شي جينپيڭ ساياسي كەڭەس ماجىلىسىنە قاتىناسقان ەمدەۋ، ءدارى - دارمەك، دەنساۋلىق ساقتاۋ سالاسىنداعى، وقۋ - اعارتۋ سالاسىنداعى مۇشەلەرگە امانداسا بارعاندا مىنانى دارىپتەدى
حالىقتىڭ سالاماتتىعىن قامتاماسىزداندىرۋدى الدىمەن دامىتىلاتىن ستراتەگيالىق ورىنعا قويۋ، ساپالى، بىركەلكى نەگىزگى الەۋمەتتىك وقۋ - اعارتۋعا قىزمەت وتەۋ جۇيەسىن كۇش سالا قالىپتاستىرۋ كەرەك
ۋاڭ ياڭ امانداسۋدا جانە تالقىدا بىرگە بولدى
2021.03.07 17:00 كەلۋ قاينارى : حالىق تورابى
ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ 3 - ايدىڭ 6 - كۇنى ساياسي كەڭەس مەملەكەتتىك 13 - كەزەكتى كوميتەتىنىڭ 4 - ماجىلىسىنە قاتىناسىپ جاتقان ەمدەۋ، ءدارى - دارمەك، دەنساۋلىق ساقتاۋ سالاسىنداعى، وقۋ - اعارتۋ سالاسىنداعى مۇشەلەرگە امانداسا باردى ءارى بىرىككەن گرۋپپا جيىنىنا قاتىناسىپ، پىكىر - ۇسىنىستاردى تىڭدادى. ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك ساياسي كەڭەستىڭ ءتوراعاسى ۋاڭ ياڭ امانداسۋدا جانە تالقىدا بىرگە بولدى.
سۋرەتتى شينحۋا اگەنتتىگىنىڭ ءتىلشىسى ۋاڭ يە تۇسىرگەن.
«حالىق گازەتى»، 3 - ايدىڭ 6 - كۇنى، بەيجيڭ. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ 3 - ايدىڭ 6 - كۇنى تۇستەن كەيىن ساياسي كەڭەس مەملەكەتتىك 13 - كەزەكتى كوميتەتىنىڭ 4 - ماجىلىسىنە قاتىناسىپ جاتقان ەمدەۋ، ءدارى - دارمەك، دەنساۋلىق ساقتاۋ سالاسىنداعى، وقۋ - اعارتۋ سالاسىنداعى مۇشەلەرگە امانداسا باردى ءارى بىرىككەن گرۋپپا ماجىلىسىنە قاتىناسىپ، پىكىر - ۇسىنىستاردى تىڭدادى. ول مىنالاردى دارىپتەدى: حالىقتىڭ سالاماتتىعىن قامتاماسىز ەتۋدى الدىمەن دامىتىلاتىن ستراتەگيالىق ورىنعا قويىپ، نەگىزگى ەمدەۋ، دەنساۋلىق ساقتاۋ ىستەرىنىڭ الەۋمەتتىك يگىلىك سيپاتىندا تاباندى بولىپ، نازاردى حالىقتىڭ سالاماتتىعىنا ىقپال جاسايتىن سالماقتى اۋرۋلار مەن باستى ماسەلەلەرگە شوعىرلاندىرىپ، سالاماتتى جۇڭگو ارەكەتىن جەدەل اتقارىپ، مەملەكەتتىڭ الەۋمەتتىك دەنساۋلىق ساقتاۋدان قورعانۋ تورىن بەكەمدەپ، ۇكىمەت باسقارۋىنداعى شيپاحانالاردىڭ ساپالى دامۋىن ىلگەرىلەتىپ، حالىققا سالاماتتىق جاعىنان جان - جاقتى، تولىق پەريودتى قىزمەت وتەۋ كەرەك. پارتيانىڭ وقۋ - اعارتۋ باعىتىن جاپپاي دايەكتىلەندىرىپ، سوتسياليستىك مەكتەپ باسقارۋ باعىتىندا، وقۋ - اعارتۋدىڭ الەۋمەتتىك يگىلىك پرينسيبىندە تاباندى بولىپ، ساپالى، بىركەلكى نەگىزگى الەۋمەتتىك وقۋ - اعارتۋعا قىزمەت وتەۋ جۇيەسىن كۇش سالا ورناتىپ، ساپالى وقۋ - اعارتۋ جۇيەسىن ورناتىپ، حالىق رازى بولاتىن وقۋ - اعارتۋدى ويداعىداي جۇرگىزىپ، احىلاق، اقىل - وي، دەنە، ەستەتيكا، ەڭبەك جاقتارىنان جان - جاقتى جەتىلگەن سوتسياليزمنىڭ قۇرىلىسشىلارى مەن ءىزباسارلارىن جەتىلدىرۋ كەرەك.
