ورتالىق كوميتەت كەڭسەسى، مەملەكەتتىك كەڭەس كەڭسەسى «جوعارى ولشەمدى بازار جۇيەسىن قۇرۋ ارەكەت جوباسىن» باسىپ تاراتتى
2021.02.02 14:07 كەلۋ قاينارى : شينجياڭ گازەتى
شينحۋا اگەنتتىگىنىڭ 1 - ايدىڭ 31 - كۇنى بەيجيڭنەن بەرگەن حابارى. جۋىقتا جۇڭگو كوممۋنيستىك پارتياسى ورتالىق كوميتەتى كەڭسەسى، مەملەكەتتىك كەڭەس كەڭسەسى «جوعارى ولشەمدى بازار جۇيەسىن قۇرۋ ارەكەت جوباسىن» باسىپ تاراتتى ءارى حابارلاندىرۋ شىعارىپ، جەر - جەردەن، تاراۋلاردان ءىس جۇزىندىك جاعدايمەن بىرلەستىرىپ، مۇقيات دايەكتىلەندىرۋدى، تياناقتاندىرۋدى تالاپ ەتتى.
«جوبادا» مىنالار اتاپ كورسەتىلدى: جوعارى ولشەمدى بازار جۇيەسىن قۇرۋ − سوتسياليستىك بازار شارۋاشىلىعى ءتۇزىلىسىن جەدەل كەمەلدەندىرۋدىڭ ماڭىزدى مازمۇنى، ەل ءىشى ۇلكەن اينالىمىن نەگىزگى تۇلعا ەتەتىن، ەل ءىشى، حالىقارا سىندى قوس اينالىم ءبىرىن - ءبىرى جەبەيتىن جاڭا دامۋ ارناسىن جەدەل قۇرۋدا ماڭىزدى مانگە يە.
«جوبانىڭ» جالپى تۇلعالىق تالابى مىنالار: شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، بازاردىڭ بايلىقتى جايعاستىرۋ بارىسىنداعى شەشۋشى رولىن تولىق ساۋلەلەندىرىپ، ۇكىمەتتىڭ رولىن اناعۇرلىم ويداعىداي ساۋلەلەندىرىپ، ىشكى سۇرانىستى كەڭەيتۋ سىندى وسى ستراتەگيالىق نەگىزگى ءتۇيىندى مىقتاپ يگەرىپ، تەڭ دارەجەدە بازارعا كىرۋگە رۇقسات ەتۋگە، ءادىل باقىلاۋ - باسقارۋعا، اشىق، ءتارتىپتى بولۋعا، سەنىمدى، زاڭعا بويسۇنۋعا تاباندى بولىپ، بازار اينالىمىن ىركىلىسسىزدەندىرىپ، ساياسات بوگەتتەرىن ارشىپ، اينالىمعا ءتۇسۋدىڭ ۇلكەن ارناسىن اشىپ، بازاردىڭ ساپاسىن جوعارىلاتىپ، ونىمدىلىگىن ارتتىرۋىن ىلگەرىلەتۋ كەرەك، 5 جىل اينالاسىندا قۇلشىنىس جاساۋ ارقىلى ءبىر تۇتاس اشىق ۇستالاتىن، باسەكەسى ءتارتىپتى، ءتۇزىمى مۇلتىكسىز، جونگە سالۋى كەمەلدى جوعارى ولشەمدى بازار جۇيەسىن نەگىزىنەن قۇرىپ، ەكونوميكانىڭ جوعارى ساپالى دامۋىن ىلگەرىلەتۋگە، جاڭا دامۋ ارناسىن جەدەل قۇرۋعا، مەملەكەتتى جونگە سالۋ جۇيەسى مەن جونگە سالۋ قابىلەتىن وسىزامانداندىرۋدى ىلگەرىلەتۋگە بەرىك نەگىز قالاۋ كەرەك.
«جوبادا» مىنالار تالاپ ەتىلدى: ءبىرىنشى، بازار جۇيەسىنىڭ نەگىزگى ءتۇزىمىن بەكەمدەۋ. مال - مۇلىك ۇقىعىن قورعاۋ ءتۇزىمىن جاپپاي كەمەلدەندىرىپ، مال - مۇلىك ۇقىعىن تەڭ دارەجەدە قورعاۋدىڭ زاڭ، زاڭ ەرەجە جۇيەسىن كەمەلدەندىرىپ، مال - مۇلىك ۇقىعىنىڭ زاڭ اتقارۋ، ءادىليالىق قورعاۋ ءتۇزىمىن اقاۋسىزداندىرىپ، ءبىلىم مەنشىك ۇقىعىن قورعاۋدى كۇشەيتىپ، اۋىل - قىستاق كوللەكتيۆ مال - مۇلىك ۇقىعى ءتۇزىمىن اقاۋسىزداندىرۋ كەرەك. بازارعا كىرۋگە رۇقسات ەتۋدىڭ ۇنامسىز ءتىزىمى ءتۇزىمىن جاپپاي اتقارىپ، ”مەملەكەت بويىنشا ءبىر تىزىمدىك“ باسقارۋ ۇلگىسىن جاپپاي تياناقتاندىرىپ، بازارعا كىرۋگە رۇقسات ەتۋ سىناق ءتۇيىنىن كەڭەيتۋدى ورىستەتىپ، كاسىپورىنداردى تىزىمنەن ءوشىرۋدى قولايلىلاندىرۋدى ىلگەرىلەتۋ كەرەك. ءادىل باسەكە ءتۇزىمىن جاپپاي كەمەلدەندىرىپ، ءادىل باسەكەلەسۋدى تەكسەرۋ تۇزىمىندەگى قاتاڭ تەجەۋلەردى كۇشەيتىپ، مونوپوليالاۋعا قارسى تۇرۋ مەن ورىنسىز باسەكەگە قارسى تۇرۋداعى زاڭ اتقارۋدى كۇشەيتىپ جانە ونى جاقسارتىپ، وڭىرلىك بولىسكە سالۋ مەن جەرگىلىكتى قورعاۋدى جويۋ كەرەك.
