىس جاريالاپ ناتيجە جاراتىپ، وتان ءۇشىن اناعۇرلىم كوپ داڭققا قول جەتكىزۋدى ارمانداۋدا، سونداي - اق بۇعان كامىل سەنىمدە: ”باس شۋجي ماعان ايتقان بولاتىن، بەيجيڭ قىسقى وليمپياداسى كەزىندە مەن بار بولعانى 28گە شىعامىن، شىنتۋايتىندا كارتەيە قويمايمىن، ءالى دە جاس سپورتشى سانالامىن“.
قازىر جۇڭگو كومانداسىنىڭ قىسقى وليمپياداعا دايىندىق شايقاسى ”اتويلاۋ“ كەزەڭىنە ءوتتى، بەيجيڭ قىسقى وليمپياداسىنىڭ 109 شاعىن ءتۇرىن قامتىعان مەملەكەتتىك شوعىرلى جاتتىعۋ كومانداسى تۇگەلدەي قۇرىلىپ بولدى، جارىسقا قاتىناساتىن ساڭلاقتار 2019 - جىلدىڭ سوڭىنداعى 1100 نەشە ادامنان 500 نەشە ادامعا ىقشامدالدى، ۇزدىكسىز سارالاۋدان ءوتىپ تاڭدالعان ەگەي ەر، ەرەن سپورتشىلار قىسقى وليمپياداعا قاتىناسۋ تولىمدىلىعىن قولعا كەلتىرەدى جانە ەڭ سوڭىندا قىسقى وليمپيادادا تاماشا ناتيجەگە قول جەتكىزەدى. بۇل بەينە باس شۋجي شي جينپيڭ وسى جولعى قىزمەت تەكسەرۋ كەزىندە: ”ەلىمىزدىڭ كوپتەگەن قار - مۇز تۇرلەرى 2 جىلدان استام ۋاقىت ىشىندە جوقتان بار بولۋدى جۇزەگە اسىردى، كەيبىر تۇرلەر دۇنيە جۇزىندە وزىق دەڭگەيگە جەتىپ، پارتيانىڭ باسشىلىعى مەن مەملەكەتتىك ءتۇزىلىستىڭ، كۇشتى شوعىرلاندىرىپ ءىرى ءىس تىندىرۋدىڭ ءتۇزىم ابزالدىلىعىن تولىق ايگىلەدى“، - دەپ ايتقانىنداي ەدى.
ارمانعا قانات قاعۋشىلار بار، ارماندى تۇلعالاۋشىلار بار.
ىندەت الدىندا، 3 جارىس رايونىنداعى قىسقى وليمپيادانىڭ دايىندىق قىزمەتتەرى پارتيا ورتالىق كوميتەتىنىڭ ورنالاستىرۋلارى مەن تالاپتارىن قاتاڭ تياناقتاندىرىپ، ىندەتتەن ساقتانۋ - تىزگىندەۋ مەن قىسقى وليمپيادانىڭ دايىندىق قىزمەتىن ەكەۋىن دە بىردەي يگەرۋگە تاباندى بولىپ، قىزمەتتەردى توقتاتپادى، تەبىندى السىرەتپەدى.
باس شۋجي ”ماڭىزدىنىڭ ماڭىزدىسى“ دەپ اتاعان الاڭ - سارايلار قۇرىلىسىنىڭ جۇمىسى ەڭ الدىمەن قالپىنا كەلدى، 2020 - جىلدىڭ اياعىنا دەيىن بارلىق 12 جارىس الاڭ - سارايىنىڭ قۇرىلىسى اياقتادى. ”بيڭسىداي“، ”شۋەرۋ - ي“، ”شۇيجيڭشيە“... جۇڭگونىڭ ءداستۇرلى كوركەمدىگىن بويىنا جيعان وسى قىسقى وليمپيادا الاڭ - سارايلارىنىڭ ايدىندى كەلبەتى العاش رەت جارىققا شىقتى.
باس شۋجي شي جينپيڭ بىلاي دەپ اتاپ كورسەتتى: بەيجيڭ قىسقى وليمپياداسى، مۇگەدەكتەر قىسقى وليمپياداسى الاڭ - سارايلارىن جاڭالاپ سالۋ كوپتەگەن جۇڭگو فاكتورلارىن كىرىستىرىپ، ءبىزدىڭ مادەنيەت سەنىمىمىزدى ايگىلەدى. ءبىز قىسقى وليمپيادا سالتاناتتى جينالىسىن ويداعىداي وتكىزىپ قانا قالماستان، ونى ەرەكشە، تارتىمدى، ماڭداي الدى ەتىپ وتكىزۋىمىز كەرەك.
قىسقى وليمپيادانىڭ كوپتەگەن فاكتورلارى جۇڭگونىڭ ءداستۇرلى مادەنيەتىنەن الىنعان. بىلتىر جاريالانعان وزەكتى ءپىشىن جوباسىنىڭ شابىتى ”جول ۇستانۋدا زاڭدىلىققا قۇرمەت ەتۋ، تابيعاتپەن ادامنىڭ بىرلىگىن ساقتاۋ“ يدەياسىنان كەلگەن، قىسقى وليمپيادانىڭ ”كىشكەنتاي قىزىل ادامى“ اتالعان دەنە تاربيە ورنەگى ويما ونەرىنىڭ شىڭى ”حان ءداۋىرىنىڭ مورىنەن“ كەلگەن. ەكەۋى دە قوزعالىستاعى كۇيدى بەينەلەپ، قىسقى وليمپياداعى ءتول جاسامپازدىقتى جۇزەگە اسىرعان. بەيجيڭ قىسقى وليمپياداسىنىڭ ايشىقتى جۇڭگو مادەنيەتىنىڭ تاڭباسىن قالدىراتىندىعىندا داۋ جوق.