«8 - ناۋرىز» حالىقارالىق ەڭبەكشى ايەلدەر مەرەكەسى قارساڭىندا شي جينپيڭ ج ك پ ورتالىق كوميتەتى اتىنان مەملەكەتتىك ەكى ماجىلىسكە قاتىناسىپ جاتقان ايەل ۋاكىلدەرگە، ايەل مۇشەلەرگە، ايەل قىزمەتكەرلەرگە، بۇكىل ەلدەگى ءار ۇلت، ءار سالا ايەلدەرىنە، شياڭگاڭ ەرەكشە اكىمشىلىك رايونىنداعى، اۋمىن ەرەكشە اكىمشىلىك رايونىنداعى جانە تايۋان رايونىنداعى ايەل باۋىرلاستارعا، شەتەلدەگى ايەل مۇھاجىر باۋىرلاستارعا مەرەكەلىك سالەم جولدادى جانە ىزگى تىلەك ءبىلدىردى.
ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك ساياسي كەڭەستىڭ ءتوراعاسى ۋاڭ ياڭ امانداسۋدا جانە تالقىدا بىرگە بولدى.
بىرىككەن گرۋپپا ماجىلىسىندە ۋ حاۋ، حۋاڭ لۋچي، ۋاڭ چىن، يان چۇنحۋا، ۋاڭ حۋان، حۋ يۇي، لين جۇڭچين قاتارلى 7 مۇشە نەگىزگى ساتى دەنساۋلىق ساقتاۋ جۇيەسىن كەمەلدەندىرۋ، جۇڭگوشا شيپاگەرلىك پەن ءدارى - دارمەكتىڭ ساپالى دامۋىن جەبەۋ، جاڭا داۋىردەگى مەملەكەتتىڭ مەديتسينالىق وقۋ - اعارتۋ جانە زەرتتەۋ جۇيەسىن ورناتۋ، جوعارى دارەجەلى وقۋ - اعارتۋ قۇرىلىمىن ساپالىلاندىرۋ، نەگىزدىك وقۋ - اعارتۋدىڭ ساپالى دامۋىن ىلگەرىلەتۋ، ۇكىمەت باسقارۋىنداعى شيپاحانالاردىڭ ساپالى دامۋىن ىلگەرىلەتۋ، وقۋ - اعارتۋ وزگەرىسىندە جاڭالىق اشۋدى ىلگەرىلەتۋ سياقتىلار توڭىرەگىندە ءسوز سويلەدى.
شي جينپيڭ كوپشىلىكتىڭ ءسوزىن تىڭداعاننان كەيىن ماڭىزدى ءسوز سويلەدى. ول مىنانى ءبىلدىردى: مەملەكەتتىك ساياسي كەڭەستىڭ ەمدەۋ، ءدارى - دارمەك، دەنساۋلىق ساقتاۋ سالاسىنداعى، وقۋ - اعارتۋ سالاسىنداعى مۇشەلەرگە امانداسا كەلىپ، بىرلەسكەن گرۋپپانىڭ تالقىسىنا قاتىناسقانىما توتەنشە قۋانىشتىمىن. ج ك پ ورتالىق كوميتەتى اتىنان وسىندا وتىرعان مۇشەلەرگە، بۇكىل ەلدەگى قالىڭ ساياسي كەڭەس مۇشەلەرىنە شىنايى سالەم جولدايمىن.