ەكىنشى، فاكتور بايلىعىن جوعارى ءونىمدى جايعاستىرۋدى ىلگەرىلەتۋ كەرەك. تيجارات سيپاتتى جەر فاكتورلارىن بازارلاندىرا جايعاستىرۋدى ىلگەرىلەتىپ، جەر باسقارۋ ءتۇزىمى رەفورماسىن تەرەڭدەتىپ، قۇرىلىسقا پايدالاناتىن جەر بازارى جۇيەسىن كەمەلدەندىرىپ، جەر كورسەتكىشىن ءوڭىر اتتاپ ساۋدالاۋ سىناق ءتۇيىنىن ورىستەتۋ كەرەك. ەڭبەككۇش فاكتورلارىنىڭ ءتارتىپتى اينالىمىن ىلگەرىلەتىپ، نوپوسقا كىرۋ جىل شەگىن سول قالا نوپوسىنداعىلارمەن ۇقساس جيناقتاپ ەسەپتەپ، ءوزارا مويىنداپ، ادام كۇشى بايلىعىنا قىزمەت وتەۋ ساپاسىن جوعارىلاتۋ كەرەك. كاپيتال بازارىنىڭ اقاۋسىز دامۋىن جەبەپ، جارنا تاراتۋ، تىركەۋگە الۋ ءتۇزىمى رەفورماسىن ورنىقتى ىلگەرىلەتىپ، ۇدايىلانعان بازاردان شەگىنۋ مەحانيزمىن ورناتىپ، كاپيتال بازارى قۇرىلىمىنا قارجى قوسۋشىلاردى جەتىلدىرىپ، ناقتى ەكونوميكانىڭ قارجى قۇراۋ وزىندىك قۇنىن تومەندەتۋ كەرەك. ءبىلىم، تەحنيكا جانە ساندى مالىمەت فاكتورلارى بازارىن دامىتىپ، عىلىم - تەحنيكا جەتىستىگىن كادەگە جاراتۋ مەحانيزمىندە جاڭالىق اشىپ جانە ونى جەبەپ، مىندەتتىك عىلىم - تەحنيكا جەتىستىگى مال - مۇلىك ۇقىعى ءتۇزىمىن اقاۋسىزداندىرىپ، ساندى مالىمەت فاكتورلارى بازارىن جەدەل جەتىلدىرىپ، دامىتىپ، ءبىلىم مەنشىك ۇقىعى مەن عىلىم - تەحنيكا جەتىستىگى مال - مۇلىك ۇقىعىن ساۋدالاۋ قۇرىلىمىن قۇرۋ كەرەك.
ءۇشىنشى، بازار ورتاسى مەن ساپاسىن جاقسارتۋ، كوتەرۋ كەرەك. تاۋار مەن قىزمەت وتەۋ ساپاسىن جوعارىلاتىپ، ساپانى باسقارۋ ساياسات - شارالارىن كەمەلدەندىرىپ، كاسىپورىنداردىڭ ولشەمدى ”سەركە“ ءتۇزىمىن ساپالىلاندىرىپ، ماركانىڭ جەتەكشىلىك رولىن اناعۇرلىم ساۋلەلەندىرىپ، تاۋار بازارىنىڭ جاڭالىق اشا دامۋىن ىلگەرىلەتۋ كەرەك. تۇتىنۋشىلاردىڭ ۇقىق - مۇددەسىن قورعاۋدى كۇشەيتىپ، تۇتىنۋ ۇقىعىن قورعاۋ ءتۇزىمى قۇرىلىسىن كۇشەيتىپ، تۇتىنۋ داۋ - دامايىن ءبىر جاقتى ەتۋ ءتارتىبىن قاراپايىمداستىرۋ كەرەك. بازار نەگىزدىك قۇرىلعى قۇرىلىسىن كۇشەيتىپ، بازار نەگىزدىك قۇرىلعىسىنىڭ ۇلاسۋىن، تۇتاسۋىن ىلگەرىلەتىپ، زەردەلى بازاردى دامىتۋدان ۇلگى كورسەتۋ ينجەنەرياسىن اتقارىپ، تۇعىرلى كاسىپورىنداردىڭ اقاۋسىز دامۋىنا دەم بەرىپ، ەنەرگيا تاۋارى ساۋدا تۇعىرىن جەتىلدىرۋ، دامىتۋ كەرەك.