بىلتىر جىل سوڭىندا قىسقى وليمپيادانىڭ قۇت بەلگىسى ”بيڭدۇندۇن“، ”شۋەرۇڭرۇڭ“ ”چاڭى - 5“پەن ايعا شىعارىلىپ، وليمپيادا مەن عارىش عىلىم - تەحنيكاسىنىڭ توعىسىپ جاڭالىق اشۋىنىڭ ۇلگىسىن جاراتتى.
باس شۋجي شي جينپيڭنىڭ قاتىستى الاڭ - ساراي قۇرىلىستارى جونىندەگى ”وزىق عىلىم - تەحنيكا تاسىلىنەن پايدالانۋعا ءمان بەرۋ“ جونىندەگى تالابى دا قىسقى وليمپيادا قۇرىلىسشىلارىنىڭ جۇرەگىنە بەرىك ۇيالاعان. 2019 - جىلى 4 - ايدىڭ 14 - كۇنى 36 ساعات ۇزدىكسىز جۇمىس جۇرگىزۋدىڭ ناتيجەسىندە مەملەكەتتىك قار اربا، قار شانا جارىس جولىنىڭ S6 بولىگىنە بەتون بۇركۋ ءساتتى ورىندالىپ، ميلليمەترلىك دالدىك دەڭگەيىندە بۇركىلىپ، شەتەل سەرىكتەستىكتەرىنىڭ بەتوندى ەرەكشە تىعىز، ەرەكشە كۇشتى بۇركىپ كەڭىستىكتە تۇلعالاۋ تەحنيكاسىن مونوپولداپ الۋ جاعدايىن تالقاندادى.
جارىس جولى بىلتىر 11 - ايدا حالىقارالىق قار اربا، قار شانا بىرلەستىگىنىڭ كۋالاندىرۋىنان وتكەن كەزدە حالىقارالىق قار اربا بىرلەستىگىنىڭ ءتوراعاسى يۋو: ”بۇل، ءسوز جوق، مەن كورگەن ەڭ ايتۋلى الاڭ. قاتاڭ ىندەتتەن ساقتانۋ شاراسى استىنداعى ىركىلىسسىز دە كەمەلدى ۇيىمداستىرۋ قىزمەتى دە ماعان تەرەڭ اسەر قالدىردى“، - دەپ اۋىز جاپپاي القادى.
جاڭادان سالىنعان ساۋلەتتى مەملەكەتتىك تەز سىرعاناۋ سارايى ”بيڭسىدايعا“دا قۇرىلىس، مۇز قاتىرۋ سياقتىلاردىڭ كوپتەگەن جاڭا تەحنيكاسى، جاڭا تەحنولوگياسى پايدالانىلدى.
باس شۋجي شي جينپيڭ العا قويعان ”الاڭ - سارايلاردان قايتالاي پايدالانۋ، جان - جاقتى پايدالانۋ، ۇزاق ۋاقىت پايدالانۋ“ سىندى ”جۇڭگو تاجىريبەسىن“ باسشىلىققا الىپ، بەيجيڭ جارىس رايونى قازىرگى بار الاڭ - سارايلاردان ەڭ جوعارى شەكتە پايدالاندى، 13 باسەكەلىك جارىس جانە باسەكەلىك جارىس ەمەس الاڭ - سارايلارىنىڭ اراسىندا 11ى 2008 - جىلعى وليمپيادا جارىسىنان قالعان. ”سۋ تەكشە“ ”مۇز تەكشەگە“ وزگەرىپ، دۇنيە ءجۇزى بويىنشا تۇڭعىش ”سۋدان مۇزعا اينالعان“ الاڭ - ساراي بولدى.
قورشاعان ورتانى قورعاۋ ماسەلەسى سىرتقى دۇنيە نازار اۋدارعان ءتۇيىن بولىپ كەلەدى. باس شۋجي شي جينپيڭ: وليمپيادانى جاسىل وتكىزۋ ءۇشىن، ەكولوگيانى الدىڭعى ورىنعا قويۋعا، بايلىقتى ۇنەمدەۋگە، قورشاعان ورتا تاتۋلىعىنا تاباندى بولىپ، قىسقى وليمپياداعا كوركەم جۇڭگو نەگىزىن قالاۋ كەرەك، - دەپ اتاپ كورسەتتى.
وسى ۇستانىمنىڭ جەتەكشىلىگىندە، بەيجيڭ، جاڭجياكوۋ، ءتىپتى، بۇكىل ەل ”اشىق اسپاندى قورعاۋ شايقاسىن“ جۇرگىزۋدە.