شي جينپيڭ بىلاي دەپ اتاپ كورسەتتى: وتكەن ءبىر جىل جاڭا جۇڭگو تاريحىنداعى وزگەشە ءبىر جىل بولدى. قىم - قۋىت كۇردەلى حالىقارالىق جاعداي، ەل ىشىندەگى جاپالى دا اۋىر رەفورما، دامۋ، ورنىقتىلىق مىندەتى، اسىرەسە، جاڭا تيپتى ايدارشا ۆيرۋس وكپە قابىنۋ ىندەتىنىڭ اۋىر سوققىسى الدىندا، ج ك پ ورتالىق كوميتەتى بۇكىل پارتيانى، بۇكىل ەلدەگى ءار ۇلت حالقىن ىنتىماقتاستىرىپ جانە باستاپ، ءبىر نيەتپەن سەلبەسىپ، قيىندىقتاردان تايسالماي العا ۇمتىلىپ، جاپالى قۇلشىنىستار ارقىلى ىندەتتەن ساقتانۋ - تىزگىندەۋدە كەلەلى ستراتەگيالىق تابىستارعا قول جەتكىزىپ، دۇنيە جۇزىندەگى نەگىزگى ەكونوميكالىق تۇلعالار اراسىندا ەكونوميكانىڭ وڭ مانمەن ارتۋىن الدىمەن جۇزەگە اسىرىپ، كەدەيلىكتەن ارىلتۋدان قامال الۋ شايقاسىندا جاپپاي جەڭىسكە جەتىپ، جاپپاي دوڭگەلەك داۋلەتتى قوعام قۇرۋدا ۇلى تاريحي تابىستارعا قول جەتكىزىپ، رەفورما جاساۋدى، ەسىك اشۋدى ىشكەرىلەي ىلگەرىلەتىپ، «13 - بەسجىلدىق» جوسپاردى ءساتتى اياقتادى، «14 - بەسجىلدىق» جوسپاردى جان - جاقتى جاسادى. وڭاي - وسپاق قولعا كەلمەگەن بۇل ناتيجەلەر − بۇكىل پارتيانىڭ، بۇكىل ەلدەگى ءار ۇلت حالقىنىڭ ىنتىماقتاسا كۇرەس جۇرگىزۋىنىڭ، قاجىماي - تالماي ەڭبەكتەنۋىنىڭ ناتيجەسى، سونداي - اق دەموكراتيالىق پارتيا - توپتاردىڭ، مەملەكەتتىك ساۋدا - ونەركاسىپشىلەر بىرلەستىگىنىڭ جانە پارتيادا، توپتا جوق قايراتكەرلەردىڭ جاپالى ەڭبەگىنىڭ، ۇدىرە العا تارتۋىنىڭ ناتيجەسى.
شي جينپيڭ بىلاي دەپ دارىپتەدى: جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانۋدىڭ شەشۋشى ساتىندە قالىڭ ەمدەۋ قىزمەتكەرلەرى پارتيا مەن حالىقتىڭ ماڭىزدى تاپسىرىعىن ورىنداپ، اق كيىمدى قورعانىش ەتىپ، ەرلىكپەن جورىققا اتتانىپ، باسىن ءباي تىگىپ، قاجىرلىلىقپەن شايقاس جاساپ، قان - تەرىن توگە وتىرىپ ۆيرۋسقا سوققى بەرۋدىڭ قۇرىش قورعانىن سوعىپ، ءىس جۇزىندىك ارەكەتتەرى ارقىلى شيپاگەرلەردىڭ مەيىر - شاپاعاتى مەن شەكسىز سۇيىسپەنشىلىگىن ايگىلەدى. قالىڭ وقۋ - اعارتۋ قىزمەتكەرلەرى ىندەتكە قارسى اتتانۋ جانە «ساباق توقتاعانمەن، ۇيرەنۋدى توقتاتپاۋ، ۇزدىكسىز وقىتۋ» سىندى ەكى شەپتە شايقاس جاساپ، ءجۇز ميلليونداعان وقۋشىنىڭ دەنساۋلىعىن قورعاپ، دۇنيە جۇزىندەگى ەڭ كولەمدى جەلىدە وقۋ - اعارتۋعا تىرەك بولىپ، ىندەتكە قارسى اتتانۋ، ساباقتى جاپپاي تارتىپپەن قالپىنا كەلتىرۋ ءۇشىن ماڭىزدى ۇلەس قوستى. شي جينپيڭ ج ك پ ورتالىق كوميتەتى اتىنان ەمدەۋ، ءدارى - دارمەك، دەنساۋلىق ساقتاۋ سالاسىنداعى مۇشەلەردەن، وقۋ - اعارتۋ سالاسىنداعى مۇشەلەردەن، بۇكىل ەلدەگى قالىڭ ەمدەۋ قىزمەتكەرلەرى مەن وقۋ - اعارتۋ قىزمەتكەرلەرىنەن شىنايى حال سۇرادى.
