«وقۋ – اعارتۋداعى وسى ماسەلەلەرگە بارلىعىمىز كوڭىل ءبولۋىمىز كەرەك» (شاعىن كورىنىس - باس شۋجي شي جينپيڭنىڭ ەكى ماجىلىستە ۇيىرمە، گرۋپپالاردىڭ تالقىسىنا قاتىناسۋىنان - ەكى ماجىلىسكە ناق مايداندا نازار)
«حالىق گازەتىنىڭ» ءتىلشىسى دۋ شاڭزى
2021.03.07 17:03 كەلۋ قاينارى : حالىق تورابى
«حالىق گازەتى» (2021 - جىلى 3 - ايدىڭ 7 - كۇنى، 1 - بەت)
ۋاقىتى: 3 - ايدىڭ 6 - كۇنى تۇستەن كەيىن
كۇن ءتارتىبى: باس شۋجي شي جينپيڭ مەملەكەتتىك ساياسي كەڭەستىڭ ماجىلىسىنە قاتىناسقان ەمدەۋ، ءدارى - دارمەك، دەنساۋلىق ساقتاۋ سالاسىنداعى، وقۋ - اعارتۋ سالاسىنداعى مۇشەلەرگە امانداسا باردى
«مەكتەپ سىرتىندا كۋرس جارنامالارى قاپتاپ كەتتى، بۇقارانىڭ كۋرس اشۋ، ساباق تانىستىرۋ بويىنشا جىلتىراق ونىمدەر جاعىنداعى الاڭداۋشىلىعى كۇشەيدى»؛ «وقۋشىلاردىڭ توراپ ويىنىنا قۇمارتۋى قوعامنىڭ نازارىن اۋداردى» ...
باستاۋىش مەكتەپتە وقىتۋشىلىقپەن ۇزاق جىل شۇعىلدانعان ساياسي كەڭەس مۇشەسى ۋاڭ حۋان قازىرگى وقۋ - اعارتۋ ماسەلەسىندەگى ويلارىن بۇكپەسىز ورتاعا سالدى.
باس شۋجي شي جينپيڭ ىقىلاس قويا تىڭدادى. ول وسى مۇشە سويلەپ بولعاننان كەيىن تەرەڭ تولعانىسپەن بىلاي دەدى:
«كۋرس بىلىقپالىعىن جونگە سالىنۋى قيىن ەسكىلىكتى دەرت دەۋگە بولادى. اتا - انالار ءبىر جاعىنان بالانىڭ ساۋ دەنەلى بولۋىن، بالالىق شاعىنىڭ باقىتتى ءوتۋىن ءۇمىت ەتەدى؛ ەندى ءبىر جاعىنان، بالانىڭ ءنومىر باسەكەسىندە ارتتا قالۋىنان الاڭدايدى. باسقا بالالار سونشاما كوپ ۇيرەنەدى، ءبىز ۇيرەنبەسەك بولا ما؟ سونىمەن تالاسا - تارماسا ۇيرەنۋ ءجايتى جارىققا شىعادى، بۇل ماسەلەنى جالعاستىرا شەشۋ كەرەك».
«اتا - انانىڭ ۋايىمىنىڭ» استارىندا «نومىرگە جابىسىپ الۋ ايتىلىمى» دەيتىن قولباسشىلىق تاياقشاسى جاتىر. باس شۋجي قۇبىلىستىڭ ءمانىن توتەسىنەن اشىپ بىلاي دەدى:
«وقۋ - اعارتۋدا، مەيلى مەكتەپ تاربيەسىندە بولسىن، الدە وتباسى تاربيەسىندە بولسىن، نومىرگە قالىپتان تىس ۇرىنۋعا بولمايدى. ءنومىر − ءبىر مەزەتتىك تابىس، ۇيرەنۋگە ومىرلىك ءوسىپ - جەتىلۋ نىساناسى بويىنشا نازار سالۋ كەرەك. ەگەر ەڭ سوڭىندا اقاۋسىز پىسىپ - جەتىلگەن كىسىلىك قاسيەت قالىپتاسپاسا، وندا ول تولىمسىز بولادى. قازىرگى بالالاردىڭ پسيحولوگيالىق ماسەلەسى ءبىرشاما كوپ، ءتىپتى كەيبىر كىشكەنتاي بالالاردىڭ دا پسيحولوگيالىق ماسەلەسى تولىپ جاتىر».