2020 - جىلى بەيجيڭدە 5.PM2تىڭ جىلدىق ورتاشا قويۋلىعى ءار تەكشەمەتردە نەبارى 38 ميكروگرام عانا بولىپ، وسى ساندى مالىمەت 2013 - جىلى ولشەنىپ ەستەلىككە الىنعاننان بەرگى ەڭ تومەنگى شەككە ءتۇستى. قىسقى وليمپيادانىڭ دايىندىق قىزمەتى باستالعاننان بەرى چۇڭليدە جاڭادان 723 مىڭ مۋ جەرگە ورمان وتىرعىزىلىپ، ورمانمەن كومكەرىلۋ مولشەرى 2015 - جىلعى ％52تەن قازىرگى ％67كە جوعارىلادى.
”جاڭبەيدىڭ جەلى بەيجيڭنىڭ شامىن جارقىراتادى“، جاڭجياڭكوۋداعى جاڭبەي يكەمدى تۇراقتى توك ينجەنەرياسى بەيجيڭ قىسقى وليمپياداسىنىڭ وليمپيادا الاڭ - سارايلارىن جاسىل ەلەكتر قۋاتىمەن بۇكىلدەي قامتۋدى تۇڭعىش رەت جۇزەگە اسىرۋىنا مۇمكىندىك بەرەدى. يانچيڭ جارىس اۋماعىندا، ەڭ الدىمەن، تەكسەرۋگە كىرگەندەر ورمان شارۋاشىلىعى، سۋ ىستەرى جانە قورشاعان ورتانى قورعاۋ ماماندارى، ولار العاشقى كۇرەك توپىراقتى الۋدان بۇرىن، ەڭ الدىمەن، حايۋانات، وسىمدىك بايلىعىنىڭ جەرلىك نەگىزىن تەكسەرۋ جانە قورعاۋ قىزمەتىن ىستەدى.
2008 - جىلدان 2022 - جىلعا دەيىن استانا بولات - تەمىر زاۆودىنىڭ كوشىرىلۋى ەكى كەزەكتى وليمپياداعا تۋرا كەلدى. سول جىلدارى استانا بولات - تەمىر زاۆودى 2008 - جىلعى بەيجيڭ جازعى وليمپياداسى ءۇشىن تۇتاسىمەن كوشىرىلگەن سوڭ، قالعان ونەركاسىپ باقشا رايونى بۇگىندە اسىلعا اينالدى، قىسقى وليمپيادانىڭ تۇعىردان سەكىرىپ قاردا سىرعاناۋ جارىس الاڭى ”شۇيجيڭشيە“ سالىندى، بەيجيڭ قىسقى وليمپياداسىن ۇيىمداستىرۋ القاسى دا ەرتە باستان وسى اراعا كەلىپ ورنىقتى، كوپتەگەن قىسقى سپورت تۇرلەرىنىڭ مەملەكەتتىك قۇرامالارى دا وسى ارادا جاڭا بازا سالدى.
وسى ونەركاسىپ جۇرتىنىڭ قايتا سالىنعان ۇلگىسى، ءسوزسىز، بارۋعا ءتيىستى ينتەرنەت جۇلدىزىنا اينالدى، ال باح مۇنىڭ ”ماڭداي الدى جانكۇيەرى“. بيىكتەن قورقاتىن باح بار قايراتىن جيىپ استانا بولات - تەمىر زاۆودىنىڭ 3 - ءنومىرلى پەشىنىڭ مورجاسىنا شىعىپ، باقشا رايونىنا بيىكتەن كوز تاستادى. ول: ”باياندى دامۋدى وسى ارادان كورسەڭ عانا بىلەسىڭ“، - دەدى.
باس شۋجي شي جينپيڭنىڭ تالابى بويىنشا قىسقى وليمپيادانى ۇيىمداستىرۋ القاسى ىندەتتەن ساقتانۋ - تىزگىندەۋ شارالارىن قاتاڭ تياناقتاندىرىپ، بەينە ەكران ءماجىلىسى ارقىلى قاتىستى حالىقارالىق دەنە تاربيە ۇيىمدارىمەن تىعىز بايلانىستى ساقتاپ، سايكەستىرۋ كوميتەتىنىڭ ءماجىلىسى سياقتى ماڭىزدى ماجىلىستەردى دە دەر كەزىندە اشىپ، دەنە تاربيە بەلگىلەرىن ينتەرنەتتە جاريالاۋ سياقتىلاردى وتكىزىپ، ءتۇرلى دايىندىق قىزمەتتەرىنىڭ ءتارتىپتى ىلگەرىلەتىلۋىنە كەپىلدىك ەتتى.
بىلتىر جىل سوڭىنداعى 9 - كەزەكتى وليمپيادا باسشىلار باس قوسۋىنىڭ مازمۇنداماسىندا بەيجيڭ قىسقى وليمپياداسىنىڭ دايىندىق قىزمەتىنىڭ ”ەرەكشە ءساتتى“ ىلگەرىلەتىلگەندىگى اتاپ كورسەتىلدى.
ال وسى رەتكى قىزمەت تەكسەرۋدە باس شۋجي شي جينپيڭ ”وسى كەزەكتى سالتاناتتى جينالىستى ويداعىداي وتكىزۋگە تولىق سەنەتىندىگىن“ ءبىلدىرىپ، ”انىقسىزدىقتار“ اراسىندا تۇرعان وليمپيادا سپورتىنا اناعۇرلىم كۇشتى سەنىم ۇستەدى.
