قاعاز اقشا جوعالا ما؟ — قازىنا – ەكونوميكا مامانى سيفرلى اقشانىڭ تۇرمىسىمىزعا قالاي قادام تاستايتىنىن ەگجەي – تەگجەيلى ءتۇسىندىردى
2021.03.22 15:21 كەلۋ قاينارى : حالىق تورابى
شينحۋا اگەنتتىگىنىڭ ءتىلشىسى ليۋ شياسۇن 3 – ايدىڭ 21 – كۇنى حابارلايدى. ءبىر ءتۇرلى «جاڭا» اقشا بىزگە تاياپ كەلەدى — جۋىردا جاريالانعان «14 – بەسجىلدىق» جوبا باعدارلاماسىندا سيفرلى اقشانى زەرتتەۋدى ورنىقتى ىلگەرىلەتۋ ورتاعا قويىلعان.
سيفرلى اقشا قاعاز اقشانىڭ ورنىن باسا ما؟ ەلىمىزدىڭ سيفرلى اقشاسىنىڭ بولاشاعى قانداي؟ ءبىزدىڭ تۇرمىسىمىزعا قانداي قولايلىلىق جەتكىزەدى؟ جۇرت كوڭىل ءبولىپ وتىرعان وسى ماسەلەلەر جونىندە قازىر وتكىزىلىپ جاتقان دامۋ جونىندەگى جۇڭگو جوعارى دارەجەلىلەر تالقى مىنبەرى 2021 – جىلعى جىلدىق ەكونوميكا ماجىلىسىندە، ەل ءىشى – سىرتىنداعى قازىنا – ەكونوميكا ماماندارى ەگجەي – تەگجەيلى تۇسىنىك بەردى.
ءبىرىنشى تۇسىنىكتەمە: سيفرلى حالىق اقشاسىن تۇيىندە سىناق ەتۋ قىزمەتى ورنىقتى ىلگەرىلەتىلۋدە
شىنجىن، سۋجوۋ، بەيجيڭ قاتارلى جەرلەردە، جۋىردا كوپتەگەن قالا تۇرعىندارى «سيفرلى حالىق اقشاسى شاشۋىن» الدى، سيفرلى حالىق اقشاسى جۇرتتىڭ نازارىنا ىلىنە باستادى.
«قازىرگى تاڭدا، سيفرلى حالىق اقشاسىن تۇيىندە سىناق ەتۋ قىزمەتى ورنىقتى ىلگەرىلەتىلۋدە»، — دەدى جۇڭگو حالىق بانكەسى سيفرلى اقشانى زەرتتەۋ باسقارماسىنىڭ باستىعى مۋ چاڭچۇن ەكونوميكا جونىندەگى باسشىلار ماجىلىسىندە.
سيفرلى حالىق اقشاشى دەگەنىمىز حالىق بانكەسى تاراتقان سيفرلى فورماداعى زاڭدا بەلگىلەنگەن اقشا، قاعاز اقشامەن، تەڭگە اقشامەن قۇنى تەڭ.
ينتەرنەت ارقىلى ەكونوميكا سالاسىنداعى باسشىلار ماجىلىسىنە قاتىناسقان ا ق ش ستانفورد داشۋەسىنىڭ پروفەسسورى، نوبەل ەكونوميكا سيلىعىنىڭ يەگەرى مايرون سكولەس: «60 تان استام مەملەكەت ءوز ەلىنىڭ سيفرلى اقشاسىن سىناق ەتىپ جاتىر، دەگەنمەن، جۇڭگونىڭ سيفرلى اقشا ارقىلى ەلەكتروندى تۇردە تولەۋدى ورىنداۋ جوسپارى ورتالىق بانكەلەردىڭ سيفرلى اقشا جوسپارىنىڭ ىشىندەگى ەڭ وزىق جوسپار»، — دەدى.