جاستىق جانە وسپىرىمدىك كەزەڭ − ادام ءومىرىنىڭ قالىپتاسۋ مەزگىلى. بۇگىنگى كۇندە ولار «سيفرلاندىرۋ، توراپتاندىرۋ، زەردەلىلەندىرۋ ىشكەرىلەي دامىعان» داۋىردە تۇر، بۇلتتىق ساباقحانا وقۋ - اعارتۋ داۋالىن بۇزدى، ءبىراق ءوسىپ - جەتىلۋ بارىسىندا ۋايىمعا سالاتىن ىستەرگە نەمقۇرايدى قاراۋعا دا بولمايدى.
باس شۋجي شي جينپيڭ بىلاي دەدى: «توراپتا ادامدى باۋراپ الاتىن ويىن ماسەلەسى عانا ورىن تەۋىپ وتىرعان جوق، وندا تاعى كوپتەگەن جامان - جۇتىق نارسەلەر بار، ازامات جاسىنا تولماعاندار پسيحيكالىق جاقتان پىسىپ - جەتىلمەگەندىكتەن، ناشار ىقپالعا وڭاي ۇشىرايدى. بۇل ماسەلەلەر قوعامدىق سيپات الاتىن ماسەلەلەرگە جاتادى، ول قوعامداعى ءار جاقتىڭ، قاتىستى تاراۋلاردىڭ بىرگە قۇلشىنىپ، اقىلداسىپ شەشۋىن قاجەت ەتەدى».
«دارىندىلاردى تاربيەلەۋ مەملەكەت ءۇشىن نەگىز قالايدى». جاڭا جۇڭگو قۇرىلعاننان قازىرگە دەيىن بوران - شاشىندى باستان وتكەرگەن جۇڭگونىڭ وقۋ - اعارتۋ ىستەرى بايتاق دالاعا تامىر تارتىپ، ۇلتتىڭ گۇلدەنۋىن جۇزەگە اسىرىپ، دۇنيەنى جالت قاراتتى، ۇلەسى زور بولدى.
ءار ءىستىڭ ارتىق جاعى دا، جەتەرسىز جاعى دا بولادى. باس شۋجي شي جينپيڭ قوعام كوڭىل ءبولىپ وتىرعان «وقۋ - اعارتۋداعى ادىلدىك» جونىندە بىلاي دەدى:
«وقۋ - اعارتۋداعى ادىلدىك ماسەلەسىن شەشۋ وپ - وڭاي ورىندالا قويمايدى، بەيجيڭنىڭ ءوزىن الىپ ايتساق، مۇندا دا وسى ماسەلە وتە كورنەكتى. سوندىقتان مەكتەپكە جاقىن ۇيلەردىڭ باعاسى وتە قىمبات، بارلىق ادامنىڭ جاقسى مەكتەپتىڭ توڭىرەگىنە بارىپ وتىرعىسى كەلەدى».
«وقۋ - اعارتۋدىڭ بىركەلكى، تولىق بولماۋى ماسەلەسى وڭىرلىك دامۋدىڭ بىركەلكى، تولىق بولماۋىمەن تىعىز بايلانىستى. ءبىز ورتا، باتىس بولەكتەردىڭ وقۋ - اعارتۋ دەڭگەيىن جوعارىلاتۋ ارقىلى ورتا، باتىس بولەكتەردىڭ ەكونوميكالىق، قوعامدىق دامۋىن جەبەۋىمىز، وقۋ - اعارتۋدىڭ بىركەلكىسىزدىگىن شەشۋ ارقىلى باسقا جاقتارداعى بىركەلكىسىزدىكتى شەشۋىمىز كەرەك».
ءبىر سۇيەم بور، ءۇش قادام مىنبە مەملەكەتتىڭ تاعدىرىنا سايادى. باس شۋجي شي جينپيڭ نىقتاپ وتىرىپ بىلاي دەدى:
«وقۋ – اعارتۋداعى وسى ماسەلەلەرگە بارلىعىمىز كوڭىل ءبولۋىمىز كەرەك». «بۇقارانىڭ اڭىسى كۇشتى بولعان كورنەكتى ماسەلەلەرگە، وقۋ - اعارتۋدى جەلەۋ ەتىپ بۇقارانىڭ مۇددەسىنە زيان جەتكىزەتىن ارەكەتتەرگە قاداعالاي نازار اۋدارىپ، باتىلدىقپەن تۇبەگەيلى تۇزەتۋىمىز كەرەك».
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