شي جينپيڭ بىلاي دەپ اتاپ كورسەتتى: حالىقتىڭ سالاماتتىعى − قوعامدىق وركەنيەتتىڭ العا باسۋىنىڭ نەگىزى، ۇلتتىڭ گۇلدەنىپ - كوركەيۋى مەن مەملەكەتتىڭ قۇدىرەتتەنۋىنىڭ ماڭىزدى بەلگىسى. وسى رەتكى جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانۋدىڭ امالياتى ساقتانۋ ەڭ ۇنەمدى، ەڭ ءونىمدى دەنساۋلىق تاكتيكاسى ەكەنىن تاعى ءبىر رەت دالەلدەدى. تاجىريبەلەردى قورىتىندىلاپ، ساباق قابىلداپ، ىندەتتەن ساقتانۋ - تىزگىندەۋدى ۇدايىلاندىرۋمەن بىرگە، اناعۇرلىم دالمە - ءدال، اناعۇرلىم ءونىمدى تۇردە ساقتانۋدى تياناق ەتىپ، ساقتانۋ وتكەلىن الدىعا جىلجىتىپ، اۋرۋدان ساقتانۋ - تىزگىندەۋ جۇيەسىنە رەفورما جاساپ جانە ونى كەمەلدەندىرىپ، الەۋمەتتىك دەنساۋلىق ساقتاۋداعى كەلەلى حاۋىپ - قاتەردى باعالاۋ ، تۇجىرىم جاساۋ، شەشىم جاساۋ مەحانيزمىن كەمەلدەندىرىپ، ەمدەۋ مەن قورعانۋدىڭ سايكەسۋ مەحانيزمىندە جاڭالىق اشىپ، بىرلەسىپ ساقتانۋ، بىرلەسىپ تىزگىندەۋ مەحانيزمى مەن سالماقتى ىندەتتەن ساقتانۋ - ەمدەۋ مەحانيزمىن اقاۋسىزداندىرىپ، ەرتە كەزدەگى باقىلاۋ، ساقتاندىرۋ قابىلەتىن، تەز تەكسەرۋ قابىلەتىن، شۇعىل جاعدايعا توتەپ بەرۋ، ءبىر جاقتى ەتۋ قابىلەتىن، قۇتقارۋ - ەمدەۋ قابىلەتىن كۇشەيتىپ، وتانشىلدىق تازالىق قيمىلىن ىشكەرىلەي ورىستەتىپ، سالماقتى اۋرۋلاردان تۋ باستان ساقتانۋ جانە ونى تىزگىندەۋ كەرەك.