«جۇڭگو قازىر دۇنيە ءجۇزى بويىنشا سيفرلى اقشانى دامىتۋدا كوشباسشى ورىندا تۇر، سىزدەردىڭ ءساتتى تۇردە تۇيىندە سىناق ەتكەندەرىڭىز جانە سەلبەسەتىن، اشىق فورمالارىڭىز سيفرلى اقشانىڭ شەكسىز مۇمكىندىكتەرىن تولىق ايگىلەدى، وتە – موتە، فينانستىڭ جالپىعا تيىمدى بولۋىنا بەلسەندى ىقپال جاسايدى»، — دەدى پەيپال سەرىكتەستىگىنىڭ باس ديرەكتورى جانە باس اتقارۋشىسى دانيەل شۇلمان.
ەكىنشى تۇسىنىكتەمە: پايدالانۋشىلاردىڭ قۇپيالىعىن قورعاۋ جاعىندا، قازىرگى تولەۋ قۇرالدارىنىڭ ىشىندە سيفرلى حالىق اقشاسىنىڭ دارەجەسى ەڭ جوعارى
سيفرلى حالىق اقشاسى جونىندە، كەيبىرەۋلەر ورتالىق بانكەنىڭ پايدالانۋشىلاردىڭ ساۋدا – ساتتىق ينفورماتسيالارىن يەلەۋىنەن، پايدالانۋشىلاردىڭ قۇپيالىقتارىنا قول سۇعۋىنان الاڭدايدى، تاعى بىرەۋلەر اتى – ءجونىن جاسىرۋعا بولاتىن ەرەكشەلىگى سيفرلى حالىق اقشاسىن قىلمىس وتكىزۋ قۇرالىنا اينالدىرۋىنان الاڭدايدى.
ەندەشە، مۇنىڭ ءمان – جايى قالاي؟
«پايدالانۋشىلاردىڭ قۇپيالىعىن قورعاۋ جاعىندا، قازىرگى تولەۋ قۇرالدارىنىڭ ىشىندە سيفرلى حالىق اقشاسىنىڭ دارەجەسى ەڭ جوعارى» — دەيدى مۋ چاڭچۇن، قازىرگى تولەۋ قۇرالدارىنىڭ ىشىندە، مەيلى، بانكە كارتۋچكاسى بولسىن، الدە، ۋيچات، جىفۋباۋ بولسىن، بارلىعى دا بانكە ەسەپ ءنومىرى جۇيەسىنە بايلانعان، بانكە ەسەپ ءنومىرى شىنايى اتى – ءجونى بويىنشا اشىلادى، اتى – ءجونىن جاسىرۋ تالابىن قاناعاتتاندىرا المايدى. «سيفرلى حالىق اقشاسى مەن بانكە ەسەپ ءنومىرى ەركىن بايلانىستىرىلادى، تەحنيكالىق جاقتا شاعىن سوماداعى قاراجاتتى جوتكەگەندە اتى – ءجونىن جاسىرۋعا بولادى».
سونىمەن بىرگە، ول مىنانى ءبىلدىردى: «اتى – ءجونىن جاسىرۋدى تەجەۋگە بولاتىن ەرەكشەلىگى» سيفرلى حالىق اقشاسىنىڭ ماڭىزدى ەرەكشەلىكتەرىنىڭ ءبىرى، ءبىر جاعىنان ايتقاندا، جۇرتتىڭ ۇيلەسىمدى تۇردە اتى – ءجونىن جاسىرىپ ساۋدالاسۋ جانە جەكەلىك ينفورماتسياسىن قورعاۋ قاجەتىن قامتاماسىزداندىرادى، ەندى ءبىر جاعىنان، اقشا جاڭعىرتپالاۋ، لاڭكەستىككە اقشا توپتاۋ، باجىدان جالتارۋ قاتارلى زاڭعا قايشى قىلمىستىق ارەكەتتەردەن ساقتانىپ، مۇنداي ارەكەتتەرگە سوققى بەرىپ، فينانس حاۋىپسىزدىگىن قورعاۋدىڭ وبيەكتيۆ تالابى.