ورتاق ”ەكى جاۋاپنامادان“ بىرگە يگىلىكتەندى
2019 - جىلى 3 - ايدا جۇڭگو كوممۋنيستىك پارتياسى ورتالىق كوميتەتى كەڭسەسى، مەملەكەتتىك كەڭەس كەڭسەسى «2022 - جىلعى بەيجيڭ قىسقى وليمپياداسىن وراي ەتىپ قار - مۇز سپورتىن زور كۇشپەن دامىتۋ جونىندەگى پىكىردى» باسىپ تاراتىپ، قىسقى وليمپياداعا، مۇگەدەكتەر قىسقى وليمپياداسىنا دايىندالۋ جونىندە ورنالاستىرۋ جاساۋدان سىرت، تاعى بۇقارالىق قار - مۇز سپورتىن زور كۇشپەن جالپىلاستىرىپ، جاستار مەن ورەندەردىڭ قار - مۇز سپورتىن كەڭ كولەمدە ورىستەتۋدى تالاپ ەتتى.
باس شۋجيدىڭ تاپسىرۋى مەن جەبەۋىندە، جۇڭگونىڭ قار - مۇز مادەنيەتى اۋقىمعا اينالدى، بۇقارالىق قىسقى سپورت كەڭىنەن ەتەك الدى. بۇرىندارى شانحايگۋاننان اسپايتىن قار - مۇز سپورتى جىلدام ”وڭتۇستىككە تارالىپ، باتىسقا كەڭەيىپ، شىعىسقا بەت الدى“، وقۋ - اعارتۋ جانە دەنە تاربيە جۇيەسى ”قار - مۇز سپورتىنىڭ مەكتەپ اۋلاسىنا كىرۋىن“ بىرگە ىلگەرىلەتىپ، 2022 - جىلدان بۇرىن قار - مۇز سپورتىن ءجۇز قالاعا، مىڭ مەكتەپكە، ميلليون جاستار مەن ورەندەرگە جالپىلاستىرىپ، ىلگەرىلەتەدى.
حوۋ يۇيجىن انە سولاردىڭ اراسىنداعى ءبىر ”قار - مۇز ورەنى“. 2017 - جىلى 1 - ايدىڭ 23 - كۇنى باس شۋجي شي جينپيڭ بەيجيڭ قىسقى وليمپياداسىنىڭ جاڭجياكوۋ جارىس اۋماعىنا كەلىپ دايىندىق قىزمەتتەرىن تەكسەرگەندە، شاڭعى تەبۋ قىسقى لاگەرىنە قاتىناسقان ول شي اتاسىمەن ءبىر كەزدەسىپ قالۋ ورايىنا يە بولدى. ”قار - مۇز سپورتىن بالالاردان باستاپ ۇستاۋ كەرەك، بولاشاقتا سولاردىڭ اراسىنان ءبىر توپ تاڭداۋلى سپورتشى شىعۋىن ءۇمىت ەتەمىن“. باس شۋجي شي جينپيڭنىڭ تالىقپاي ءتالىم بەرۋى حوۋ يۇيجىننىڭ كوڭىلىنە ”قار - مۇز سپورتىنىڭ ارمانىن“ ۇيالاتتى.
4 جىل ىشىندە حوۋ يۇيجىن شاڭعى تەبۋ تەحنيكاسى جاعىندا ”مۇلدە بەيحاباردان“ بۇقارالىق شاڭعى تەبۋ دارەجەسىنىڭ 7 - دارەجەسىنە كوتەرىلدى؛ شاڭعى تەبۋدەن ەش حابارسىزدان مەكتەپتەگى قىسقى وليمپيادا بىلىمدەرىن ۇگىتتەيتىن كىشكەنتاي مۇعالىمعا اينالدى.
وليمپيادا قار - مۇز قىزۋ ءدۇبىرىنىڭ جەتەگىندە، وڭتۇستىكتەگى كوپتەگەن جەرلەر دە قار - مۇز قۇرىلعىلارىن سالا باستادى، جىجياڭ، گۇيجوۋ، حۋبەي سياقتى جەرلەر قار - مۇز ساياحاتشىلارى ادام سانىنىڭ جىلىنا ورتا ەسەپپەن ％10 اينالاسىندا ورنىقتى ارتۋىن ىسكە اسىردى.
”قىس“ قار - مۇز سپورتىنىڭ قارىشتاي دامۋىنا دەم بەردى، سونداي - اق اق ءتۇستى ەكونوميكانى تەبىندى ارتۋعا جەتەكتەدى.
«جۇڭگو قار - مۇز ساياحاتىنىڭ دامۋ بايانداماسى 2021»دە مەجەمەن 2020 - جىلدان 2021 - جىلعا دەيىنگى قار - مۇز ماۋسىمىندا ەلىمىزدە قار - مۇزدا ساياحاتتاۋشىلار 230 ميلليون ادام - رەتكە جەتىپ، قار - مۇزدا ساياحاتتاۋ كىرىسى 390 ميلليارد يۋاننان اساتىندىعى تىلگە الىندى.
بەيجيڭ قىسقى وليمپياداسىنا دايىندالۋ ارقىلى قار - مۇز كاسىپ سالاسىن جەتىلدىرىپ، زورايتىپ، كەدەيلىكتەن ارىلتۋدان قامال الۋ شايقاسىنىڭ جەڭىسىنە قول جەتكىزۋگە دەم بەرۋدەي تاماشا تىلەك باس شۋجيدىڭ شىنايى ءۇمىتىن ارقالاپ كەسەك تابىستارعا قول جەتكىزۋدە.