شي جينپيڭ مىنالاردى دارىپتەدى: وسى رەتكى جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانۋدا ۇكىمەت باسقارۋىنداعى شيپاحانالار ەڭ شۇعىل، ەڭ قاتەرلى، ەڭ جاپالى ەمدەۋ - قۇتقارۋ قىزمەتىن ارقالاپ، نەگىزگى قوسىندىق رولىن ساۋلەلەندىردى. ۇكىمەت باسقارۋىنداعى ەمدەۋ، دەنساۋلىق ساقتاۋ قۇرىلىمدارى قۇرىلىسىنىڭ تەبىنىن ارتتىرىپ، اۋدان كولەمىندەگى ەمدەۋ ورتاق تۇلعاسى قۇرىلىسىن ىلگەرىلەتىپ، نەگىزگى ساتىنىڭ نەگىزدىك قۇرىلعى شارت - جاعدايىن جاقسارتىپ، اۋىل - قىستاق شيپاگەرلەرىنىڭ مامىلەسىن تياناقتاندىرىپ، نەگىزگى ساتىنىڭ اۋرۋدان ساقتانۋ، اۋرۋدى ەمدەۋ جانە سالاماتتىقتى باسقارۋ قابىلەتىن جوعارىلاتۋ كەرەك. ەمدەۋ، ءدارى - دارمەك، دەنساۋلىق ساقتاۋ ءتۇزىلىسى رەفورماسىن تەرەڭدەتىپ، دارەجەگە ءبولىپ ەمدەۋ ءتۇزىمى، وسى زامانعى شيپاحانا باسقارۋ ءتۇزىمى، جالپى حالىقتىق ەمدەلۋدى قامسىزداندىرۋ ءتۇزىمى، ءدارى - دارمەكپەن قامداۋدى قامتاماسىزداندىرۋ ءتۇزىمى، جالپىلىق باقىلاۋ - باسقارۋ ءتۇزىمى سياقتى جاقتاردا تىڭ تابىستارعا قول جەتكىزۋگە قۇلشىنۋ كەرەك. جۇڭگوشا شيپاگەرلىك پەن ءدارى - دارمەكتىڭ دۇرىس جولدان تايماي جاڭالىق اشۋ، مۇراگەرلىك ەتىپ دامىتۋ قىزمەتىن ويداعىداي ىستەپ، جۇڭگوشا شيپاگەرلىك پەن ءدارى - دارمەكتىڭ ەرەكشەلىگىنە ۇيلەسەتىن قىزمەت وتەۋ جۇيەسىن، قىزمەت وتەۋ ۇلگىسىن، باسقارۋ ۇلگىسىن، دارىندىلاردى تاربيەلەۋ ۇلگىسىن ورناتىپ، ءداستۇرلى جۇڭگوشا شيپاگەرلىك پەن ءدارى - دارمەكتىڭ ءوز رولدارىن ساۋلەلەندىرۋىنە مۇمكىندىك جاساۋ كەرەك. جۇڭگوشا، باتىسشا دارىلەردىڭ جاڭا تيپتى ايدارشا ۆيرۋس وكپە قابىنۋىن ەمدەۋ جاعىنداعى ونىمدىلىگىن عىلمي قورىتىندىلاپ جانە باعالاپ، جۇڭگوشا دارىلەردىڭ جاڭا تيپتى ايدارشا ۆيرۋس وكپە قابىنۋىن ەمدەۋدەگى ەمدىك ءونىمىن عىلمي ادىسپەن ءتۇسىندىرۋ كەرەك. شەشۋشى، وزەكتى تەحنيكالاردان قامال الۋدى كۇشتى شوعىرلاندىرا وتىرىپ ورىستەتىپ، ءدارى - دارمەك، ەمدەۋ اسپاپتارى، مەديتسينالىق جابدىقتار، ۆاكسينا سياقتى سالالارداعى «كىلتيپان» ماسەلەلەرىن جەدەل شەشۋ كەرەك. ەمدەۋ قامسىزداندىرۋى رەفورماسىنىڭ تەبىنىن ۇزدىكسىز ارتتىرىپ، ءدارى - دارمەكتى شوعىرلى، مولشەرلى ساتىپ الۋدى ۇدايىلاندىرىپ، تۇزىمدەندىرىپ ورىستەتىپ، سالماقتى، ەرەكشە سالماقتى اۋرۋلاردى ەمدەۋ قامسىزداندىرۋى مەن قۇتقارۋ - كومەك بەرۋ ءتۇزىمىن اقاۋسىزداندىرىپ، ەمدەۋ قامسىزداندىرۋى قورىن باقىلاۋ - باسقارۋ ءتۇزىمى رەفورماسىن تەرەڭدەتىپ، حالىق بۇقاراسىنىڭ «قامسىزداندىرۋ اقشاسىن»، «ءومىردى قۇتقارۋ اقشاسىن» ويداعىداي ساقتاۋ كەرەك.