«سيفرلى حالىق اقشاسىنىڭ اتى – ءجونىن جاسىرۋعا بولاتىن سوما مولشەرى وتە جوعارى بولسا، قىلمىستىق ەلەمەنتتەردىڭ ودان پايدالانىپ كەتۋى، سارى باسىلىم، قۇمار، ەسىرتكى قاتارلىلارعا ساياتىن زاڭعا قايشى ساۋدا – ساتتىقتىڭ قۇرالىنا اينالىپ قالۋى مۇمكىن. سيفرلى حالىق اقشاسى ‹سوماسى شاعىن بولسا اتى – ءجونىن جاسىرۋعا بولاتىن، سوماسى قوماقتى بولسا اتى – ءجونىن انىقتاۋعا بولاتىن› ەتىپ جوبالانعان، مۇندا جۇرتشىلىقتىڭ الاڭسىز بولۋى ويلاستىرىلعان، ەگەر سيفرلى حالىق اقشاسىنان پايدالانىپ تەلەگراف الدامكوستىگىمەن شۇعىلداناتىندارعا الدانىپ قالسا، جۇرتشىلىقتىڭ اقشاسىن دەر كەزىندە قايتارىپ الىپ بەرۋگە كومەگىن تيگىزەدى»، — دەيدى مۋ چاڭچۇن.
ءۇشىنشى تۇسىنىكتەمە: حالىق بانكەسىنىڭ سيفرلى حالىق اقشاسى دۇنيە جۇزىلىك قۇبىلىسقا اينالۋى مۇمكىن
قارتتاردىڭ تەلەگراف الدامكوستىگىنە الدانىپ قالىپ، زيانعا ۇشىراۋىنىڭ ىقتيمالدىعىن ازايتۋدان سىرت، سيفرلى حالىق اقشاسى ءبىزدىڭ تۇرمىسىمىزعا قانداي وزگەرىستەر جەتكىزەدى دەپ سۇراۋىڭىز مۇمكىن.
مايرون سكولەس بىلاي دەپ قارايدى: سيفرلى حالىق اقشاسى حالىق اقشاسىنىڭ حالىقاراداعى باۋراعىشتىعىن ارتتىرىپ، شەكارا اتتاعان ەسەپ جابۋدىڭ ونىمدىلىگىن جوعارىلاتادى. سونىمەن بىرگە، فينانس پەن ساۋدا سالاسىنداعى جاڭالىق اشۋدى جەدەلدەتەدى، سوندىقتان، سيفرلى اقشا الدا بارلىق فينانستىق ساۋدا – ساتتىق بارىسىندا، ساۋدا – ساتتىق قارقىنىن جەدەلدەتەدى، دارالانعان شەشىم ەتۋ جوباسىنىڭ جانە ونىڭ اناعۇرلىم يكەمدى اتقارىلۋىنىڭ مۇمكىندىگى جوعارىلايدى.
«سيفرلى اقشادان پايدالانۋ ەندىگارى ماسەلە بولۋدان قالدى، قايتا ول وراي اكەلەدى، دۇنيە جۇزىندەگى ىندەتكە بايلانىستى تۋىنداعان داعدارىس جەر – جەردەگى تۇتىنۋشىلاردىڭ جاڭا ادەتتەرىن قالىپتاستىردى، جۇرت قازىر قاعاز اقشانى بارعان سايىن از ىستەتەتىن بولدى، كاسىپورىندار دا بۇل جاعىندا سايكەستى جۇمىستار ىستەۋدە»، — دەدى دانيەل شۇلمان، سيفرلى اقشانىڭ دامۋى ەڭ سوڭىندا دۇنيە جۇزىندەگى جۇرتشىلىقتىڭ، وتباسىلاردىڭ جانە كاسىپورىنداردىڭ قازىنالىق اقاۋسىزدىعىن جاقسارتۋعا كومەكتەسەدى.
ا ق ش نيۋ – يورك داشۋەسىنىڭ پروفەسسورى نوۋريەل روۋبيني بىلاي دەپ قارايدى: قازىر جۇڭگو، ەۆروپا قاتارلى جەرلەردە سيفرلى اقشاعا قاراي ءوتۋ ءۇردىسى تۋىنداۋدا، بۇل حالىقارالىق اۋقىم.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