قىسقى وليمپيادانى وتكىزۋگە ءوتىنىش بەرۋدەن بۇرىن وزدەرىنىڭ شاعىن اۋدان قالاشىعىنىڭ امەريكانىڭ «نيۋ - يورك ۋاقىت گازەتىندە» 2019 - جىلعى الەمدىك ساياحاتتاعى نىسانالى جەر بولىپ كورسەتىلەتىندىگى مەملەكەت دارەجەلى كەدەي اۋداندا ءومىر ءسۇرىپ كەلە جاتقان چۇڭليلىقتاردىڭ ەش ويىنا كىرمەگەن بولار.
وسى گازەت ماقالا جازىپ بىلاي دەدى: چۇڭليدا ”ادامدى تاڭ قالدىرارلىق“ وزگەرىس تۋىلۋدا، وتكەن بىرنەشە جىل ىشىندە ”شۇعىلا شاشقان قىسقى سپورت ورتالىعىنا“ اينالدى. بارۋعا تاتيتىن 52 ساياحات نىسانالى جەرى ىشىندە چۇڭلي 32 - ورىننان ويىپ ورىن الدى.
بەيجيڭ - جاڭجياكوۋ جوعارى قارقىندى تەمىر جولى، بەيجيڭ - چۇڭلي جوعارى قارقىندى تاس جولى سياقتىلاردىڭ ىركەس - تىركەس سالىنىپ بولۋى، قىسقى وليمپيادانىڭ سايكەستى قۇرىلىستارى ىشىندەگى ”ورتالىق ارتەرياسىن“ جانداندىرىپ، جاڭجياكوۋ، چۇڭلي، يانچيڭ جانە بەيجيڭ قالا رايونىن ءبىر جەلىگە اينالدىردى، بۇل يانچيڭ، جاڭجياكوۋدىڭ رەسمي تۇردە استانانىڭ ”ءبىر ساعاتتىق قاتىناس شەڭبەرىنە“ قادام تاستاعاندىعىن كورسەتەدى، چۇڭلي دە شىن مانىندە استاناداعى شاڭعى تەبۋ اۋەسكەرلەرىنىڭ اتتاپ - اق جەتەتىن ايگىلى جەرىنە اينالدى.
بۇل بەيجيڭ، تيانجين، حىبەيدىڭ سايكەستى دامۋىنا ساياتىن ءبىر تۇتاس جۇيە، باس شۋجي بۇعان ەرتەدەن - اق جوسپار جاساعان بولاتىن: حىبەي ولكەسى، جاڭجياكوۋ قالاسى تاريحي ورايدى يگەرىپ، ”13 - بەسجىلدىق“ جوبانى اتقارۋمەن تىعىز ۇشتاستىرىپ، بەيجيڭ، تيانجين، حىبەيدىڭ سايكەستى دامۋىن ىلگەرىلەتۋمەن تىعىز ۇشتاستىرىپ، بەيجيڭ قىسقى وليمپياداسىنا دايىندالۋ ارقىلى ءتۇرلى جاقتارداعى قۇرىلىستى جەتەكتەپ، قىسقى وليمپياداعا دايىندالۋدىڭ جانە جەرگىلىكتى دامۋدىڭ ەكى ۇزدىك جاۋاپناماسىن تاپسىرۋعا قۇلشىنۋ كەرەك.
ءبىر توپ ساندى مالىمەت چۇڭليدىڭ وسى جىلدارداعى وزگەرىسىن تىكە ايگىلەي الادى −
قىسقى وليمپيادا وتكىزۋگە ءوتىنىش ەتۋ ءساتتى بولعاننان كەيىن، قىسقى وليمپيادانىڭ قار ءۇستى ويىندارى تۇرلەرىنىڭ نەگىزگى وتكىزىلەتىن جەرى رەتىندە، چۇڭليدىڭ بارلىق قازىنالىق كىرىسى ءار جىلى 200 ميلليون يۋانعا تاياۋ جىلدامدىقپەن ارتتى، 2015 - جىلى نەبارى 440 ميلليون يۋان بولسا، 2018 - جىلعا جەتكەندە ءبىر ميلليارد يۋاندىق ۇلكەن وتكەلدەن ءوتتى.
بۇل كۇندەرى شاعىن قالادا 7 ۇلكەن قار الاڭى، جيىنى 169 قار جولى بار. 2018 - جىلدان 2019 - جىلعا دەيىنگى قار ماۋسىمىندا قار بەلەتىنىڭ ساتىلۋى ميلليوننان استى.
چۇڭليدە ءار 4 ادامنىڭ بىرەۋى قار - مۇزعا قاتىستى قىزمەتپەن شۇعىلدانادى. قار الاڭىنداعى ءبىر باپكەردىڭ قار ماۋسىمىنداعى كىرىسى نەگىزىنەن 40 تا 50 مىڭ يۋانعا جەتەدى؛ ءبىر قاراپايىم شارۋا وتباسىنىڭ جىلدىق كىرىسى دە 50 مىڭ يۋاننان اسادى.