شي جينپيڭ بىلاي دەپ اتاپ كورسەتتى: قالىڭ ەمدەۋ قىزمەتكەرلەرى − حالىقتىڭ ءومىرى مەن دەنساۋلىعىنىڭ قورعاۋشىسى. ىندەتكە قارسى اتتانۋ ۇلى رۋحىن بارىنشا ساۋلەلەندىرىپ، ىندەتكە قارسى اتتانۋداعى ىزگى ىستەر مەن ءداۋىر ۇلگىلەرىن ىشكەرىلەي ۇگىتتەپ، تۇتاس قوعامدا شيپاگەرلەردى قۇرمەتتەپ، دەنساۋلىق ساقتاۋعا ءمان بەرەتىن تاماشا اۋقىم قالىپتاستىرۋ كەرەك. ەمدەۋ قىزمەتكەرلەرىن قورعاۋدى، ولارعا كوڭىل ءبولۋدى، ولاردى ايالاۋدى كۇشەيتىپ، ەمدەۋ قىزمەتكەرلەرىنىڭ قوعامدىق ورنىن جوعارىلاتىپ، شيپاحانانىڭ اماندىق ساقتاۋ قۋاتى مەن قۇرىلعى قۇرىلىسىن كۇشەيتىپ، شيپاحانادا شۋ كوتەرۋ جانە شيپاگەرلەردى زورلىقتى كۇشپەن جارالاۋ ارەكەتىنە زاڭ بويىنشا قاتاڭ سوققى بەرۋ كەرەك. قالىڭ ەمدەۋ قىزمەتكەرلەرى شيپاگەرلىك ءمورال، شيپاگەرلىك ستيل جانە شيپاگەرلىك جولىنا قاتاڭ بويسۇنىپ، شيپاگەرلىك ءمورالدى جەتىلدىرىپ، ونەردى ۇشتاپ، جاپا - ماشاقاتقا شىداپ، ءومىر بويى ۇلەسكەر شيپاگەر بولىپ، حالىق بۇقاراسىنا دەنساۋلىق جاعىنان اناعۇرلىم ساپالى، جوعارى ءونىمدى قىزمەت وتەۋگە قۇلشىنۋى كەرەك.
شي جينپيڭ بىلاي دەپ دارىپتەدى: وقۋ - اعارتۋ − مەملەكەتتىڭ ۇلى ءىسى، پارتيانىڭ ۇلى ءىسى. پارتيا مەن مەملەكەت ىستەرىنىڭ دامۋ جالپى جاعدايى تۇرعىسىنان، پارتيا ءۇشىن ادام تاربيەلەۋدەن، مەملەكەت ءۇشىن دارىندى تاربيەلەۋدەن جازباي، ءمورال ارقىلى ادام تاربيەلەۋدى يدەيا - ءمورال تاربيەسىنىڭ، مادەنيەت بىلىمدەرى تاربيەسىنىڭ، قوعامدىق اماليات تاربيەسىنىڭ ءارقايسى بۋىنىمەن توعىستىرىپ، نەگىزدىك وقۋ - اعارتۋدىڭ، كاسىپتىك وقۋ - اعارتۋدىڭ، جوعارى دارەجەلى وقۋ - اعارتۋدىڭ ءار سالاسىمەن ساباقتاستىرىپ، ءپان جۇيەسى، وقىتۋ جۇيەسى، وقۋلىق جۇيەسى، باسقارۋ جۇيەسى قۇرىلىستارىنىڭ ءار جاعىندا ايگىلەپ، تامىردى جەتىلدىرىپ، رۋحتى سومداپ، اقىل - پاراساتتى اشۋ كەرەك. ەلىمىزدىڭ رەفورما، دامۋ امالياتىنان جاڭا كوزقاراستى العا قويىپ، جاڭا نازاريا ورناتىپ، جۇڭگوشا ەرەكشەلىككە، جۇڭگوشا ستيلگە، جۇڭگوشا سالاۋاتقا يە پاندەر جۇيەسىن، عىلمي جۇيەنى، ءسوز سويلەۋ جۇيەسىن قۇلشىنا قالىپتاستىرۋ كەرەك. ساپالى وقۋ - اعارتۋ جۇيەسىن قۇرۋدى ارقاۋ ەتىپ، وقۋ - اعارتۋدى باعالاۋ رەفورماسىن جەتەكشى