ءتورتىنشى، جوعارى دەڭگەيدە بازاردى اشىق ۇستاۋدى اتقارۋ كەرەك. قىزمەت وتەۋ كاسىبى بازارىن اشىق ۇستاۋدى ءتارتىپتى كەڭەيتىپ، فينانستىق قىزمەت وتەۋ كاسىبى بازارىن اشىق ۇستاۋدى ءتارتىپتى كەڭەيتىپ، قوعامدىق قىزمەت وتەۋ كاسىبى بازارىن اشىق ۇستاۋدى ءتارتىپتى كەڭەيتىپ، شەتەلدىك ساۋداگەرلەردىڭ قارجى قوسىپ بازارعا كىرۋدىڭ الدىندا حالىقتىق مامىلەسىنە ۇنامسىز ءتىزىم قوسىپ باسقارۋ ءتۇزىمىن كەمەلدەندىرىپ، شەكارا سىرتىنداعى تۇتىنۋدى قايتا اكەلۋگە باستاۋ ساياساتىن كەمەلدەندىرۋ كەرەك. قاعيدا سياقتى ءتۇزىم تيبىندەگى اشىق ۇستاۋدى ىلگەرىلەتىپ، باسەكە قاعيداسى سالاسىنداعى اشىق سەلبەستىكتى تەرەڭدەتىپ، تۇتىنۋ ونىمدەرىنىڭ ەل ءىشى - سىرتىندا ولشەمدى ۇشتاسۋىن ىلگەرىلەتۋ كەرەك.
بەسىنشى، وسىزاماندانعان بازاردى باقىلاۋ - باسقارۋ مەحانيزمىن كەمەلدەندىرۋ كەرەك. جالپىلىق سايكەسىپ باقىلاۋ - باسقارۋدى ىلگەرىلەتىپ، ”قوس كەزدەيسوق، ءبىر اشىق - اشكەرە“ باقىلاۋ - باسقارۋدى جالپى بەتتىك ىلگەرىلەتىپ، جاڭا كاسىپ كۇيىن كەشىرىمدىلىكپەن، بايىپتىلىقپەن باقىلاۋ - باسقارۋ ءتۇزىمىن اقاۋسىزداندىرۋ كەرەك. ءتۇيىندى سالالاردى باقىلاۋ - باسقارۋدى كۇشەيتىپ، ءتۇيىندى تاۋار بازارىنداعى باعانى باقىلاۋ - باسقارۋدى كۇشەيتىپ، فاكتور بازارى ساۋداسىن باقىلاۋ - باسقارۋدى كۇشەيتۋ كەرەك. زاڭ بويىنشا، سەنىمدى ءوزىن تارتىپكە شاقىرۋ مەحانيزمى مەن باقىلاۋ - باسقارۋ مەحانيزمىن اقاۋسىزداندىرىپ، بازار نەگىزگى تۇلعاسىنىڭ سەنىمدىلىك ۋادەسى ءتۇزىمىن كەمەلدەندىرىپ، سەنىمدىلىكتى دارەجەگە، تۇرگە ايىرىپ باقىلاۋ - باسقارۋدى بار كۇشپەن ىلگەرىلەتۋ كەرەك. قوعامدىق باقىلاۋ - باسقارۋ مەحانيزمىن اقاۋسىزداندىرىپ، كاسىپتىك قوعامنىڭ، ساۋدا قوعامىنىڭ رولىن ساۋلەلەندىرىپ، بازارداعى ماماندانعان قىزمەت وتەۋ ۇيىمدارىنىڭ باقىلاۋ رولىن ساۋلەلەندىرىپ، الەۋمەتتىڭ جانە قوعامدىق پىكىردىڭ باقىلاۋ رولىن ساۋلەلەندىرۋ كەرەك. باقىلاۋ - باسقارۋ قۇرىلىمدارىن باقىلاۋدى كۇشەيتىپ، باقىلاۋ - باسقارۋ قۇرىلىمدارىنىڭ قىزمەت جاۋاپكەرشىلىگىن اتقارۋىن باقىلاۋ مەحانيزمىن اقاۋسىزداندىرۋ كەرەك. بازار حاۋىپسىزدىگى مەن ورنىقتىلىعىن قورعاپ، بازار حاۋىپسىزدىگىن قورعاۋ ءتۇزىلىس - مەحانيزمىن كەمەلدەندىرىپ، بازاردىڭ قالىپسىز تولقۋى مەن سىرتقى ورتانىڭ سوققى حاۋىپ - قاتەرىنەن بەلسەنە ساقتانۋ كەرەك.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