باس شۋجي شي جينپيڭنىڭ ”سايكەستى دامۋ“ جونىندەگى ورنالاستىرۋى بويىنشا بەيجيڭ مەن جاڭجياكوۋ ءوڭىرىنىڭ قاتىناس، ەكولوگيا، كاسىپ سالاسى، الەۋمەتتىك قىزمەت وتەۋ سياقتى سالالارداعى ناقتى سەلبەستىگىنە ىلەسە، جەرگىلىكتى ورىنداعى ادامدار ەسىكتەرىنىڭ الدىندا قاردان ىرىس تاپتى، 2019 - جىلى 5 - ايدا چۇڭلي رايونى مەملەكەت دارەجەلى كەدەي اۋدان تىزىمىنەن شەگىنىپ شىعىپ، تۇبەگەيلى كەدەيلىكتەن ارىلدى!
”قارلى دالا، مۇزدى القاپ تا باعالى بايلىق“. باس شۋجيدىڭ وسى باعالى ءسوزىن چۇڭليلىقتار تەرەڭ سەزىندى.
بىلتىر قىستا ءبىر مەزگىل ىندەت سەبەبىنەن جۇمىس توقتاتىلىپ ۇيىندە جاتىپ، كىرىسى كۇرت تومەندەسە دە جاڭجياكوۋ چۇڭلي تاي - ۋ شاڭعى تەبۋ شاعىن قالاشىعىنداعى قىزمەتكەر ليۋ شياۋفي وتە ابىرجىپ كەتكەنى جوق.
ول بۇدان دا قيىن كۇندەردى باسىنان وتكەرگەن. ونىڭ بالا كەزىندە نانشانياۋ قىستاعىنداعى اۋىلى تاۋ - تاسقا، ساي - سالاعا ۇلاسىپ، ۇيلەردىڭ بالشىقپەن سىلاعان قابىرعاسى ءتۇرتىپ قالسا ءتۇسىپ قالاتىن. ال بۇل كۇندەرى ول قار الاڭىندا قار تاپتاۋ ماشيناسىن جۇرگىزىپ، ايىنا 6000 دا 7000 يۋان كىرىس كىرگىزەدى، ءبىر ءۇيلى جان قالا رايونىنداعى جاڭا عيماراتقا كوشىپ كىرىپ، ەڭسەلەرى كوتەرىلىپ قالدى. ”چۇڭليلىقتاردىڭ تۇرمىستارى بارعان سايىن جاقسارىپ كەلەدى، كوپشىلىك تۇگەلدەي قىسقى وليمپياداعا العىس ايتادى، شاڭعى تەبۋ الاڭىنا العىس ايتادى“.
قىسقى وليمپيادامەن تاعدىرىن وزگەرتكەندەر تەك چۇڭليلىقتار عانا ەمەس.
وسىدان بىرنەشە جىلدىڭ الدىندا يانچيڭ رايونى جاڭشانيڭ قالاشىعى تيانسۇڭيىڭ قىستاعىنىڭ تۇرعىنى لاڭ ىنگى جۇرتقا بەيتانىس، 300 دەي قويى بار ”قويشى“ بولاتىن؛ بۇل كۇندەرى ول بەيجيڭدەگى تۇڭعىش شارۋالار شاڭعى تەبۋ اترەتىنىڭ، جاڭشانيڭ قالاشىعى حايتو شاڭعى تەبۋ اترەتىنىڭ باستىعى بولىپ، ”تانىمالى ادامعا“ اينالدى.
بۇقارانىڭ قۋانىشىن ءوز قۋانىشىنا بالاعان جاننىڭ قۋانىشىنا بۇقارا دا ورتاق بولادى. لاڭ ىنگى بىلاي دەيدى: ”بۇرىن مەن قويشى تاياعىن ۇستاسام، قازىر قولىما شاڭعى ۇستايتىن بولدىم. اۋەسىمنىڭ ىسكە اسىرۋعا بولاتىن ارمانعا اينالارىن مۇلدە ويلاماعان ەدىم. بۇل ارمان ماعان عانا قاتىستى بولىپ قالماستان، تىپتەن، مەنىڭ اۋىلىما، ءبىزدىڭ قىسقى وليمپيادامىزعا قاتىستى“.
باس شۋجي شي جينپيڭ بيىلعى جاڭا جىلعا ارناۋ سوزىندە: ”بارلىق ادام كەرەمەت!“، - دەدى.
وتباسى مەن وتان ءبىر - بىرىنە سۇيەنىپ، تاعدىرلاس بولادى. جەكەنىڭ ارمانى، قىسقى وليمپيادا ارمانى، دەنە تاربيەدە قۋاتتى ەل بولۋ ارمانى جۇڭگو ارمانىنىڭ ۇلى تاريحي بارىسىمەن توعىسۋدا.
قار - مۇز ايبىندى جوباسى، ءبىر نىساناعا قاراي العا تارتتى
”2008 - جىلعى بەيجيڭ وليمپياداسىنىڭ اشىلۋ سالتى، تىپتەن، جۇڭگو جونىندەگى تاريح ساباعىنا ۇقسايدى، بۇل رەت قويىلعان ويىن فانتازيالىق كينوعا ۇقسايدى، ودان مەن جۇڭگونىڭ بولاشاعىن كوردىم“. 2018 - جىلى 2 - ايدىڭ 25 - كۇنى برازيليانىڭ FSB اقپارات اگەنتتىگىنىڭ ءتىلشىسى ابەلادو . انتونيو . مەندەس پيوڭچاڭ قىسقى وليمپياداسىنىڭ جابىلۋ سالتىنداعى ”بەيجيڭ 8 مينۋتىن“ كورگەن سوڭ وسىلاي دەدى.