ەتىپ، ادام تاربيەلەۋ ءتاسىلى، مەكتەپ باسقارۋ ۇلگىسى، باسقارۋ ءتۇزىلىسى، قامتاماسىزداندىرۋ مەحانيزمى رەفورماسىن ءبىر تۇتاس ىلگەرىلەتۋ كەرەك. وقۋ - اعارتۋدىڭ جاڭالىق اشا دامۋعا قىزمەت كورسەتۋ قابىلەتىن كۇشەيتىپ، ساپالى دامۋعا ۇيلەسەتىن، جوعارى دەڭگەيدە ءوز كۇشىنە سۇيەنىپ، ءوزىن الۋەتتەندىرەتىن اناعۇرلىم كوپ ءتۇرلى دارىندىلاردى باۋلۋ كەرەك. بۇقارانىڭ اڭىسى كۇشتى بولعان كورنەكتى ماسەلەلەرگە، وقۋ - اعارتۋدى جەلەۋ ەتىپ بۇقارانىڭ مۇددەسىنە زيان جەتكىزەتىن ارەكەتتەرگە قاداعالاي نازار اۋدارىپ، باتىلدىقپەن تۇبەگەيلى تۇزەتۋ كەرەك.
شي جينپيڭ مىنالاردى اتاپ كورسەتتى: وقىتۋشىلار − وقۋ - اعارتۋ قىزمەتىنىڭ تىرەكتى كۇشى. ساپالى وقىتۋشىلار بولعاندا عانا ساپالى وقۋ - اعارتۋ بولادى. جاقسى وقىتۋشى بولۋ ءۇشىن، ءبىلىم بەرىپ، ادام تاربيەلەۋدەن جازباۋ، وقۋ - اعارتۋدى قىزۋ سۇيەتىن تاباندىلىق، اتاق - ابىرويعا بوي ۇرمايتىن تاباندىلىق بولۋ، مۇرات - سەنىم، ءمورالدىق قاسيەت، تىڭعىلىقتى ءبىلىم، مەيىرىمدىلىك سەزىمى بولۋ كەرەك. قالىڭ يدەيالىق - ساياسي نازاريا ساباعى وقىتۋشىلارى ساياسيدا مىعىم، سۇيىسپەنشىلىگى تەرەڭ، ويى جاڭا، كوز اياسى كەڭ، ءوزىن تەجەۋى قاتاڭ، ادامگەرشىلىگى دۇرىس بولۋ كەرەك. وقىتۋشىلىق ءمورال، ۇستازدىق ستيل قۇرىلىسىن ماڭداي الدى ورىنعا قويىپ، قالىڭ وقىتۋشىلاردى اعا بۋىن وقۋ - اعارتۋ قىزمەتكەرلەرىنىڭ «قىزمەتكە جان - تانىمەن كىرىسۋ، كەلدى - كەتتى كۇن وتكىزبەۋ» رۋحىنا مۇراگەرلىك ەتۋگە جانە ونى ساۋلەلەندىرۋگە جەتەكتەپ، وقۋ - اعارتۋ ىستەرىنە ادال نيەتپەن، ۇلەس قوسۋ نيەتىمەن، مەيىرباندىقپەن ات سالىسۋ كەرەك. ورتا، باتىس بولەكتەگى دامىماعان رايوندارداعى وقىتۋشىلاردى باعىتتامالى تاربيەلەۋدى جانە دالمە - ءدال تاربيەلەۋدى كۇشەيتىپ، اۋىل - قىستاق وقىتۋشىلارىن قولداۋ جوسپارىن ىشكەرىلەي اتقارۋ كەرەك. بۇكىل پارتيادا، بۇكىل قوعامدا وقىتۋشىلاردى قۇرمەتتەپ، وقۋ - اعارتۋعا ءمان بەرەتىن قوعامدىق سالتتى بارىنشا ساۋلەلەندىرىپ، تاڭداۋلى دارىندىلار باسەكەلەسە وقىتۋشىلىقپەن شۇعىلداناتىن، قالىڭ وقىتۋشىلار ءوز قابىلەتىن ساۋلەلەندىرەتىن، جاقسى وقىتۋشىلار ۇزدىكسىز جارىققا شىعاتىن تاماشا جاعدايدىڭ قالىپتاسۋىن ىلگەرىلەتۋ كەرەك.
