«<تۇنىق سۋ، جاسىل تاۋ − باعالى بايلىق> دەگەن ايتىلىمنىڭ قۇنى ارتىپ وتىرادى» (شاعىن كورىنىس - باس شۋجي شي جينپيڭنىڭ ەكى ماجىلىستە ۇيىرمە، گرۋپپالاردىڭ تالقىسىنا قاتىناسۋىنان - ەكى ماجىلىسكە ناق مايداندا نازار)
«حالىق گازەتىنىڭ» ءتىلشىسى دۋ شاڭزى
2021.03.06 14:03 كەلۋ قاينارى : حالىق تورابى
ۋاقىتى: 3 - ايدىڭ 5 – كۇنى
كۇن ءتارتىبى: باس شۋجي شي جينپيڭ ىشكى موڭعۇل ۋاكىلدەر ۇيىرمەسىنىڭ باياندامانى قاراۋىنا قاتىناستى
«بۇرىن موڭكەتاڭىردىڭ (حانزۋشا اتالۋى: تىڭگىلي، موڭعۇلشا اتالۋى: موڭكەتاڭىر) لاستانۋى وتە اۋىر ەدى، جاقىن ماڭداعى ولكە، رايون، قالالار قۇمدى شولگە لاس سۋ جىبەرەتىن، مەن بۇل ماسەلە جونىندە ارنايى بەكىتۋ جازىپ، لاستانۋدى توقتاتىپ، جونگە سالۋدى كۇشەيتۋدى تالاپ ەتكەن ەدىم».
ىشكى موڭعۇل ۋاكىلدەر ۇيىرمەسىنىڭ باياندامانى قاراۋىنا قاتىناسقاندا، باس شۋجي شي جينپيڭ ەكولوگيالىق ورتانى قورعاۋ تاقىرىبىنا تاعى ءبىر رەت توقتالدى.
«وزەن سارىلداپ اعۋدا، تەرىسكەي تاۋ ەتەگىندە مالشىلاردىڭ قونىسى ورنالاسقان، توڭىرەگى كوز جەتكىسىز ساحارا...» ولەڭدە بەينەلەنگەن تاماشا كورىنىس ءبىر مەزەت بۇلدىرۋگە ۇشىراپ، ساحارانىڭ ءسانى كەتىپ، كورگەن ادام اشىناتىنداي كۇيگە تۇسكەن ەدى.
ەكولوگيالىق ورتانى مەملەكەتتىك ستراتەگيانىڭ جالپى جاعدايىنا قويىپ وي جۇگىرتتى، باس شۋجي شي جينپيڭ باياندامانى قاراۋ بارىسىندا ىشكى موڭعۇلعا «وتانىمىزدىڭ سولتۇستىگىندەگى ەكولوگيالىق حاۋىپسىزدىك قالتقىسىن بەكەمدەۋدى» تاعى ءبىر رەت قاداعالاپ تاپسىردى. ول تەرەڭ سۇيىسپەنشىلىكپەن بىلاي دەدى:
«تاۋ، سۋ، ورمان، اتىز، كول، جايىلىم، ءشول جۇيەسىن جونگە سالۋدى ءبىر تۇتاس جوسپارلاۋ كەرەك، مۇندا ‹ءشولدى› دە قوسۋ كەرەك. ەكولوگيانى قورعاۋ، قالپىنا كەلتىرۋ ينجەنەرياسىن ويداعىداي اتقارىپ، ەكولوگيالىق جۇيەنى قورعاۋ تەبىنىن ارتتىرىپ، ەكولوگيالىق جۇيەنىڭ ورنىقتىلىعى مەن باياندىلىعىن جوعارىلاتۋ كەرەك».
ۋاكىل جوۋ ي - جى ىشكى موڭعۇلدىڭ ۇلكەن ھينگان ورمان الاڭىنان كەلگەن، كەزىندە تاۋ قويناۋىنداعى ورماننان 30 نەشە جىل اعاش كەسكەن جۇمىسشى ەدى. وسى بىرنەشە جىلدا ونىڭ سالاۋاتى وزگەردى، اعاش كەسۋشىدەن ورمان قورعاۋشىعا اينالدى، بالتانى تاستاپ، قولىنا كۇرەك الدى. ول سوزىندە باس شۋجيگە ورمانداعى وزگەرىستى بىلايشا باياندادى:
«ەلىك، قوڭىر ايۋ ورمان الاڭى مەن باسقارۋ - قورعاۋ پۋنكتىنەن ۇنەمى كەزىگىپ قالادى. مەجەگە قاراعاندا، 2018 - جىلى ءبىزدىڭ بۇل اراداعى ورمان جانە سازدىق ەكولوگيالىق جۇيەسىنىڭ قىزمەت وتەۋ يقۋاتىنىڭ جالپى قۇنى 615 ميلليارد 974 ميلليون يۋان بولعان، تۇنىق سۋ، جاسىل تاۋ شىنىندا باعالى بايلىققا اينالدى».