مەندەستىڭ كورگەنى ”جۇڭگونىڭ بولاشاعى“، سونداي - اق دۇنيە ءجۇزىنىڭ بولاشاعى. سوناۋ 2013 - جىلى ءتوراعا شي جينپيڭ رەسەيدىڭ ماسكەۋ حالىقارالىق قارىم - قاتىناس شۋەيۋانىندا لەكسيا سويلەگەندە بىلاي دەپ اتاپ كورسەتكەن بولاتىن: مىنا دۇنيە ءجۇزى بارعان سايىن ءبىر - بىرىمەن بىتە قايناسقان تاعدىرلاس ورتاق تۇلعاعا اينالىپ بارادى، بەيبىتشىلىك، دامۋ، سەلبەستىك، تەڭ يگىلىكتەنۋ ءداۋىر اعىمىنا اينالۋدا.
بەيجيڭ قىسقى وليمپياداسىنا دايىندالۋ بارىسى وسى ءبىر ءتۇيىندى جاندى ءتۇسىندىردى.
باس شۋجيدىڭ ”وليمپيادانى اشىق وتكىزۋ“ ۇستانىمىنان جازباي، بەيجيڭ قىسقى وليمپياداسىنىڭ ۇيىمداستىرۋ كوميسسياسى ەرەكشە ۇسىنىس ەتىلگەن ماماندار ءتۇزىمىن ورناتىپ، الاڭ - سارايلار جوباسى، جارىس جولدارىن جوبالاۋ، جارىسقا ۇيىمداستىرۋ، قار ىستەرى قىزمەتى سياقتى سالالارعا كوپتەگەن شەتەلدىك مامانداردى اكەلدى. شەتەلدىك نىسان مامانى نيكولاي 2016 - جىلى العاش رەت جۇڭگوعا كەلگەندە يانچيڭ مەملەكەتتىك تاۋ شاڭعى ورتالىعىنا بارىپ تەكسەرۋ جۇرگىزگەن. ال بۇگىندەرى ول قىسقى وليمپيادا ۇيىمداستىرۋ كوميسسياسىنىڭ دەنە تاربيە بولىمىندە مىندەت اتقارىپ، بەيجيڭدە تۇرمىس كەشىرۋدە.
40 نەشە جىلدان بەرى جۇڭگو سىرتقا ەسىك اشۋ اياق الىسىن ەشقاشان توقتاتقان ەمەس، ال بەيجيڭ قىسقى وليمپياداسى، ءسوزسىز، جۇڭگو مەن دۇنيە ءجۇزىنىڭ بايلانىستى قويۋلاتۋداعى ۇدەتكىشىنە اينالارى حاق.
ءبىر جاعىنان، جۇڭگونىڭ قوعامدىق دامۋى قىسقى وليمپيادانى وتكىزۋدىڭ پايداسىن كورەدى؛ ەندى ءبىر جاعىنان، جۇڭگو وليمپيادا سپورتىمەن بۇكىل دۇنيە جۇزىنە ۇلەس قوسادى.
وليمپيادا رەفورما وي جەلىسىمەن وسكەلەڭ بىردەي بولعان جاسىل، تەڭ يگىلىككە كەنەلەتىن، اشىق، پاك بولۋ سىندى وليمپيادا وتكىزۋ ۇستانىمى، مەملەكەتتىك قار اربا، قار شانا ورتالىعى مەن ”بيڭسىداي“ سياقتى الاڭ - ساراي قۇرىلىستارىندا ايگىلەنگەن وزىق عىلىم - تەحنيكا، استانا بولات - تەمىر كونە ونەركاسىپ رايونىن جاڭالاۋ مەن يانچيڭ جارىس اۋماعىندا ”تاۋ - ورمانى الاڭ - سارايىن“ تۇلعالاۋدىڭ قورشاعان ورتانى قورعاۋ جوباسى... باس شۋجي شي جينپيڭنىڭ قامقورلىعى مەن جەبەۋىندە، بەيجيڭ قىسقى وليمپياداسىنىڭ دايىندالۋ بارىسى ءارى جۇڭگونىڭ ۋادەسىن ورىنداۋ، ۇزدىكسىز ءوزىن ارلەۋ، جىلدام دامۋ بارىسى، تىپتەن، دۇنيە جۇزىنە جۇڭگو جوباسىن، جۇڭگو پاراساتىن، جۇڭگو ۇلەسىن ۇسىنۋ بارىسى سانالادى.
ەگەر 2008 - جىلعى بەيجيڭ وليمپياداسىن ءالى دە وليمپيادا ولشەمىنە قاتار تۇزەۋدە دەسەك، ال بۇگىنگى قىسقى وليمپياداعا دايىندالۋدىڭ جەلىلەس تابىستارى بەيجيڭنىڭ جاڭا وليمپيادا ولشەمىن ورناتىپ جاتقانىن اڭعارتادى. مۇنىڭ استارىندا مەملەكەت قۋاتىنىڭ قاۋىرت ارتۋى مەن كۇن سايىن كۇشەيگەن مادەنيەت سەنىمى جاتىر.
بەيبىت دامۋ، تاعدىرلاس بولۋ. بۇل ادامزاتتىڭ تاعدىرلاس ورتاق تۇلعاسىن قۇرۋدىڭ تاماشا العاشقى ارمانى، سونداي - اق وليمپيادانىڭ سوڭعى مۇراتى.