شي جينپيڭ مىنالاردى دارىپتەدى: ەلىمىزدەگى قالىڭ ايەلدەر جاڭا داۋىردەگى جۇڭگوشا سوتسياليزم ىستەرىنە بەلسەنە ات سالىسىپ، ايەلدەر ەرلەردەن قالىسپايدى دەيتىن اسقاق سەزىم جانە قۇلشىنىسى ارقىلى «جارتى الەمدىك» ماڭىزدى رول اتقاردى. اسىرەسە، جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە جەتۋ، كەدەيلىكتەن ارىلتۋدان قامال الۋ شايقاسىنىڭ جەڭىسىنە قول جەتكىزۋ، جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانۋ سياقتى شەپتەردە قالىڭ ايەلدەر ەرلىكپەن العا ۇمتىلىپ، قايسارلىقپەن كۇرەس جۇرگىزىپ، جاڭا داۋىردەگى ايەلدەردىڭ كەلبەتىن تولىق ايگىلەدى.
شي جينپيڭ بىلاي دەپ اتاپ كورسەتتى: پارتيا مەن مەملەكەتتىڭ دامۋ ۇلى جوباسىن جۇزەگە اسىرۋ ايەلدەردى قامتىعان بارلىق جۇڭحۋا ۇلاندارىنىڭ بىرگە كۇرەس جۇرگىزۋىن قاجەت ەتەدى. قالىڭ ايەلدەردىڭ ۇلى ىستەردىڭ قۇرۋشىسى، وركەنيەتتى سالتتىڭ دارىپتەۋشىسى، ارمانعا تالپىنۋدىڭ كۇرەسكەرى بولىپ، جاپپاي سوتسياليستىك وسىزاماندانعان مەملەكەت قۇرۋدىڭ جاڭا ساپارىندا جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋعا تىڭ دا اناعۇرلىم زور ۇلەس قوسۋىن ءۇمىت ەتەمىن. ءار دارەجەلى ايەلدەر بىرلەستىگى ۇيىمدارى قالىڭ ايەلدەردى پارتيانىڭ سوزىنە قۇلاق اسۋعا، پارتياعا ىلەسۋگە جەتەكتەۋ سىندى ساياسي جاۋاپكەرلىكتى ارقالاپ، قالىڭ ايەلدەردىڭ تاريحي جاۋاپكەرلىك سەزىمى مەن قوجايىندىق رۋحىن تاسقىنداتىپ، ەلىمىزدىڭ ايەلدەر ىستەرىنىڭ دامۋىن ىلگەرىلەتۋگە تىڭ ۇلەس قوسۋى كەرەك. ءار دارەجەلى پارتكومدار مەن ۇكىمەتتەر ايەلدەر ءىسىن دامىتۋدىڭ، ايەلدەر قىزمەتىن ويداعىداي ىستەۋدىڭ كەلەلى ءمانىن جەتە تانىپ، ءمان بەرۋ، كوڭىل ءبولۋ، قولداۋ سەرپىنىن ارتتىرىپ، ايەلدەردىڭ ۇقىق - مۇددەسىنە زيان جەتكىزەتىن زاڭعا قايشى قىلمىستىق ارەكەتتەرگە قاتاڭ سوققى بەرىپ، ايەلدەردىڭ ۇقىق - مۇددەسىن زاڭ بويىنشا قورعاۋى كەرەك.
ديڭ شۋەشياڭ، جاڭ چيڭلي، ۋان گاڭ، لۋ جانگۇڭ، لي بين قاتارلىلار بىرىككەن گرۋپپا ماجىلىسىنە قاتىناستى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