كوكتەم كەلىپ، تاۋ – تاس جاسىل جەلەك جامىلدى. جوۋ ي – جىنىڭ جىنىس ورمان جونىندەگى اڭگىمەسىن ەستىگەن باس شۋجي شي جينپيڭ ريزاشىلىق ءبىلدىرىپ، كۇلىمسىرەگەن كۇيىندە بىلاي دەدى:
«ءسىز ايتىپ وتىرعان وسى ەكولوگيالىق جالپى قۇن جاسىل GDP ۇعىمىمەن بىردەي، وسىنىڭ ءوزى ەكولوگيانىڭ قۇن جاراتا الاتىنىن تۇسىندىرەدى. مۇندا ورمان اعاشتارىنىڭ وزىندىك قۇنى بولۋمەن بىرگە، ورتانى تازارتۋ اسەرى دە بار، ول ساياحات، ورمان شارۋاشىلىعى سياقتىلاردى دامىتۋعا دا باستاماشى بولا الادى. ‹تۇنىق سۋ، جاسىل تاۋ − باعالى بايلىق›، ءىس جۇزىندە وسى ايتىلىمنىڭ قۇنى ارتىپ وتىرادى».
ءبىر شوعىر ادامداعى، ءبىر كاسىپتەگى وزگەرىس ءداۋىردىڭ ايبىندى وزگەرىسىن ايگىلەدى. باس شۋجي شي جينپيڭ تەبىرەنە بىلاي دەدى: «اعاش كەسۋشىدەن ورمان قورعاۋشىعا اينالىپ، كاسىپ جاعىنان بۇرىلىس جاساپ وتىرسىز، مىنە، بۇل − مەملەكەتىمىزدىڭ كاسىپ قۇرىلىمىندا بۇرىلىس جاساۋىنىڭ ىقشام كورىنىسى».
جوۋ ي – جى دە وسىنداي ماقتانىش سەزىمىندە وتىر ەدى. قالىڭ ورمان، قارلى دالادا شىت جاڭا وزگەرىستەر تۋىلۋدا. تاۋ – تاس جاسىلداندى، سۋ مولايىپ، كوگال كوبەيدى، ادامداردىڭ تانىمى دا وزگەردى، كوپشىلىكتىڭ «جاڭا دامۋ تانىمى» دەگەن قىزۋ تالقىعا اينالعان ءسوز جونىندەگى تانىمى دا جاڭارا ءتۇستى.
«جاڭا دامۋ تانىمى − تۇتاس تۇلعا، ءسوز جوق، كەمەلدى، ءدال، جان - جاقتى ءتۇسىنىپ جانە دايەكتىلەندىرىپ، ونى جاڭا دامۋ جاعدايىنا قىزمەت وتەۋگە جانە توعىستىرۋعا كۇش سالۋ كەرەك». جۇڭگوعا كوز جىبەرسەك، «ۋاقىت» پەن «اۋقىمعا» عىلمي تۇجىرىم جاساپ، «قاتەر» مەن «ورايدى» ديالەكتيكالىق تۇرعىدان يگەرىپ وتىر، باس شۋجي شي جينپيڭ تالايدان بەرى: «ارتىقشىلىقتى اسىرىپ، كەمشىلىكتى تولىقتاپ، ۇزدىكتەردى جەتىلدىرىپ، ونىمدىلىكتى ارتتىرۋعا نازار اۋدارىپ، قۇرىلىمدى رەتتەۋگە، فۋنكتسيانى وزگەرتۋگە، ساپانى جوعارىلاتۋعا كۇش سالۋ كەرەك. بۇل − ءبىر نىسانا، بۇل نىسانانى جۇزەگە اسىرۋدا كوپتەگەن قىزمەت ىستەۋ كەرەك» دەگەن ءتالىمىن جالىقپاي، شىن ىقىلاسپەن ورتاعا قويىپ كەلەدى.
ۋاقىت وتە كەلە سان وزگەرىسىنەن ساپا وزگەرىسى تۋىندايدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