وسكەلەڭ بىردەي بولۋدىڭ رۋحاني وزەگى بەيجيڭ قىسقى وليمپياداسىن وسى باستامانى امالياتتا ايگىلەيتىن تاعى ءبىر تۇعىرعا اينالدىرۋدا.
تۇسىنىسسەڭ بوگەت بولماس قيان - قيىر شەت جاعا، تاتۋلىعىڭ قۇپ جاراسار كورشىدەيىن تەك قانا. باس شۋجي شي جينپيڭ بىلاي دەدى: بەيجيڭنىڭ 2022 - جىلعى قىسقى وليمپيادانى وتكىزۋ ۇقىعىنا ءساتتى يە بولۋى جۇڭحۋا وركەنيەتىنىڭ دۇنيە جۇزىندەگى ءار ەل وركەنيەتىمەن اۋىس - كۇيىس جاساۋىن، ءوزارا ۇلگى الۋىن جەبەۋگە پايدالى.
”ادامزاتتىڭ تاعدىرلاس ورتاق تۇلعاسىن قۇرۋ“ سىندى دارىپتەمەنىڭ بارعان سايىن قۇدىرەتتى باۋرامپازدىعى مەن ومىرشەڭدىگىن كورسەتكەنىندەي، بەيجيڭ قىسقى وليمپياداسىن وتكىزۋگە دايىندالۋ باستان - اياق دۇنيە ءجۇزىنىڭ نازارىن اۋدارىپ، تىپتەن، جان - جاقتىلى مويىنداۋعا جانە قولداۋعا يە بولىپ وتىر.
رەسەي زۇڭتۇڭى پۋتين 2018 - جىلى جۇڭگودا ساپاردا بولعان كەزىندە ءتوراعا شي جينپيڭمەن تيانجيندەگى ”شياڭيۋە مۇز دوپ الاڭىندا“ كەزدەسىپ، جۇڭگو - رەسەي جاسوسپىرىمدەر مۇز دوپ دوستىق جارىسىن بىرگە تاماشالادى. پۋتين وسىنداي جاسوسپىرىمدەردىڭ مۇز دوپ سپورتى اۋىس - كۇيىسىنىڭ رەسەي - جۇڭگو ەكى ەل دوستىعىنىڭ جاڭا دانەكەرىنە اينالۋىن ءۇمىت ەتەتىندىگىن ايتتى.
بىلتىر 10 - ايدا قىسقى وليمپيادا مەن مۇگەدەكتەر قىسقى وليمپياداسى دۇنيە جۇزىلىك اقپارات قۇرالدارى جينالىسى بەينە ەكران ءماجىلىسى ارقىلى ءدال ۋاعىندا اشىلدى، 400 دەن استام ادامنىڭ تىزىمدەلىپ، ماجىلىسكە قاتىناسۋى وسى رەتكى اقپارات قۇرالدارى ءماجىلىسىن قىسقى وليمپيادا تاريحىنداعى قاتىناسقان ادام سانى ەڭ كوپ ءبىر رەتكى جينالىسىنا اينالدىردى. بەيجيڭ قىسقى وليمپياداسى ۇيىمداستىرۋ كوميسسياسىنىڭ شەتەلدىك مامانى، حالىقارالىق وليمپيادا كوميتەتى اقپارات قۇرالدارى اينالىمى ءبولىمىنىڭ بۇرىنعى باس باقىلاۋشىسى انتوني. ەدگار: ”بۇل دۇنيە جۇزىندەگى اقپارات قۇرالدارىنىڭ بەيجيڭ قىسقى وليمپياداسىنا ايرىقشا قىزىعىپ وتىرعاندىعىن اڭعارتادى“، - دەدى.
دەنە تاربيە مەملەكەت شەكاراسىمەن، ناسىلمەن شەكتەلمەيدى، ول كۇللى ادامزاتتىڭ ورتاق ءتىلى. وليمپيادا دۇنيەگە كەلگەن كۇننەن باستاپ بەيبىتشىلىككە، دوستىققا دەگەن ماڭگىلىك تالپىنىسقا ۋاكىلدىك ەتتى.
2018 - جىلى پيوڭچاڭ قىسقى وليمپياداسىنىڭ جابىلۋ سالتىنداعى تارتىمدى ”بەيجيڭ 8 مينۋتىندا“ ءتوراعا شي جينپيڭ بەينە ەكران ارقىلى بىلاي دەپ شاقىرتۋ جىبەردى: ”مەن جانە ميلليارد جۇڭگو حالقى دۇنيە جۇزىندەگى بارلىق دوستاردىڭ 2022 - جىلى بەيجيڭدە باس قوسۋىن قارسى الامىز! سىزدەردى قارسى الامىز، دوستاردى قارسى الامىز!“
(قاتىناسقان تىلشىلەر: جاڭ شياۋسۇڭ، جۋ جيچاي، گاۋ پىڭ، ۋاڭ مىڭ، ۋاڭ يۇڭ، جاڭ شياۋ، ياڭ فان، چين جيڭ، ۋي مىڭجيا)
(شينحۋا اگەنتتىگىنىڭ 1 - ايدىڭ 31 - كۇنى بەيجيڭنەن بەرگەن حابارى)
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
